الحمدلله وقدر الله ماشاء فعل

[Mody_Benz]

السلام عليكم

فى البداية الحمدلله وقدر الله ماشاء فعل

العربية طبعا سيات كوردوبا 97 \1400 سى سى \هاف انجيكشن

بعد معملت العربية سمكرة ودوكو وحضراتكوا شوفتوها المفاجاة الجميلة اللى اكتشفتها وقولت اكدب نفسى وروحت اتكأدت عند الميكانيكى سبحان الله طلع نفس اللى فى بالى

المكنة بترززع وعايزة شورت بلوك

انا مش بفهم اوى فى العربيات بس على قدى فى حجات معينة و طبعا المكنة احرق عليها او ادوس بنزين عادى واحرق شوية وهيا واقفة الصوت يبان انه صوت ترزيع غريب مكتوم لكن الصوت ده لما حد بيسمعه وانا مثلا بوس بنزين جامد يقولى المكنة جابت اخرها لكن العربية متحرقش عليها العربية ماشية جميلة لحد 160 قولت اسبراتير وبوجيهات واى حاجة من كدة عمرى متخيلت توصل انها توصل لشورت بلوك

طبعا روحت كاعادة للميكانيكى بتاعى قالى ديه عايزة شورت بلوك وبدون ادوات التغذية هيعمل 2500 جنية فى الحدود ديه وهتمشى معاك لحد سنة بس لو مش بتحرق على المكنة جامد

( انا طبعا معرفش اسعار الحجات ديه وقولت اسال كذا واحد فى الحرفيين على الشورت بلوك ده
اللى قالى من 2000 لحد 3000)
وبلاش نعمل عمرة او طقم شمبر لانها بالكتير 6 شهور وهتعمل معاك كدة تانى و طبعا انا سالت ناس اصحابى
-اللى قالى جيب مكنة كلها بالموتور بالفتيس واللى قالى شورت بلوك ومش هتحمل هم تجيب ضفيرة بقه وحجات تانية للعربية انتا فى غنى عنها واراء كتير

لكن طبعا ارائكوا القيمة هيا اللى هتدلنى اعمل اية فى مصير السيارة

ابيعها واحطها مقدم عربية جديدة واقسط واريح نفسى من وجع الدماغ ده ولا ابقى على العربية واطبطب عليها واكمل فى مشوارها لحد متفوق تانى

ارجو المساعدة منكوا لانى مخنوق جدا والحمدلله على كل شئ

ولكم كل التحية والتقدير

اخوكم محمد

[meeg]

قدر الله وماشاء فعل
الحمد لله على كل شئ
انا من رايى صلحها وخليها انت لسه رششها ومروقها هتلاقيه اتحسددت
استنى اما تشوف الناس اللى عندها خبره فى الموضوع هتنصحك بايه
صباحك فل وورد وروق كدا وسيبها لربنا
جمعه مباركه عليك ان شاء الله

[SAMEH_FOUAD]

هقولك على حاجة افضل من دة كلة وامشى معايا بالخطوات :

1- روح عند ميكانيكى وخلية يفتح المكنة من تحت يعنى من غير مايشيل الماتور ولا اى حاجة

2 - هينزل الكارتيرة + والمصفة + الشبكة

3- هيكشف على كل pl ويشوف مين فيهم اللى عامل الصوت دة

4- يفكة ويشوف الكرنك جرالة حاجة ولا لأ , لو لقيت الكرنك سليم ومافيهوش اى حاجة يبقى كدة انت فى السليم هتتكلف سبيكة وتغير زيوت بس
لكن لو لاقدر الله لقيت الكرنك فية مشكلة يبقى ساعتها انصحك بشورت بلوك

5- اهم حاجة فى دة كلة ان يكون عندك واحد كويس يقدر يعمل الشغل لان عايزة واحد فاهم ويكون نظيف

ملحوظة :

اسباب تلف السبيكة الاتى :

1- ضعف فى اداء طلمبة الزيت

2- الزيت وحش وخلى المكنة حرارتها تعلى مع القرص

[Mody_Benz]

هقولك على حاجة افضل من دة كلة وامشى معايا بالخطوات :

1- روح عند ميكانيكى وخلية يفتح المكنة من تحت يعنى من غير مايشيل الماتور ولا اى حاجة

2 - هينزل الكارتيرة + والمصفة + الشبكة

3- هيكشف على كل pl ويشوف مين فيهم اللى عامل الصوت دة

4- يفكة ويشوف الكرنك جرالة حاجة ولا لأ , لو لقيت الكرنك سليم ومافيهوش اى حاجة يبقى كدة انت فى السليم هتتكلف سبيكة وتغير زيوت بس
لكن لو لاقدر الله لقيت الكرنك فية مشكلة يبقى ساعتها انصحك بشورت بلوك

5- اهم حاجة فى دة كلة ان يكون عندك واحد كويس يقدر يعمل الشغل لان عايزة واحد فاهم ويكون نظيف

ملحوظة :

اسباب تلف السبيكة الاتى :

1- ضعف فى اداء طلمبة الزيت

2- الزيت وحش وخلى المكنة حرارتها تعلى مع القرص

شكرا ليك جدا على ارائك القيمة ليا

بس دلوقتى انا عايز اعرف هوا هيعمل ده كله من غير مايشيل الموتور يعنى زى فحص هيعمله والميكانيكى الشاطر موجود لكن السبيكة ديه هتكلف قد اية ولو الكرنك طلع سليم الحجات اللى هركبها هتبقى حل مؤقت لحد ماجيب شورت بلوك ولا هيبقى بعد كدة المكنة اغيرلها طلمبة زيت وترجع تفوق تانى والمصنعية للحاجة ديه ممكن تبقى قد اية عشان يكشف على ده كله

وشكرا ليك

[SAMEH_FOUAD]

شكرا ليك جدا على ارائك القيمة ليا

بس دلوقتى انا عايز اعرف هوا هيعمل ده كله من غير مايشيل الموتور يعنى زى فحص هيعمله والميكانيكى الشاطر موجود لكن السبيكة ديه هتكلف قد اية ولو الكرنك طلع سليم الحجات اللى هركبها هتبقى حل مؤقت لحد ماجيب شورت بلوك ولا هيبقى بعد كدة المكنة اغيرلها طلمبة زيت وترجع تفوق تانى والمصنعية للحاجة ديه ممكن تبقى قد اية عشان يكشف على ده كله

وشكرا ليك

لأ طبعا من غير مايشيل الماتور نهائى كلة اللى هيعملة هيرفع العربية , ويفك كارتيرة الزيت , وينزل مصفاة الزيت , ثم الشبكة , هيلاقى كراسى الكرنك ظاهرة قدامة ودية اللى بتكون فيها السبيكة , هيفكها , ويكشف على الكرنك ويتأكد ان مافيش عالى وواطى او لاسعات نتيجة تلف السبيكة

السبيكة مش عارف بقى والله بتاعة السيات بتتكلف بكام بس بأى حال من الاحوال مش هتزيد على 400 جنية يعنى

لأ طبعا مش حل مؤقت , انت بس لو ركبت صح واتظبت صح , واتلينت العربية بعديها صح عشان بعد تركيب السبيكة لازم ليها تليين لا يقل عن 2500 كم , بدون تعدى عدد لفات المحرك ال3000 لفة , انسى خلاص هتبقى زى الفل

والميكانيكى اقصى مصنعية بياخدها فى الليلة دية 300 جنية

والحاجات المطلوبة لعمل القصة دية :

1- سبيكة اصلى ( Standard ) او اى منتج تانى بس يكون نظيف

2- فلتر زيت + زيت شيل 3000 كم multi مش ال mono

3- تنظيف الكارتيرة + المصفاة كويس جدااااااااااااااااااااااااااا اهم حاجة

4- تغير الزيت والفلتر بعد 500 كم بنوع زيت مناسب للسيارة ( او اللى انت متعود تحطة فى السيارة )

5- عدم القرص على المحرك تماما لمدة 2500 كم

وان شاء الله كل حاجة تبقى تمام

[matrix_it]

انا رائى التغيير بيبقى احسن من التصليح
فا حاول تغير الموتور بالفتيس

[egman]

انا مع التغيير على طول اضمن وانضف واحسن واامن عن تجارب انت هتشيل وتحط وشكرا كل قرفها بس فى المرور يار ب يتصلح حالهم ويتعمل تسقيط المواتير ده اكنه قطعه غيار عادى وخلاص .

[ehab_mansour]

نصيحة من أخوك
لو فتيسك تمام و المحرك ده نفسه زي الفل معاك و كان مريحك كسحب و مشي و تكييف قبل ميحصل فيه كده يبقي خليك ماشي عليها لما تجيب اخرها او يتوفر معاك فلوس و غير شورت بلوك بنفس المحرك و خلي ميكانيكي يفكلك شورت بولك من محرك سليم و عي ضمانته

لكن لو فتيسك بعافيه و المحرك مش عاجبك و عايز تعليه يبقي تسقط موتور كامل بكل مشتملاته و تبقي فله لو لقيت محرك شبه بتاعك 1600 و تغيره من غير تغيير الضفيره و تغير كنترول بس تبقي تمام

[Mody_Benz]

لأ طبعا من غير مايشيل الماتور نهائى كلة اللى هيعملة هيرفع العربية , ويفك كارتيرة الزيت , وينزل مصفاة الزيت , ثم الشبكة , هيلاقى كراسى الكرنك ظاهرة قدامة ودية اللى بتكون فيها السبيكة , هيفكها , ويكشف على الكرنك ويتأكد ان مافيش عالى وواطى او لاسعات نتيجة تلف السبيكة

السبيكة مش عارف بقى والله بتاعة السيات بتتكلف بكام بس بأى حال من الاحوال مش هتزيد على 400 جنية يعنى

لأ طبعا مش حل مؤقت , انت بس لو ركبت صح واتظبت صح , واتلينت العربية بعديها صح عشان بعد تركيب السبيكة لازم ليها تليين لا يقل عن 2500 كم , بدون تعدى عدد لفات المحرك ال3000 لفة , انسى خلاص هتبقى زى الفل

والميكانيكى اقصى مصنعية بياخدها فى الليلة دية 300 جنية

والحاجات المطلوبة لعمل القصة دية :

1- سبيكة اصلى ( standard ) او اى منتج تانى بس يكون نظيف

2- فلتر زيت + زيت شيل 3000 كم multi مش ال mono

3- تنظيف الكارتيرة + المصفاة كويس جدااااااااااااااااااااااااااا اهم حاجة

4- تغير الزيت والفلتر بعد 500 كم بنوع زيت مناسب للسيارة ( او اللى انت متعود تحطة فى السيارة )

5- عدم القرص على المحرك تماما لمدة 2500 كم

وان شاء الله كل حاجة تبقى تمام

شكرا ليك على الافادة الجميلة ديه وانا ان شاء الله قررت اركب شورت بلوك مرة واحدة وخلاص وهانتظر شوية لحد توفر المبلغ المطلوب واتكل على الله

لك كل التحية والتقدير وشكرا

[Mody_Benz]

نصيحة من أخوك
لو فتيسك تمام و المحرك ده نفسه زي الفل معاك و كان مريحك كسحب و مشي و تكييف قبل ميحصل فيه كده يبقي خليك ماشي عليها لما تجيب اخرها او يتوفر معاك فلوس و غير شورت بلوك بنفس المحرك و خلي ميكانيكي يفكلك شورت بولك من محرك سليم و عي ضمانته

لكن لو فتيسك بعافيه و المحرك مش عاجبك و عايز تعليه يبقي تسقط موتور كامل بكل مشتملاته و تبقي فله لو لقيت محرك شبه بتاعك 1600 و تغيره من غير تغيير الضفيره و تغير كنترول بس تبقي تمام

حاسس بيا والله العظيم واخدت الكلام من جوايا ربنا يخليك يا هندسة وعلى معلوماتك الجميلة اللى بتعلم منها

هوا بخصوص الفتيس بتاعى هوا كويس ماشتكتش منه الحمدلله وانا ان شاء الله نويت اركب شورت بلوك وهاسيبها كدة شوية
امشى بيها زى مقولت لحد مالاقى معايا كدة مبلغ اجيبه والواحد داخل على خطوبة وحجات كتيرة مش عارف يلاحق من هنا ولا هنا

والشورت بلوك ده فى حدود كام كدة بالمصنعية بالحجات ديه كلها (يارب المبلغ مايطلع كبير )

وشكرا ليك جدا

[hossamalsadik]

هوا التغير طبعا ً أريح
الشرت بلوك تكلفه فى حدود كله 3000 تقريبا وأسأل ملك الجلف كده