مكنه 1600

[mido_more]

السلام عليكم ..امبارح نزلت بورسعيد اشوف المواتير ,وبصراحه كنت ناوى زى ما نصحنونى اشترى المكنه 1800 زى اللى كانت راكبه فى العربيه.اهو بالمره نستفاد بالقديمه قطع غيار,بس مش عارف ليه غيرت راىى وجبت مكنه 1600 ,وبالنسبه لاختيارى انا روحت انا وواحد صاحبى نشترى مكنه كاننا بنشترى خضار من السوق..ولا معانا ميكانيكى ولا غيرو..المهم جبنا مكنه 1600 كودها ALM طبعا دخلت على النت عرفت انها 75 حصان موديل من 99-2000..المكنه بالضفيره بالكنترول بالفتيس جبتها ب 2900 ..يارب تركب على العربيه
وبما انى فى شمال سينا ربنا يسترها فى موضوع التسقيط ده,مش واثق فى الكهربائى ,وان شاء الله هبقى معاكو خطوه بخطوه ,فى موضوع التسقيط ..وياريت لو فى اى ملاحظات او نصايح متبخلوش عليا بحاجه واى استفسار انا تحت امركو

[windofchange]

مبروك مقدما....بس هي المكنة ماشية 252000 كم؟ زي مامكتوب علي غطاء سير الكاتينة؟ عموما لما تسقطها قيس كبس الموتور وميقلش عن 75% لو اقل يبقي رجعها

[mido_more]

هه..مش بقولك كنا بنشترى خضار ..والله اول مره اخد بالى من الرقم اللى مكتوب ده..هكلم اللى شارى منو المكنه اسالو..طيب ولو طلعت عامله الكيلوات ده كلها اعمل ايه طيب؟؟؟

[mahmoud ghanem]

الف مبروك ..
بس موضوع انك تشترى من غير ما يكون معاك ميكانيكى طب انت اختارتك المكينة على اساس اية ؟؟؟
الميكانيكى بردوا بيبقى ليه نظرة
وان شاء الله خير ... وقيس كبس الماتور بعد التسقيط زى ما قال windofchange حبيب قلبى :) مشاء الله عليك استاذ ..
وفى انتظار باقى التقرير

[Karim Ibiza]

موضوع تسقيط الموتور ده مش محتاج كهربائى
محتاج واحد دماغه نضيفة لأنك جايب الموتور كامل بالضفيرة, والضفيرة دى بتاعت الحوض مش بتاعت الصالون
يعنى اللى هيركب زى ماهيشيل الموتور القديم زى ماهيسقط الجديد

وفعلا الموتور عامل كيلوات كتير وعشان كده تمنه أقل من الطبيعى, لو قدرت تبدله يكون احسن

[mido_more]

شكرا يا رجاله ..وشكرا يا كيمو.انا والله استفدت من موضوعك بتاع البولو ده جدا..اكيد كلو استفاد منو ...على فكره سعر المواتير كلها كانت تقريبا كده...ال 1600 بيقولو 3500 بتخلصو على 3 اديتو 2900 بس هيا دى الفكره..بس هوا فعلا الرقم ده عدد كيلوات الموتور..ثانيا انا مش هحكم الا لما اجرب واشوف سحبها .ولا انتو ايه رايكو؟!!

[Karim Ibiza]

شكرا يا رجاله ..وشكرا يا كيمو.انا والله استفدت من موضوعك بتاع البولو ده جدا..اكيد كلو استفاد منو ...على فكره سعر المواتير كلها كانت تقريبا كده...ال 1600 بيقولو 3500 بتخلصو على 3 اديتو 2900 بس هيا دى الفكره..بس هوا فعلا الرقم ده عدد كيلوات الموتور..ثانيا انا مش هحكم الا لما اجرب واشوف سحبها .ولا انتو ايه رايكو؟!!

العفو ياباشا تحت امرك
فعلا هو ده رقم الكيلوات وان شاء الله يطلع كويس والفكرة ان مواتير الجيل ده مش بتبوظ من القرص عليها لكن بتبوظ من اهمال الصيانة بس الفكرة انك جايب موتور ماشى 225000 كيلو , تفتكر هيعيش معاك قد ما عاش؟!!!
نصيحتى ليك لو تقدر ترجعه يكون افضل بدل ما تتكلف زيوت ومصنعيات والله اعلم هيكون كويس ولا لأ

[matrix012]

بيقولو 3500 بتخلصو على 3 اديتو 2900 بس هيا دى الفكره..بس هوا فعلا الرقم ده عدد كيلوات الموتور..ثانيا انا مش هحكم الا لما اجرب واشوف سحبها .ولا انتو ايه رايكو؟!!

انا متهيئلى السعر ده تحفه وممكن يكون ليه علاقه بموضوع الدعم على البنزين مش عارف الصراحه
ممكن اعرف حضرتك جبت منين الرقم بتاع عداد الكيلوات ده 252000 عرفت منين يعنى ان الموتور مشى العدد ده من الكيلوات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومبروك على الموتور وان شاء الله يتسقط صح وتستمتع بالعربيه وسحبها يرضيك ان شاء الله
وربنا يستر طريقى وطريقكم

[aldesha989]

مبروك عليك ان شاء الله يطلع المامتور كويس وربنا يباركلك فيه :)

[SYD]

الف مبروك الموتور الجديد
لو فرضنا وان الرقم المكتوب هو عدد الكيلو مترات
فهو عموما مش قانون انه يبقي المكنة خلصانة
المواتير الكبيرة زي ال1.6 مابتتأثرش بعدد الكيلو مترات زي المكن الصغير 1.0 و 1.4
لكن طبعا اللي يأثر فيهم جميعا سواء 1.0 او حتي 1.8 هو الصيانات وقطع الغيار الأصلية

انت ركب علي التجربة وروح قيس كبسها

لو الأداء عجبك والكبس كويس
توكل علي الله

ماكنش - يبقي هترجع للتاجر وتستبدله بواحد تاني ماشي اقل او حالته احسن

خلاصة كلامي
ان الكيلومتر مش مقياس لحالة الموتور
انت ماتعرفش العدد دة اتعمل في وقت قد ايه وفي ظروف شكلها ايه بصيانات عاملة ازاي
اعتقد انه طالما جي من برة مصر يبقي اكيد ظروف تشغيله احسن من عندنا

تحياتي

[hossamalsadik]

مبروك عليك الماتور وجرب على التجربه وقيس الكبس وأن شاء الله يطلع تمام ومتحتاجش تغيره والحوار ده
ظروف التشغيل فى الخارج بتضمن صيانات بقطع غيار أصليه وزيوت من الدرجه الأولى ....... ألخ

[mido_more]

والله الف شكر يا جماعه على ردودكو..النهارده الميكانيكى لما شاف المكنه,قالى المكنه دى مش هتنفع تركب على العربيه,,!!!! ليه ياعم الاسطى ,قالى القواعد مختلفه ,,القواعد اللى فى العربيه كبيره وقواعد المكنه اللى جايه صغيره,وكمان فرن الشكمان قدام فى المكنه الجديده والقديمه الفرن ورا ..وعلشان نركب زور ونوصلو مش عارف قالى هنعمل ايه كده................. اتصلت باللى شارى منو المكنه فضل يكلمو يقنعو انها تركب والميكانيكى يقنعو بالعكس ..اخر الكلام اللى بايعلى المكنه قالى لو عاوز تجبهالى بورسعيد هتها وانا هسلمك العربيه والمكنه شغاله..قولتلو هرد عليك بكره ..وبصراحه مش عارف اعمل ايه..والله بقكر ارمى المكنه والعربيه اللى خربت بيتى دى.

[Karim Ibiza]

والله الف شكر يا جماعه على ردودكو..النهارده الميكانيكى لما شاف المكنه,قالى المكنه دى مش هتنفع تركب على العربيه,,!!!! ليه ياعم الاسطى ,قالى القواعد مختلفه ,,القواعد اللى فى العربيه كبيره وقواعد المكنه اللى جايه صغيره,وكمان فرن الشكمان قدام فى المكنه الجديده والقديمه الفرن ورا ..وعلشان نركب زور ونوصلو مش عارف قالى هنعمل ايه كده................. اتصلت باللى شارى منو المكنه فضل يكلمو يقنعو انها تركب والميكانيكى يقنعو بالعكس ..اخر الكلام اللى بايعلى المكنه قالى لو عاوز تجبهالى بورسعيد هتها وانا هسلمك العربيه والمكنه شغاله..قولتلو هرد عليك بكره ..وبصراحه مش عارف اعمل ايه..والله بقكر ارمى المكنه والعربيه اللى خربت بيتى دى.

اماكن القواعد فى عربيات الفولكس للمواتير اللى بالعرض كلها زى بعض لكن القواعد فيه منها كبير و صغير ودى مش قصة
بالنسبة للشكمان هتحتاج تعمل وصلة بسوستة عشان فعلا فرن الموتور اللى انت جايبه من قدام وبرده مش قصة

انا لسه عند نصيحتى ليك, فاكرها؟؟؟
رجع المكنة دى وهات مكنة تانية حتى لو زى بتاعتك
ياريت بس تقولى كود الموتور القديم ايه قبل ما تعمل كده ومثبوت فى الرخصة كام سى سى

[mido_more]

الموتور ياعم كيمو مثبوت 1400 والمفروض انو 1800 pp >> بس هيا المكنه دى لونها ابيض!!!!؟؟؟؟

[Karim Ibiza]

الموتور ياعم كيمو مثبوت 1400 والمفروض انو 1800 pp >> بس هيا المكنه دى لونها ابيض!!!!؟؟؟؟

اللون مش مقياس فى الفولكس زى ال bmw و المرسيدس لأن تقريبا انا كل المواتير اللى شوفتها فولكس كلها بيضة (فضى)
لكن الاختلاف بيكون فى المادة اللى مصنوع منها الموتور اذا كانت زهر او ألومينيوم وطبعا كل واحد ليه مميزاته وعيوبه

الموتور ال pb ده موتور مطرشة وخدمة شاقة وقطع غياره موجودة وصيانته سهلة واستهلاك البنزين جميل بس مشكلته الوحيدة بالنسبة لى انه موديل قديم (اخر انتاجه كان سنة 92) يعنى هيعيب عربيتك سواء كانت 98 او حتى 94

لو لقيت واحد زيه حالته كويسة هاته عشان متعدلش حاجة
لو ملقيتش يبقى تجيبلك واحد 2e كامل 2000 سى سى 8 صباب وتنسى الدنيا وبرده مش هتعدل
لو مصمم على ال 1600 يبقى هاتلك واحد 1f او abu اللى هو رشاش واحد وده هتلاقيه فى الجولف 3 والكوردوبا اكتر وهيركب زى ال pb بدون تعديل قواعد او شكمان