حساس الجكمان

[warfighter2114]

السلام عليكم
انا النهارده روحت للميكانيكي بتاعي عشان ادخل العربيه علي الجهاز لان شفره الايموبليزر وقعت من الكارته وروحت لبتاع مفاتيح شفره والحمد لله برمجلي الكود وقالي الشفره سقطت من الكارته فيحب انك تروح للميكانيكي عشان يفتح البلوك الي حصل علي الكارته وفعلا عمل ريستارت ولكن لقي ايرور اسمه lambda prop sensor error انا عايز من حضراتكم معلومات عن الكود ده واهميته لان للميكانيكي قالي اتعامل كده ومتشغلش بالك

[Amr Axel]

ده تقريبا حساس الاكسجين او حساس الشكمان يعني طبقا لرسالة الخطأ أهم حاجة ميكونش الميكانيكي اتذاكي و راح فاصل كابل السالب

و سؤال : هل العربية سحبها ضعف و استهلاك البنزين زاد ؟؟ و احيانا لمبة التشيك انجن بتنور ؟؟

[warfighter2114]

بالعكس العربيه سحبها الحمد لله كويس بس ليه حضرتك بتقول اتذاكى وفصل السالب!!!!!

[Amr Axel]

بالعكس العربيه سحبها الحمد لله كويس بس ليه حضرتك بتقول اتذاكى وفصل السالب!!!!!

الميكانيكية لما تقولهم لمبة التحذير منورة او اي لمبة في التابلوه منورة بيروح فاصل السالب و ده غلط لأن المفروض تحل المشكلة الأول لأن لما بيتفصل السالب رسالة الخطأ او التشيك انجن لو منورة بتختفي لكن الخطأ بيفضل موجود و بالتالي متعرفش
بخصوص العربية حاول تشوف مركز يكشف عليها

[ehab_mansour]

ده معناه ن حساس الشكمان فيه مشكلة و ممكن تكون المشكلة انه مدي قراءات غلط بسبب انه باظ او بسبب انه عن اي ميكانيكي وهو بيعمل شغل فك فيشته من غير ما يفصل كهرباء العربية او الحساس نفسه باظ او ........ الاحتمالات كتييييير و لكن الحل فين !!!

الحل انه بيمسح الايرور لأول مره و بعدين يدور العربية و اخدها لفتين ثلاثة و بعدين يحطها تاني لو ظهر تاني يبدأ يشوف نسب قراءات الحساس في الرينج المضبوط ولا أعلي ولا أقل من المسموح بيه و هنا بيبدأ يعرف فين المشكلة و هل الحساس محتاج تغيير ولا لأ

المهم موضوع انه يمسحه أول مره ده طبيعي و لازم لأن من الممكن ظهور رسائل لتعليق او لاجراء خاطيء حصل او لأي مشكلة في الدوارة سببت شيء أدي لحدوث العطل و لكن لو تكرر و ظهر تاني يبقي لازم نتتبع العيب فين و نصلحه

و خلي بالك انه لو عطل رئيسي في حساس كما ظهر و ليست رسالة تحذيريه عاديه بتظهر بلون أحمر و مع مسحها و اعاده تشغيل المحرك مره أخري لابد انها تظهر مره أخري لأن مازال العطل موجود و لكن لو تعليق او اجراء صيانة خطأ مش هيظهر تاني

و بالتوفيق ان شاء الله

[warfighter2114]

بعد اذنكم عايز اعرف مكانه فيين بالظبط انا مسقط مكنه موديل 1999 1.6 mpi 8v الكود موتور alm

[Amr Axel]

هتلاقيه راكب عند فرن الشكمان و شكله واضح و هو راكب و واصل بالكونترول

[ehab_mansour]

كما قال الأستاذ عمر هتلاقيه اسفل فرن الشكمان في الوصلة اللي بعديه
يعني هتتبع مخرج العادم لما ينتهي الفرن و تبدأ اول وصلة في الشكمان هتلاقيه هو فيها عند مقدمة الموتور و هتلاقي فيشته اللي واصلة للضفيره واضحة و هي فيشة عريضة شوية و ثلاثية الأطراف

للعلم انه مافيش في الشكمان حساسات غيره اساسا

[warfighter2114]

الف الف شكر

[SYD]

الكلام سليم ١٠٠٪ ومفيش اي تعليق عليه
عايز اقول ان حساس الأكسجين او الشكمان او اللمبادا سنسور لو فيه مشكلة هتلاحظ دخنة سودا واستهلاك بنزين مرتفع وضعف في السحب وارتفاع في حرارة المحرك
ان شاء الله يطلع مجرد أيرور ومفهوش مشكلة
تحياتي.

[hossamalsadik]

أعراض بوظان حساس الشكمان 1- دخنه سوداء 2- زيادة معدل استهلاك البنزين بشكل ملاحظ جدا

أذن العيب ايرور عادى جدا وغير مأثر طلما سيدتك بتقول مابتشتكيش من لادخنه ولابنزين عالى

نعلجه أذاى ى ى ى انك تمسحه عند بتاع كشف الكمبيوتر تلغيه هوا يقدر يعملك ده مع المحافظه على تعرف الكمبيوتر عندك بالحساس عادى يعنى مجرد لغى للإرور فقط بمعنى ان لو الحساس باظ اصلا عادى هيبان عندك عادى جدا



------------------------




.

[warfighter2114]

الف شكر وفعلا اتمسح ومرجعش

[hossamalsadik]

الف شكر وفعلا اتمسح ومرجعش

مبرووووك

بس أنتا مسحته عند حد عندو كمبيوتر طيب لوكان كده أتأكد أنه ملغاش تعريف الكمبيوتر بتاع العربيه بالحساس يعنى تأكد من مسح الأرر وليس ألغاءه نهائياً عشان لو الحساس باظ لقدر الله تعرف وضحت الفكره