بوابة الايرماس قابلة للتنضيف

[sameh_se]

السلام عليكم ورحمة الله وبركاته
نازل النهارده الشغل دى كل يوم و الاقى العربية بتتكتم لما ادوس بنزين و اول ما ارفع رجلى من على الدواسة بتاعت البنزين تجرى فضل الحال دة لمدة نص ساعة المهم نزلت اشوف فى اية لقيت كل شىء تما م مفيش حاجة ملحوظة فقلت يبقى البوابة شكلها كدا عايزة تتنضف وبعدين فكيت فيشه الايرماس و و العمة و قلت انضف فلتر الهوا و ركبتة و ركبت العربية و مشيت و حسيت ان العربية فاقت و رجعت لحالتها الطبيعية بس وطيت قوى لدرجة انى بشيل رجلى من على البنزين او ادوس الدبرياج تبطل بس السحب بقا تمام و استجابة العربية لدواسة البنزين بقى تمام و قفت تانى اشوف فى اية لقيت فيشة الايرماس مفكوكة (نسيت اركبها اول مرة لما كنت فاكك الفلتر) ركبتها تانى رجعت العربية تكتم مع دوسة البنزين .
السؤال هنا هل الاير ماس بايظ ولا محتاج يتنضف بس .
عريبتى ابيزا 94 و الموتور 1600
شكرا و عذرا على الاطاله

[Karim Ibiza]

جرب الأول تنضفه وشوف النتيجة ولو لقيت مفيش فرق يبقى حط العربية على الجهاز واكشف عليه عشان تتأكد انه بايظ
شوف كده الموضوع ده

http://www.nilemotors.net/Nile/309361-a.html#post3874532326

[ehab_mansour]

بالتأكيد فيه مشكلة في الحساس و طبعا الصح زي ما كريم قلك تكشف و تشوف هل هو بايظ ولا لأ او تنزل تشتري واحد استيراد علي التجربة و تركبه يوم و تشوف الدنيا فيها ايه خاصة انه رخيص مش غالي اعتقد بتاع 50 الي 100 جنيه بالكتير قوي

[SYD]

طبعا الاير ماس بيتنظف
جرب اللينك اللي بعته كريم
وزي ماقالك كد - لازم تكشف كمبيوتر

واعمل الاول سيرفيس سريع (هوا وبنزين)

تحياتي