زيت الفتيس

[kyrillos]

السلام عليكم
أنا كنت مغير طقم دبرياش كامل (اسطوانة وديسك وبليه) من حوالى 6 شهور
المهم من فتره كده ابتديت اسمع صوت من الدبرياش
يعنى ابقى ماشى على الاول مثلا وانقل التانى فى وقته, اسمع كركره كده
طب جربت انقل النقله متأخره, برضه اسمع كركره, الكركره اللى هى تسمعها لو نقلت الغيار بدرى
طبعا ده بيحصل فى كل النقلات
وبرضه لو على مطلع ومدى الاول, احيانا اسمع كركره
فانا حاسس انها حاجة من اتنين, يا اما بليه الدبرياش مش كويسه
يا اما زيت فتيس
انا قريت كذا موضوع هنا, ومالقيتش فعلا غير زيت موبيل 90/w80 , مافيش 75 خالص
المهم, افضى الزيت كله واحط جديد, ولا ازود ؟؟, واحط كام لتر لو هملاه تماما من الاول ؟؟
شكرا

[mahmoud ghanem]

يا صديقى كلامك دة معناه حاجة واحد وهى ان فى بوجيه او اكتر مش شغال باللغة الدارجة ( العربية بتلت )
اكشف على البوجيهات وغيرها وهتلاقى الدنيا ظبطت معاك ..
ودائما اكشف على زيت الفتيس مع غيار الزيت علشان تبقى مطمن
وعلشان تبقى مطمن اكتر خلى العربية على السلانسية وشوف فى صوت خشن ولا لاء !!!
لو لاء يبقى البلية سليمة .. ( صوت البلية بيبقى صوت خشن ) لكن الكركرة مع الغيار دى بوجيهات
تقبل مرورى

[SYD]

الفتيس يكركر
برجاء توضيح اكتر قبل ما تعمل اي حاجة - لحد لما نحط ايدينا علي العيب

الكركرة اللي بتحصل لما بتدي غيار قبل ميعاده مش بتبقي من الفتيس اساسا
ازاي بتحصل معاك لو اديت غيار بعد ميعاده

برجاء متابعة الصوت جيدا ووصفه بوصف ادق علشان نقدر نساعدك ونحدد العيب ان شاء الله

والله المستعان
،
،

[ehab_mansour]

بلية الدبرياج نوعها مش كويس و دي حاجه طبيعية في الأطقم الجديدة اللي موجوده في السوق لأن البلي نوعيته مش نضيفه
ده طبعا لو المحرك مضبوط و مافيش مشاكل من اللي ذكرها الاستاذ محمود في المشاركة السابقة

زيت الفتيس زودو و متغيرهوش و ال 75w90 موجود عند فالفولين اللتر ب 70 او 80 جنيه تقريبا و اعتقد عن ليكوي مولي و لكن ممكن تزود من العادي 80w90 و تكبر دماغك لو بينقص باستمرار و كتير

الفتيس بياخد 2.7 لتر يعني هتشتري 3 لتر و تسيب الباقي عندك للتزويد

لكن مشكلتك دي انا عارفها و مش بيحسها غير اللي بيركز قوي مع العربية و دي عموما بيكون سببها بلية الدبرياج التعبانه و بتظهر خشونتها صباحا اكتر ولما تدوس دبرياج بتروح .. مش كده ولا ايه ؟

[exact]

زيت الفتيس زودو و متغيرهوش و ال 75w90 موجود عند فالفولين اللتر ب 70 او 80 جنيه تقريبا و اعتقد عن ليكوي مولي و لكن ممكن تزود من العادي 80w90 و تكبر دماغك لو بينقص باستمرار و كتير

الفتيس بياخد 2.7 لتر يعني هتشتري 3 لتر و تسيب الباقي عندك للتزويد

مع احترامي ليك واختلافي المطلق مع رأيك...
يعني ايه زيت الفتيس يتزود وما يتغيرش... سيادتك لو شفت المغناطيس اللي على طبة التفريغ بيبقى شايل برادة حديد ورايش قد ايه هتتمنى تغيره كل غيار زيت عادي
والله اعلم... تغيير لزوجة الزيت ما بين 75 الى 80 -90 من موبيل مثلا مالهاش ضرر الا في حالات البرودة المتطرفة (20 تحت الصفر) ولو الفتيس حالته مش كويسة يبقى نزود اللزوجة كمان... انا شفت في كتالوجات عربيات كتير جدا بيتكلموا عن لزوجة الزيت بـ Range وليس بقيمة ثابته

[m_medo]

متابع

[ehab_mansour]

مع احترامي ليك واختلافي المطلق مع رأيك...
يعني ايه زيت الفتيس يتزود وما يتغيرش... سيادتك لو شفت المغناطيس اللي على طبة التفريغ بيبقى شايل برادة حديد ورايش قد ايه هتتمنى تغيره كل غيار زيت عادي
والله اعلم... تغيير لزوجة الزيت ما بين 75 الى 80 -90 من موبيل مثلا مالهاش ضرر الا في حالات البرودة المتطرفة (20 تحت الصفر) ولو الفتيس حالته مش كويسة يبقى نزود اللزوجة كمان... انا شفت في كتالوجات عربيات كتير جدا بيتكلموا عن لزوجة الزيت بـ Range وليس بقيمة ثابته

مع كامل الاحترام لراي حضرتك و لكن المصنع مقلش كده ابدا المصنع قال يتزود ميتغيرش نهائيا خالص مهما طال عمره

انا غيرت زيت فتيس عربيتي السابقة بعد 12 سنة شغل و 190 الف كيلومتر بسبب توصيات البعض و افتكاسات بعض الميكانيكية و كانت النتيجة اني محصلتش تاني علي اداء يماثل اللي كان بالزيت الاوريجينال و سمعت كل الأصوات و الونات اللي تحبها لذلك بأوصي بما جربت

السبب الثالث الزيوت المنتشرة كلها زيوت غير موصي بها و تختلف كنوع اساسا و ليس كلزوجة و الكلام ده اتناقشنا فيه كتير قبل كده
فيه API GL4 75w90 و ده الموصي به
اللي مالي السوق API GL5 80w90 يعني القصة مش قصة لزوجة فقط و لكن كنوع ينفع مع انهي انواع من التروس و حسب انهي قوة و عزم

ده رايي و قناعتي و كامل الاحترام و التقدير لراي حضرتك و كل واحد براحته

[matrix012]

انا مش فاهم بالظبط المشكله العربيه بتكركر يعنى مشكله فى كهرباء الموتور
العربيه بتلت يبقى المشكله فى البوجيهات
العربيه فيها صوت خشونه وتقل شويه فى الغيارات يبقى الفتيس
والله اعلم انتا محتاج تراجع على الوصف الى عندك علشان نقدر نفيدك
وربنا يستر طريقى وطريقكم

[SYD]

مع احترامي ليك واختلافي المطلق مع رأيك...
يعني ايه زيت الفتيس يتزود وما يتغيرش... سيادتك لو شفت المغناطيس اللي على طبة التفريغ بيبقى شايل برادة حديد ورايش قد ايه هتتمنى تغيره كل غيار زيت عادي
والله اعلم... تغيير لزوجة الزيت ما بين 75 الى 80 -90 من موبيل مثلا مالهاش ضرر الا في حالات البرودة المتطرفة (20 تحت الصفر) ولو الفتيس حالته مش كويسة يبقى نزود اللزوجة كمان... انا شفت في كتالوجات عربيات كتير جدا بيتكلموا عن لزوجة الزيت بـ Range وليس بقيمة ثابته

مع كامل الاحترام لراي حضرتك و لكن المصنع مقلش كده ابدا المصنع قال يتزود ميتغيرش نهائيا خالص مهما طال عمره

انا غيرت زيت فتيس عربيتي السابقة بعد 12 سنة شغل و 190 الف كيلومتر بسبب توصيات البعض و افتكاسات بعض الميكانيكية و كانت النتيجة اني محصلتش تاني علي اداء يماثل اللي كان بالزيت الاوريجينال و سمعت كل الأصوات و الونات اللي تحبها لذلك بأوصي بما جربت

السبب الثالث الزيوت المنتشرة كلها زيوت غير موصي بها و تختلف كنوع اساسا و ليس كلزوجة و الكلام ده اتناقشنا فيه كتير قبل كده
فيه API GL4 75w90 و ده الموصي به
اللي مالي السوق API GL5 80w90 يعني القصة مش قصة لزوجة فقط و لكن كنوع ينفع مع انهي انواع من التروس و حسب انهي قوة و عزم

ده رايي و قناعتي و كامل الاحترام و التقدير لراي حضرتك و كل واحد براحته

مع كامل احترامي لحضراتكم ولأرائكم
انت صح وهو صح
وكل واحد فيكم بيتكلم من وجه نظر مختلفة

انا مع رأي ان الزيت يتغير وليس يتزود - الا لو فيه مشكلة تسريب

بس زيت الفتيس عندنا تخليقي بالكامل ودة يختلف كليا وجزئيا عن الزيوت المستخدمة مع الياباني والكوري والفولكس بالذات
exact بيتكلم من وجه نظر السوزوكي اللي معاه واللي سرعة دوران المحرك وعلبة التروس فيها تختلف عن سرعة دوران المحرك والتروس وحجمها في الفولكس
عشان كدة احنا عندنا ممكن نزود (بشرط يكون نفس الزيت بنفس اللزوجة والتركيبة)
انا شخصيا بغير مش بزود - لكن لو فرضنا ان الفتيس تعبان ومش مستاهل يبقي هزود
كمان ممكن ازود لو لقيت الزيت فيه حيل (حيل يعني لزوجته مقبولة)

تحياتي

[kyrillos]

ماشاء الله, والله رجاله, منتدى فى منتهى النشاط وبجد معلومات مفيدة جدا
هاحاول اوصف على قد ما أقدر بس الفكرة ان مش دايما الواحد بيكون مركز مع العربية
اللى حصل كالأتى
انا من 4 شهور كده غيرت زيت الماتور كله
ومن شهر غيرت سير دينامو وكاتينة وبوجيهات ngk وفلتر بنزين ولقينا فلتر الهوا كويس, مغيرناهوش
المهم بعد تركيب الكاتينة الميكانيكى لعب فى الاسبراتير, الار بى ام رفع شوية (كان طبيعى يكون على 9), ولاحظت ان صوت الكركره زاد جدا
فى الاول كانت بتعمل صوت بشع والار بى ام كان على عشرة على السلانسية والصوت كان بيطلع لما انقل الغيارات, حتى لو بأنقل متأخر, يعنى لو ماشى فى طريق سريع على التالت والغيار جاب اخره, احرق عليه شويه, وانقل على الرابع, برضه تكركر, ونفس الحوار من الرابع للخامس
المهم مع الوقت الار بى ام تقريبا رجع زى الاول, بس مش دايما, احيانا يطلع فوق وبعدين اقف وامور العربية, يفضل واقف فوق
والصوت خف شوية, بس مش طبيعى اطلاقا
اتمنى اكون جاوبت معظم الاسئله, شكرا على تعبكم

[SYD]

ماشاء الله, والله رجاله, منتدى فى منتهى النشاط وبجد معلومات مفيدة جدا
هاحاول اوصف على قد ما أقدر بس الفكرة ان مش دايما الواحد بيكون مركز مع العربية
اللى حصل كالأتى
انا من 4 شهور كده غيرت زيت الماتور كله
ومن شهر غيرت سير دينامو وكاتينة وبوجيهات ngk وفلتر بنزين ولقينا فلتر الهوا كويس, مغيرناهوش
المهم بعد تركيب الكاتينة الميكانيكى لعب فى الاسبراتير, الار بى ام رفع شوية (كان طبيعى يكون على 9), ولاحظت ان صوت الكركره زاد جدا
فى الاول كانت بتعمل صوت بشع والار بى ام كان على عشرة على السلانسية والصوت كان بيطلع لما انقل الغيارات, حتى لو بأنقل متأخر, يعنى لو ماشى فى طريق سريع على التالت والغيار جاب اخره, احرق عليه شويه, وانقل على الرابع, برضه تكركر, ونفس الحوار من الرابع للخامس
المهم مع الوقت الار بى ام تقريبا رجع زى الاول, بس مش دايما, احيانا يطلع فوق وبعدين اقف وامور العربية, يفضل واقف فوق
والصوت خف شوية, بس مش طبيعى اطلاقا
اتمنى اكون جاوبت معظم الاسئله, شكرا على تعبكم

يا راجل يا مؤمن
مانت لو كنت قريت مشاركتي السابقة كنت عرفت مشكلتك منين

الفتيس يكركر
برجاء توضيح اكتر قبل ما تعمل اي حاجة - لحد لما نحط ايدينا علي العيب

الكركرة اللي بتحصل لما بتدي غيار قبل ميعاده مش بتبقي من الفتيس اساسا
ازاي بتحصل معاك لو اديت غيار بعد ميعاده

برجاء متابعة الصوت جيدا ووصفه بوصف ادق علشان نقدر نساعدك ونحدد العيب ان شاء الله

والله المستعان
،
،

انت مشكلتك بعيدة تماما عن الفتيس
مشكلتك كلها في الTiming
يعني في الكاتينة وظبط الأسبراتير
انا متوقع ان الميكانيكي معرفش يركب سير الكاتينة راحت خالفة معاه تقسيمة - راح لعب في الأسبراتير عشان تظبط معاه فبدل ما يكحلها عماها
وطبعا بتاكل معاك بنزين وبتسخن
روح لميكانيكي فولكس يفك الكاتينة ويقسم من اول وجديد ويظبط الأسبراتير - هتلاقي الدنيا ظبطت معاك

تحياتي

[Ahmed pico]

يا ابو السيد يا رايق

[kyrillos]

يا باشا ماهو اللى خلانى مافكرش فى حوار الكتينة ده خالص, ان أنا ركبتها فى ورشة كبيرة فى جسر السويس, بتوع جولف وابيزا بس
والاسطى الكبير هو اللى ظبط الاسبراتير, وطبعا انا قلتله انها مش طبيعية, بس سبته ومشيت
حسيته جاب اخره يعنى
وطبعا استهلاك البنزين زاد, الحرارة مش قادر احكم عليها, بس استهلاك البنزين زاد
رشاد طيب بيظبط الكاتينه ولا لازم ميكانيكى ؟؟ ومشوار الحرفيين ده انا بكرهه بصراحه
بس شكرا يا بشمهندس على ردودك وباقى الاساتذة اعضاء المنتدى

[ehab_mansour]

يا باشا ماهو اللى خلانى مافكرش فى حوار الكتينة ده خالص, ان أنا ركبتها فى ورشة كبيرة فى جسر السويس, بتوع جولف وابيزا بس
والاسطى الكبير هو اللى ظبط الاسبراتير, وطبعا انا قلتله انها مش طبيعية, بس سبته ومشيت
حسيته جاب اخره يعنى
وطبعا استهلاك البنزين زاد, الحرارة مش قادر احكم عليها, بس استهلاك البنزين زاد
رشاد طيب بيظبط الكاتينه ولا لازم ميكانيكى ؟؟ ومشوار الحرفيين ده انا بكرهه بصراحه
بس شكرا يا بشمهندس على ردودك وباقى الاساتذة اعضاء المنتدى

ضبط الكاتينة سهل جدا و يقدر يعمله اي ميكانيكي بيفهم و خاصة في المحركات ال 8 صباب و متستغربش لأن الميكانيكي اللي غيرلي طقم الصباب لما سير كاتنية عربيتي اتقطع معرفش يظبطه و برضه العربية مكنتش مضبوطة و اخدتها و رحتله قلتله اظبطه علي كذا و كذا و الحمد لله بقت زي الفل بس كنت طبعله صور بتنين ازاي يتظبط

المهم هتلاقي فيه نوتش في جسم المحرك في البلوكه عن طمبورة الكرنك و نوتش قصاده فير حرف احد سنون الترس اللي راكب علي عمود الكرنك اللي بيلف سير الكاتينة ... المفروض ده يتظبط قصاد ده و بعدين تبص فوق عند طمبورة عمود الكامات هتلاقي برده نوتش علي الطمبورة علي احد سنونها و علامة في جسم المحرك هتطابق العلامتين اللي تحت قصاد بعض و العلامتين اللي فوق قصاد بعض و بس و تركب السير و تشده بواسطة بلية الشداد و بس

الكلام ده مع ميكانيكي بيفهم يقدر يظبطهالك من غير ما يفك كل حاجه في عشر دقايق بالضبط فقط هيفك الcover العلوي اللي مغطي السير

و بعد ضبط السير و التأكد ان العلامات قصاد بعضها تضبط الاسبراتير في المنتصف و بس هتلاقي كل شيء زي الفل و بدون اي مشاكل ان شاء الله
المهم تتأكد برضه ان الاسبراتير سليم و كويس و مضبوط من جوه و مش بيحك في بعضة عن حساس ال hall sensor
و بالتوفيق

[kyrillos]

متأسف على عدم الرد بسرعة
اللى حصل كالأتى, رحت عند ميكانيكى قديم فحت, كان شغال زمان فى توكيل فولكس, وطلع معاش فى 200x, عنده بتاع 65 سنه كده, عرفته من زميل فى الشغل كان معاه ابيزا 94 برضه
فك غطا الكاتينه ولقيه راكب سليم, وراح جاب حاجة كده زى مسدس بيطلع ومضات, وصله بالبطاريه وحط سلك كده طالع للماتور جواه (تقريبا سلك جاى للبوابة) وبعدين قعد يظبط الاسبراتير مع ومضة الضوء (حاجة كده شعوذة) انا ماكنتش فاهم حاجة, المهم الار بى ام اتظبط وبطل يلعب
بعدين رحت جبت زيت فتيس موبيل 140 مش ال 80 مع انى عارف ان الناس بتقول هنا فى المنتدى لازم 75 او 80, هوا قالى هات 140, قلتله يكش تولع حتى
المهم العربية خدت حوالى 3,5 ليتر, انا كنت متوقع انها تاخد 2,7
بعد كده الصوت ده اختفى خالص والغيارات بقت سلسة, قبل كده كان الغيار الاول والتانى بيعض (ومازال بيعض لو العربية باردة, لما تمشى شوية, العضة دى بتروح )
وعصاية الفتيس بقى كانت محتاجة طقم حشو وكاوتشات كده, عشان التانيه كانت متاكله
جبتها جديد, وفك العربية من تحت, وقالى انه فك الشكمان كمان وطلع العصاية بره وظبط الحشو والكاوتشات وركبها تانى, وطلع عينه بصراحه بس خد مصنعية كتير

المهم ان الحمد لله الدنيا ظبطت والحرارة رجعت طبيعية واستهلاك البنزين
ملحوظة بقى : انا لاحظت ان زيت الماتور نقص, مع العلم ان الماتور مش خفيف, هل حوار ان الكهربا كانت زياده تساعد على تأكل الزيت أكتر ؟؟
أشكركم جدا على الردود