استفسار عن ابيزا 2013

[hegazi_arc]

السلام عليكم..يا جماعه انا بشتري عربيه جديده و عاجباني الابيزا 2013 بس ماعرفش اي حاجه عنها..ارجوكم لو حد عندو اي معلومات عنها و عن اسعار قطع غيارها و اسعار بيعها مستعمل ياريت يقولي..هي عاجباني و بقارنها بين الفيات لينيا و الرينو داستر..شكرا

[SYD]

في البداية احب ارحب بيك في قسم سيات
دة موضوع كنت عامله عن سيات ابيزا 2012
فيه كل حاجة عن العربية
ولو عندك اي استفسار اخر انا تحت امرك

http://www.nilemotors.net/Nile/287883-2012.html#post3874298621

تحياتي

[hossamalsadik]

محركات السيارة
محرك بنزين tsi سعة 1.4 150حصان
السرعة القصوي للسيارة 228 كم\ساعة
ومحرك 1.2 - 75حصان

جنوط 17 انش
مصابيح أمامية وخلفية بتكنولوجيا led
نظام esp
نظامhas
جير اوتومتيك 7 سرعاتب نظام dsg

هشوف اخبار قطع الغيار واى معلومات تانيه وقلك
::::::::::::::::::::::::::::::::::::::::
الموصفات فى مصر ( منقول )
صندوق التروس – dsg
سعة المحرك – 1600 سى سى
قوة المحرك – 105 حصان
طول / عرض / ارتفاع – 4052 / 1693 / 1445 يعنى مش ديقه
سعة خزان الوقود – 45 لتر
وزن السيارة فارغ – 1070
إطارات السيارة – 185/60r15
الوسائد الهوائية – 2
معدل استهلاك الوقود – 5.8 / 100 كم
السرعة القصوى – 186 كم / س
التسارع من صفر الى 100 كم – 10 ثانية
نظام الامان – abs – ebd
بلد المنشأ أسبانيا برعاية المانية
الوان - اسود – ابيض – احمر – ازرق – اصفر – رمادى – فضى – بنى قاتم

جميع الكماليات
كماليات سيات ابيزا 2013
تكييف هواء – سنتر لوك بالريموت كنترول مزود بوحدة فتح النوافذ – زجاج كهربائى امامى و خلفى لمسة واحدة – مثبت سرعة – كمبيوتر داخلى – 5 احزمة ذات نقاط تثبيت ثلاثية – تجهيز لتركيب كرسى اطفال – نظام ايموبيلايزر للحماية ضد السطو و السرقة – قراءة درجة الحرارة الخارجية – اضاءة تنبيه لحزام امان السائق – صوت تنبيه للاضاءة الامامية – اضاءة جانبية ليلية – ضبط مستوى الارتفاع للمصابيح الامامية – فوانيس ضباب ذاتية الحركة – خاصية استمرار اضاءة المصابيح الخارجية بعد التوقف – عجلة قيادة جلدية متعددة الاغراض – ضبط الارتفاع للمقاعد الامامية – قابلية تعديل وضعية عجلة القيادة – مرايات جانبية قابلة للطى كهربائيا – سبويلر خلفى مع فانوس فرامل ثالث – اكصدامات بلون السيارة – اريال مثبت بالسقف ضد السرقة – قفل الشنطة يعمل بالكهرباء – راديو – مشغل اسطوانات – ام بى ثرى – 6 سماعات

[hegazi_arc]

انا متشكر جدا للاهتمام..الموضوع فعلا عظيم و لامم كل حاجه بس بالنسب لاسعار قطع الغيار اللي ممكن تتغير من غير غلطه ليك..زي المرايات و الفوانيس..و هل في ميكانيكيه كويسين ولا لأ بيفهمو فيها و كمان سعر اعاده البيع بتاعها كويس ولا مش مفهومه في مصر..انا راكب فورد مونديو و بغيرها لحاجه تكون الماني برضو و سعرها كويس زي الابيزا..

[SYD]

انا متشكر جدا للاهتمام..الموضوع فعلا عظيم و لامم كل حاجه بس بالنسب لاسعار قطع الغيار اللي ممكن تتغير من غير غلطه ليك..زي المرايات و الفوانيس..و هل في ميكانيكيه كويسين ولا لأ بيفهمو فيها و كمان سعر اعاده البيع بتاعها كويس ولا مش مفهومه في مصر..انا راكب فورد مونديو و بغيرها لحاجه تكون الماني برضو و سعرها كويس زي الابيزا..

الله يخليك

والله بالنسبة لأسعار قطع غيار العربية فمحدش أتكلم عنها خالص - بس طبيعي هتلاقيها غالية زيها زي اي عربية ٢٠١٣
لكن اسعار السيرفيس في موضوعات عنها هنا هدورلك عليها

الفورد طبعا متطورة جدا وبالذات المونديو ٢٠٠٠
بس الابيزا ان شاء الله تعجبك

هشوفلك موضوعات الأسعار وابعتلك لينكاتها

تحياتي

[ehab_mansour]

السلام عليكم
طبعا المعلومات اللي قالها الاخوه حسام و محمد كويسة جدا و لكن لي بعض التعديلات عليها حسب ما شفت في الواقع و التوكيل
العربية فيه منها في مصر موديلين تقريبا كمالياتهم متشابهه و لكن مختلفين في التصميم و الأبعاد و المحركات
1- ابيزا ستيشن و دي بتسمي ibiza st و دي اطول من العادية و شنطتها تقريبا اكبر من ضعف الموديل العادي و دي نزلت مصر بمحرك 1.2 سيسي TSIتربو تشارجر بقوة 105 حصان و بعزم عالي جدا لأنه تربو يصل الي 175 نيوتن متر و مستمر من ار بي ام 1550 الي 4100 علي فتيس dsg 7speed و ده لابد من استخدام بنزين 95 ليها و للعلم المحرك ده اخد افضل تصميم لمحرك في العالم لعام 2010
2- السيارة ابيزا العاديه و دي بتنزل بمحرك 1600 سيسي 2 كامة علوية 16 فالف و بقوة 105 حصام و بعزم يصل الي 153 نيوتن متر علي فتيس dsg 7 speed و ده الموديل الاكثر انتشارا في مصر عموما

يعيب الموديلين استخدام الفتيس dsg لارتفاع التكنولوجيا فيه و لعدم وجود مهنيين و فنيين و توكيلات تستطيع التعامل معه و صيانته و كذلك هو فتيس متطور ولا يزال به عيوب صناعه علي الرغم من استجابته السريعه جدا و توفيره الرهيب للبنزين و لكنه مازال به مشاكل عند استخدامه في شوارع مصر و زحمة مصر و اتمني انهم يكونو في موديلات 2013 قد انتهو من مشاكله و عيوبه فلازم تسأل كويس في الموضوع ده

غير كده فهي سيارة ممتازة لا غبار عليها و كتصميم و شكل روعة بتعجب ناس و ناس لأ لاختلاف الأذواق و يتوفر بها انظمة أمن و حماية و فرامل و ثبات عالية جدا

و بالتوفيق لك في اختيارك