عايز اعرف سبب عدم استجابة دواسة البنزين مع الغيار التاني

[ahmedfrancais]

السلام عليكم ..

ازيكم ياابيزاوية .. انا حصلت معايا مشكلة مش عارف السبب من اية ... اولا انا عربيتى موديل 98 ماتور 1400 العربية بسم الله ماشاء الله زى الفل فى كل حاجه ..المهم و انا رايح الشغل بدى غير التانى بلاقى العربية فيه رعشة وكمان لما بدوس بنزين العربية مفيهاش عزم ولا بتتحرك وكمان صوت الموتور عادى جدا كانى مش دايس بنزين وكان لازم امور العربية واصبر عليها شوية طبعا وراجع اديها الغير من اول وجديد عشان ترجع تمشى ...وحتى لو كنت على الربع وانا ماشى فى امان الله فجاءة الاقيها عملت نفس الحركة ..ورحت للميكانيكى قالى دا مش عيب ميكانيكا دا عيب كهرباء ولازم تحطها على جهاز كشف الكدب ..وبعدها سالت وحد صحبى وحكيت ليه القصة دية قالى دى قصة ديسك واسطوانة .. وبجد انا تاية ومش عارف اية السبب ..رغم انى العربية ماشية بطبيعتها معايا مع وجود المشكلة .. ياريت تفيدونى ..

[abo_saad]

ايوا انا بضم صوتى لصوت صاحبك ديسك واسطوانة سهلة ما تقلقشى وبالتوفيق

[hossamalsadik]

الميكانيكى قال كهربا وىىىىىىىىىىى صحبك قال أسطوانه وديسك

العيب فى منطقة التعشيق الفتيس أسطوانه ديسك

روح لمكانيكى تانى

[ehab_mansour]

السلام عليكم

أولا حضرتك محتاج حد متخصص يبص علي العربية و يكون بيفهم و أمين هيقلك فيها ايه
ثانيا أعتقد ان العيب في حاجه من اتنين :-
1- عصاية الفتيس مش مضبوطة و النقله بتنطر منك و مش بتعشق كويس
2- مجموعة الدبرياج و دي ممكن تكون من اسهل شيء وهو سلك الدبرياج انه يكون مشدود لدرجة انه مش بيوصل الحركة كويس
او طقم الدبرياج انتهي و محتاج يتغير

علي العموم الكشف هو اللي هيبين المشكلة فين و ربنا ييسرلك الحال

[hossamalsadik]

السلام عليكم

أولا حضرتك محتاج حد متخصص يبص علي العربية و يكون بيفهم و أمين هيقلك فيها ايه
ثانيا أعتقد ان العيب في حاجه من اتنين :-
1- عصاية الفتيس مش مضبوطة و النقله بتنطر منك و مش بتعشق كويس
2- مجموعة الدبرياج و دي ممكن تكون من اسهل شيء وهو سلك الدبرياج انه يكون مشدود لدرجة انه مش بيوصل الحركة كويس
او طقم الدبرياج انتهي و محتاج يتغير

علي العموم الكشف هو اللي هيبين المشكلة فين و ربنا ييسرلك الحال

أستاذ - بسم الله مشاء الله والله كان المفروض تتعين مدير لتوكيل كبير يابشمهندس



----------

[matrix012]

السلام عليكم

أولا حضرتك محتاج حد متخصص يبص علي العربية و يكون بيفهم و أمين هيقلك فيها ايه
ثانيا أعتقد ان العيب في حاجه من اتنين :-
1- عصاية الفتيس مش مضبوطة و النقله بتنطر منك و مش بتعشق كويس
2- مجموعة الدبرياج و دي ممكن تكون من اسهل شيء وهو سلك الدبرياج انه يكون مشدود لدرجة انه مش بيوصل الحركة كويس
او طقم الدبرياج انتهي و محتاج يتغير

علي العموم الكشف هو اللي هيبين المشكلة فين و ربنا ييسرلك الحال

بص انتا جبت من الاخر -زهره الزهره يعنى -او الزتونه بتاعت العربيه
ربنا يباركلك يا هندسه رأيك ديما فى الجون وكلامك سليم طبعا وانا معاك فى كل حرف انتا قولته
وربنا يستر طريقى وطريقكم

[Ahmed_Gallant]

السلام عليكم ..

ازيكم ياابيزاوية .. انا حصلت معايا مشكلة مش عارف السبب من اية ... اولا انا عربيتى موديل 98 ماتور 1400 العربية بسم الله ماشاء الله زى الفل فى كل حاجه ..المهم و انا رايح الشغل بدى غير التانى بلاقى العربية فيه رعشة وكمان لما بدوس بنزين العربية مفيهاش عزم ولا بتتحرك وكمان صوت الموتور عادى جدا كانى مش دايس بنزين وكان لازم امور العربية واصبر عليها شوية طبعا وراجع اديها الغير من اول وجديد عشان ترجع تمشى ...وحتى لو كنت على الربع وانا ماشى فى امان الله فجاءة الاقيها عملت نفس الحركة ..ورحت للميكانيكى قالى دا مش عيب ميكانيكا دا عيب كهرباء ولازم تحطها على جهاز كشف الكدب ..وبعدها سالت وحد صحبى وحكيت ليه القصة دية قالى دى قصة ديسك واسطوانة .. وبجد انا تاية ومش عارف اية السبب ..رغم انى العربية ماشية بطبيعتها معايا مع وجود المشكلة .. ياريت تفيدونى ..

انا مختلف كليا من ان المشكله من الفتيس او الات نقل الحركه عموما مشكلتك مع الحقن بمحتوياته وممكن كهربا و10% طلمبه بنزين او فلاتر بنزين او هوا
من حيث الديسك والاسطوانه لو رايحين فى داهيه هتلاقى العربيه بتععععنننن معاك والاربى ام يعلى بس مفيش قصاده سرعه تناسب الصوت
بالنسبه للفتيس لو الواير مشدود برضه هيحصل نفس الموضوع كانك ممور يعنى العربيه صوتها يعلى بس مفيش حركه

انا بقى شايف المشكله حاجه تانيه حالص
اشرحلك وجهه نظرى انت لما بتدى غيار وتحاول تمشى العربيه بتترعش معاك بس لو سايستها قوى وواحده واحده هتبدا تمشى لما العربيه تبقى فى اول الغيار بتتخنق منك وكانها هتبطل لكن فى نص الغيار تحس انها فتحت وعايزه تجرى سواء كنت على الاول او حتى الخامس العبره بالاربى ام
لو الكلام اللى بقول عليه صح هتعمل شويه حاجات بنفسك الاول وتقولى ايه النتيجه
1- هتشيل العمه وتبص على البوابه وتشوفها مهببه وده عن طريق حته قماشه بيضا
2- تتاكد ان الاسبراتير فى النص يعنى هتبص على المسمارين اللى رابطينه هتلاقى مجرى تسمحله يتحرك بشكل دائرى اتاكد انه متوسطن
3- فى حساس فوق سير الكاتينه شيل الفيشه بتاعته وجرب تمشى بيها وانت فاصله
4- اتاكد ان العربيه مش متلته وان الاسبراتير بيوزع كهربا صح ودى بانك تخلع سلك البوجيه وانت مدور وتلمسه بجسم الموتور تشوفه بيشرز ولا لا
5- هل الشكمان بيجيب ميه صافيه ولا مزفته
6- طلمبه البنزين اخبارها ايه وهل متغيره صينى ولا جديد ولا استيراد ولا بتاعه العربيه الاصليه وانت منزل المكنه عليها من غير ما تغيرها (الله يمسيك بالخير يا محمد سيد عاشق الطلمبات)
7- اخبار الصيانات وخصوصا الفلاتر ايه اخر تغيير والماركه كانت ايه
مستنى ردك وان شاء الله بسيطه متقلقشى خالص

[SYD]

انا متفق مع احمد عبدالسلام قلبا وقالباً
دي مشكلة تغذية بالوقود او دواسة او الواير بتاعها او بوابة او حساس بوابة
وكلام الميكانيكي سليم وانه عيب كهربا لازم تتحط علي الجهاز
تحياتي

[hossamalsadik]

ياريت من من الاخ صاحب الموضوع بعد ما يحل مشكلته يعملنا مشكورا تقرير والعيب طلع من إيه بالظبط ليستفيد الأعضاء جميعا وده بيخلى الواحد يزيد خبره

تحياتى
____________________