جراج السيات لكل الفئات

[nos502000]

الحاجة دي خاصة بصديقي محمد عادل ورقم تليفونه :01111217894
بطاحات + مساعدين + سوست + دوشم فرامل كاملة بتوع الابيزا 94-98 و جولف 2 و بولو ( 1000-1300) سي سي
كل حاجة سليمة ما عدا سوسته واحده مش حلوة
بس هما راكبين علي بعض يعني فا كلها علي بعضها
نهائي:300 جنيه

والله انا عايز اغير العفشة بتعتى كلها بس مش عارف الحاجات دى حالتها ايه
انا مش فاهم معنى سليمة ايه انا اقصد توضيح الحالة
وليا سؤال تانى هل اغير العفشة استيراد احسن ولا جديد ومش مهم الفلوس بس اهم حاجة الجودة والشغل عايز عفشة ناعمة نفسى احس ان عربيتى مريحة فالمشى والمطبات

[windofchange]

والله انا عايز اغير العفشة بتعتى كلها بس مش عارف الحاجات دى حالتها ايه
انا مش فاهم معنى سليمة ايه انا اقصد توضيح الحالة
وليا سؤال تانى هل اغير العفشة استيراد احسن ولا جديد ومش مهم الفلوس بس اهم حاجة الجودة والشغل عايز عفشة ناعمة نفسى احس ان عربيتى مريحة فالمشى والمطبات

رد صاحبي اللي عارض قطع الغيار......المهم المساعدين حالتهم كويسه تقدر تقول 70% مثلا و الطنابير انا كنت جايبهم جديد اقصي حاجة ممكن يعملها انه يخد منهم وش بس عشان الركنة مش اكتر البطاحات كانت سليمة مفهاش حاجة بس عندي من زمان فا لو عايز بطاحات يفضل جديد
و طالما مش هامه الفلوس يجيب العفشه كلها جديدة بس ماركات معينة عشان يريح دماغه منها لسنتين تلاته علي الاقل

[Karim Ibiza]

Up....

[abueldhab ibiz]

أنا عندى فانوس خلفى كله سليم ماعدا جزء صغير فيه .. المهم الفانوس ده أنا سألت عليه ف الليبينى لقيت الأتنين ب 250ج .. ف أنا معايا واحد فى جزء صغير مكسور عايز أبيعه ف اللى عايزه يقولى ومش هنختلف ع السعر :)

[grandfox]

موضوع ممتاز جدا يا جماعة
بس
كان الاستاذ كريم اقترح اقتراح جميل جدا" بس للأسف اللى التزموا بالموضوع ده قليلين جدا"
ياريت يا جماعة الموضوع مش هياخد منكم غير دقائق
كل واحد يكتب نوع العربية والموديل والسعة اللترية فى توقيعه
عشان لما حد يعرض اى قطعة غيار يبقى الناس عارفة ممكن تتوافق مع عربياتهم ولا لأ، وبرضه عشان لو حد حب يسأل سؤال عن صيانة يبقى الموضوع سهل فى الرد عليه لأن الموديلات كتيرة وكذلك الاختلافات
مع تحياتى ويارب تهتموا لأن الموضوع هيبقى فى صالح الجميع

[grandfox]

السلام عليكم اعضاء المنتدى الكرام
وانا ماشى على المحور وقع منى طاسة من بتوع العجل الاوريجينال
يا ريت لو حد عنده طاسات اوريجينال زيادة انا عايز اشترى
تحياتى

[bogyman123]

ولو امكن كمان بدل ما كل واحد بشترى حاجة لوحدة ممكن نجيب جملة مثلا نص عربية وكل واحد عايز حاجة ياخدها
ممكن تكون اوفر؟؟؟