تغيير جوان وش السلندر للأبيزا 98 محرك 1.0

[zokazok]

الساده المحترمين خبراء الإبيزا فى الوطن العربى كله
تحيه طيبه لمجهوداتكم العظيمه فى هذا المنتدى العظيم
طبتـــــــــــــــــــم و طـــــــــــــــــاب منتداكـــــــــــــــــــــــــم
أنا أخوكم محمد و كنت حابب أخد رأيكم فى المشكله اللى بتخصنى و إن شاء الله هلاقى الحل من خبراء و مهندسين السيات الإبيزا
انا إشتريت إبيزا 98 من حواى 7 شهور و على كلام الساده الميكانيكى و السمكرى العربيه زى الفل فابريكه جوا و برا رفرف واحد بس هو اللى مرشوش و الماتور بيعرق و صوته جامد ما شاء الله
الماتور 1000 سى سى و بعد حوالى 3 شهور العربيه جابت معايا جوان وش سلندر و روحت لميكانيكى قالولى إنه شاطر و مش بيشتغل غير فى العربيات الحديثه فك الوش و قالى روح إمسحه و هات لى الجوان و بالفعل روحت مسحت الوش فى مخرطه هو قالى عليها و روحت أجيب الجوان من عند مكاوى فى المنصوره شاف الجوان القديم قالى ده مش الجوان الأصلى العربيه دى كانت جايبه جوان قبل كدا و كدا مش هاينفع الجوان الاصلى لازم تجيب واحد عموله و فعلا جيبت واحد عموله و ركب الجوان و العبيه مشيت تقريبا 3 شهور زى الفل و قدر الله و ما شاء فعل العربيه جابت جوان تانى مع العلم إن العربيه ماسخنتش و لا زودت مياه و هى سخنه بالعكس العربيه كانت واقفه أكتر من أسبوع المهم كلمت الميكانيكى قالى هاتها أشوفها روحت له قالى انا مش هاقدر أحكم لازم أغير الزيت و أشوف و فعلا غير الزيت بشل أحادى 1000 و فعلا مشيت 4 أيام و العربيه كويسه جات بعد كدا لون الزيت إتغير لون طحينه كلمته قالى هاتها و عمل جوان جديدو جه يركب شجرة المياه أخر ماسوره اللى بتركب فى الفتحه اللى تحت سير الكاتينه مش عايزه تركب كويس يمين شمال بتجيب مياه و فى الأخر قالى هات واحده جديده روحت جبت له واحده جديده و برضك كل ما يركبها تجيب مياه حط سيلكون و غير أستك و لا نافع حاجه المهم عمل زى تخشينه جلد و لازقها بسمغ و حشرها فى الفتحه و تمام مافيشمياه بتنقط و قالى كدا خلاص يا برنس العربيه تمام أخدت العربيه و روحت و جيت تانى يوم مسافر شوفت المياه فى الإربه لاقتها ناقصها بس فيه مياه موجوده بس قليله جدا المهم زودت المياه و مشيت بعد حوالى 10 ك لاقيت العربيه الحراره بتعلى و قفت العربيه و كلمته قالى هاتها و على ماروحت له وقفت أكتر من 10 مرات عشان أزود مياه و فى الأخر العربيه جابت جوان للمره ؟؟؟؟ قالى سيبها لى أشتغل فيها براحتى و بعد كام يوم أخدتها منه و العربيه دلوقت كويسها بس ده اللى حصل معايا
عايز رأيكم فى اللى حصل ده كله
هل ده عيب عربيه و لا عيب ميكانيكى و لا عيب جوان زى ما الميكانيكى قالى
بفكر أبيع العربيه و كرهتها بعد ماكنت حاببها بس قولت أخد رأى إخواتى الإبيزاويه خبراء ومهندسين الإبيزا
حاجه تانيه بعد إذنكم أنا غيرت ترس المارش و الكهربائى شال كابلات البطاريه و شال المارش و غير الترس بس جيت بعد كدا لاقيت حاجات مش مضبوطه فى العربيه نور الصالون مش بقا ينور و بيعلق ممكن ينور و ممكن لأ و الساعه و عداد الكيلومترات بقا يصفر مع قفل الكونتاكت و يشتغلوا مع التشغيل و المرايات بقوا يعلقوا هما كمان واحده تشتغل و التنيه ل و العكس و ممكن الأتنين يشتغلوا
أفيدونى أفادكم الله أنا فكرت إنه يكون فيوزات بس ماحبتش ألعب فيها و قولت أخد رأى إخوات الكبار فى هذه المواضيع
أسف جدا على الإطاله و ربنا مايحرمنا منكم و لا من خبرتكم و لا مشوراتكم و لكم جزيل الشكر

[agaty1st]

سوري يا باشا مقريتش كل الكلام قريت لحد ما قالك روح أمسح الوش عند الخراط و ستوووووووووووب
الميكانيكي ده كمين و ياريت تبلغ عنه
مسح الوش - تركيب 2 جوان كل الكلام ده عباسي حماري بساتيني

[sala7]

الساده المحترمين خبراء الإبيزا فى الوطن العربى كله
تحيه طيبه لمجهوداتكم العظيمه فى هذا المنتدى العظيم
طبتـــــــــــــــــــم و طـــــــــــــــــاب منتداكـــــــــــــــــــــــــم
أنا أخوكم محمد و كنت حابب أخد رأيكم فى المشكله اللى بتخصنى و إن شاء الله هلاقى الحل من خبراء و مهندسين السيات الإبيزا
انا إشتريت إبيزا 98 من حواى 7 شهور و على كلام الساده الميكانيكى و السمكرى العربيه زى الفل فابريكه جوا و برا رفرف واحد بس هو اللى مرشوش و الماتور بيعرق و صوته جامد ما شاء الله
الماتور 1000 سى سى و بعد حوالى 3 شهور العربيه جابت معايا جوان وش سلندر و روحت لميكانيكى قالولى إنه شاطر و مش بيشتغل غير فى العربيات الحديثه فك الوش و قالى روح إمسحه و هات لى الجوان و بالفعل روحت مسحت الوش فى مخرطه هو قالى عليها و روحت أجيب الجوان من عند مكاوى فى المنصوره شاف الجوان القديم قالى ده مش الجوان الأصلى العربيه دى كانت جايبه جوان قبل كدا و كدا مش هاينفع الجوان الاصلى لازم تجيب واحد عموله و فعلا جيبت واحد عموله و ركب الجوان و العبيه مشيت تقريبا 3 شهور زى الفل و قدر الله و ما شاء فعل العربيه جابت جوان تانى مع العلم إن العربيه ماسخنتش و لا زودت مياه و هى سخنه بالعكس العربيه كانت واقفه أكتر من أسبوع المهم كلمت الميكانيكى قالى هاتها أشوفها روحت له قالى انا مش هاقدر أحكم لازم أغير الزيت و أشوف و فعلا غير الزيت بشل أحادى 1000 و فعلا مشيت 4 أيام و العربيه كويسه جات بعد كدا لون الزيت إتغير لون طحينه كلمته قالى هاتها و عمل جوان جديدو جه يركب شجرة المياه أخر ماسوره اللى بتركب فى الفتحه اللى تحت سير الكاتينه مش عايزه تركب كويس يمين شمال بتجيب مياه و فى الأخر قالى هات واحده جديده روحت جبت له واحده جديده و برضك كل ما يركبها تجيب مياه حط سيلكون و غير أستك و لا نافع حاجه المهم عمل زى تخشينه جلد و لازقها بسمغ و حشرها فى الفتحه و تمام مافيشمياه بتنقط و قالى كدا خلاص يا برنس العربيه تمام أخدت العربيه و روحت و جيت تانى يوم مسافر شوفت المياه فى الإربه لاقتها ناقصها بس فيه مياه موجوده بس قليله جدا المهم زودت المياه و مشيت بعد حوالى 10 ك لاقيت العربيه الحراره بتعلى و قفت العربيه و كلمته قالى هاتها و على ماروحت له وقفت أكتر من 10 مرات عشان أزود مياه و فى الأخر العربيه جابت جوان للمره ؟؟؟؟ قالى سيبها لى أشتغل فيها براحتى و بعد كام يوم أخدتها منه و العربيه دلوقت كويسها بس ده اللى حصل معايا
عايز رأيكم فى اللى حصل ده كله
هل ده عيب عربيه و لا عيب ميكانيكى و لا عيب جوان زى ما الميكانيكى قالى
بفكر أبيع العربيه و كرهتها بعد ماكنت حاببها بس قولت أخد رأى إخواتى الإبيزاويه خبراء ومهندسين الإبيزا
حاجه تانيه بعد إذنكم أنا غيرت ترس المارش و الكهربائى شال كابلات البطاريه و شال المارش و غير الترس بس جيت بعد كدا لاقيت حاجات مش مضبوطه فى العربيه نور الصالون مش بقا ينور و بيعلق ممكن ينور و ممكن لأ و الساعه و عداد الكيلومترات بقا يصفر مع قفل الكونتاكت و يشتغلوا مع التشغيل و المرايات بقوا يعلقوا هما كمان واحده تشتغل و التنيه ل و العكس و ممكن الأتنين يشتغلوا
أفيدونى أفادكم الله أنا فكرت إنه يكون فيوزات بس ماحبتش ألعب فيها و قولت أخد رأى إخوات الكبار فى هذه المواضيع
أسف جدا على الإطاله و ربنا مايحرمنا منكم و لا من خبرتكم و لا مشوراتكم و لكم جزيل الشكر

اولاً قدر الله و مشاء فعل .. بيحصل مع ناس تانية اكتر من كده بكتير
ثانياً و الاهم .....
حضرتك مش ملاحظ ان مشكلة الجوان دي حصلت اكتر من مرة و رحت تصلحا .. مجاش في بالك تسألك على حد فنان سيات ؟؟ على العموم انا مش بأنبك .. قدر الله و ما شاء فعل بس انا مستغرب ان حضرتك كنت مصمم في الكام مره تروح لنفس الشخص !!!!

مشكلة ويش السلندر لو ما اتحلتش صح .. انسى الموتور خلاص هيفضل طول عمرك تغير جونات و تمسح ...
كان من اول خالص او ما عرفت ان العربية كانت مغيرة جوان تروح تجيب نص بلوك استيراد و تريح بالك

الماكينة دي اتلعب فيها البخت قبل ما تجيلك ... حضرتك رحت تجيب شجرة مية جديدة مش عاوزه تركب ؟؟؟؟؟؟!!! ده ايه ده يعني ؟؟؟ ده لغز يعني ولا تهريج ؟؟؟؟

من الاخر كده حضرتك لو مصمم على العربية دي هتاخدها كدا زي ماهي بالعيوب اللي فيها و هتوديها عن ميكانيكي اراري سيات و بعد ما يخلصلك ميكانيكا تيجي توديها عن كهربائي متخصص سيات
ان شاء الله اخواننا هنا في المنتدى و على رأسهم م/ محمد سيد و م/ ايهاب منصور يدلوك على الناس دي علشان نبتدي نشتغل صح و ترجع العربية زي حتته البقلاوة

لو مش مصمم على العربية دي تبعها و طبعا لما تيجي تبيعها على حالتها لو حضرتك ما صلحتش لازم تعرف اللي هيشتريها هي فيها ايه بالظبط (للامانه) يمكن اللي بعهالك مقالك مشاكلها آآه ... لكن تذكر ان كله سلف و دين ززي ما هو بعهالك كدا و هو اعلم بحالتها يبقا ثق تمام انه هيحصلة نفس اللي حصلك منه و نفس اللي حضرتك حسه بالظبط .


حضرتك شوف مصاريف تصلحها كام لو مش كتيرة يبقا صلح و اتوكل على الله عند المختصين ، لكن لو هيبقا مكلف عليك يبقا بعها مع خصم مصاريف التصليح من تمنها الاصلي اللي حضرتك دفعته في شرائها
ربنا يعوضك خيرا منها ان شاء الله
و نصيحه لحضرتك و انا نصحت النصيحة دي لناس كتيييييره و هنا في المنتدى على وجه الخصوص
احنا دلوقتي في 2013 و عربيتك موديل 1998 يعني العربية دي مشيت 14 سنة يعني لما اجي اشتري عربية على الاقل ما يعديش على عمرها 8 سنين حتى لو طلع فيها مشكله هصلح و انا حامل هم .. هقول بيني و بين نفسي العربية لسه جديدة

انا مش عارف الناس ليه ماسكه في الابيزا من 94 الى 98 ؟؟؟؟؟
ايه يا جدعان ؟؟ عربية المحياه ؟؟؟
محدش يقولي على قد ادينا ياعم هو انت بتدفعلنا من جيبك ؟؟؟
هرد عليه و اقوله خلاص بعد اذنك ما تجيش تشتكي من مشاكلها في المنتدى روح اشتكي للميكانيكي احسن لك

ربنا يفوق حضرك في تصلحها و ان شاء الله عربيتك ترجع تمام

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟ متابع .

[abo_saad]

بص يافندم انا قريت الوضع كلو وما تقلقشى انا من رأئي تخلى الابيزا عربية جميلة وزى الفل بس من واقع خبرتى وقرايتى فى الموضوع وبالاخص انا من المنصورة زيك وعارف قطع غيارها هنا عامله ازاى انا اشتريت عربية من صمصار المهم دبتها كنت بحسبها ضاربة جوان فا نزلت فى سعرها وقلت هعلمها الجوان وعارف انو هيضرب تانى بس قلت اعملها امشى 6 شهور ولا سبعه وبعدين اجيب لها مكنة 1400 سى سى المهم جبتها حليت المكنة علشان اعمل الجوان لقيت البلوك اللى تحت متاكل طبعا كدا المكنة باظت قالى علشان تصلح هتكلف 1200 جنيه وهيا اصلا المكنة بى 2500 بفتيسها بكنترولها بالضفيرة وقالى انو لو صلحها هتعد بس 6 شهور طبعا اختها من قاصرها وقلت ليه بس عندك بقى وقمت نازل القاهرة زى الشاطر عند مهندس احمد فتحى وشحنتلو العربية على ونش واتفقت معاه على 3000 جنيه للمكنة بالتركيب و100 جنيه زيت وفلتر والحمد لله نصيبى جه فى مكنة زى الفل بس علشان اشترى دماغى من الميكانيكية ولما وريت المكنة لميكانيكى اتبسط منها جدا وقالى المكنة دى 95 % ماشاء الله وبالنسبة للكهربا دى سهلة ما تقلقشى منها ممكن تلاقيها حاجه بسيطة فيوزات شاطت مثلا بس اهو حاجه انسى مكنتك مهما تصلح فيها هترجع تانى الميكانيكية فى المنصورة مالهمشى فى ابيزا حتى مكااااااااوى بس لو تسمع رأيى الابيزا احلا من الدايو والاكسنت وكل العك اللى فى الفئة السعرية القريبة منها غير انها صالونها كويس الى حد ما ولما تكون سليمه ادائها بيكون كويس جدا ولو احتاجت حاجه كلمنى على موبايلى وانا اقولك انا عملت ايه بظبط 01003860515

[mahmoud ghanem]

بص يافندم انا قريت الوضع كلو وما تقلقشى انا من رأئي تخلى الابيزا عربية جميلة وزى الفل بس من واقع خبرتى وقرايتى فى الموضوع وبالاخص انا من المنصورة زيك وعارف قطع غيارها هنا عامله ازاى انا اشتريت عربية من صمصار المهم دبتها كنت بحسبها ضاربة جوان فا نزلت فى سعرها وقلت هعلمها الجوان وعارف انو هيضرب تانى بس قلت اعملها امشى 6 شهور ولا سبعه وبعدين اجيب لها مكنة 1400 سى سى المهم جبتها حليت المكنة علشان اعمل الجوان لقيت البلوك اللى تحت متاكل طبعا كدا المكنة باظت قالى علشان تصلح هتكلف 1200 جنيه وهيا اصلا المكنة بى 2500 بفتيسها بكنترولها بالضفيرة وقالى انو لو صلحها هتعد بس 6 شهور طبعا اختها من قاصرها وقلت ليه بس عندك بقى وقمت نازل القاهرة زى الشاطر عند مهندس احمد فتحى وشحنتلو العربية على ونش واتفقت معاه على 3000 جنيه للمكنة بالتركيب و100 جنيه زيت وفلتر والحمد لله نصيبى جه فى مكنة زى الفل بس علشان اشترى دماغى من الميكانيكية ..
بس لو تسمع رأيى الابيزا احلا من الدايو والاكسنت وكل العك اللى فى الفئة السعرية القريبة منها غير انها صالونها كويس الى حد ما ولما تكون سليمه ادائها بيكون كويس جدا ولو احتاجت حاجه كلمنى على موبايلى وانا اقولك انا عملت ايه بظبط 01003860515

+1+1+1

[hossamalsadik]

يا أستاذ / صلاح الراجل عاوز مساعده وأرفان وخايف ومش عارف يعمل أيه فى عربيته أنا عارف أن أنتا صح فى كلامك بس الواحد عاوز يركب عربيه على أد دخله هوا بس تلقيه خد :b4_444:هههه
عمتا الميكانيكى ده ضعيف ولو كان جاب معاك من الأخر كنت أرتحت وفهمت . أنا معرفش حد فى المصوره عمتا خليك مع الأخ العضو

[hossamalsadik]

يا أستاذ / صلاح الراجل عاوز مساعده وأرفان وخايف ومش عارف يعمل أيه فى عربيته أنا عارف أن أنتا صح فى كلامك بس الواحد عاوز يركب عربيه على أد دخله هوا بس تلقيه عين:b4_444:ههه

عمتا يا ستاذ زوكازوك
الميكانيكى ده ضعيف ولو كان جاب معاك من الأخر كنت أرتحت وفهمت . وعمتا الواحد بيركب العربيه لأما حسب خبرته أديم فى الركوب يعنى وهيعرف العربيه ديه يدها لمين فنى يصلحها تماما بيركب حسب زوق الفنيين المتوفرين والسوق حوليه

رأى مكنه جديده أن أمكن مع عمل الصيانه الدوريه المعتاده = اركب وأستمتع

[egman]

انا مش عارف الناس ليه ماسكه في الابيزا من 94 الى 98 ؟؟؟؟؟
ايه يا جدعان ؟؟ عربية المحياه ؟؟؟
محدش يقولي على قد ادينا ياعم هو انت بتدفعلنا من جيبك ؟؟؟
هرد عليه و اقوله خلاص بعد اذنك ما تجيش تشتكي من مشاكلها في المنتدى روح اشتكي للميكانيكي احسن لك

انا مش عارف ازاى حضرتك بتقول الكلام ده للراجل بصراحه طيب ولما حضرتك زعلان اوى كده دخلت لية الموضوع وتعبت نفسك ورديت على الراجل والله احنا اسفين اننا تعبناك معانا ، على كده سيادتك مش بترد على اى موضوع عربيته موديلها عدى عليه 8 سنين ، وفعلا على كلام حضرتك هو حضرتك هتفدفعلنا حاجة من جيبك ، بجد حاجة غريبة جدا جدا ، الراجل لما يبقى داخل قرفان انت بتخليه يتجنن بكلامك ده يعنى ما كنتش رديت عليه احسن . ويا ريت تبقى تقولنا الموديل ونوع العربية الى حرتك بتدخل ترد على مواضيعهم ،

كل واحد وعلى قد ظروفه يا استاذ هو انا لما معايا تمن عربية موديلها اعلى هجيب ليه موديل قديم يعنى غاوى وجع قلبك انت ربنا مديك وراكب زيرو او موديل 2008 يا سيدى ، غيرك ظروفه مش كده حضرتك ، وبعدين كلام حضرتك ده يخلى العضو الجديد الى داخل المنتدى يكرهه وما يدخلش تانى ، وانت بكده بتسيء لسمعه المنتدى وطريقة حوار الناس مع بعضها .

[egman]

بخصوص الاخ صاحب الموضوع / تحياتى لحضرتك ومبروك على العربية الف مبروك عليها واهم حاجة فى موضوع شراء الايبيزا انك تجيبها سليمة يعنى الصاج سليم ماتكنش متبهدله ولا ملحومة اما الموتور ولا يهمك منه نهائي كل النص الى قدام فى الحوض ده ولا يهمك منه ابدا ابدا ابدا كله بيتغير بكل حاجتاه وتتقلب مكيفة وباور كمان لو هى مش كده وموتور اعلى من الى عليها بكتير ، يخليك تجنن اى عربية جنب منك وانت بتشد بيها بعد كده حتى لو موديلها اعلى منك بكتيرررر هو فى الاول لازم كده معلش .

الحل يا باشا /

طبعا تغيير الموتور وشراء موتور استيراد مفكوك من نص عربية قدامك يعنى ما تشتريش الموتور من على الارض ولو فيه امكانيه مكن تجيب النص كله انا الموتور ال1400 بالفتيس وادوات التغذية ممكن يعملك من 4000 الى6000 على حسب سعر السوق والمكان وشطاره الراجل الى هيشريه والحاجة الى هتاخدها وممكن اعلى من كده لو هتيجب علبه الباور والتكييف بتعها انامن 3 سنين جبت موتور بالفتيس وادوات التغذية فقط 3500 جنية دلوقتى الاسعار اكيد اعلى شوية .

وما تقلقش من موضوع تسقيط ا لمكنة ده طالما عند ميكانيكي ايبيزا يبقى انسي وريح بالك بتبقى بالنسبه ليهم زي اى قطعه غيار عارف انا لما ملت الموتور ده الميكانيكي اخد فى تركيب الموتور وادارة العربية اقل من ساعتين طالما انه ميكانيكي الايبيزا يبقى اتراح تماما ولا تشغل بالك .


طيب والميكانيكي ده اجيبه منين :

1- بص يا باشا عندك حلين احنا من حسن حظنا وحظنا وحظك انت تحديدا معانا فى القسم المهندس / ايهاب منصور وهو من المنصورة وده احسن شخصية ممكن تقابلها فى حياتك مش فى المنتدى وبس وهو كتير كنت اسمعه انه مش بيعمل شغل العربية غير فى المنصوره هو مقيم فى القاهرة لكن بيعمل الحاجة هناك لانه من هناك وهو الوحيد الى هيقدر يفيدك اذا كان فى حد هناك هيعرف يعمل الموضوع ده ولا لأ ومين ومنين ممكن يشتريلك الموتور .

2- لو حضرت ك تقدر تيجي القاهرة وانا هفضي نفسي لحضرتك تماماً واعرفك على احسن حد بيشتغل فى الايبيزا والجولف ومتخصص فى تسقيط المواتير والتعديل فى العربيات والناس كتير من تجيله من محافظات ابعد منك كمان هو هينزل معاك تجيب الموتور وهيعلمك كل الشغل فى العربية وهتحس انك راكب عربية جديدة هجيبله العربية وتنزلوا فى يوم تجيبوا الموتور او فى نفس يوم مشوار الى هتيجي فيه لو انت جاهز وهتسيبله العربية ممكن 3 ايام بحد اقصي وممكن اقل كمان لو هو الدنيا فاضيه عنده وهتيجي تاخد عربيتك بشكلها الجديد ، وطبعا وانت بتسترى بتاخد بالك من الفاتورة الى بتسلمها تكون مختومة وموقعه من صاحب المكان الى هتجيب منه وتحرر باسمك وهتاخد صورة الافراج الجمركي الى بيتحولك على المرور الى انت عايزة الاصل بتاعه وتروح بعد كدهتسال عن اصل الافراج وهو ده لما بيوصل مرورك ده الى بترخص بيه الموتور .

لو حضرتك تحب عرفنى هنا فى الموضوع وسيبلى موبايلك او ابعلتى على الخاص ونتفق على يوم اقبلك فيه هنا والراجل مكانه مش هيتبعك لانه من على الدائري واكيد حضرتك هتيجي دائري برده .

3- انت مش جاهز دلوقتى وخلاص جيبت اخرك بعد كلام ناس كتير كرهوك فى العربية وده خطا تماما تماما تماما انا كنت زيك كده وناس كتير كانوا كده لحد ما عملوا موضوع التسقيط ده ودلوقتى بيحلفوا بعربيتهم انت مكن تبيعها وتعرف الى هشتريها بالى فيها وناس كتير بتاخد العربةي من غير موتور لانهم خبره الى انا قلتلك عليه ، وده فى حالة لو حضرتك ما فيش امكانيه دلوقتى للموضوع بتاع التسقيط .

ويا باشا ما تزعلش نفسك احنا الى بنجيب الحاجة مش هى الى بتجينا وبكره تغير وتجيب حاجة اعلى من كده .

[hossamalsadik]

الناس بصراحة عملت معاك كل حاجه ومشكور بجد الأخ egman ) أبو باسل وشوف الموضوع ده هيفيدك وادى اللنك

http://www.nilemotors.net/Nile/327074-a-3.html#post3874731863

[zokazok]

السلام عليكم و رحمة الله و بركاته
تحيه طيبه لكم جميعا أعضاء منتدى نايل موتورز
أولا أحب أشكر الإخوه الافاضل على كل الردود القيمه التى إن دلت فإنها تدل على ناس ذو كرم و ذو أخلاق رفيعه
ثانيا أنا ترددت كثيرا فى عمل هذا الموضوع حتى لا أشغل أحدا عن عمله أو يومه و لكن و الله بعد الكام معاناه التى وقعت بها رجعت إليكم و انا على يقين بأن الله لن يتركنى و سايمد لى يد العون و الحمد لله بانى قد وجدت أكثر من أخ و احسست فعلا بأن النصيحه تخرج من قلوبكم صافيه لا تشوبها شائبه
شكرا لكم مره أخرى أحسن أعضاء و أحسن منتدى
ثالثا أنا عملت الجوان للمره الرابعه و الحمد لله و العربيه أفضل حاليا بس أنا كنت عايز أعرف العيب فى إيه بالضبط ؟؟؟؟
هل فى الميكانيكى و لا عيب فى خامة الجوان كما قال لى الميكانيكى و لا فى الماتور
لأن قرات فى كذا موضوع إن العربيه مادام جابت جوان يبقى لازم تغير ماتور أو شورت بلوك زى ما الساده الأفاضل قالوا
و عشان بعد كدا اعمل حسابى إنها ممكن تجيب جوان تانى لا قدر الله
رابعا مشكله الكهرباء اللى مش مضبوطه اللى أنا حكيت فيها دى سببها إيه بالضبط
هى بتعلق مش فاصله خالص و افكر سيادتكم باللى حصل مره أخرى
أنا غيرت ترس المارش فالكهربائى فك كابلات البطاريه و غير الترس و ركب المارش و بعدها لاقيت المشكله دى
المريات الجانبيه واحده تشتغل و التانيه لا أو العكس و الساعه و عداد الكيلو بقوا يصفروا مع قفل الكونتاكت و يشتغلوا مع الفتح و نور الصالون مبقاش ينور لا مع فتح الباب و لا من الزراير بس لو أخدت مطب شديد شويه يشتغل و هى دى المشاكل اللى عندى حاليا
و أسف مره أخرى للإطاله و لكم جزيل الشكر و العرفان

[hossamalsadik]

ثانيا أنا ترددت كثيرا فى عمل هذا الموضوع حتى لا أشغل أحدا عن عمله أو يومه و لكن و الله بعد الكام معاناه التى وقعت بها رجعت إليكم و انا على يقين بأن الله لن يتركنى و سايمد لى يد العون و الحمد لله بانى قد وجدت أكثر من أخ و احسست فعلا بأن النصيحه تخرج من قلوبكم صافيه لا تشوبها شائبه
شكرا لكم مره أخرى أحسن أعضاء و أحسن منتدى

الشكر لله ياأخى لا تتردد فى السؤال عن اى شيىء وكلنا هنا بنساعد بعض واى حد مهما كانت عربيته حديثة الموديل او قديمه او كان له خبره حتى ومهما كانت امكانته الا وواجه مشكلة فى عربيته و أحتاج الرأى والمشوره فى اى شيىء يخص العربيه .

ثالثا أنا عملت الجوان للمره الرابعه و الحمد لله و العربيه أفضل حاليا بس أنا كنت عايز أعرف العيب فى إيه بالضبط ؟؟؟؟
هل فى الميكانيكى و لا عيب فى خامة الجوان كما قال لى الميكانيكى و لا فى الماتور
لأن قرات فى كذا موضوع إن العربيه مادام جابت جوان يبقى لازم تغير ماتور أو شورت بلوك زى ما الساده الأفاضل قالوا
و عشان بعد كدا اعمل حسابى إنها ممكن تجيب جوان تانى لا قدر الله
أنا مش عاوز افول عليك ههههه ونا قلتلك قبل كده راى فى الموضوع ده .
رابعا مشكله الكهرباء اللى مش مضبوطه اللى أنا حكيت فيها دى سببها إيه بالضبط
هى بتعلق مش فاصله خالص و افكر سيادتكم باللى حصل مره أخرى
أنا غيرت ترس المارش فالكهربائى فك كابلات البطاريه و غير الترس و ركب المارش و بعدها لاقيت المشكله دى
المريات الجانبيه واحده تشتغل و التانيه لا أو العكس و الساعه و عداد الكيلو بقوا يصفروا مع قفل الكونتاكت و يشتغلوا مع الفتح و نور الصالون مبقاش ينور لا مع فتح الباب و لا من الزراير بس لو أخدت مطب شديد شويه يشتغل و هى دى المشاكل اللى عندى حاليا
و أسف مره أخرى للإطاله و لكم جزيل الشكر و العرفان
ملوش دعوه تغير ترس المارش بموضوع مشاكل الكهرباء ديه كلها ألا ازى مثلا لعب فى فيشه وركبها غلط او غير مكان سلك يعنى حطه مش فى مكانه او أخد للمرش كهرباء من مكان غلط وده الأرجح لأن مفروض الساعه وعداد الكيلو يشتغلو على طول يعنى وخدين كهربا مستمره من البطاريه ومينفهش يكون فيوز طرب لأنه بالتالى حجته مش هتشتغل من الأساس وموضوع نور الصالون ده أعتقد من مفتاح النور الى فى الأبواب راجع عليهم كلهم واحد فيهم لما الباب بيتقفل مابيدخل للداخل للأخر ودا حصلى شخصيا وعلجته بنفسى بفكرة تطويل الصباع عملتله تربوش من لزق التوفيس لأن نور الصالون عندى زياده عنك شغال بساعه وبكده فضالى البطاريه . المهم مشاكل الكهرباء ديه سهله جدا بس عوزا كهربائى نضيف وهيا متخدش منه وقت حتى .
فى هنا عضو خلوق جدا ومش هيتاخر كعادته عن مساعدتك وهو المهندس إيهاب منصور والميزه انه حسب ما سمعت انه من المنصوره وبالتالى اقل احتمال انه هيدلك تروح لمين بيفهم فى مشكلك ديه غير المساعده الفنيه لأنه بصراحه معلوماته الفنيه عليه جدا ياريت يشوف بس موضوعك
وربنا يوفقك

[egman]

الاخ صاحب الموضوع / والله يا باشا حضرتك ممكن تبعتله على الخاص (م/ ايهاب منصور ) وتقوله والراجل مش هيتاخر وهيدلك على الصح .

صباح الفل يا حسام بك ، تحياتي لحضرتك جدا جدا جدا .

[ehab_mansour]

السلام عليكم و رحمة الله و بركاته
أخي الفاضل محمد صاحب الموضوع اسف علي التأخير علي الرد عليك و لكن اعذرني لأني في سفر في واحة سيوه (قرب حدود ليبيا غربا 800 كيلومتر من القاهرة و 300 كيلومتر من مرسي مطروح) في شغل مع بعض الفنيين الأجانب لذلك لم استطع رؤية المنتدي ولا الموضوع فاعذرني لأنه خارج ارادتي لأني بقالي اسبوع خارج القاهرة

كل الشكر و التقدير لثناء أصداقي هنا بالمنتدي و لكني اقل من ذلك و ربنا يرزقنا جميعا الاخلاص في القول و العمل

بخصوص مشكلتك موضوع جوان وش السلندر حضرتك معدتش تعمله تاني نهائيا و حاول و العربية ماشية قبل ما تقف منك تاني تغير شورت بلوك او تغير الموتور كله علي حسب حالة أدوات التعذيه و الفتيس و علي حسب انت حابب تعلي الموتوراكتر من 1400 ولا لأ

السبب ان المحركات دي حساسه للخرط لأن المحركات دي ألماني و خامتها كحديد تختلف عن مثيلاتها من عربيات شرق أسيا لذلك لن تجد خراط في مصر إلا القليل اللي يقدر يظبطلك وش السلندر علي المخرطة صح كما صنعته شركة فولكس عايز اقلك انه يستحيل انه يعرف يظبطه و السبب ان ماكينات الخراطة في مصر و مستوي الخراطين متدني جدا كتكنولوجيا و علم مقارنة بنفس الماكينات و الخراطين في اوروبا و خاصة مصنعي السيارات و كذلك خامة الحديد و الألمونيوم بتختلف لذلك لا ينصح ابدا باعاده خرط وش سلندر العربيات دي و خاصة المحرك ده لأني بقالي 5 سنوات اري و اسمع تجارب شخصيه و مع اصدقاء هنا عن المحرك ده مشفتش مره نجح فيها تركيب جوان وش سلندر و خاصة بعد سخونية المحرك و خرط الوش

لأني في عربيتي الحالية غيرت جوان بسبب تغيير الصبابات و لكن تغيير فقط بدون خرط للوش او سخونيه و الحمد لله كله تمام و زي الفل بفضل الله

قدامك حلين :-
1- تغيير شورت بلوك 1400 و ده هتنزل الحرفيين تشتريه و تركيبه علي نفس ادوات التغذيه عندك و الفتيس و ده هيتوقف علي انك تتأكد انك مش محتاج اضافات أخري زي تكييف او باور او غيره و ان فتيسك حالته كويسه و زي الفل و مش هتحتاج تغيره و ده أرخص حل
2- انك تغير الموتور تماما بأخر 1400 او 1600 او حتي 2000 زي ما تحب و ده لو تقدر تكلف و تشتري نص كامل بكل مشتملاته و تغير الضفيره و الكنترول و كل حاجه و تركيب الأوبشنز اللي انت عاوزها كلها و لكن دي هتبقي مكلفة شويتين و هتوصل لضعف تكلفة الشورت بلوك

نصيحة مني لو حابب تسقط او حتي تغير شورت بلوك يبقي لازم تيجي القاهرة أحسنلك و اوفر و هنا الحرفيين فيها كل حاجه و مش هتخرج بالعربية غير و هي زي الفل و بتتكلم كمان

بخصوص مشكلة الكهرباء اللي بتحصل معاك فدي حلها بسيط جدا و ليها سببين :-

1- انك تفك كابلات البطارية بنفسك و تتأكد انها متوصلة كويس و نضيفه و تنظف اقطاب البطارية و بعدين تعيد تركيبها و تتأكد من ربطها جيدا .. لو اتحلت تمام متحلتش يبقي
2- فيه كابل ارضي رئيسي جاي من الدينامو بيتربط مع احد مسامير المارش أكيد البيه العكاك اللي صلحلك المارش مربطهوش كويس او ربطه علي وسخ و جنزه و هنا انت محتاج اعاده فك و تربيط الكابل ده بالمسمار اللي بيربطه و تخليه يأكدلك علي كل وصلات الأرضي في العربية من اول الأرضي الرئيسي اللي خارج من البطارية لحد جسم العربية و كابل الأرضي بتاع الموبينه الكهرباء اللي واصل عليها و كابل جسم المحرك و ..... كل الوصلات دي يأكد عليها و علي تربيطها و انا واثق ان المشكلة هتتحل

خلي بالك ان العربيات دي حساسه لتعليق الكهرباء و للتوصيل الخطأ هتلاقيها بتعمل حاجات غريبه لذلك هي محتاجه الكهرباء بالذات تكون متوصله صح و مافيهاش حاجه بتعلق او ملغيه

و بالتوفيق ان شاء الله و اي سؤال انا في الخدمه و ده رقمي للتواصل لو محتاج شيء 01272001177
و الله الموفق