مشكلة في موتور ابيزا 94 1300 cc .

[sam_eh420]

السلام عليكم ورحمة الله وبركاتة .
السادة الافاضل اعضاء المنتدي الكرام
انا معايا ابيزا 94 ماتور 1300 كاربيراتير عادي . مشكلتي لما باجي ادور الصبح الماتور بيدور بعد حبتين ودة مش عيب مارش يعني لازم ادوس علي المارش شوية لحد لما يدور وبعد لما يدور لازم افضل اديلة امبليهات حوالي دقيقتان وبعدين اسيب رجلي من علي البنزين بس لو مافضلتش دايس علي البنزين يبطل ولما العربية تسخن ممكن ابطل وادور علي طول والصبح بعد لما العربية بتدور بلاقي زي مية سودة علي الارض تحتي الشكمان من ورة هي مش كتيير بس بلاقي المياة دي علي طول . فارجو من اعضاء المنتدي الكرام الافادة .
( علي فكرة العربية انا مشتريها من 6 شهور واول ما جبتها كان فيها جوان وش سلندر والوش نفسة قفع ولما رحت لميانيكي فك وقالي ان الوش مينفعش يتخرط تاني بس خد منة حاجة بسيطة قوي وركب جوان واحد والعربية بصراحة من سعتها مبتسخنش ) .
وشكرا .

[mahmoud ghanem]

بسيطة ان شاء الله ودة طبيعى والعربية باردة علشان الاحتراق مش بيبقى بالقدر المطلوب لحد ما المحرك بيوصل لدرجة حرارة التشغيل ... انت اخر مرة عامل السرفيس امتى ؟؟ ونظفت الكربراتير ؟؟
اعتقد دة تظبيط وتنظيف كاربيراتير + تغير طقم بوجيهات
وشوف باقى اراء الاعضاء

[sam_eh420]

انا عامل سيرفيس من 3 شهور ومغير بوجيهات ngk ومنضف الكاربيراتير من شهر .