لو حد فاهم موضوع الدعم بتاع البنزين يفهمنى

[matrix012]

معلش انا مش فاهم اى حاجه بخصوص الدعم على البنزين ازاى الواحد يستخدم 5 لتر يوميا ازاى
وكمان الدعم كان لحد 1600 سى سى ودلوقتى بقى 1400 سى سى برده مش فاهم
واصلا الواحد يعمل ايه حتى لو رضينا بالامر الواقع وحصل الدعم هل هروح المرور ادفع فلوس واخد كوبونات ولا الكلام ده هيبقى لحد التجديد ولو العربيه اكتر من 1400 هتاخد اللتر ال 92 بكام
وهوا الكوبون هيبقى محدد نوع البنزين الى يستخدم فى العربيه مثلا يعنى انا اوقات بحط بنزين 80 واوقات بحط 90 والغالبيه بحط 92 الكوبون هيبقى عامل ازاى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو حد فاهم الموضوع ده ياريت يشرحه
وشكرا
كده لازم كل واحد يلحق ينظف التانك والكاربراتير ويظبط الرشاشات علشان يقدر يظبط الاستهلاك ( ده لو نفع كمان )
وربنا يستر طريقى وطريكم

[msobhy]

حضرتك جبت منين معلومة ال 1400 سى سى ديه؟

[golden_web_2007]

أوعدك لما أفهم حاجـة .. هشرح لحضرتك

[dedo_ryo]

من حوار وزير البترول الله يعمر بيته ....... العربيات الباسات و الشروكو و الجولف ال 1400 المزوده بشواحن توربو تاخد دعم انما اللانوس و الفيرنا و اللانسر و اللوجان و الميجان و الشاهين و الصني و اللادا اللي فيهم رفاهيه الخخخخخخخخخخخ ال 1598 تاخد علي دماغها و هتاخد دعم جزئي يعني اللتر من 2.5 ل 3 جنيه يعني الدعم للسيارات اقل من 1400 سي سي و قبل سنه 1990 دون تقيد بسعه .................. حسبي الله و نعم الوكيل فيكي يا حكومه

[ICE_MAN]

حضرتك جبت منين معلومة ال 1400 سى سى ديه؟

دى سيادتك قالها السيد (المحترم) (العالمى) (الخبير) وزير البترول مع خيرى رمضان من يومين .. قاللك الدعم لغاية 1400 و ال1600 هاندعمه جزئيا !!!!! يعنى الباشا هايدعم الباسات و مش هايدعم اللانوس و الفيرنا.

مش عايز اعلق علشان ماتوقفش .......

[hossamalsadik]

انا 1000cc

[sala7]

في الحالة دي ممكن أطالب بحقي في المال العام هههههه و ساعتها بقا اطلب حقي ناشف و أروح افول براحتي ههههههههههههههههههه و بكدا تكون خرجت من دائره الدعم الإجباري للبنزين ... و بكدا المشكلة تبقت اتحلت ..... يلا يا شباب مين هيعملي توكيل ؟؟؟؟ هههههههههههههههههههههه

[S O P H O S]

بلاش تحاول
اصبر لحد ما يطلع خبر اكيد من اي حته
او يطبق فالشارع
علي الاقل منحرقش دمنا بالاخبار دي بدري ..

[matrix012]

انا 1000cc

حضرتك على ما فهمت ان العربيات بعد سنة 1990 مفيش دعم ويا رب اكون فهمت غلط علشان كلنا هنجيب تكاتك بعد كده

[matrix012]

في الحالة دي ممكن أطالب بحقي في المال العام هههههه و ساعتها بقا اطلب حقي ناشف و أروح افول براحتي ههههههههههههههههههه و بكدا تكون خرجت من دائره الدعم الإجباري للبنزين ... و بكدا المشكلة تبقت اتحلت ..... يلا يا شباب مين هيعملي توكيل ؟؟؟؟ هههههههههههههههههههههه

كلنا معاك يا صلاح بس يا خوفى لا نكون بنخبط دماغنا فى الحيط

[matrix012]

من تعليقاتكم كده تقريبا مفيش كلام اكيد او ان الكلام فى الموضوع ده مش مفهوم اصلا

[mahmoud ghanem]

على كدة كل اللى شارى عربية وعامل توكيل ولسة مسجلش علشان الرخصة لسه فيها سنة او اتنين يجرى يلحق ينقل ملكية علشان يعرف ياخد الدعم لانه لو معملش كدة وصاحب العربية بعد ما بعلك عربيته اشترى عربية تانية يبقى هو اللى هايخد الدعم وبما ان الدعم على عربية واحدة فا اللى شارى ولسة معاه توكيل ملوش دعم ... ويا ولاااااد الايه !!!!!!!
شريكات التأمين هتظيط واللوحات الجديدة كمان يعنى هتدفع 108 ج التامين للسنه الواحدة + 115 ج لوحات + م التسجيل فى الشهر العقارى .. هتدفع هتدفع

[Ahmed_Gallant]

انا 1400 بس والتانيه 1900 جاز يعنى بعيد عنى بس برضه قرار غبى هيوقع سعر العربيات ال1600 اللى كانت افضل اختيار لعربيه سيدان وبعد كده هنبقى بنشد مع بعض بماروتى والتو
بس برضه القارا مش اكيد زى موضوع الكهربه وقفل المحلات الساعه 10
انا بقول ان احنا بلد يتشال فيها الريس فى 10 ايام بس تحاول تغير من حياه واسلوب الناس ممكن تاخد سنين

[egman]

انا قارنت موضوع البنزين ده بموضوع غلق المحلات بدل ما يطورا محظات الكهرباء او يبنوا محظات كهرباء او بدل ما يغييروا هما لبمات الاعمده التالفه فىا لشوارع الى لمبات موفره قالك الاوفر اننا ننيم الناس بدرى .

نفس الحكاية والله يا شباب بدل ما يحل مشكلة المرور والطرق والزحام ونخفض او نلغي جمارك السيارات زي الدنيا كلها ما بتعمل ، قالك بس نرفع السعر بتاع البنزين وكمان بقى اية دلوقتى المواتير 1400 علشان يخلى الناس تبيع عربياتها او مش هتلاقى حد يشترى فالشوارع تفضي وماحدش هيتكلم عن طرق لانه ما حدش بقى يمشي خلاص بعربية والدنيا هتبقى رايقه ومش هيبقى فى مشكلة مرور ولا ازمة وقود بعد كده لان البنزين يبقى متوافر وتلاقى وزير البترول ما مسدس التفويل بتاع النيزينه وبينده على الناس ما البنيزن اهوه تعالوا تعالى لو كنت راجل فول عربيتك ما تيجي تحط بينزين امال كل شوية وجعين راسنا ازمة وقود ما تيجي النيزين اهو وينزل البيزين على الارض قدامك وانت ماشي لا سورى اقصد وانت واقف علشان يحنسك .

وان شاء الله مثل هذة القرارت الغير مسئولة مش هتحصل لانك بعد كده لو رايح تجيب فراخ وجبنه وبيض وتلاقيهم بقوا الضعف فى السعر الراجل هيقولك يا بيه ما هى كل حاجة غليت ما الدولار غلى والسولار غلي والبنزين غلي هتيجي علينا احنا يا بيه والتجار رفعوا علينا السعر علشان تكلفه النقل .

لما كانت الحكومة ترفع سعر السولار 10 قروش ولا حاجة كان السواق يرفع سعر الاجرة 25 قرش على كل ركاب ما بالكم بقى بالمهزله الى هتحصل لو التهريج ده اتنفذ .