تجربة تفريغ نص بولو كلاسيك فى ابيزا 98 (الجزء الثانى)

[Karim Ibiza]

نرجع ونقول فين الجزء التالت يا كريم ؟؟؟؟؟

الجزء التالت هتشوفه لايف

ان شاء الله هحاول انزله يوم الخميس عشان لسه بظبط شوية حاجات وعايزه يكون الجزء الاخير

اعذرنى ياعم Pico

[SYD]

انا برده نفس الموضوع انا كان معايا لادا 2105 موديل 84 بتاعت الحاج مكنتش اعرف حاجة غير بيك السلانسيه وبيك السرعة والابلاتين والكوندنسر والبيضات ومرة طيرت الموتور ال 1200 سى سى بتاعها وكان السبب ان البييل connecting rods اتكسر وخرم البلوكة وطلع من الجنب ولقيت الحاج بيكلمنى من عند الميكانيكى وطبعا شايط وبيقولى كسرت البييل!!!! قولتله ايه البييل ده اصلا وساعتها سقطنا موتور 1300 سى سى (من الواضح انى بستهلك مواتير كتير )

الحمد لله وبفضله ثم فضل القسم قدرت اجمع معلومات كتير فى وقت قليل عن الابيزا والتكنولوجيا اللى فيها (طبعا بالنسبة لواحد كان معاه لادا 84 الابيزا بالنسبة له سفينة فضائية) انا شارى الابيزا من شهر 6 اللى فات

وبالنسبة لموضوع الضيوف اللى من الاقسام التانية اللى بيشرفونا انا ملاحظ الاتى:
ملاك الفولكس انتمائهم قل بالنسبة للفولكس وبدأ يزيد للسيات لدرجة ان استفسارتهم بيطرحوها هنا فى القسم وكمان هيحضروا معانا مقابلات (ahmed pico) اللى هيشرفنا حضوره وكمان تويوتا وحاسس ان قريب جدا هينضملنا ناس منهم

على قد ما عدد اعضاء القسم قليل بالنسبة للأقسام الكبيرة التانية و جايز كمان يكون عدد المواضيع والمشاركات اقل بس كل موضوع فى القسم بيضيف معلومة فى غاية الأهمية وده بيخلى الكيف اكتر من الكم

وده ان دل فأنه يدل على مدى نقاء اعضاء القسم وحبهم للغير واحترامهم لبعض وطبعا قى الاصل اللى زرع الروح دى هو حضرتك ودورك الناجح كمنسق واهتمامك ورعايتك للقسم مع ان مفيش مقابل مادى يخليك تتابع كل المواضيع وتعلق عليها فى ساعات عملك الرسمية والساعة 1 بالليل والساعة 5 الفجر (انت ايه ياعم مبتنامش؟؟؟؟!!!!!!)
ربنا يجازيك خير ويجازى كل عضو بيحب الخير لغيره زى مابيحبه لنفسه

فى حاجة عايز اقولها ومقولتهاش قبل كده: الناس اللى متابعانى من اول انضمامى لعائلة السيات اكيد عارفين ان العربية بعد ما اشتريتها كانت مديالى ضهرها وكانت كل اسبوع لازم تعمل معايا نمرة بباكوين تلاتة (يعنى 2000 - 3000 جنيه) (اللهم احفظنا من شر العين) لدرجة انى اتشائمت منها وكنت بخاف اركبها وفكرت انى ابيعها
بعدين قولت طيب هشترى ايه؟؟؟ وفكرت فى كذا ماركة تانية وكل ما افكر فى ماركة ادخل القسم بتاعها فى المنتدى عشان اشوف قطع الغيار والاعطال واراء الناس بس برجع اشيل الفكرة من دماغى لانى كنت بحس انى مش هلاقى مساعدة زى اللى بلاقيها هنا وانى هلووص (والله مش ببالغ)

ربنا يجمعنا دايما بالخير

اسف انى طولت عليكم بس حبيت انى اوفى كل الناس حقها

ربنا يباركلك في عربيتك
بس عايز اقولك ان طول عمر قسم سيات في المنتدي كان منارة العلم في المنتدي - كان عنده اعضاء نشيطين جدا وفاهمين كتير في العربيات الفولكس وكان حاضر العصر دة المهندس ايهاب واللي بينقلنا خبرة الماضي وعبقه
وطول عمر فولكس وسيات قسم واحد وايد واحدة ودايما الأعضاء بتشارك في موضوعات بعض

تحياتي لكل اعضاء القسمين
مع اطيب تمنياتي بالتوفيق للجميع

والله المستعان
،
،

[buddha]

والله الراجل صاحب الموضوع يشكر جدا جدا
الواحد بيستفاد جامد من حاجة >ى دى

عقبال ما المكنة تدو
فى نصيحة ...... المكنة بقالها طبعا فترة كبيرة راكنة
طبعا تنزل الزيت وتجيب زيت رخيص شوية وتحطة وتمشى بية كام يوم وتنزلة تانى
وتحط بعد كدة زيت كويس وانا ارشحلك castrol gtx
وبعدين متشديش على المكنة او 300 500 كيلو كدة
عشان بس لو فية بقايا زيت متكتل فى منطقة معينة تدوب مع الزيت الجديد من غير مشاكل
فى حجات الناس الـــ بتسقط مكن جديد مش بتاخد بالها خالص منها وبتكون سبب ان المكنة تبوظ بعد ما يركبها
وبتكون هى دى الاسباب

وطبعا السيور وبلى الدينامو والتكيف وطقم الدبرياج
ربنا يعينك يا وحششششششششششش

[Ahmed pico]

الجزء التالت هتشوفه لايف

ان شاء الله هحاول انزله يوم الخميس عشان لسه بظبط شوية حاجات وعايزه يكون الجزء الاخير

اعذرنى ياعم pico

ولا يهمك يا حج

[Karim Ibiza]

والله الراجل صاحب الموضوع يشكر جدا جدا
الواحد بيستفاد جامد من حاجة >ى دى

عقبال ما المكنة تدو
فى نصيحة ...... المكنة بقالها طبعا فترة كبيرة راكنة
طبعا تنزل الزيت وتجيب زيت رخيص شوية وتحطة وتمشى بية كام يوم وتنزلة تانى
وتحط بعد كدة زيت كويس وانا ارشحلك castrol gtx
وبعدين متشديش على المكنة او 300 500 كيلو كدة
عشان بس لو فية بقايا زيت متكتل فى منطقة معينة تدوب مع الزيت الجديد من غير مشاكل
فى حجات الناس الـــ بتسقط مكن جديد مش بتاخد بالها خالص منها وبتكون سبب ان المكنة تبوظ بعد ما يركبها
وبتكون هى دى الاسباب

وطبعا السيور وبلى الدينامو والتكيف وطقم الدبرياج
ربنا يعينك يا وحششششششششششش

لا تقلق ياباشا
انا مسقط مكنتين قبل كده :)

انا دلوقتى حاطط mobil xhp بنضف بيه وبعدين هنزله وهشتغل تخليقى liqui moly high tech
وجبت السير بس لسه ان شاء الله هركبه بكره

ياباشا انا قربت اعمل 1000 كيلو :) انا مستلمها من اسبوعين

ربنا يسترها معانا

[SYD]

والله الراجل صاحب الموضوع يشكر جدا جدا
الواحد بيستفاد جامد من حاجة >ى دى

عقبال ما المكنة تدو
فى نصيحة ...... المكنة بقالها طبعا فترة كبيرة راكنة
طبعا تنزل الزيت وتجيب زيت رخيص شوية وتحطة وتمشى بية كام يوم وتنزلة تانى
وتحط بعد كدة زيت كويس وانا ارشحلك castrol gtx
وبعدين متشديش على المكنة او 300 500 كيلو كدة
عشان بس لو فية بقايا زيت متكتل فى منطقة معينة تدوب مع الزيت الجديد من غير مشاكل
فى حجات الناس الـــ بتسقط مكن جديد مش بتاخد بالها خالص منها وبتكون سبب ان المكنة تبوظ بعد ما يركبها
وبتكون هى دى الاسباب

وطبعا السيور وبلى الدينامو والتكيف وطقم الدبرياج
ربنا يعينك يا وحششششششششششش

لا تقلق ياباشا
انا مسقط مكنتين قبل كده :)

انا دلوقتى حاطط mobil xhp بنضف بيه وبعدين هنزله وهشتغل تخليقى liqui moly high tech
وجبت السير بس لسه ان شاء الله هركبه بكره

ياباشا انا قربت اعمل 1000 كيلو :) انا مستلمها من اسبوعين

ربنا يسترها معانا

كنت داخل اقوله ماتقلقش علي الراجل دة - دة خبرة

تحياتي

[mahmoudayman]

طبعا مشكور علي الصور و المجهود الرائع بس انا عندي سؤالين انت ليه مجبتش نص ابيزا بدل البولو تاني حاجه التكلفه كلها كام

[Karim Ibiza]

طبعا مشكور علي الصور و المجهود الرائع بس انا عندي سؤالين انت ليه مجبتش نص ابيزا بدل البولو تاني حاجه التكلفه كلها كام

لأن معظم الابيزا بتنزل 1400 ولأن البولو كلاسيك هى فى الأصل كوردوبا بس شايلين العلامة وحاطين فولكس
التكلفة هتلاقيها فى الجزء الثالث http://www.nilemotors.net/Nile/339133-98.html

[hugan]

لو تسمح
عايز احييك بشده علي تجربتك الرائعه
تجربه التسقيط
والنص الاستيراد بتبين قد ايه
نضافه العربيات عندهم
ان احنا شغالين في مصر بدل مانركب كلبس لاكصدام نربطه بمسامير

[Karim Ibiza]

لو تسمح
عايز احييك بشده علي تجربتك الرائعه
تجربه التسقيط
والنص الاستيراد بتبين قد ايه
نضافه العربيات عندهم
ان احنا شغالين في مصر بدل مانركب كلبس لاكصدام نربطه بمسامير

الله يكرمك
فعلا العربيات بره حاجة محترمة جدا

شكرا لمرورك

[dodgecharger]

بصراحة الله ينور ياكريم

[Karim Ibiza]

بصراحة الله ينور ياكريم

وعليك يادرش

[BiGGuY]

انا عجبني الموضوع جدا... بس كان ليا شوية استفسارات
انا معايا ابيزا 94 حالتها مش ولا بد في اسيوط وبصراحة خبرتي مش قوي في العربيات وان كنت بجتهد اني اطور نفسي
انا محتاج اعمل نفس العملية اللي في الموضوع ده بس عاوز اعرف
1- منين اجيب نص كويس من غير ما يدحك عليا في حالته او في تمنه طبعا
2- انا من متابعتي اعرف ان اغلب التجار في الحرفيين فلو في مركز يكون محترم يقوم بالمهمة بالكامل تكون مصلحة
انا سمعت انه ممكن اخليها اوتوماتيك هل الموضوع ده حقيقي وهيكلفني كام تقريبا ؟؟

[mohammad isdf]

ممتاز
ربنا يبارك وييسرلك كل امرك يا رب العالمين فرحتنا والله و شغل عالى اوى