الحقونى الموتور مش عايز يدور

[Mody_Benz]

أولا السلام عليكم ورحمة الله وبركاته عليكم جميعا ويارب كلكم تكونوا فى أحسن حال

عربيتى سيات كوردوبا 1997 ومعظم حضراتكوا شوفتوا الصور الخاصة بيها

النهاردة نزلت دورت العربية وروحت الشغل الحمدلله بسلام والحمدلله خلصت الشغل ونازل مع اصحابى وقررنا نقعد ع القهوة شوية خلاص قسمنا مين هيركب مع مين

ورايح على العربية وبسمى وهدور العربية مش عايزة تدور لا حول ولا قوة الا بالله هنبتدى السهرة الليلية

فتحت الكونتاكت وانوار الزيت والهاند بريك والدينامو منورين طبيعى اجى ادور المكنة تبتدى تعمل صوت اللى انها هتدور لكن المكنة نفسها مش عايزة تقوم لكن المارش لاقط مفيش حاجة ومفيش صوت ليه

قفلت واجى ادور المكنة مش عايزه تدور برده العربية فيها بنزين يا واد يا محمد ؟؟!! اه فيها بنزين واللمبة بتاعته منورتش والامبير فى النص

شلت فيشة الموبينه من الطرفين ورجعتها تانى برده مش عايزة تدور مع العلم ان وانا فاتح الكونتاكت سلك الموبينه مش بيعمل شراز لما بحطه على جسم الموتور ده معناه ان الموبينه مش وصالها كهرباء نهائى

طيب طرمبة البنزين فيها حاجة ممكن مش لاقطة بنزين او مش قادرة تودى بنزين !!!طيب مش جايبه بنزين ليه دنا مغيرها من 8 شهور بس وشغالة زى الفل

طاب ممكن نزقها شوية كدة يمكن الله اعلم تدور .....العربية حالفه انها ماتقوم

يلا الحمدلله على كل حاجة وان شغلى جمب البيت فى المعادى اخر مزهقت روحت سبتها مكانها وقفلتها وروحت متعكنن

دلوقتى انا مش عارف اعمل اية حد يشورنى ويدلنى اعمل اية ؟؟

اسف على الاطالة

ولكم كل التحية والتقدير

اخوكم محمد عبقرينو

[Karim Ibiza]

عادي يا عم عبقرينو متاخدش في بالك
جاوبني بس علي السؤالين دوول

هل فيه صوت مارش وهل صوته طبيعي؟
هل لما بتفتح الكونتاكت بتسمع زنة الطرمبة؟

الحمد لله وقدر لله وماشاء فعل وبسيطة أن شاء الله

[Mody_Benz]

عادي يا عم عبقرينو متاخدش في بالك
جاوبني بس علي السؤالين دوول

هل فيه صوت مارش وهل صوته طبيعي؟
هل لما بتفتح الكونتاكت بتسمع زنة الطرمبة؟

الحمد لله وقدر لله وماشاء فعل وبسيطة أن شاء الله

كتر خيرك يا عم كريم يارب ان شاء الله
لما بفتح الكونتاكت وهاعمل التكه التانيه عشان ادور العربية
كانها هتشتغل ولو فضلت ماسك المفتاح ومرجعتهوش تانى بتفضل تعمل زى صوت مكنة بتعافر عشان تقوم ولكن مفيش حاجة عايزة تقومها او تقوم الموتور نفسه
والمارش صوته طبيعى يعنى مفيش زنة المارش ديه مش موجودة
وطرمبة البنزين صوتها فى زنة لما بلف المفتاح وبفتح الكونتاكت

مع العلم انها عملت كدة مرتين او تلاته بس دارت فى الاخر لكن المره ديه حلفت انها مدور

فانا بصراحة قلقان لتكون طرمبة بنزين فيها مشكلة من جوه او تكون حاجة كبيرة وانا مش واخد بالى

[SYD]

انا متهيألي ان الصوت اللي بتسمعه دة صوت موتور البوابة

انا شوفت فيوز الطرمبة وكتاوت الطرمبة ؟؟

بص عليهم بصة كدة وقولنا الدنيا فيها ايه

والله المستعان
،
،

[M.Al-Hefnawy]

البطارية سليمة؟ شوف الكلاكس صوته كويس والنور قوي ولا لأ؟

[Mody_Benz]

انا متهيألي ان الصوت اللي بتسمعه دة صوت موتور البوابة

انا شوفت فيوز الطرمبة وكتاوت الطرمبة ؟؟

بص عليهم بصة كدة وقولنا الدنيا فيها ايه

والله المستعان

تسلملى يا استاذ سيد وانا فعلا مفكرتش فى موضوع الفيوزات او الكتاوت خالص
ومعلش هيا موتور البوابة ده ؟؟ معلش اخوك على قده فى العربية

[Mody_Benz]

البطارية سليمة؟ شوف الكلاكس صوته كويس والنور قوي ولا لأ؟

الكلاكس والنور والكاسيت كل ده شغال بس المشكلة ان العربية مش بتلقط والموتور نفسه مش عايز يقوم زى مفى حاجة تحس انها فاصلة مش عايزة تديله الشحنة الاخيرة عشان يقوم

[ehab_mansour]

السلام عليكم
حضرتك هتختبر العربية في حاجتين اتنين :-
1- تأكد من وجود بنزين و الطلمبة تعمل جيدا و دي هتجرب فيها انك تخلع خرطوم البنزين اللي جاي من الطلمبة لمسطرة الرشاشات و بعدين حد يفتحلك كونتاكت لو تشوف الخرطوم لو بيجيب بنزين بضغط كويس يبقي كده خلاص البنزين موجود
2- يبقي ناقص عشان العربية تدور وجود الكهرباء و هنا هتتأكد ان الموبينة واصلها كهرباء و بتخرج كهرباء و هنا لو ملقيتش فيه كهرباء خارجه من الموبينه يبقي محتمل موبينة او فبرة كونتاكت و بس
هو انت فين في المعادي ؟
و بالتوفيق يا باشا و تأكد ان العربية عشان تدور مبدئيا مش محتاجه غير بنزين و كهرباء و هواء دور في الثلاثة دول و تاكد انهم داخلين للموتور عشان يدور

[Khaled Lanos]

أنا شاكك ان سير الكاتنية ممكن يكون اتقطع لا قدر الله..شيك كدا على سير الكاتينة وقولنا.

[Karim Ibiza]

مارش شغال وصوته طبيعى
طرمبة شغالة

طيب اتأكد من ان الموبينة بتطلع كهرباء
اخلع الكابل اللى فى نص الاسبراتير وقربه من اى جزء معدن فى جسم العربية وخلى حد يدور العربية
المفروض انه يطلع شرز مع الدوارة

[Karim Ibiza]

السلام عليكم
حضرتك هتختبر العربية في حاجتين اتنين :-
1- تأكد من وجود بنزين و الطلمبة تعمل جيدا و دي هتجرب فيها انك تخلع خرطوم البنزين اللي جاي من الطلمبة لمسطرة الرشاشات و بعدين حد يفتحلك كونتاكت لو تشوف الخرطوم لو بيجيب بنزين بضغط كويس يبقي كده خلاص البنزين موجود
2- يبقي ناقص عشان العربية تدور وجود الكهرباء و هنا هتتأكد ان الموبينة واصلها كهرباء و بتخرج كهرباء و هنا لو ملقيتش فيه كهرباء خارجه من الموبينه يبقي محتمل موبينة او فبرة كونتاكت و بس
هو انت فين في المعادي ؟
و بالتوفيق يا باشا و تأكد ان العربية عشان تدور مبدئيا مش محتاجه غير بنزين و كهرباء و هواء دور في الثلاثة دول و تاكد انهم داخلين للموتور عشان يدور

+1
بس الفبرة متخليش المارش ينطق اساسا

[Karim Ibiza]

أنا شاكك ان سير الكاتنية ممكن يكون اتقطع لا قدر الله..شيك كدا على سير الكاتينة وقولنا.

معتقدش
لأن لو اتقطع اكيد كان هيحس ان صوت الدوارة مختلف

[ehab_mansour]

+1
بس الفبرة متخليش المارش ينطق اساسا

فبرة الكونتاكت او ريش فبرة الكونتاكت هي اكتر من ريشة و كل جزء منها ليه وظيفة و ليها اكتر من مرحلة

الاولي هي لما بتفتح كونتاكت بس و تنور معاك اللمبات في التابلوه و دي معاها بيوصل كهرباء للكنترول و الموبينة و طلمبة البنزين و أشياء أخري و دي اللي اقصد فيها العطل
الثانية هي تكة الدوارة و دي ربع اللفة الزيادة اللي بتلفه للكونتاكت عشان تدور المارش بس و تخرج الاوتوماتيك بتاع المارش و ده فقط للمارش عشان يدور العربية و دي اعتقد سليمة و ليس لها علاقة بالعطل

شوف كده يا كيمو مشاركتي دي و كمل الموضوع كله للأخر و شوف النقاش فيه هيوضحلك اقصد ايه
و اتمني صاحب الموضوع هو كمان يشوف الموضوع ده

http://www.nilemotors.net/Nile/3874900075-post18.html

و ده الموضوع كله من اوله

http://www.nilemotors.net/Nile/344788-a.html

و بالتوفيق للجميع

[Karim Ibiza]

فبرة الكونتاكت او ريش فبرة الكونتاكت هي اكتر من ريشة و كل جزء منها ليه وظيفة و ليها اكتر من مرحلة

الاولي هي لما بتفتح كونتاكت بس و تنور معاك اللمبات في التابلوه و دي معاها بيوصل كهرباء للكنترول و الموبينة و طلمبة البنزين و أشياء أخري و دي اللي اقصد فيها العطل
الثانية هي تكة الدوارة و دي ربع اللفة الزيادة اللي بتلفه للكونتاكت عشان تدور المارش بس و تخرج الاوتوماتيك بتاع المارش و ده فقط للمارش عشان يدور العربية و دي اعتقد سليمة و ليس لها علاقة بالعطل

شوف كده يا كيمو مشاركتي دي و كمل الموضوع كله للأخر و شوف النقاش فيه هيوضحلك اقصد ايه
و اتمني صاحب الموضوع هو كمان يشوف الموضوع ده

http://www.nilemotors.net/nile/3874900075-post18.html

و ده الموضوع كله من اوله

http://www.nilemotors.net/nile/344788-a.html

و بالتوفيق للجميع

لو كده فعلا يبقى احتمال كبير تكون الفبرة خصوصا ان ده عيب شائع فى العربيات دى

انا الفبرة دى كانت مزاولانى اول ما اشتريت العربية بس مكانتش بتعمل كده
كانت مش بتخلى المارش ينطق اساسا

[egman]

خلينا بس يا رجالة نركز فى حاجة مهمه الراجل بيقول انه بيفتح الكونتاكت بس وبيقرب سلكا لموبينة من العربية ومافيش شرز ، انا عايز اقوله بس يقرب سلك الموبينة زي ما الناس قالوله لجسم معدنى فىا لموتور ويدور العربية مش يفتح الكونتاكت وبس لو ما شرزت تبقى موبينة بنسبة 80% والـ 220 % الباقيين بيبقى اسبراتير لان ده الى حصل معايا اختبرت ما فيش اى شرز واان واثق من الموبينة واختبرت الاسبراتير طلع هو الى قاطع .
والفبره ممكن تبقى مشغلة حاجة وموقفة حاجة بتحصل معايا :( ممكن تبقى هى السبب .