أول مرة سيارات (ابيزا)

[ERROR]

السلام عليكم يا جماعه

دي اول مشاركة ليا بس انا كنت محتار بين العربيات وبصراحة شدني كتر الكلام عن ثبات واحساس الابيزا

المهم الحمد لله انا شبة خلصت في عربية ابيزا 99

هي العربية مجنطة

دلوقتي لسا هرفع الصور بعد ما اجيبها بأذن الله

عندي كام فكرة ياريت تفيدوني فيها

بفكر اعليها شوية عشان حاسس انها واطية ولا دا مش صح انا عمري ما ركبت عربية علي فكرة

وعايز اروشها بس برضوا في الحنين اهتم بايه ومين الي جربتة في تظبيت العربية وعملك شغل كويس ( ساوند اهم حاجه بالاضافة الي الشكل سبويلر ونور التابلو وفرش كويس وكدا) بس ميكونش فيه مخالفات

افيدوني افادكم الله

[MotorX]

بفكر اعليها شوية عشان حاسس انها واطية ولا دا مش صح انا عمري ما ركبت عربية علي فكرة
افيدوني افادكم الله

العربية اتزانها هايبوظ و تعوم منك ده غير ان شكلها هايبقى سيء جدا.

[sherif_m72]

العربيه خلى بالك علوها كده مزبوط جدا ومتحاولش انك تعليها عشان متعومش منك وتفقد ثباتها على الطريق
اما بالنسبه للروشنه انا هقترح عليك ان لو العربيه حالتها ممتازه يبقى انت متحطش فيها اكتر من الساوند سيستم (نضيف ) وسبويلر وبس وبكده تكون مسكت العصايا من النص
عربيه شبابى + عربيه وقوره ومحترمه
وده رأيى ولك حريه الاختيار
ومبروك عليك ياباشا

[MEDO_AHMED2]

الف مبروك العربية انا مش هتكلم فى موضوع التعلية علشان الشباب جابو من الاخر وبعدين حاول متقلش العربية قوى وحاول تكون حنين على المطبات وعلى العكس العربيات القريبة من الارض بتعمل احلى شغل جرى وغرز وكدة بدليل ان ال 4*4 لو جرى يتقلب دة عن تجربة انت ممكن تجيب طقم سوند محترم ومتسترخشس خليك فى سبير كار وفرش تفصيل ودة سبير كار نجوم فية بس حرائين شوية وممكن تركب نور ابيض من شارع دمشق بلاش زينون علشان المخالفات وبلاش تفيم برضو علشان الغرامات نظام نفخ ووحدة واحدة هتلاقى نفسك بتروشها وعلى مهلك وانت سايق

[ERROR]

كويس انكم نورتوني في حوار الرفع دا

ان شاء الله انا هحاول اظبت ساوند سيستم كويس وسبويلر

اناما ايه الفرق بين النور الابيض والزينون وهل عليه مخالفة ولا لا في القانون الجديد

بس ياريت حد يقترح حد بيفهم في الساوند سيستم اروحلوا

انا ساكن في 6 اكتوبر يعني لو حد في الهرم او المهندسين يبقي كويس جدا

[Moustafa Al-mansy]

ألف مبروك عليك.........

ربنا يكفيك شرها و يرزقك خيرها..........

[mohamed_fatouh]

اهلا بيك ومبروك عليك العربية الجديدة

بص يا سيدى ان شاء الله بكرة ممكن اجيبلك تليفون واحد بتاع ساوند سيستم فو ش السودان انا ركبت عندة قبل كدة طقم بايونير و كان صراحة ممتاز
بس نصيحة شوف الاول عاوز تركب اية علشان العملية متفتحش معاك على الفاضى

يعنى خالى بالك من نوع الكاسيت و السماعات و شوف هتركب كدة و خلاص و لا ناوى تخربها بازوكا و بالاوى مالهاش اخر

و ربنا يوفقك

[mohamed ibiza]

الف مبروك يا باشا ربنا يباركلك فيها بس بلاش موضوع التعلية ده لانها اساسا هتبوظ العفشة و مش هتبقي كويسة معاك متسمعش كلام حد في حوار العلايات ده

[iBiZa]

بس ياريت حد يقترح حد بيفهم في الساوند سيستم اروحلوا

انا ساكن في 6 اكتوبر يعني لو حد في الهرم او المهندسين يبقي كويس جدا

عندك سحس فى جامعة الدول بجانب فرغلى بتاع العصير, ركبنا عدة واحد صاحبنا هناك قبل كدة.