مشكلة الحرارة في 94

[boltog]

انا محمد و عندي ابيزا 94 ومغير ثرموستات الحرارة مخليها واطية وانا ماشي بيها عادي الحرارة زي الفل والمروحة تشتغل في وقتها لكمن لما بكون كابس تلاقي الحرارة تطلع معاك بسرعة معرفش لية والمصيبة الاكبر ان عندي مركب تكييف ونفسي اشغلة لكن كل لما اجي اشغلة الحرارة تعلي اووي برغم اني مركب مروحة علي السربنتينة والمروحتين بيكونوا شغلين لكن الحرارة عالية بردة

غيرت الخراطيم كلها ونظفت الردياتير والسربنتينة وعملت دورة التبريد لكن الحرارة بردة عالية مع التكييف وبردة لما اجري بالعربية وانا مش مشغل التكيف مش عارف اعمل اية حد يقولي اروح لمين ولا اعمل اية ؟؟؟

وشكرا واسف علي اني بطول عليكم

[hazem_khidr]

شوف ترموثتات الكوعه ممكن تكون بايظه و بتحجز مياه الرديباتير البارده انها تدخل الموتور و تختلط بالمياه السخنه اللي فيه

[mohamed ibiza]

شوف الترموستات زي حازم ما قالك و شوف الرادياتير غير التنضيف ممكن يكون مخروم

[hadeer]

المشكله دى كانت بتحصل عندى احيانا كل فتره
وصدقنى سيبك من الترمستات
الراديتير محتاج بتندف او مخروم زى ما محمد ابيزا قالك
مفيش غير كده واتحدى
اى حاجه تانيه زى الفل

dodo

[hazem_khidr]

انا محمد و عندي ابيزا 94 ومغير ثرموستات الحرارة مخليها واطية وانا ماشي بيها عادي الحرارة زي الفل والمروحة تشتغل في وقتها لكمن لما بكون كابس تلاقي الحرارة تطلع معاك بسرعة معرفش لية والمصيبة الاكبر ان عندي مركب تكييف ونفسي اشغلة لكن كل لما اجي اشغلة الحرارة تعلي اووي برغم اني مركب مروحة علي السربنتينة والمروحتين بيكونوا شغلين لكن الحرارة عالية بردة

غيرت الخراطيم كلها ونظفت الردياتير والسربنتينة وعملت دورة التبريد لكن الحرارة بردة عالية مع التكييف وبردة لما اجري بالعربية وانا مش مشغل التكيف مش عارف اعمل اية حد يقولي اروح لمين ولا اعمل اية ؟؟؟

وشكرا واسف علي اني بطول عليكم

يا هدير الراجل بيقول نضف الردياتير
ازاي سيبك من التريموستات و الكلام دا !!!!!!!!
يا ريت اللي يجاوب علي سؤال يقرأه كويس

[boltog]

انا شايل اصلا ثرموثتات الكوع

[mohamed ibiza]

و مين اللي قالك شيل الترموستات و شلته ليه اصلا ما علينا


اكشف علي الرادياتير و اربة الميه يا اما هتلاقي الردياتير مخروم او الاربه محتاجة تغيير و العربية بتخر ميه ولا لا

[hazem_khidr]

انا شايل اصلا ثرموثتات الكوع

و ليه تشيل الترموستات
هو يعني الخواجه اللي مصمم العربيه حاططها منظره ولا عياقه؟؟
ركب الترموستات تاني و ما تسمعش كلام اي ميكانيكي ما بيفهمش يقول غير كده.
و شوف العربيه يتسرب ميه ولا لاء
و لو بتسرب يبقي زي ما محمد قال ردياتير مخروم او اربه الميه
لو مش بتسرب يبقي شوف الزيت و الميه لو لونهم طحينه يبقي جوان وش سلندر

[boltog]

الردياتير مش مخروم ولا في اي مياة بتسرب من اي حتة والزيت والمية لونهم عادي جدا انا روحت لكذا واحد وكلة مش عارف حكاية الحرارة دة من اية وكلة بيقول ان كل حاجة سليمة مفهاش حاجة

[boltog]

انا حتي لسة جايب شجرة جديدة الي بتتركب في الموتور يعني كل حاجة جديدة ولسة متركبة

[محمد المصرى]

انا شايل اصلا ثرموثتات الكوع

هى دى المشكلة ترموستات الكوعة ليه طريقة معينة فى الالغاء

[mohamed ibiza]

رجع الترموستات تاني و شوف بعدها ايه النظام و اللي قالك شيل الترموستات سوري يعني حممممممممممار

[net_bat]

المشكله دى كانت عندى و عملت كل اللى عملته فى الاخر طلع ان المروحه هيا اللى تعبانه مع انها بتشتغل كويس لكن لما غيرت المروحه كل حاجه اتظبطت ولعى فكره انا جبت مروحه استيراد من الحرفيين بس تمام مافيش غير المروحه هيا السبب انها ضعيفه لو غيرتها هاتشوف الفرق زى عندى بالظبط

[fox_ait]

يا جماعى هية المفروض الحرارة توصل لغاية كام علشان المروحة تشتغل؟؟
علشان ان مغير الحساس الاسود الى فكوع الميا و الحرارة بتوصل ل95 ؟؟ دة عادى ولا فية غلط؟؟؟؟

[kojy]

انا عايز اعرف منك هي الحرارة بتعدي النص بكتير ولا بتوصل للاحمر ؟
لأني معايا بردو 94 وكانت بتعلى مني لحد ما غيرت الريداتير خالص وجبت واحد جديد ب300 جم وبقت الحرارة زي الفل بس هي دايما لما بشد عالماتور بتجيب النص وبتفضل كده فترة كبيرة وبعدين تنزل تاني وسألت عرفت ان النص ده طبيعي جدا . ملحوظة انا مسأت مطور 1600 .