Tweet
السلام عليكم ورحمة الله وبركاته
انا يا شباب كنت بعانى من مواضيع العفشه ده والاهمال هو الى بيخلى الموضوع بيزيد المهم انا هلخص الموضوع :
1- تغير عدد 2 مساعد خلفى كاملين .
2- تغيرر عدد جنبين امامى كاملين (مساعد + سوسته + بطاحه + صرة + طنابير + تيل (شمعدان كامل ))
3- تغيير عدد 2 راس كوبلن بالكاوتش .
4- تركيب رنجات للجنوط .
5- تغيير ماستر عمومى بخزنته .
6- حطيت زيت فرامل من نوع dot 4 وتحيه خاصه جدا لإستاذ / سيد ، على موضوعه بتاع زيت الفرامل والدنيا فرقت فعلا مع الزيت ده هو بصراحه الميكانيكي لما قلتله عليه هو قالى انا مش بتستخدم غيره لانه هو ده الى بيتحط فى الفئات بتاع العربيات بتاعتنا ده . وهو مش شيل هو ال بي تي علبه صفيح كده مربعه .
التفاصيل :
انا لما ركبت الجنبين الامامي جبتهم بتوع العفشه الكبيرة الى بتركب على المواتير 1800 والطنابير كمان جبتها بتاعه الــ abs هى طنابير اكبر من العادية والتيل بتاعه محترم جدا جدا .
فرق الفرامل والاداء ما شاء الله عليه فرق تماما وانت بتدوس فرامل بتحس ان العربية بتتكفي لتحت او بتتمسك جدا الحمد لله ، والكابالن كمان جبتها روؤسها اكبر من العادية بتاعه برده العافشه الكبيرة ، الحمد لله بقت عربية دلوقتى بدل ما كانت مرجحيه ، الحاجة كلها انا جايبها استيراد ما عدا البطاحات جديدة ، والحمد لله انى خلصت الحاجات ده قبل ما الاسعار تغلى اوى كده انا لسة شايف على المنتدى ناس بتشتكى من غلاء قطع الغيار على كل المستويات جديد واستيراد وانا شوفت ده بنفسي فى الحرفيين الحاجات ولعت نار الله اعلم ليه الى بيتقال علشان ارتفاع الدولار ، والغريب انا لناس عندها البضاعه من زمان وجايباها باسعار عادية ودلوقتى بتبيعها بسعر غالي ربنا يرحمنا .
تحياتى لحضراتكم جميعاً ،،
Comment