خرطوم الهوا في سيات ابيزا 1994..

[sammor_28]

السلام عليكم ....
انا كنت بنظف موتور السياره وبغسلها امبارح ببص لقيت خرطوم الهوا اللي بيركب تحت العمه مفكوك والمهم لما ركبته لقيت صوت العربيه هدى خالص وبقت ناعمه...
1.هل في مشكله ان الخرطوم كان سايب خصوصا اني سافرت بالعربيه اسكندريه ؟
2.هل عدم تركيب الخرطوم بيأثر على سحب العربيه ولا مالوش دعوه ؟

متأسف على الأطاله واتمنى منكم الأفاده...شكرا

[sherif_m72]

بص ياباشا هو لما الموتور حالته بتتضعف ويبدأ يطلع دخان او ياكل زيت بييجى بعض الميكانيكين بيشيلو الخرطوم ده عشان ميدخلش تبخير الزيت على الكاربراتير ويلخبط العربيه ويطلع دخان اسود من الجكمان +انه وقتها بيعرف يظبط المكنه كويس
اما في حالتك دى معناها ان الموتور بتاعك كويس ومش محتاج تشيل الخرطوم وخصوصا ان المكنه ارتاحت وهديت بعد اما ركبته تانى
بالحق اه بيأثر على سحب العربيه والبنزين و العادم كمان وده في حاله ان لو المكنه تعبانه وانت فضلت مركبه مكانه

[sammor_28]

استاذ شريف المكنه الحمد لله عندي زي الفل مافيش دخنه ولا اي حاجه خالص...

ولو الموتور تمام والخرطوم كان متشال يخلى التسارع بتاع العربيه بطئ ولا مالوش دعوه...

خصوصا اني لما ركبت الخرطوم مكانه حسيت ان سحب العربيه اتظبت وبقت افضل...

ياريت تفيدوني بهذا الخصوص... شكرا:) :)

[sammor_28]

نسيت اقولك هوا كان راكب اصلا لما كنت بشتري العربيه بس الميكانيكي هو اللي فك الخرطوم...

ونسي يركبه تاني...

[mohamed ibiza]

الخرطوم الورق اللي من تحت العمة و رايح لفرن الشكمان ده انا ماشي من غيره بقالي 3 شهور:d و بيهدي صوت العربية طبعا لكن مفيش اي اضرار لو مشيت من غيره

[hazem_khidr]

الخرطوم دا زي ما قال الاخوه الكرام دا الفايظ اللي بيخرج بخر الزيت علي العمه
علشان يزود الهوا الداخل للموتور تاني
بالنسبه لحالتك ممكن يكون الخرطوم فاكك لوحده او الافيز بتاعه وقع
و دا اللي خلي العربيه لما ركبته تاني تنظبط.
بص علي الهوا اللي طالع منه لو كتير يبقي الموتور بينفخ و محتاج شنبر
انما لو البخار قليل يبقي الموتور سليم
بس انا اعتقد انه فعلا وقع سهوا و الموتور سليم

[sammor_28]

ان شاء الله خير ياحازم وهو فعلا بيطلع الهوا العادي مش كتير....

وبعدين اعتقد لو الموتور لاقدر الله عاوز شنبر او اي حاجه كان الزين لونه هيتغير..او الميه تنقص

او اي حاجه ... بس الحمد لله مافيش اي حاجه من دي خالص...

وهو فعلا كان واقع لنه كان راكب اول يوم رحت اتفرج على العربيه ...

وبعدين لما خدت الميكانيكي والسمكري يبصوا عليها الميكانيكي فكه ونسي يركبه تاني...

[mohamed ibiza]

ان شاء الله خير ياحازم وهو فعلا بيطلع الهوا العادي مش كتير....

وبعدين اعتقد لو الموتور لاقدر الله عاوز شنبر او اي حاجه كان الزين لونه هيتغير..او الميه تنقص

او اي حاجه ... بس الحمد لله مافيش اي حاجه من دي خالص...

وهو فعلا كان واقع لنه كان راكب اول يوم رحت اتفرج على العربيه ...

وبعدين لما خدت الميكانيكي والسمكري يبصوا عليها الميكانيكي فكه ونسي يركبه تاني...

عادي يا باشا مفيش مشاكل مش لازم تركبه اصلا و اسهل طريقة للتعرف اذا كان الموتور محتاج شنبر ولا لا فك العمة و طلع بوجيه و بص عليه لو لقيته معرق زيت يبقي محتاجة شنبر:)