سيات ابيزا 2003

[Mohamed G]

السلام عليكم ورحمة الله
ازيكم جميعاااا ؟؟
انا اول مشاركة لى معاكم النهاردة واشكركم جميعا على المعلومات اللى عرفتها عن طريق المنتدى ....
انا مقيم فى فنلندا جديد وكنت محتاج اشترى سيارة ضرورى علشان الشغل فعجبتنى السيات ابيزا 2003 1.2 5 d فكنت عاوز اعرف اية رائيكم فيها وهل عربية كويسة ولا لا
مع العلم ان التصليح والصيانه هنا ممكن يكون اغلى من ثمن العربية ( غالى جدااااا )

وشكرا


تم نقلة لقسم سيات .

[Karim Ibiza]

اهلا بيك معانا فى نايل موتورز وقسم السيات
أهم حاجة فى العربية اللى هتجيبها ان تكون حالتها جيدة جدا لأن زى حضرتك ما قولت ان تكلفة التصليح اغلى من ثمن العربية
السيات عموما عربيات محترمة جدا واعتمادية ومش بتبوظ بسهولة لأنها تابعة لفولكس جروب وعموما لو حضرتك من النوع اللى بتحب تصلح الحاجة بنفسك يبقى انصحك تجيب Haynes Repair Manual Product: Seat Ibiza Petrol & Diesel (May 02 - Apr 08) 02 to 08
شرح مبسط جدا لعمل الصيانات بنفسك
او انك تجيب ابيزا بس موديل احدث عشان الحالة تكون افضل
بس عموما الابيزا عربية اعتمادية
ولو فيها اى حاجة عطلانة قولنا واحنا نساعدك

[mhf_77]

الابيزا عربيه ممتازه هتديك كل اللى انت عايزه
الموديلات القديمه فى مصر كانت معظم مشاكلها متعلقه بنظام التبريد لكن عالجو الموضوع ده فى الموديلات الاحدث
و بالنسبه ليك فجو اوروبا مناسب ليها جدا
الابيزا اعتماديه وحمالة قسيه وثابته وقطع غيار معمره
صفقه رابحه جدا انت راكب فولكس بكل مميزاته ومكوناته وجودته بسعر اقل من سعر الفولكس
م الاخر السيات والاسكودا بتركب فولكس بسعر اقل

[hossamalsadik]

الأبيزا عربيه ممتازه لاغبار عليها
بس الأهم الحاله لو جبتها حاله كويسه هتريحك جدااااا عشان الموضوع بتاع الصيانات الى عندك وهيا فى الأصل قويه وأعتماديه اى معمره

بالتوفيق أن شاء الله

[SYD]

اهلا بيك في قسم سيات
توكل علي الله - الأبيزا عربية حلوة - بس اكشف عليها كويس عند مركز متخصص في صيانة فولكس

ولو عندك اي استفسار احنا تحت امرك

تحياتي