الحقوني المرواح وقفت ومش بتشتغل هتجنن

[i1egypt]

السلام عليكم ورحمه الله وبركاته
امبارح يا جماعه روحت اغير زيت عربيتي ابيزا 2000 موتور 1000ccوالصنايعي بيفك الفلتر بتاع الزيت عمل شرز بالمفتاح ناحية الدينمو بعدين خدت العربية ومشيت لقيت العربية بتسخن واللمبة بتاعت الحرارة بتنور وتطفي والمرواوح مش شغاله يا تري دا فيوز ولا الكتاوت بتاع التكييف والسريع والبطيئ ؟
انا دورت في الفيوزات الى تحت ف التبلوه ملقتش حاجة للمرواح ومش عارف ابدا اصلحها ازاى مع العلم يا جماعه ان انا من سوهاج ومافيش صنايعي عندنا ليه ف العربية دي

[khaledmoniemal]

الفيوز

ممكن تلاقي الفيوز في علبة الفيوزات في الكابوت بس اتاكد الاول ان السلوك واصلة والثرموستات راكبة كويس

[ehab_mansour]

فيوز تشغيل مراوح التبريد و التكييف فوق البطارية فيه علبة فيوزات هتلاقي ثلاث فيوزات واحد فقط منهم اللي مستخدم و بيشغل المراوح هتلاقيه 30 أمبير و حاول تشتري فيوز ايطالي او اي نوع نضيف عشان يستحمل معاك و ميسيحش و يسيح و يبوظ مكانه
و موضوعك ده كله فيوز فقط
و بالتوفيق ولو فيه حاجه تانيه تحت امرك قول و احنا معاك

[ahmedfouad]

ممكن يكون حساس الحرارة المسئول عن تشغيل المراوح ..
ممكن تعرف .. هقولك ازاى ؟
هتشيل فيشة الحساس ده وبيبقى مكانه فى البلوك بتاع الموتور وبيبقى ليه فيشة
هتشد الفيشة من الحساس وتجيب سلكة وتقشرها من الناحيتين وتوصل طرفين الفيشة بالسلكة
لو الراوح اشتغلت يبقى المشكلة فى الحساس وغالبا ممكن بمجرد انك تشيل الفيشة المراوح تشتغل على طول من غير ما توصل السلكة
لو ما اشتغلتش فى كل الاحوال دور على موضوع الفيوز ده وربنا معاك

[ehab_mansour]

ممكن يكون حساس الحرارة المسئول عن تشغيل المراوح ..
ممكن تعرف .. هقولك ازاى ؟
هتشيل فيشة الحساس ده وبيبقى مكانه فى البلوك بتاع الموتور وبيبقى ليه فيشة
هتشد الفيشة من الحساس وتجيب سلكة وتقشرها من الناحيتين وتوصل طرفين الفيشة بالسلكة
لو الراوح اشتغلت يبقى المشكلة فى الحساس وغالبا ممكن بمجرد انك تشيل الفيشة المراوح تشتغل على طول من غير ما توصل السلكة
لو ما اشتغلتش فى كل الاحوال دور على موضوع الفيوز ده وربنا معاك

حضرتك حساس الحرارة اللي في بلوكة الموتور ده مالهوش اي علاقة بتشغيل المراوح ده حساس بتخرج منه اشارتين كهرباء واحده بتعرف الكنترول درجة حرارة المحرك و الثانية بتحرك مؤشر الحرارة في العدادات و بس

اللي مسئول عن تشغيل المراوح هو ساعة الحرارة و دي راكبه في أحد جوانب الرادياتير و بيوصلها فيشة رباعية الأطراف عشان تغشل المراوح سرعتين و محتمل فعلا تكون أحد الأسباب لكن ترجيح الفيوز سابقا كان لسبب انه قال انه حصل شرر في المنطقة و ده مباشرة بيسيح الفيوز لأنه اسهل شيء في الدائرة بيقطع عشان ميحصلش حريق ربنا يعافينا جميعا
و كمان لأنه قال انها مش شغالة مع التكييف كمان و هنا بيكون فيوز علطول لأن الساعه بتشغل و تفصل حسب الحرارة فقط و مالهاش علاقة بالتشغيل مع التكييف

[ahmedfouad]

حضرتك حساس الحرارة اللي في بلوكة الموتور ده مالهوش اي علاقة بتشغيل المراوح ده حساس بتخرج منه اشارتين كهرباء واحده بتعرف الكنترول درجة حرارة المحرك و الثانية بتحرك مؤشر الحرارة في العدادات و بس

اللي مسئول عن تشغيل المراوح هو ساعة الحرارة و دي راكبه في أحد جوانب الرادياتير و بيوصلها فيشة رباعية الأطراف عشان تغشل المراوح سرعتين و محتمل فعلا تكون أحد الأسباب لكن ترجيح الفيوز سابقا كان لسبب انه قال انه حصل شرر في المنطقة و ده مباشرة بيسيح الفيوز لأنه اسهل شيء في الدائرة بيقطع عشان ميحصلش حريق ربنا يعافينا جميعا
و كمان لأنه قال انها مش شغالة مع التكييف كمان و هنا بيكون فيوز علطول لأن الساعه بتشغل و تفصل حسب الحرارة فقط و مالهاش علاقة بالتشغيل مع التكييف

بارك الله فى حضرتك .. معلش انا كنت بتكلم على اللى شوفته فى اللانوس بتاعة والدى لما حصل حاجة زى كدة .. واللى قولته ده اللى عمله بالظبط الكهربائى وغير الصباع ده والمروحة بطلت لما ركب الفيشة فى الصباع الجديد

[i1egypt]

الف شكر يا رجاله واسف اوى على الرد المتاخر

انا دورت على الفيوز بس لاقيته سليم
فكيت الفيش بتاعت المراوح ونضفتها وفيش الكتاوت والحمد لله اشتغلت

الف شكرا للجميع

[Karim Ibiza]

الف شكر يا رجاله واسف اوى على الرد المتاخر

انا دورت على الفيوز بس لاقيته سليم
فكيت الفيش بتاعت المراوح ونضفتها وفيش الكتاوت والحمد لله اشتغلت

الف شكرا للجميع

الحمد لله أنها اشتغلت
حبة wd40 جوه الفيش ترشهم عشان يبقي اتنضفوا كويس