واير البنزين بيفلت كتير من الدواسة

[sam_eh420]

السلام عليكم ورحمة الله وبركاتة
اعضاء المنتدي المحترمين
انا من ساعة ما غيرت الواير بتاع البنزين وهو كتيير قوي بيفلت من الدواسة وبتحط في مواقف محرجة جدا
مع العلم اني ركبتة كذا مرة وخليتة يبات في مكانة بالدواسة وبرضو بيفلت وكمان رحت للميكانيكي اللي ركبهولي وبص علية وقالي لاء كدة تمام مش هيفلت تاني وبرضو بيفلت .
انا بس رجلية لو خبتط فية من الجنب او من تحت ولو حاجة بسيط بلقية يفلت علي طول
ومش عارف اعمل اية بصراحة.
وشكرا

[Karim Ibiza]

بيفلت من ناحية الدواسة وللا من ناحية البوابة؟؟؟؟

[ehab_mansour]

السلام عليكم

الواير ده هو و واير الدبرياج محتاج و هو بيتركب انه يبات كويس في الدواسة و له حاجه زي تيله كده او تخانه بتتركب مع البلبلة بتخليها تنزل حشر ما تخرجش تاني و لكن عشان اللي بيركبه هيتعذب لو ركبه بالتيلة دي فبيشيلها و يركبه من غيرها و هنا بتحصل مشكلة انه مع اي رخي هيخرج من مكانه لأن مكانه ده اوسع قليلا من البلبلة اللي في نهاية السلك

طيب حلها ايه :- يا تحطلها حاجه تثبتها كويس و تحشرها كويس في الدواسة

او تخلي السلك في حالة شد قليلا يعني تناسب السلك بين بره و جوه بحيث انه ميرخيش ابدا و هنا مش هيخرج من مكانه اللي بيبات فيه

القصة دي بتكون سهلة مع سلك الدبرياج لأنه بيكون في حالة شد علطول فمش بيسقط ابدا من مكانه
لكن سلك واير البنزين شدته ضعيفه شوية و اوقات بيكون فيه ترخيه شويتين و ده سبب سقوطه منك

[m_medo]

متابع

[sam_eh420]

شكرا يا باشمهندس ايهاب
وهو دايما بيقي مشدود بس زي مانتي قولت مش اوي . واول لما رجلي بتخبط في دواسة البنزين من الخلف بلقية فلت من نحية الدواسة علي طول .
انا ان شاء الله هحاول ابيتة في مكانة لان مكانة مزنوق اوي .
وشكرا

[SYD]

ابقي طمنا عملت ايه

[agaty1st]

تيله