تغيير اويل سيل لابيزا 94

[smartech]

السلام عليكم ورحمة اله وبركاته
صباح الفل على كل الناس الى فى المنتدى

معلش هدوشكم على الصبج بكام سؤال عالماشى

دلوقتى انا كان عندى ترشيح زيت من فتره تحت الموتور ، ولما وديت العربيه للميكانيكى قالى جوان كارتيره و فعلا غيرنا جوان الكرتيره وافتكرت ان الدنيا اتضبطت بس من كام يوم كنت بغير علبه شكمان عند ابو اليزيد فلما رفع العربيه لقيت ان فيه زيت كتير تحت الموتور ناحية الفتيس ، طبعاً قالولى هناك متسكتش عليه

مكدبتش خبر ورحت للميكانيكى قالى روح اغسل الموتور , رحت غسلتله العربيه كلها بالشاسيه والموتور ورحتله تانى فقالى هنغير الاويل سيهات فلما سألته على المصنعيه فقالى 450 دى مصنعيته ، ده غير تمن الاويلسيه
انا دلوقتى عايز اعرف السعر ده كويس ولا لأ ... وكمان عايز اعرف ميكانيكى شاطر متجرب او معرفة حد يكون قريب من جسر السويس هو الى يعملهولى ، لانى مبقيتش اثق فى الميكانيكى ده بعد كذا حاجه عملهالى قبل كده والدنيا مبتضبطش

برضه كنت عايز اعرف هو ممكن الزيت ده يبقى زيت الفتيس لانى اول مابنقل للخامس بيبقى فيه صوت ونه مش طبيعيه ، انقل للرابع الونه تروح ، اعلى للخامس صوت الونه تظهر ، يعنى هو مرتبط بالغيار مش بالسرعه ، ياريت تفيدونى


حاجه تانيه معلش : دلوقتى انا من فتره كنت غيرت حاجات فى العفشه زى الكبالن و المساعدين ورا وقدام و البطاحات وجلب المقصات ، بس لسه عندى حاجه غريبه ، لما بمشى بالعربيه بحس برجه غريبه فى الدريكسيون لو عديت على ظلطه صغيره وحاسس ان الدريكسيون بقى تقيل معايا قوى ، وفيه صوت تزييق بس بسيط
الموضوع ده مقلقنى جداً خاصه انه بيحصل بغض النظر عن السرعه الى انا ماشى بيها فكنت عايز اعرف أرائكم فى الموضوع ولو فيه حد عفشجى شاطر ممكن يعالجلى القصه دى

شكراً مقدماً
وجزاكم الله خير

[Mostafa.Ramdan]

متــــــــــــــــــــابع

[egman]

بص يا باشا

بالنسبة لمشكلة تسريب زيت الفتيس :

اويل سيل عصايه الفتيس الى هى الاحتمال الاول لتسريب الزيت ، تمن الاويل سيل ده انا لسة مغيره كان سعره 70 جنية جديد ومصنعيه تركيبة حاجة هبله اوى بكبيرة اوى 50 جنية ، بالاضافه الى تغيير زيت الفتيس بالمرة فى حالة انه كان ناقص اوى بسبب التسريب او انه قديم هتجيب 4 علب شل 80/90 الواحده لسه جايبها بـ 24 جنية وتجرب وتشوف الدنيا فيها اية .
وان شاء الله لو التسريب وقف يبقى الحاكاية كانت فى الاويل سيل كلها وده الميكانيكي لو شاطر هو الى يقولك اويل سيل عصاية الفتيس .


اما بخصوص ان التكلفه توصل 450 جنية انا اسف يا باشا والله الراجل بتاعك ده حرامى وقلبه ميت كمان لان الفتيس استيراد نمره واحد ممتاز انا جبته من طيره فى الحرفيين من سنتين 350 جنية ، الفتيس كله مش اويل سيل ، خد عربيتك واهرب من عنده .


اما بخصوص الونه هى ده كانت سبب تغييرى للفتيس انا عملت الاتى فى السابق كانت الونه فى الدباية وبعد كده ترسيب زيت اسفل الفتيس روحت للميكانيكي وفكينا الفتيس بعد ما غسلت العربية والزيت شوفناه نازل من حله الغيارات وفتحتنا لقينا الحله من جوى مكسورة فكان الراى تغيير الفتيس وبالمرة غيرنا طقم الدبرياج وقتها لكن هى مش بالضرورة .

فاحضرتك دلوقتى محتاج حد بيفهم ، يشوف مكانا لزين الى نازل ده منين ويجرب العربية وهو يقولك ده اويل سيل ولا هيوقلك نفك ونكشف علىا لفتيس وبعدها تحدد هتعمل اية .


تركيب لفتيس عند حد متخصص بياخد وقت تقريبا 30 دقيقية مش اكتر بعد تنظيف التفيس الاستيراد وطقم الدبرياج الى كان راكب .

تحياتى لحضرتك ،،

[أحمد عبدالله]

ممكن اعرف الاويل سيل ده وظيفته ايه وهل تغيره بيكون لشئ خطير وهل ممكن يتكرر تانى ولا لا

[smartech]

ممكن اعرف الاويل سيل ده وظيفته ايه وهل تغيره بيكون لشئ خطير وهل ممكن يتكرر تانى ولا لا

الاويل سيل ده بيبقى زى الجوان كده بيمنع تسرب الزيت من المناطق المختلفه فى الموتور والفتيس وغيره ، بالنسبه لسعره مبيبقاش قصه بس المشكله بتبقى فى فكه وتركيبه والله اعلم ، برضه مستنيين ردود من رجالة المنتدى الجامدين

[smartech]

بص يا باشا

بالنسبة لمشكلة تسريب زيت الفتيس :

اويل سيل عصايه الفتيس الى هى الاحتمال الاول لتسريب الزيت ، تمن الاويل سيل ده انا لسة مغيره كان سعره 70 جنية جديد ومصنعيه تركيبة حاجة هبله اوى بكبيرة اوى 50 جنية ، بالاضافه الى تغيير زيت الفتيس بالمرة فى حالة انه كان ناقص اوى بسبب التسريب او انه قديم هتجيب 4 علب شل 80/90 الواحده لسه جايبها بـ 24 جنية وتجرب وتشوف الدنيا فيها اية .
وان شاء الله لو التسريب وقف يبقى الحاكاية كانت فى الاويل سيل كلها وده الميكانيكي لو شاطر هو الى يقولك اويل سيل عصاية الفتيس .

اولاً احب اشكرك جداً على ردك السريع ، بس كنت عايز اعرف هو تركيب الاويل سيل بتاع الفتيس غير اويل سيل الكرنك الى الميكانيكى كان بيقولى عليه ولا هو هو ، وهل تركيبه يحتاج انه يحل الموتور ولا لأ

اما بخصوص ان التكلفه توصل 450 جنية انا اسف يا باشا والله الراجل بتاعك ده حرامى وقلبه ميت كمان لان الفتيس استيراد نمره واحد ممتاز انا جبته من طيره فى الحرفيين من سنتين 350 جنية ، الفتيس كله مش اويل سيل ، خد عربيتك واهرب من عنده .


اما بخصوص الونه هى ده كانت سبب تغييرى للفتيس انا عملت الاتى فى السابق كانت الونه فى الدباية وبعد كده ترسيب زيت اسفل الفتيس روحت للميكانيكي وفكينا الفتيس بعد ما غسلت العربية والزيت شوفناه نازل من حله الغيارات وفتحتنا لقينا الحله من جوى مكسورة فكان الراى تغيير الفتيس وبالمرة غيرنا طقم الدبرياج وقتها لكن هى مش بالضرورة .

فاحضرتك دلوقتى محتاج حد بيفهم ، يشوف مكانا لزين الى نازل ده منين ويجرب العربية وهو يقولك ده اويل سيل ولا هيوقلك نفك ونكشف علىا لفتيس وبعدها تحدد هتعمل اية .


تركيب لفتيس عند حد متخصص بياخد وقت تقريبا 30 دقيقية مش اكتر بعد تنظيف التفيس الاستيراد وطقم الدبرياج الى كان راكب .

تحياتى لحضرتك ،،

ياريت برضه حضرتك تقولى على الميكانيكى الى بتتعامل معاه علشان مروحش لحد تانى ويشتغلنى نفس الاشتغاله

[egman]

والله يا باشا تغيير اويل سيل عصايه الفتيس ما بياخدش ربع ساعه من واحد بيفهم فى الشغل وبرده زي ما حضرتك قلت استنى رد من رجالة المنتدى الجامدين لتاكد

[egman]

انا عن نفسي وتجربتى الاخيره الراجل اخد ربع ساعه فك وتركيب الاويل سيل وده لان القديم الى كان راكب كان مدغدغ وبس ، وغيرت وزيت الفتيس وده اخد وقت علشان تفضيه عبوات الزين فى التفيس مش بتكون سريعه زي الماتور سعر اويل سيل صايه الفتيس كان 70 جنية وسعر لتر زيت الفتيس الشيل كان بـــ 24 جنية من البنزينة .

[ehab_mansour]

السلام عليكم

أولا اولسيل عصاية الفتيس احتمال بنسبة 90% يكون هو سبب ترشيح الزيت اللي عندك خاصة انك بتقول انه تحت الفتيس
ثانيا الدليل الثاني انه الاولسيل هو انك بتقول انك بتسمع ونه في الغيار الخامس و دي ليس لها اي سبب سوي نقص مستوي زيت الفتيس و اتوقع بعد تغيير الاولسيل و تزويد الزيت هينتهي الموضوع ده لنه حصل عندي في الابيزا و القرطبه و الاتنين كان الحل واحد
ثالثا ثمن الاولسيل ده هو 5 الي 10 جنيها بالكتييييييييييييييييييييير و انا بشتريه من متخصصي الاولسيهات ب 2 جنيه و نصف و ركبته عندي و زي الفل
رابعا تركيب الاولسيل بياخد ربع ساعه و بيكون كالتالي :-
1- فك تيش عصاية الفتيس من اكس العصاية اللي خارجه من الفتيس بمفتاح او لقمه مقاس 10
2- باستخدام مفك عاده بينطر الاولسيل القديم
3- بينزل جزء من زيت الفتيس اللي اعلي من مستوي الاولسيل لحد ما يصفي
4- بينضف مكان الاولسيل كويس جدا و بيركبه
5- بيعيد تركيب التيش مره أخري و يزود زيت الفتيس

و بس

للعلم انا غيرت الاولسيل و زودت الزيت مره عن ميكانيكي اعرفه حبيبي بعمل كل شغلي عنده في المنصوره و اقسم بالله ألا يأخذ مصنعيه لأنه من حرفيته عملها في 5 دقايق و شكرا

لو عايز تعرف مقاس الأولسيل و تجيبه منين قلي بهذا الثمن قلي و اللي يقلك ده فيه اصلي و فيه مضروب قله متشكر و متشتريش لأن كل الاولسهات في السوق بمختلف مقاساتها صيني و تايواني و النضيف هو تايواني حتي التوكيلات شغاله صيني و عن تجربه سابقه

و بالتوفيق للجميع

[ehab_mansour]

انا عن نفسي وتجربتى الاخيره الراجل اخد ربع ساعه فك وتركيب الاويل سيل وده لان القديم الى كان راكب كان مدغدغ وبس ، وغيرت وزيت الفتيس وده اخد وقت علشان تفضيه عبوات الزين فى التفيس مش بتكون سريعه زي الماتور سعر اويل سيل صايه الفتيس كان 70 جنية وسعر لتر زيت الفتيس الشيل كان بـــ 24 جنية من البنزينة .

نعم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟70 جنيه !!!!!!!!!!!!! ليه ده ثمن علبة اولسيهات مش اولسيل اساسا جملته جنيه و نصف

[mahmoud ghanem]

السلام عليكم

أولا اولسيل عصاية الفتيس احتمال بنسبة 90% يكون هو سبب ترشيح الزيت اللي عندك خاصة انك بتقول انه تحت الفتيس
ثانيا الدليل الثاني انه الاولسيل هو انك بتقول انك بتسمع ونه في الغيار الخامس و دي ليس لها اي سبب سوي نقص مستوي زيت الفتيس و اتوقع بعد تغيير الاولسيل و تزويد الزيت هينتهي الموضوع ده لنه حصل عندي في الابيزا و القرطبه و الاتنين كان الحل واحد
ثالثا ثمن الاولسيل ده هو 5 الي 10 جنيها بالكتييييييييييييييييييييير و انا بشتريه من متخصصي الاولسيهات ب 2 جنيه و نصف و ركبته عندي و زي الفل
رابعا تركيب الاولسيل بياخد ربع ساعه و بيكون كالتالي :-
1- فك تيش عصاية الفتيس من اكس العصاية اللي خارجه من الفتيس بمفتاح او لقمه مقاس 10
2- باستخدام مفك عاده بينطر الاولسيل القديم
3- بينزل جزء من زيت الفتيس اللي اعلي من مستوي الاولسيل لحد ما يصفي
4- بينضف مكان الاولسيل كويس جدا و بيركبه
5- بيعيد تركيب التيش مره أخري و يزود زيت الفتيس

و بس

للعلم انا غيرت الاولسيل و زودت الزيت مره عن ميكانيكي اعرفه حبيبي بعمل كل شغلي عنده في المنصوره و اقسم بالله ألا يأخذ مصنعيه لأنه من حرفيته عملها في 5 دقايق و شكرا

لو عايز تعرف مقاس الأولسيل و تجيبه منين قلي بهذا الثمن قلي و اللي يقلك ده فيه اصلي و فيه مضروب قله متشكر و متشتريش لأن كل الاولسهات في السوق بمختلف مقاساتها صيني و تايواني و النضيف هو تايواني حتي التوكيلات شغاله صيني و عن تجربه سابقه

و بالتوفيق للجميع

الله ينور عليك يا هندسة .. فعلاً الاولسيل ثمنه لا يتعدى 5 جنيه ومعظمه صينى

[egman]

والله يا ايهاب يا اخويا هو ده الى حصل حته بتاعه سودا كده مدورة ويكون ده سعرها والى حصل اية انا وانا فى المحل طلعلى واحده كده قالى ده بــ 30 وقلتله هو ده النوع الى عندك بس قالى عندى بتاع الشركة الهندسية وقالى فى الاول بــ 80 وانا اخدته بــ 70 طبعا كان فى فرق فى شكل الاويل سيل هو ده الى حصل معايا ومحل قطع الغيار ده مشهور اوى وهو عند كوبرى التجنيد ومعايا تليفونه لو د يحب ياخد تليفونه على الخاص ويسال بنفسه ويوقله سعر اويل سيل عصايه الفتيس لايبيزا 94 بكام هيقوله على واحد بـ 30 او 35 والاخر الاصلي بــ 80 جنية مش هى حلقة مدورة صغيرة اوى كده لونها اسود مش هى ده يا باشا . يعنى معقول المحل يكون حرامى للدرجة ده اوى

[ehab_mansour]

والله يا ايهاب يا اخويا هو ده الى حصل حته بتاعه سودا كده مدورة ويكون ده سعرها والى حصل اية انا وانا فى المحل طلعلى واحده كده قالى ده بــ 30 وقلتله هو ده النوع الى عندك بس قالى عندى بتاع الشركة الهندسية وقالى فى الاول بــ 80 وانا اخدته بــ 70 طبعا كان فى فرق فى شكل الاويل سيل هو ده الى حصل معايا ومحل قطع الغيار ده مشهور اوى وهو عند كوبرى التجنيد ومعايا تليفونه لو د يحب ياخد تليفونه على الخاص ويسال بنفسه ويوقله سعر اويل سيل عصايه الفتيس لايبيزا 94 بكام هيقوله على واحد بـ 30 او 35 والاخر الاصلي بــ 80 جنية مش هى حلقة مدورة صغيرة اوى كده لونها اسود مش هى ده يا باشا . يعنى معقول المحل يكون حرامى للدرجة ده اوى

السلام عليكم

اخي حسين انا ماليش علاقة بمحلات او غيره انا نزلت و لفيت قبل كده و شفت كله و انا لا أشكك في أحد ولا في انه حرامي من عدمه لكن الاولسيهات دي بجميع انواعها انا بستخدمها في حاجات تانيه غير العربيات و تقريبا كل اللي في السوق هما النوعين اللي انا ذكرتهم و مش بيفرق معاهم مقاس الاولسيل لأني بشتري الكبير زي الصغير و من ناس متخصصه

محتمل يكون هو بيتضحك عليه فيهم و محتمل يكون صادق لكن حضرتك مافيش اولسيل الماني ولا حتي سوق اوروبي في السوق عند اي حد و بالمنطق كده هما بيغشونا في قطع الغيار المهمه و الحساسه في العربيات هييجو علي الاولسيل و يجيبوه اصلي ؟؟؟؟؟ كلام غير منطقي تماما

تعرف ان مقاس الاولسيل بيتحدد حسب مقاس الأكس اللي هيركب عليه و مقاسه الخارجي و سمكه بمعني ان اولسيل الفتيس مقاسه 24\14\10 و ده معناه ان مقاسه الخارجي 24 مللي و الاكس اللي هيركب عليه 14 و سمكه 10 مللي ... انا بقلك كده عشان تعرف اني اشتريت اولسيل عمود الكامات اللي تقريبا كان مقاسه 47 مللي يعني 5 سم تقريبا يعني حاجه كده كبيرة بنفس سعر اولسيل عصاية الفتيس و ركبته عندي في الابيزا و القرطبه و زي الفل بقاله كتيييييير جدا و برضه تايواني و ب 5 جنيه و بيبعو الصيني في محلات قطع الغيار من 20 الي 50 جنيه و ازفت من اللي ركبته

دي صورة الاولسيل بغض النظر عن مقاسه
http://www.chihtai.com/Oil_Seal.jpg


و بالتوفيق للجميع

[mahmoud ghanem]

والله يا ايهاب يا اخويا هو ده الى حصل حته بتاعه سودا كده مدورة ويكون ده سعرها والى حصل اية انا وانا فى المحل طلعلى واحده كده قالى ده بــ 30 وقلتله هو ده النوع الى عندك بس قالى عندى بتاع الشركة الهندسية وقالى فى الاول بــ 80 وانا اخدته بــ 70 طبعا كان فى فرق فى شكل الاويل سيل هو ده الى حصل معايا ومحل قطع الغيار ده مشهور اوى وهو عند كوبرى التجنيد ومعايا تليفونه لو د يحب ياخد تليفونه على الخاص ويسال بنفسه ويوقله سعر اويل سيل عصايه الفتيس لايبيزا 94 بكام هيقوله على واحد بـ 30 او 35 والاخر الاصلي بــ 80 جنية مش هى حلقة مدورة صغيرة اوى كده لونها اسود مش هى ده يا باشا . يعنى معقول المحل يكون حرامى للدرجة ده اوى

يا صديقى هو دة الاستغلال بعينة ... يعنى تجار قطع الغيار وخصوصاً السيارات الاوربية بيبقى فاكر انك علشان راكب عربية المانى مثلاً يبقى جيبك بيوقع فلوس وانت ماشى !!! وتلاقى الحاجة صينى وغالية مووووت
زى فلتر البنزين كدة !!! الفلتر بتاع الابيزا ب 55 ج - 65 ج صينى عند تجار قطع غيار الابيزا مع انه هو هو فلتر الدايو وب 25 ج - 30 ج عند تجار قطع الغيار الكورى وصينى بردوا !!!!
وقيس على كدة كل حاجة ... واخرها بلى العجل ممكن تلقيها وصلت 100 ج وصينى
ولو رحت لبتوع الرولمان بلى اللى فى شارع شامبليون ( بتوع رولمان بلى بس مش تجار قطع غيار سيارات ) ممكن تجبها بــ 15 ج

ربنا يرحمنا من جشع واستغلال التجار المشكلة ان فى حجات لازم تجبها منهم وبالسعر اللى هيقلهولك لكن اللى تقدر تجيبة من مكان تانى جيبه وتوفر فلوس انت اولى بيهم
وبصراحة دة اللى انا شفته هنا فى المنتدى ( توجيه ونصائح وتعاون ) فوق الوصف من اعضاء المنتدى والقائمين على ادارة القسم ..
وربنا يجعله عاااامر

[smartech]

الف الف الف شكر لردودكم الى بتخلى الواحد يحس انه مش لوحده وفيه حد بيساعده فى مشاكل عربيته

الحمد لله ، عرفت ايه مشكله موضوع رجة الدركسيون ...
طلعت الاسكترا عايزه تتغير
كشفت عند واحد اسمه درش فى عين شمس ورا مزلقان كوفرتينا ، بصراحه شكله فاهم قوى ،بعد ماكشف على العربيه هو الى قالى انت عندك تخبيط فى الدركسيون من غير ما أقوله ومحتاج تغير الاسكترا . بس معرفتش اجيبها امبارح علشان الوقت كان متأخر ... والنهارده انشاء الله انزل اجيبها من الحرفيين بعد الشغل. انا اتصلت بالسراج وقالى 450 جنيه بالبارات مش عارف بقى ده كده كويس ولا ايه ، سألت عليها جديده ب 400 جنيه صينى ولوحدها من غير البارات . على العموم هنزل بكره وزى ماتيجى .. ادعولى

اما بالنسبه للاويل سيل ياريت تانى لو حد يعرف ميكانيكى كويس بدل ماروح لواحد يشتغلنى ، لانى محددتش لحد دلوقتى هو مشكله الاويل سيل بتاع الفتيس ولا بتاع الكرنك لحسن موضوع الزيت ده تاعبنى جداً و بيطلع ريحه لما بينزل عالشكمان .

والله الموفق