ترتيب الفيوزات

[matrix012]

السلام عليكم ورحمة الله وبركاته وكل سنه وانتم طيبين
معلش انا بقالى فتره متغيب عن المنتدى بس ده لظروف العمل ووالله ليكو واحشه
المهم علشان مطولش عليكو
انا كنت عاوز ترتيب الفيوزات الى فى الدرج الى تحت الطاره لعبريه ابيزا 94 clx
انا متأكد ان فى لخبطه عندى علشان النور العالى عندى مش عالى قوى والنور العادى سهارى ملوش لازمه
والمروحه بتاعت التبريد برده فيها مشكله
الى عنده ابيزا 94 clx ممكن يصور لوحه الفيوزات ويرفعهالى على المنتدى او يكتبلى الترتيب
وشكرا
وربنا يستر طريقى وطريقكم

[akmm]

متابع ..............

[SYD]

طب مانت عندك الترتيب مكتوب علي غطا علبة الفيوزات

وعموما مشكلتك دي في الكتاوت سواء بتاعة النور او كتاوت المروحة

واكشف علي كابل الأرضي بتاع العربية واتأكد انه متثبت كويس ومتنظف تحته كويس ومفيش املاح او صدأ مكان الأرضي او في الكابل بتاعه في البطارية

تحياتي

[ehab_mansour]

السلام عليكم
الصورة دي فيها طلبك و لكن مشكلتك اللي بتعاني منها مش هنا و لكن بخصوص المروحة فالمشكلة كما قلت لك في الثرموستات و بخصوص النور المشكلة في الفوانيس او الضفيرة و ترتيب الأسلاك لأنها طالما بتنور يبقي دائرتها الكهربية بفيوزها سليمة لكن مين بينور فين هي دي المشكلة

لكن توقعي الاساسي في الفوانيس محتاجه تنظيف و غسيل او تغيير لمبات + تقفيل صح عشان ميدخلهاش اتربه تاني او تغيرها خالص



Uploaded with ImageShack.us

و بالتوفيق يا صديقي

[matrix012]

السلام عليكم
الصورة دي فيها طلبك و لكن مشكلتك اللي بتعاني منها مش هنا و لكن بخصوص المروحة فالمشكلة كما قلت لك في الثرموستات و بخصوص النور المشكلة في الفوانيس او الضفيرة و ترتيب الأسلاك لأنها طالما بتنور يبقي دائرتها الكهربية بفيوزها سليمة لكن مين بينور فين هي دي المشكلة

لكن توقعي الاساسي في الفوانيس محتاجه تنظيف و غسيل او تغيير لمبات + تقفيل صح عشان ميدخلهاش اتربه تاني او تغيرها خالص



uploaded with imageshack.us

و بالتوفيق يا صديقي

انا امبارح شلت كل الفيوزات الى موجوده كنت بدور على واحد او اكتر بايظ والحمد لله كلهم سلام مفيش حاجه بايظه
طبعا كلامك صح يا ايهاب باشا بس انا قولت اجرب
شكرا يا باشا على الايضاح