ساعدونى فى ابيزا 98 ....ضرورى جدااا.

[amr007]

اول حاجة السلام عليكم اخوانى الكرام....
انا اول مرة اشارك فى المنتدى الجميل ده و اول مرة كمان اشترى عربية فمعنديش اى خبرة و طلعتلى ابيزا 98 ,شفتها و لقيتها حالتها مش بطالة , اخدت معايا ميكانيكى طلع تاجر عربيات و بدأ يطلعلى فيها القطط الفطسانة فقلقنى بصراحة ,
فكنت عايز استشيركم ايه نظام السيات 98 بشكل عام و الراجل مسقطلها موتور 1400
سنة 94 و فيها تكييف و سنتر و زجاج كهرباء و حالتها من برا كويسة و موتورها كويس
بس هى تقريبا مرشوشة فهل الرش ده يعنى مش كويس للعربية و لا العربية عاملة و حوادث و طالع عينها ( على كلام التاجر اللى انا اخدته و مفادنيش خالص بصراحة)
المهم الراجل طلب 42 الف جنيه و انا بصراحة عايز اقوله 38 الف و اذا عاند اخرى 40 الف و ده عشان العربية عجبتنى ....فايه رايكم يا اهل الخبرة؟؟؟؟
مستنى نصايحكم...
حاجة كماااان عايز اضيفها انى طلعتلى عربية جولف 89 ....انا شايف انها قديمة جدااااا
فايه رايكم بردو.....

[MotorX]

العربية لو مرشوشة من بره بس ده مايعيبهاش وخلي بالك ان عمرها عشر سنين يعني لازم تكون اترشت او اترش فيها اجزاء على الاقل ، اهم حاجة تكشف على قوايم و حوض العربية وترفعها في محطة بنزين وتتأكد ان ما فيهاش عيوب مؤثرة ، اما بالنسبة للموتور 1400 يعتبر مناسب للعربية وما يعيبهاش لو كان متسقط صح وحالته كويسة وكمان ده هايفيدك انك تخفض في سعرها شوية والسعر من 38 - 40 الف مناسب بس مهم تكون الحالة العامة كويسة ، وعموما ممكن ترجع لموضوع المهندس عمرو عن شراء سيارة مستعملة بمفردك http://www.nilemotors.net/Nile/showthread.php?t=20244

[ERROR]

بعد ما تتاكد من انها مش رشه جوة

روح بيها لميكانيكي وخلية يتاكد ان الموتور المتسقط كويس يعني مبترشحش والي ركبة عمل فية شغل كويس

السعر بقا انت وشطارتك بسمن 38 ل 40 كويس قوي

[ERROR]

بعد ما تتاكد من انها مش رشه جوة

روح بيها لميكانيكي وخلية يتاكد ان الموتور المتسقط كويس يعني مبترشحش والي ركبة عمل فية شغل كويس

السعر بقا انت وشطارتك بس من 38 الي 40 كويس قوي

[mohamed ibiza]

بص يا باشا الرش في حد ذاته مش عيب العربية بقالها 10 سنين في شوارعنا الجميلة :d التسقيط مش مشكلة برضه اوي يعني يعني الموتور الاديم لو هو كان هاريه و بقي تعبان و غيره مفيش مشاكل لو هو كان عايز اداء اعلي مفيش مشاكل انما تتأكد ان العربية مكانتش عاملة حادثة و ربعها الادماني باظ و هو صلح و غير الموتور حلو كده
المهم تتأكد ان الرش مكانش نتيجة حوادث كبيرة انما خبطة بسيطة ترييحة عاديه خدوش الكلام ده مش مشكلة اتأكد من دي عن طريق سمكري بيفهم
العربية خلصها علي 40 الف لان دي 98 مش 99 و كمان موتورها متسقط مش موتور الفابريقة

[amr007]

شكرااااااااااااااااااااااااااااااا لكل الرجالة اللى ردت و حاولت تساعدنى ....