أفضل زيت و فلتر و مكانه؟؟؟

[Mohamed Hafiz]

السلام عليكم جمبعا
ممكن حد يقولي أفضل زيد موتور أيه ؟؟ ل "أبيزا 2002 "
من الكتالوج أVw500 00 أو 5W-30
و أيضا Vw505 01 ,و دي 5w-50
>>>>>>>>>>>>>>>>
انا مش عارف الفرق !! و هل Mobile 1 ESP ده كويس ؟؟ و لا Dolvac ???

و بالنسبه لفلتر الزيت هل هو عادي متوفر و لا خاص مش موجود و إزاي أعرف انه محتاج تغيير ؟؟
و شكرا

[SYD]

http://www.nilemotors.net/Nile/331538-a.html#post3874765828

الزيت دة متوافق مع محركات فولكس

[ehab_mansour]

السلام عليكم

الفرق بين نوعي الزيت اللي انت كاتبهم هو فرق درجة حرارة التشغيل القصوي اللي يتحمل عندها الزيت و يعمل بكفاءه دون فقد لخواصه و لزوجته

النوع 5w30 ده بيستخدم في البلدان اللي درجات الحرارة القصوي لا تتعدي 30 الي 35 درجة
و النوع الثاني بيستخدم في البلدان اللي درجات الحرارة فيها بتعدي ال45 الي 50 درجة

احنا معظم انوع الزيت عندنا التخليقية منها بتكون 5w40 و ده مناسب لظروف التشغيل عندنا و لو 5w50 مافيش مشاكل شغال زي الفل

موضوع تستخدم انهي زيت فجميع الشركات لديها كل انواع الزيت من تخليقية الي نصف تخليقية الي معدني الي متعدد الدرجات و انا انصحك تفضل تستخدم الزيوت التخليقية بالكامل طول ما عربيتك ينفع تستخدمه مهما عدي عليها سنوات تشغيل او مشيت كيلومتر طالما مش بينقص خليك معاه

انا استخدمت انواع زيوت كتير و بقالي فترة كبيرة بستخدم فيسكو التخليقي في عربيتي و زي الفل و ناوي المرة القادمه استخدم ليكوي مولي التخليقي الكامل اللي هو توبتيك 5w40 تقريبا عشان لي صديق من نيسان بيحطه وكويس فهجربه ان شاء الله قريبا

أخيرا دعك من فتوي الميكانيكية في ان الزيت ينزل بدري و القصص دي اتسخدم التخليقي و خليه حتي 10 الاف كيلومتر او سنة كاملة ايهما اقرب و مع كل مرة غير الفلتر و بس

خلي بالك و كون حذر من استخدام الزيوت لأنها روح المحرك و استخدام زيوت سيئة بيزيد من فرص تأكل المحرك و قلة كفائته و صدور اصوات غريبة و تكتكه و قصص لا حصر لها
لو لك اي استفسار قول و انا افيدك قدر معرفتي البسيطة و ما تعلمت

[Mohamed Hafiz]

أهلا بالمنسق المحترم م/ سيد
أحب أشكرك أولا على المجهود الواضح بالقسم , ثم بالنسبة للمشكلة بتاعة الزيت انا من كفرالشيخ و أعتقد ان نوع ليكوي مولي مش متوفر هنا ثم انا عربيتي 2002 أبيزا cc1000 MPI , ولوراجعت المانوال حتلاقيها 5W-30& 5w-40 H و أيضا 5w-50 ,وده في درجات الحرارة بتاعت مصر و حضرتك جايب 10w-40
ممكن توضيح أكتر و لو في بدايل مناسبه " ليكوي مولي"
شكرا

[Mohamed Hafiz]

السلام عليكم

الفرق بين نوعي الزيت اللي انت كاتبهم هو فرق درجة حرارة التشغيل القصوي اللي يتحمل عندها الزيت و يعمل بكفاءه دون فقد لخواصه و لزوجته

النوع 5w30 ده بيستخدم في البلدان اللي درجات الحرارة القصوي لا تتعدي 30 الي 35 درجة
و النوع الثاني بيستخدم في البلدان اللي درجات الحرارة فيها بتعدي ال45 الي 50 درجة

احنا معظم انوع الزيت عندنا التخليقية منها بتكون 5w40 و ده مناسب لظروف التشغيل عندنا و لو 5w50 مافيش مشاكل شغال زي الفل

موضوع تستخدم انهي زيت فجميع الشركات لديها كل انواع الزيت من تخليقية الي نصف تخليقية الي معدني الي متعدد الدرجات و انا انصحك تفضل تستخدم الزيوت التخليقية بالكامل طول ما عربيتك ينفع تستخدمه مهما عدي عليها سنوات تشغيل او مشيت كيلومتر طالما مش بينقص خليك معاه

انا استخدمت انواع زيوت كتير و بقالي فترة كبيرة بستخدم فيسكو التخليقي في عربيتي و زي الفل و ناوي المرة القادمه استخدم ليكوي مولي التخليقي الكامل اللي هو توبتيك 5w40 تقريبا عشان لي صديق من نيسان بيحطه وكويس فهجربه ان شاء الله قريبا

أخيرا دعك من فتوي الميكانيكية في ان الزيت ينزل بدري و القصص دي اتسخدم التخليقي و خليه حتي 10 الاف كيلومتر او سنة كاملة ايهما اقرب و مع كل مرة غير الفلتر و بس

خلي بالك و كون حذر من استخدام الزيوت لأنها روح المحرك و استخدام زيوت سيئة بيزيد من فرص تأكل المحرك و قلة كفائته و صدور اصوات غريبة و تكتكه و قصص لا حصر لها
لو لك اي استفسار قول و انا افيدك قدر معرفتي البسيطة و ما تعلمت

صباح الخير يا باشمهندس إيهاب
يعني أروح لأي نوع " (5w-40/50) و ده يعمل 10 الاف كيلو متر مع فلتر جديد

و بالتجربه فيسكو التخليقي
بس انا مش عارف أختار بين التخليقي Synthetic او المعدني XHP

[ehab_mansour]

صباح الخير يا باشمهندس إيهاب
يعني أروح لأي نوع " (5w-40/50) و ده يعمل 10 الاف كيلو متر مع فلتر جديد

و بالتجربه فيسكو التخليقي
بس انا مش عارف أختار بين التخليقي synthetic او المعدني xhp

المتوفر لديك من النوعين حطه المهم يكون من مكان مضمون و مش مضروب لأن طالما حضرتك مش في القاهرة و من كفر الشيخ يبقي مش هتلاقي كل الانواع اللي هنا

سؤال هو فيه اساسا فيسكو عندك في كفر الشيخ ؟
سؤال أخر ايه متوفر عندك من انواع الزيوت عموما ؟
سؤال ثالث حضرتك كنت بتستخدم انهي نوع زيت قبل كده في العربية و ايه حالة العربية و ماشية كام الف ؟

أخيرا التخليقي ده النوع اللي بيطلقو عليه الزيت ال10 الاف و عموما هتلاقيه اغلي نوع لكل مصنع يعني ثمنه بيعدي ال 250 جنيه للجركن ال 4 لتر
ال xhp ده نوع من انوع زيوت موبيل و ده معدني و التخليقي من موبيل اسمه موبيل وان mobile 1 و التخليقي من شيل اسمه شيل هيلكس الترا و التخليقي من فيسكو اسمه فيسكو 5000 و التخليقي من توتال اسمه كوارتز 5000 و هكذا

و اي سؤال في الخدمه

[hossamalsadik]

يعنى التخليقى بالكامل أفضل من نصف التخليفى أو المعدنى

[SYD]

أهلا بالمنسق المحترم م/ سيد
أحب أشكرك أولا على المجهود الواضح بالقسم , ثم بالنسبة للمشكلة بتاعة الزيت انا من كفرالشيخ و أعتقد ان نوع ليكوي مولي مش متوفر هنا ثم انا عربيتي 2002 أبيزا cc1000 mpi , ولوراجعت المانوال حتلاقيها 5w-30& 5w-40 h و أيضا 5w-50 ,وده في درجات الحرارة بتاعت مصر و حضرتك جايب 10w-40
ممكن توضيح أكتر و لو في بدايل مناسبه " ليكوي مولي"
شكرا

ربنا يخليك ويبارك فيك
هقول لحضرتك علي حاجة
بغض النظر عن ليكوي مولي او اي زيت
زي ما وضح الأخ ايهاب - المهم في اختيار اساس الزيت (تخليقي كامل او تخليقي او نصف تخليقي او معدني) ثم درجة اللزوجة المناسبة

عموما فولكس بتنصح باختيار زيوت 500 00 - 500 01 لمحركاتها
بلزوجات 10-40 / 15-40 / 15-50 / 20-50 دة بالنسبة ل500 00

5-30 / 5-40 ودة ل 500 01

اما عن الفلتر فطبعا فلتر فولكس علامات الأصلي ودة في حدود 45 ل 50

تحياتي

[SYD]

وشوف اللينك دة

LIQUI MOLY - Motor Oils, Additives, Car Care - Oil Guide

بالتوفيق ان شاء الله

[SYD]

يعنى التخليقى بالكامل أفضل من نصف التخليفى أو المعدنى

بكل تأكيد
ولكن الموضوع نسبي
مش دايما افضل
والفيصل هو حالة الموتور
لو موتورك بياكل زيت - يبقي التخليقي الكامل اهلاك ومصاريف بزيادة

[Mohamed Hafiz]

المتوفر لديك من النوعين حطه المهم يكون من مكان مضمون و مش مضروب لأن طالما حضرتك مش في القاهرة و من كفر الشيخ يبقي مش هتلاقي كل الانواع اللي هنا

سؤال هو فيه اساسا فيسكو عندك في كفر الشيخ ؟
سؤال أخر ايه متوفر عندك من انواع الزيوت عموما ؟
سؤال ثالث حضرتك كنت بتستخدم انهي نوع زيت قبل كده في العربية و ايه حالة العربية و ماشية كام الف ؟

أخيرا التخليقي ده النوع اللي بيطلقو عليه الزيت ال10 الاف و عموما هتلاقيه اغلي نوع لكل مصنع يعني ثمنه بيعدي ال 250 جنيه للجركن ال 4 لتر
ال xhp ده نوع من انوع زيوت موبيل و ده معدني و التخليقي من موبيل اسمه موبيل وان mobile 1 و التخليقي من شيل اسمه شيل هيلكس الترا و التخليقي من فيسكو اسمه فيسكو 5000 و التخليقي من توتال اسمه كوارتز 5000 و هكذا

و اي سؤال في الخدمه

السلام عليكم جميعا

ألف شكر على التوضيح و الاهتمام يا باشمهندس إيهاب

العربيه انا لسه جايبها مستعمله عامله 160 ألف حالتها جيده جدا و الحمد لله من شهر موديل 2002 و هي سيارتي الأولى
و انا كنت بحاول أعرف قبل م أنزل أتفرج على الفلاتر و الزيوت .... المشكله فعلان ان الزيوت المنتشره هنا Mobile XHP 3000 20w50و ده زيت معدني !!!!
و المخلق الموجود فقط هو 5w50 ,Mobile1 10000 فعلا انا مش لاقي
فيسكو أو حتي فلتر أصلي !!! في فلتر مصري ب 15ج و أخر مش عارف تركي باين ب 20 ج
الجميع قالوا لي أغير XHP 3000 من باب النصيحه طبعا !!!!!
المهم انا كنت ناوي انزل المدينه الصناعيه - حي صناعي ب كفر الشيخ - بس لما حال البلد يهدى شويه !!! ممكن أجد فلتر و زيت مناسب

ألف شكر

[Mohamed Hafiz]

مفيش أي أقتراحات ؟

[hossamalsadik]

درجة الزيت ده من الكتلوج

للماتور motor ibiza 1.0 8v



للفيتيس GEAR

[hossamalsadik]

فلتر الزيت



فلتر البنزين

[Mohamed Hafiz]

السلام عليكم جميعا و ألف شكر لجميع الاعضاء

الأسبوع الماضي خلاص لقيت الفلتر الأسود الأصلي ب 60 بعد الفصال و هو كده ممكن يكون غالي شويه بس انتم عارفين ممكن يكون غالي عشان انا في كفر الشيخ و معظم المنتشر الفلاتر العاديه المصري و التركي من 15-25
المهم
بالنسبة للزيوت ومواصفاتها من المانوال و كلام الأعضاء المحترمين عن الزيت المعدني و التخليقي
انا حطيت 3000 Mobile 1 Xhp
, هو معدني على الرغم من ان الأفضل ان يكون زيت تخليقي و لكن لقيته 10000 كم و انا كنت فاكر في منه 3000 كم و انا مش عاوز أسيب الزيت كتيير

المهم انا حسيت ان صوت العربيه أفضل الحمد لله
فاضل فلتر الهواء و البنزين