إعـــــــلان

Collapse

.

,
See more
See less

السبع دوخات.... اي والله السبع دوخات.

Collapse
X
 
  • Filter
  • الوقت
  • Show
Clear All
new posts

  • السبع دوخات.... اي والله السبع دوخات.

    السلام عليكم ورحمة الله وبركاته

    اصدقائي الاعزاء .....

    حبيت انقل اليكم اخر تجاربي الحلزونيه مع عربيتي المحبوبه الابيزا 2001

    من فتره ليست بالطويله ( حوالي شهر مثلا ) جيت وانا مسافر الصبح بالعربيه.... ادور العربيه تدور وتبطل في نفس ذات اللحظه. ادور تدور وتبطل مش عارف فيه ايه المهم فضلت على الحال دا حوالي عشر دقايق لحد مادارت الحمد لله..

    قولت عاتشي جدا عاتشي خالص يمكن بتدلع وكلي امل بقي انها مشكله عابره كده الكهربا كانت بتستهبل او شويه مياه دخلوا الموبينه اللي هي بفيشه دي وخلاص هاتروح لحالها

    ولكنني كنت ساذجا ساذجا ساذجا

    العربيه يا اخواننا بارده تطلع عين اللي خلفوني وكمان ممكن تدور او ماتدورش هي ومزاجها بس لما تسخن بتدور عادي

    لا وساعات تدور من اول محاوله....حاجه تجنن فعلا

    المهم قولت هاروح لهريسه عشان يشوف ايه الاشتغاله دي... اخدت المحروسه وروحتله

    قالك لاااازم ولابد نوصلها ع الجهاز قولتله وصل يا سيدي.... ييجي يوصل بقي يطلع ايرور اثناء التوصيل والكارته ماتتقراش ع الجهاز

    يهديك يرضيك يا جهاز ابدا لايمكن

    هريسه بقي من النوع اللي ماياخدش ويدي معاك ف الكلام ولا يفهمك ايه اللي بيحصل المهم قالك عايزة كهربائي وشكرا

    قولت ماشي اتصلت بالكهربائي اللي مسقطلي المكنه جالي وعادلي ع الضفيره من اولها لاخرها أذ ربما يكون سلك مقطوع ولا حاجه الضفيره زي الفل مافيهاش مشكله...

    بيني وبينكم كان مش شاغلني اوي موضوع الكمبيوتر دا المهم عندي موضوع الدواره

    طبعا لا انسي انه كان معايا اول باول ع التليفون صديقي العزيز ايهاب منصور وكنت بشركه معايا ف كل خطوه كنت بعملها

    المهم بقي مافضلش معايا غير طريق الفتي والفتايين وما اكثرهم في مجتمعنا المصري الكبير

    وفضلت ماشي وراهم بقي..... اللي يقولي دا موبينه غير موبينه وجرب مافيش

    طب ممكن تكون طرمبه بنزين ما اقتنعتش بالحل دا لاني ضغط البنزين كان كويس

    واحد قالك بس دا حساس الكرنك لانه 3 طرف طرف ارضي وطرف كهربا وطرف بنزين يبقي هو دا

    ولااااا الهوا

    على مدار رحلتي مع العذاب بقي كنت بسمع كلام من كهربائيه يقولوا ممكن تكون شفره المفتاح وقعت بسبب ان المفتاح وقع او اتخبط.... طبعا ولا اي اقتناع ووافقني رأي ايهاب برضه بس قولت انا اصلا محتاج مفتاح اسبير فحتي لو عملت مفتاح احتياطي فمش هايضر

    المهم وانا ماشي مروح من الشغل لاقيت محل اكسسوار جمب بيتنا فقولت اساله عن حد بيعمل مفاتيح مشفره جمبنا ف الابراهيميه او اقرب حد

    دخلت لعم شوقي دا فقالي اقرب واحد ليك عباس ف رشدي شارع ابوقير روحله هو اشهر واحد

    قولتله هاروحله بقي محاوله اخيره قبل ما اشحت العربيه

    قالي انت مش عايز تعمل مفتاح ؟ قولتله الموضوع كذا كذا كذا

    قالي لا دا مش شفره خد النمره دي دا واحد عنده مركز خدمه بس دماغه تتلف فحرير هو اللي هايعرف يحللك المشكله دي قوله بس انا جيلك من طرف عم شوقي

    المهم قولت احاول بدل العربيه ماهي حتته حديده كده .....

    اتصلت بالراجل قالي هاتهالي يوم الاتنين وربنا يسهل

    جيت بقي يوم الاتنين ادورها حلفت ماهي دايره ماكدبتش خبر كلمت واحد صاحبي جه قطرني وروحت موديله العربيه....


    بصراحه مركز كبير وشيك وفيه حجات حديثه جدا وناس تحسها فاهمه كده

    المهم ... المهندس جه يحطها ع الجهاز برضه ماقرتش ...

    قالي سيبهالي بقي وانا هاشوف فيه ايه

    كلمني تاني يوم الضهر وقالي ياباشا عداد العربيه هو اللي بايظ وهو اللي عامل كل الحوارات دي ومخلي العربيه ماتتوصلش بالجهاز

    انا طبعا بللمت... عداد ايه ياعم العداد ايه دخله

    المهم قولتله ياباشمهندس لو حضرتك شايف كده ومتاكد خلاص

    قالي تجيب عداد ولا اجيبلك ؟

    قولتله لا هات انت

    انا قولت بيني وبين نفسي هو بقي يشيل الليله لو طلع الكلام غلط بدل ما البس انا العداد

    المهم يومين وروحتله لاقيته مركب العداد و كل حاجه تمام ووصلت العربيه ع الجهاز لاقيت فيه ايرور ف البوابه وحساس الجاكمان

    غيرت البوابه بالمره عشان كانت فعلا فيه برجله غريبه ف المكنه وديما الار بي ام فوق الواحد بشرطه

    العربيه معايا بقالها 4 ايام دلوقت وكل حاجه تمام الحمد لله والوضع مستقر الحمد لله


    وهذه تجربتي للاستفاده

    والسلام عليكم ورحمة الله

  • #2
    الحمد لله انها اتظبطت
    شكلك بتحب تقرا لرفعت اسماعيل
    جروب مالكى وعاشقى لانسر كريستاله
    https://www.facebook.com/groups/lancer.egypt.1996.2000/

    Comment


    • #3
      لحمد الله ان العربيه ظبطت
      وبحد انا سعيد انها ظبطت معاك لأنك وصلتلنا شعور بان العربيه تعباك جدااا فى المشكله ديه بس الحمد لله
      وفعلنا مشكله جديده من نوعها وكل لما الواحد يعيش ياما......
      ومبروووك وشكرا على نقل تجربتك
      ماشاء الله كان وما لم يشأ لم يكن
      SEAT IBIZA 2000 MK3 (6k2)ALD Engine 1.0 8v MPI
      [SIGPIC][/SIGPIC]

      Comment


      • #4
        عاتشى ياعم عاتشى

        الا قولى بقى فين المركز ده فى اسكندريه وبيشتغلو فى اى عربيه ولا عربيات معينه ؟

        وشغلهم كله ولا حاجات معينه فى العربيه ؟
        سبحان الله وبحمده سبحان الله العظيم

        [SIGPIC][/SIGPIC]

        Comment


        • #5
          مبروك ان الدنيا اتظبطت عندك والحمد الله بعد المعاناه دى
          انا مش عارف اقلك اية يعنى المشكلة طلعت فى حاجة من المستحيل انك تتخيل انها تبقى السبب ابداً
          يعنى فعلاً الحمد الله الحمد الله انك وصلت لحد يقدر يحددلك العيب فين وفعلاً مشكلة جديدة من نوعها
          وشكراً على نقل التجربة وجميل انك هتقدر توصل باقى الاعضاء خصوصاً الاسكندرانية على المركز دة
          [grade="00008B FF6347 008000 4B0082"]IBIZA 98 - 1.4 Engine[/grade]

          Comment


          • #6
            الحمد الله ان العربيه ظبطت
            وبحد انا سعيد انها ظبطت معاك لأنك وصلتلنا شعور بان العربيه تعباك جدااا فى المشكله ديه بس الحمد لله
            وفعلنا مشكله جديده من نوعها وكل لما الواحد يعيش ياما......
            والمهندس المحترم إيهاب منصور أعجابى بيه بيزداد يوم بعد يوم فربنا يكرمه لمساعدته الأعضاء
            : { والله في عون العبد ما كان العبد في عون أخيه }
            ومبروووك وشكرا على نقل تجربتك
            ماشاء الله كان وما لم يشأ لم يكن
            SEAT IBIZA 2000 MK3 (6k2)ALD Engine 1.0 8v MPI
            [SIGPIC][/SIGPIC]

            Comment


            • #7
              فعلا المشكله كانت مضيقاني جدا.....

              بسبب ان ماحدش عارف يحدد العيب فين !!!!

              وصلت لمرحله قولت ايه يعني هاسقط مكنه بضفيره عشان حاجه زي كده ولا ايه ؟؟

              بس بصراحه العيب طلع غريب جدا وماحدش متوقعه

              وبصراحه المركز دا انا احترمته جدا لان الراجل ماخدش ف ايده وقت وعرف العيب فين مع اني لفيت بيها عن ميكانيكيه وكهربائيه ليهم سيطهم وسمعتهم ف اسكندريه

              وكله فتي ف فتي ماحدش عارف حاجه دا ف كلمه قاللي اللي فيها.... ان شاء الله كل حاجه ليا ف صيانه عربيتي هاتبقي هناك لاني اخيرا لاقيت حد بيفهم رغم انه غالي اوي بس يستاهل بصراحه لازم العبقريه والمفهوميه تتقدر ويبقالها سعرها

              المركز دا يا افنديه بيشتغل ف الاسكواد والفولكس والاودي والسيات فقط

              هو في اول اسكندريه - مصر الزراعي ومش عارف مسموح اقول اسمه ولا قوانين المنتدي تمنع

              Comment


              • #8
                المشاركة الأصلية كتبت بواسطة Mstfun مشاهدة المشاركة
                فعلا المشكله كانت مضيقاني جدا.....

                بسبب ان ماحدش عارف يحدد العيب فين !!!!

                وصلت لمرحله قولت ايه يعني هاسقط مكنه بضفيره عشان حاجه زي كده ولا ايه ؟؟

                بس بصراحه العيب طلع غريب جدا وماحدش متوقعه

                وبصراحه المركز دا انا احترمته جدا لان الراجل ماخدش ف ايده وقت وعرف العيب فين مع اني لفيت بيها عن ميكانيكيه وكهربائيه ليهم سيطهم وسمعتهم ف اسكندريه

                وكله فتي ف فتي ماحدش عارف حاجه دا ف كلمه قاللي اللي فيها.... ان شاء الله كل حاجه ليا ف صيانه عربيتي هاتبقي هناك لاني اخيرا لاقيت حد بيفهم رغم انه غالي اوي بس يستاهل بصراحه لازم العبقريه والمفهوميه تتقدر ويبقالها سعرها

                المركز دا يا افنديه بيشتغل ف الاسكواد والفولكس والاودي والسيات فقط

                هو في اول اسكندريه - مصر الزراعي ومش عارف مسموح اقول اسمه ولا قوانين المنتدي تمنع

                حمد الله علي السلامة ياراجل
                انا بقرأ الموضوع كأني بتفرج علي mbc action
                انا عارف المركز اللي انت بتتكلم عليه لأني عملت عربيتي عند الراجل اللي قبله علي نفس الصف
                عموما لو احتاجت أي مساعدة انا معاك
                Karim Samy - Business Development
                [SIGPIC][/SIGPIC]

                Fiat 128 Model 1983 1100cc
                Lada 2105 Model 1984 1200cc & 1300cc
                Nissan Tiida Model 2007 1600cc
                SEAT ibiza 6k Model 1998 1000cc AER , 1400cc AEX & 1600cc AFT
                Toyota Corolla Model 2013 1600cc

                Comment


                • #9
                  الف مبروك علي حل المشكلة
                  بس بردو اعذر الصنايعية - انت المشكلة بتاعتك كلها فعلا بتنحصر فحاجة من اتنين - اما الكنترول بيهيس او وحدة الايموبلايزر بتهيس
                  وبالتاكيد مش هما نفسهم اللي بيهيسوا - اكيد الكابلات او الفيش
                  وكمان انت ضللت البحث بملاحظة ان العربية لما تسخن تشتغل كويس

                  لكن العدادات تتدخل في المشكلة فهو دة الجديد
                  بس هو انت اصلا بتشتكي من العدادات ف حاجة ؟

                  عموما الف مبروك حل المشكلة

                  وبالنسبة لموضوع العنوان او اسم الصنايعي - لما حد يسألك عليه وتديهولوا مفيهاش مشكلة - لكن كونك تعمل موضوع بتعلن فيه عن المركز وعناوين وتليفونات فهو دة المشكلة

                  تحياتي
                  [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                  [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                  [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                  [CENTER]
                  [COLOR=DarkRed]صفحة القسم علي الفيس بوك[/COLOR]
                  [/CENTER]
                  [CENTER][URL]http://www.facebook.com/SeatNileMotors[/URL]

                  [COLOR=Navy]صفحتي الشخصية
                  [url]https://www.facebook.com/ITNetworksWay[/url]
                  [/COLOR] [/CENTER]

                  Comment


                  • #10
                    يااااااااااااااه يا راجل حمدا لله علي سلامتك
                    فينك يا راجل والله كنت منتظرك تطمني لكني نسيت اساسا لأن اصدقاء كتير بيكلموني في حاجات مختلفة ده غير الشغل فاعذرني اني مسألتش عليك لمعرفة اخر الأخبار

                    بس غريبة جدا جدا موضوع العدادات ده دي اخر حاجه كنت اتخيل انها تكون سبب مشكلتك و لكن طبيعي انها تسبب كده بس كان المفروض الكنترول ييتقري عادي و تعرف منه ان العدادات فيها مشكة علي العموم الف مبروك يا برنس و ابقي طمني عليك دائما

                    تحليلي الشخصي للموضوع ده ان العدادات مش لازم تكون بايظة عشان تأثر علي الكنترول لأن العدادات معظم الأمبيرات اللي بتعرضها بتاخد اشاراتها مباشرة من الحساسات اللي بتعرض عليها و لكن ليها برضه اشارات تواصل بينها و بين الكنترول محتمل يكون فيه مكون الكتروني او مكثف او تلميس بأحد أطراف العدادات هي اللي اثرت علي الكنترول و عمله الطبيعي و سقطت جهده بنسبة بسيطة خليته يهيس و يعمل كل ده
                    ملحوظة : معظم وحدات الكنترول و العدادات بالسيارات تعمل اكثر مكوناتها بجهد 5 فولت مشترك بينها و بين بعضها و مصدره هو وحدة باور داخل الكنترول او في اي مكان لتحويل الجهد ال 12 فولت الي 5 فولت و ده سبب تاثير العدادات علي الكنترول
                    ده توقعي الشخصي
                    والله الموفق
                    م / إيهاب منصور
                    SEAT CORDOBA 2002 1.0 16V AVZ

                    Comment


                    • #11
                      المشاركة الأصلية كتبت بواسطة syd مشاهدة المشاركة
                      الف مبروك علي حل المشكلة
                      بس بردو اعذر الصنايعية - انت المشكلة بتاعتك كلها فعلا بتنحصر فحاجة من اتنين - اما الكنترول بيهيس او وحدة الايموبلايزر بتهيس
                      وبالتاكيد مش هما نفسهم اللي بيهيسوا - اكيد الكابلات او الفيش
                      وكمان انت ضللت البحث بملاحظة ان العربية لما تسخن تشتغل كويس

                      لكن العدادات تتدخل في المشكلة فهو دة الجديد
                      بس هو انت اصلا بتشتكي من العدادات ف حاجة ؟

                      عموما الف مبروك حل المشكلة

                      وبالنسبة لموضوع العنوان او اسم الصنايعي - لما حد يسألك عليه وتديهولوا مفيهاش مشكلة - لكن كونك تعمل موضوع بتعلن فيه عن المركز وعناوين وتليفونات فهو دة المشكلة

                      تحياتي


                      الله يبارك فيك يا بوالسيد

                      اكيد هما الصنايعيه مافيش ادامهم حاجه غير انهم يتوقعوا بس اللي يغيظك بقي ان كلهم ياكدولك ان العيب ف الحاجه دي... اقولهم يا جماعه يعني اشتريها اكيد يقولك هي يا معلم مافيش حاجه تانيه

                      ف النقطه دي بتضايق لما يبقي حد عامل نفسه شغال ف شركه سيات بالثقة دي

                      والعدادات كانت شغاله فل الفل بس عداد الكيلو كان واقف لان مكنه الكيلو مكسوره

                      Comment


                      • #12
                        المشاركة الأصلية كتبت بواسطة ehab_mansour مشاهدة المشاركة
                        يااااااااااااااه يا راجل حمدا لله علي سلامتك
                        فينك يا راجل والله كنت منتظرك تطمني لكني نسيت اساسا لأن اصدقاء كتير بيكلموني في حاجات مختلفة ده غير الشغل فاعذرني اني مسألتش عليك لمعرفة اخر الأخبار

                        بس غريبة جدا جدا موضوع العدادات ده دي اخر حاجه كنت اتخيل انها تكون سبب مشكلتك و لكن طبيعي انها تسبب كده بس كان المفروض الكنترول ييتقري عادي و تعرف منه ان العدادات فيها مشكة علي العموم الف مبروك يا برنس و ابقي طمني عليك دائما

                        تحليلي الشخصي للموضوع ده ان العدادات مش لازم تكون بايظة عشان تأثر علي الكنترول لأن العدادات معظم الأمبيرات اللي بتعرضها بتاخد اشاراتها مباشرة من الحساسات اللي بتعرض عليها و لكن ليها برضه اشارات تواصل بينها و بين الكنترول محتمل يكون فيه مكون الكتروني او مكثف او تلميس بأحد أطراف العدادات هي اللي اثرت علي الكنترول و عمله الطبيعي و سقطت جهده بنسبة بسيطة خليته يهيس و يعمل كل ده
                        ملحوظة : معظم وحدات الكنترول و العدادات بالسيارات تعمل اكثر مكوناتها بجهد 5 فولت مشترك بينها و بين بعضها و مصدره هو وحدة باور داخل الكنترول او في اي مكان لتحويل الجهد ال 12 فولت الي 5 فولت و ده سبب تاثير العدادات علي الكنترول
                        ده توقعي الشخصي
                        والله الموفق
                        حبيبي يا بوب ولا يهمك ياباشا

                        انا والله قولت تعرف النتيجه النهائيه ف الموضوع ف المنتدي بقي حرصا على عامل الاثارة والتشويق :d

                        والله اخر حاجه كنت اتوقعها موضوع العدادات دا بصراحه انا كمان

                        انا كان ممكن اتخيل ان المشكله ف الكاوتش بس مش ف العدادات لاني عمري ماسمعت ولا قريت ان العدادت ممكن تعمل مشكله اساسا

                        بس المركز دا لما غيرها بسم الله ماشاء الله والغريب بقي كمان ان سحبها بقي بسم الله ماشاء الله كمان

                        والخنقه اللي فيها دي راحت

                        الحمد لله ان لاقيت حد يقدر يحدد مشكله غريبه وصعبه زي دي

                        Comment


                        • #13
                          الحمد لله على سلامة العربية وربنا ييسر لنا اولاد الحلال دايما...
                          تحياتي

                          Sent from my SE Arc S using Forum Runner
                          don't judge a car unless you have driven it

                          hm414 سابقا

                          Comment


                          • #14
                            المشاركة الأصلية كتبت بواسطة Mstfun مشاهدة المشاركة
                            الله يبارك فيك يا بوالسيد

                            اكيد هما الصنايعيه مافيش ادامهم حاجه غير انهم يتوقعوا بس اللي يغيظك بقي ان كلهم ياكدولك ان العيب ف الحاجه دي... اقولهم يا جماعه يعني اشتريها اكيد يقولك هي يا معلم مافيش حاجه تانيه

                            ف النقطه دي بتضايق لما يبقي حد عامل نفسه شغال ف شركه سيات بالثقة دي

                            والعدادات كانت شغاله فل الفل بس عداد الكيلو كان واقف لان مكنه الكيلو مكسوره
                            للأسف في طريقة بيتبعها كل الصنايعية واحياناً كمان المهندسين المتخصصين - طريقة ال"Try and Error" وللأسف ان انت اللي بتدفع ثمن تجربتهم
                            لكن لو صنايعي عنده قطع غيار مشابهة لعربيتك بيريحك من قصة الدفع وبيجرب علي المحاولة والخطأ من عنده هو

                            الحمد لله ان ربنا وقعك في حد بيفهم

                            تحياتي
                            [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                            [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                            [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                            [CENTER]
                            [COLOR=DarkRed]صفحة القسم علي الفيس بوك[/COLOR]
                            [/CENTER]
                            [CENTER][URL]http://www.facebook.com/SeatNileMotors[/URL]

                            [COLOR=Navy]صفحتي الشخصية
                            [url]https://www.facebook.com/ITNetworksWay[/url]
                            [/COLOR] [/CENTER]

                            Comment


                            • #15
                              الحمد الله انها اتحلت ..

                              Comment

                              Working...
                              X