نور الصالون مش شغال-ابيزا ٢٠٠١

[mahmoudayman]

السلام عليكم و رحمه الله و بركاته
انا من يوم ما اشتريت العربيه و نور الصالون مش شغال مع الابواب و طبعا ده عشان المالك اللي قبلي مكسر كل صوابع النور في الابواب الاماميه بس النور بيشتغل عادي لما اشغله من الزرار انا فكيت بواقي الصوابع من الباب و لقيت الفيشه اللي بتركب فيها ٣ اطراف طبعا انا مرضيتش العب عشان مبوظش حاجه و قلت اسأل اهل الخبره هنا قبل ما ابوظها و سؤال تاني معلش هو المفروض في لمبه في التابلوه تبين ان في باب مفتوح ولا ايه عشان انا مش عارف
و انا اسف علي الدوشه اللي عاملها من يوم ما جبت العربيه

[aldesha989]

والله للاسف ما اعرفش عندك لمبه فى التابلوه ولا لا بس هات صوباع للاى باب وهو عندى كان طرفين طرف ارضى وطرف اللى بيأخد الكهرباء تقريبآ

المهم هو طرف سلك واحد بس والارضى بيبقى من المسمار اللى بيتربط عليه الصوبع لكن 3 اطراف سلك انتا بتقول ؟ عمومآ اىآ ما كان اخلع صوبع الباب لو عندك غير زى ما انا بقولك وهات زيه ووصل نفس التوصيلات مش هتخسر حاجه ولو اول باب اشتغل نور الصالون معاه يبقى فل وغير الباقى ما عرفتش روح لكهربائى بس اهم حاجه انك تتأكد ان اللمبه معموله على وضع الابواب

ياريت بقى تصورلى شكل اللمبه بتاعت الصالون عندك علشان عايز اجيب واحده علشان اللى عندى باظت ومش عارف اجيب لانهى عربيه :)

[SYD]

يا باشا مفيش اي حاجة واستفسر زي مانت عايز
حضرتك هتجيب صباع او زرار نور باب - الواحد كان ب20 جنيه (توب ران ) من فتح الباب
مش فاكر الصراحة كان كام فردة سلك - لأنه كان فيشة علي ما اتذكر بتركب في الزرار

ولو ليك اي استفسار تاني - لا تتردد

تحياتي

[ehab_mansour]

كما قال ابو السيد هتشتري طقم زراير كامل لكل الأبواب و لما تشتريه هتلاقيه بيتركب ضغط في مكانه و له فيشة هتركبها في الزرار قبل ما تضغطه في مكانه و بس هتلاقي كل الدنيا بقت شغاله معاك زي الفل

الابيزا 2001 مافيهاش لمبة في التابلوه تبين ان الباب مفتوح او لأ
الابيزا 2001 بعد ما تظبط مفاتيح الأبواب لما يكون فيه باب مفتوح هتنور اللمبة و مش هتطفي لما تحط المفتاح في الكونتاكت + لو نزلت من العربية و باب مش مقفول كويس و قفلت بالريموت هتفضل اللمبة منورة + لو كله مقفول اول ما تقفل بالريموت اضاءة اللمبة بتختفي تدريجيا + لو كله مقفول بعد ركوبك للعربية اللمبة مش بتطفي غير لما تحط مفتاحك في الكونتاكت و بتطفي تدريجيا ايضا + لو راكب العربية و جيت مروح اول ما تبطل بينور النور لواحده و مش بيطفي غير لما تقفل كل الأبواب بالسنتر

اضافة لكل ده نور الصالون بيطفي لوحده بعد حوالي دقيقة او اكتر محسبتهاش لو سبت العربية مثلا علي اي وضع مفتحه او بتعمل صيانة لأي شيء او اي سبب او باب مفتوح او اكثر

بصراحة مهم جدا انك تشغل لمبة الطالون و مفاتيح الأبواب لأنها احدي عوامل الامان في العربية و اللي بتبينلك هل هناك اي ابواب مفتوحه ولا لأ مع بداية ركوبك و تحركك و كذلك وقت غلق السيارة و تركك لها متنساش حاجه مفتوحه و تمشي
و بالتوفيق للجميع

[SYD]

لمبة الصالون بتطفي بعد ٥ ثواني
وكمان من ضمن اهمية مفاتيح الأبواب عشان الإنذار

تحياتي

[mahmoud ghanem]

طب دلوقتى موديلات 94 - 98 - 99 اية اللمبات الموجودة فى التابلوة غير ( الزيت والبطارية والبنزين والانوار عالى وواطى )
يعنى فى لمبات لفرامل اليد - حزام الامان - الباب

[mahmoudayman]

الف شكر يا رجاله ربنا يكرمكم

[mahmoudayman]

انا نسيت اقول اني لما اظبط الزرار ان النور يشتغل مع الباب بردو مش بيشتغل مع ان الابواب اللي ورا الصوابع فيها سليمه ادور علي اسلاك فين عشان اتاكد ان التوصيلات سليمه

[ehab_mansour]

انا نسيت اقول اني لما اظبط الزرار ان النور يشتغل مع الباب بردو مش بيشتغل مع ان الابواب اللي ورا الصوابع فيها سليمه ادور علي اسلاك فين عشان اتاكد ان التوصيلات سليمه

حضرتك كل التوصيلات سليمة و لكن أزرار الأبواب كلها عبارة عن دائرة واحده موصلة علي التوالي بمعني انه لو زرار واحد مش موجود او مفصول هيفصل الدائرة كلها و مش هتطفي اللمبة نهائيا
لازم كل الزراير تكون راكبة و متوصلة و سليمة عشان تشتغل صح و ده زي اي نظام أمان بيشيك علي الكل (الأبواب) عشان يشتغل بشكل سليم و عشان ده استشعار للانذار

نفس النظام في أنظمة ال security اللي بتتركب للبيوت علي الأبواب و الشبابيك برضه بتتوصل توالي عشان لو النظام اتفتح من اي مكان يشتغل الانذار

[SYD]

طب دلوقتى موديلات 94 - 98 - 99 اية اللمبات الموجودة فى التابلوة غير ( الزيت والبطارية والبنزين والانوار عالى وواطى )
يعنى فى لمبات لفرامل اليد - حزام الامان - الباب

في لمبة فرامل اليد
مفيش للباب - بس نور الصالون مايطفيش غير لما الباب يقفل كويس
مفيش للحزام

[hossamalsadik]

اللمبه بتطفى بعد 30ثانيه بالظبط

[SYD]

اللمبه بتطفى بعد 30ثانيه بالظبط

بعد 30 ثانية من قفل الباب ؟ ولا بعد 30 ثانية من ايه بالظبط ؟؟
انا عندي بتطفي بعد 5 ثواني من قفل الباب

[hossamalsadik]

30ثانيه من قفل الباب