مقايس اختيار جير بوكس استعمال

[warfighter2114]

السلام عليكم اصدقائى الاعزاء

اولا: انا كنت ذكرت بموضوع سابق ان الجير بوكس لعربيتى ( الكورونا) بتون وخشونه وتناقشنا كثيرا بهذا الموضوع هل بلى عجل ام جير فأتفقنا انى اغير الزيت ولو اختفى الصوت يبقى بلى عجل المهم لحد دلوقتى ملقيتش زيت بمواصفات 80w-90 api-gl4
ايه الحل وهل الزيت ده موجود بالقاهره مش عارف اعمل ايه لان كل الموجود gl5

ثانيا: لو حبيت اغير الجير ايه المقايس والاختبارات البسيطه الى بيها اعرف ان الجير كويس عشان محدش يضحك عليا ويقولى ده جير تمام

ثالثا: هل الجير باخد معاه الكبالن الداخليه ولا ايه القطع الى لازم تبقى مع الجير (مع العلم ان الميكيانيكى بتاعى كويس ورجوله) بس عشان ابقى مفتح معاه وناخد جير كويس

رابعا: انا كود الموتور عندى كوده alm 1.6 mpi موديل 1999-2001 هل الجير بتاعى له كود او رقم ممكن اجيبه من العربيه عشان منختلفش انه يركب او ميركبش (دى معلومات ليا لان الميكانيكى اكيد عارف وعشان ابقى فاهم الدنيا )

خامسا: هل يفرق انه راكب مع حدافه الموتور ولا مفكوك وهل بيبقى فيه زيت جير ولا فارغ

سادسا: هل يركب على عربيتى جير جولف 3 مثلا او جولف 4 ولا لازم نفس عربيتى فقط

سابعا: هل فى حساسات على الجير فى عربيتى لانه لو فى يبقى متفق مع كارته العربيه

شكرا

[windofchange]

وعليكم السلام ورحمه الله يا مقاتل ") الجير فعلا له كود معين ومهم لان في جير بتاع مكنة 1000 او 1400 يركب عندك لكن هيضيع سحب العربية وهيبوظ استهلاك البنزين ولما تفك الجير بتاعك تجيب فوطة وتمسح وتاخد الكود وتجيب زيه , ويركب علي عربيتك جير جولف 3 والله اعلم لكن بما ان في مواتير مشتركة يبقي في جير مشترك انا عندي اخو موتورك aee وكان الموتور بفتيسه مفكوك من بولو كلاسيك ؟بس تغير كبالن داخلية ليه انت بتشتريه عادة فاضي لكن لو لقيت معاه كبالنه الداخلية اشتريها بالمرة مش هتخسر ,الفتيس بيبقي فيه زيت تقريبا وده هيبان قبل ماتركبه الميكانيكي يفك الطبة ويشوف نزل زيت يبقي فيه زيت ويفضل تغييره ,انا مشفتش حساسات علي الجير(المانيوال) الصراحة عندي اللي موجود وشفته فعلا مكنة المرشدير بس كده طالما احنا بنتكلم علي جير عادة مش اوتو ,زيت الفتيس عندنا يتحط 80 او 75w 90 وده من الكتالوج او زيت فولكس لو لقيته g50 و ال api gl4 ده تاني حاجة تبص عليه بعد اللزوجة اللي انا قلتها فوق اللزوجة اللي انت قلتها غلط دي اقرب حاجة للزيت الموصي به ودي انا حاطها عندي لحين مااجيب اللزوجة دي واللي نزلت مصر من فالفولين الحمد لله

[Ahmed pico]

متابع

[ehab_mansour]

السلام عليكم اصدقائى الاعزاء:y_hi_3[1]:

اولا: انا كنت ذكرت بموضوع سابق ان الجير بوكس لعربيتى ( الكورونا) بتون وخشونه وتناقشنا كثيرا بهذا الموضوع هل بلى عجل ام جير فأتفقنا انى اغير الزيت ولو اختفى الصوت يبقى بلى عجل المهم لحد دلوقتى ملقيتش زيت بمواصفات 80w-90 api-gl4
ايه الحل وهل الزيت ده موجود بالقاهره مش عارف اعمل ايه لان كل الموجود gl5

و عليكم السلام
مبدئيا حط ال gl5 اللي موجود ولو لقيت ان العيب زيت فعلا ابقي نزله و حط الاوريجينال لما تلاقيه و مش هتلاقيه غير في القاهرة و قليل جدا كمان فخلينا نجرب بالموجود و بعدين نبقي نشوف و حطه لفترة بسيطة مش مشكلة لكن دوام المشي عليه هو الغلط و اللي هيوصلنا للاصوات اللي سبق قلتلك عليه


ثانيا: لو حبيت اغير الجير ايه المقايس والاختبارات البسيطه الى بيها اعرف ان الجير كويس عشان محدش يضحك عليا ويقولى ده جير تمام

للاسف ملهوش مقياس غير شكله و تأكدك انه مش بيسرب زيت من عند اولسيل عصاية الفتيس و يكون شكله خارجيا نضيف و مافيهوش حاجه مكسورة غير كده هو بطيخه و انت و حظك و لكن المفروض تشتريه علي التجربة و بالاتفاق

ثالثا: هل الجير باخد معاه الكبالن الداخليه ولا ايه القطع الى لازم تبقى مع الجير (مع العلم ان الميكيانيكى بتاعى كويس ورجوله) بس عشان ابقى مفتح معاه وناخد جير كويس
لو هتشتري نفس اللي عندك يبقي لو معندكش مشكلة في الكبالن عموما يبقي سهل تشتريه بدونهم و تركب بتوعك القدام ... لكن لو فيهم اي مشكلة حاسس او متوقعها يبقي اشتريه بالكبالن لحد العجل داخلية و خارجية افضل و هتاخدعم شروة بسعر كويس
رابعا: انا كود الموتور عندى كوده alm 1.6 mpi موديل 1999-2001 هل الجير بتاعى له كود او رقم ممكن اجيبه من العربيه عشان منختلفش انه يركب او ميركبش (دى معلومات ليا لان الميكانيكى اكيد عارف وعشان ابقى فاهم الدنيا )
لما تعرف ان القديم بايظ يبقي هتفكه لما تفكه هتلاقي مكتوب عليه كوده و ده بيبقي محفور علي حرف دائري للفتيس من الجنب كده بيكون ثلاث حروف و عموما هشفلك كود فتيسك ايه اللي يركب علي موتورك و اقلك
خامسا: هل يفرق انه راكب مع حدافه الموتور ولا مفكوك وهل بيبقى فيه زيت جير ولا فارغ

المفروض لو حالته جيده و ممشيش كتير يبقي فيه زيته و انا انصحك متغيرهوش و لكن زوده لأن الزيت الاصلي ميتعوضش و اساسا فولكس بتقلك زود الزيت متغيرهوش ابدا و ممكن تلاقي معاه طقم الدبرياج و لكن حدافة الموتور دي جزء من الموتور مالهاش علاقة بالفتيس خالص لو عايزها يبقي تشتري الفتيس بالطقم بالحدافة (ترس الفلام) و تبقي اشتريت نفسك و ظبطت الدنيا و ما احتجتش تركب طقم جديد و لو اللي عندك القديم كويس شيله خليه عندك للظروف يمكن تحتاجه
سادسا: هل يركب على عربيتى جير جولف 3 مثلا او جولف 4 ولا لازم نفس عربيتى فقط

فيه فتايس كتير من فولكس تنفع تركب مكان بعضها و فيه مينفعش ... العبره هنا بالتثبيت في الموتور و الكبالن و قواعده لو نفسها يبقي كله ينفع مكان بعضه و ده من ناحية التثبيت
اما من ناحية السرعات و التروس فنظريا غير صحيح لأن كل فتيس متظبط تروسه و نسب غياراته مع عزم و قوة الموتور بتاعه لو غيرت في القصة دي يبقي هتدلخك نفسك في احتمال انك تكون مركب فتيس نسب تروسه اكبر من المطلوب فمش هيديك السرعات المناسبة لموتورك و لا تسارعه المناسب او يكون تروسه اصغر من المطلوب يبقي برضه هتلاقي العربية تقيلة علي الموتور و السحب اقل و ضعيف و غير مناسب و ممكن نفصل في القصة دي براحتنا لو حبيت و لكن الاصل انك تركب فتيسك اللي قالت عليه فولكس او ما يقاربه ... يعني ممكن تركب اي فتيس لموتور اخر و لكن يكون قريب في القوة و العزم من موتورك و لكن مبحبش كده الصح صح
سابعا: هل فى حساسات على الجير فى عربيتى لانه لو فى يبقى متفق مع كارته العربيه

شكرا

مافيش حساسات غير حساس السرعه و حساس الغيار الخلفي و دول كل الفتايس فيهم نفسهم و كلها زي بعضها في النقطة دي و لكن تأكد منهم لو جبت فتيس تاني ان فيشتهم تركب علي صفيرتك لأنهم بييجو مع الفتيس الجديد

ولو حابب توضيح لشيء اخر قول و احنا في الخدمه

[SYD]

الفتيس والموتور بيجي من غير زيت لتخفيف وزن الحمولة
بيفضوا الزيت قبل الشحن من بلد التصدير

الفتيس له كود - بس عموما لو جبت فتيس مكنة 1600 تتشابه مع مكنتك - هيركب عادي ان شاء الله

والفتيس بيجي علي التجربة - زي الموتور
المهم انه ظاهريا كويس ومفيش اثار تسريب او شرخ او كسر

لو عرفت تجيبه بالكبالن الداخلية او حتي البلي يبقي تمام
لأن مفيش النهاردة بلية الماني في السوق

والله المستعان
،
،

[warfighter2114]

شكرا باشمهندس windofchange
شكرا باشمهندس ايهاب منصور
شكرا باشمهندس سيد

[warfighter2114]

السلام عليكم
اولا انا نزلت الجير بوكس وبتاع الزيت قالى الزيت تمام وبص على الطبه قالى يتأكد لو فيها رايش او لأ ولاقاها زى الفل ولاقى الزيت تمام عموما انا نزلت الزيت وحطيت شيل سباركس 80w-90 api gl5 بس الصوت موجود بس اقل تقريبا من الاول بس مرحش

ثانيا هل اغير بلى العجل بالمره عشان اضرب الشك باليقين

ثالثا انا حطيت للموتور زيت شيل 10w-40 synthetic oil

حبيت انقل حضراتكم معايا لنقطه الثانيه من الموضوع وعايز رأيى حضراتكم فى النقطه الثالثه وهى بلى العجل

[SYD]

السلام عليكم
اولا انا نزلت الجير بوكس وبتاع الزيت قالى الزيت تمام وبص على الطبه قالى يتأكد لو فيها رايش او لأ ولاقاها زى الفل ولاقى الزيت تمام عموما انا نزلت الزيت وحطيت شيل سباركس 80w-90 api gl5 بس الصوت موجود بس اقل تقريبا من الاول بس مرحش

ثانيا هل اغير بلى العجل بالمره عشان اضرب الشك باليقين

ثالثا انا حطيت للموتور زيت شيل 10w-40 synthetic oil

حبيت انقل حضراتكم معايا لنقطه الثانيه من الموضوع وعايز رأيى حضراتكم فى النقطه الثالثه وهى بلى العجل

شيل العلبة الحمرا؟
هو اقرب ما يكون للزيت الموصي بيه ولكنه معدني وليس تخليقي
الف مبروك الزيوت

لا ماتغيرش البلي الا لما تتأكد وتكون متضطر - لأن البلي الموجود حاليا كله صيني ومقرف
اتأكد الاول وبدها غير

تحياتي

[ehab_mansour]

لازم تتأكد من مصدر الصوت اولا لأن بلي العجل غالي الصيني منه الواحده ب 90 جنيه توبران و فيه منه فرنساوي skf الواحده ب 150 جنيه

محتاج تعرف الصوت من بلي العجل ولا بلي الفتيس ولا بلي الكوبلن الداخلي ؟؟؟؟ حاول تحدد كويس

زي الفتيس كويس و خليك ماشي عليه مش مشكلة و زيت الموتور ده تقريبا الجركن الكحلي من شيل و ده نصف تخليقي بيتغير علي 7 الي 8 ألاف