الماتور الجديد مبيجريش اخرة 80

[المجرى]

السلام عليكم
اخوانى انا عربيتى ابيزا 94
جايب ليها ماتور جديد استيراد نوعة ابيزا موديل 99 1400 سي سي

نقطة مش عارف صح ولا غلط
وانا بسقط المتور كان فية بعض المشاكل المهم بعد ماحطيت زين توتال 3000 رقمة 20w50 جركن 4 لتر احتاجنا لتر كمان كان فية مشكلة فى دورة الزيت وكبينا شوية فى الارض المهم ضفنا حوالى لتر من زيت موبيل اللى بيقد 3000 كيلو مش فاكر رقمة اية قلتلة ودا صح قال مش مهم دا غسيل بس

المهم انا سقطة من كام يوم والنهاردة اول يوم ليا تجربة

الماتور يادوب اخرة 80 على الرابع ودواسة البنزين بتكون على الارض خااااااااااااااالص
جربت اجيب الخامس بردة 80 والدواسة على الارض خااااااااااااااااالص

بس وانا جايب اخر دواسة البنزين على الارض السرعة بتزيد شوية شوية لغاية ماتوصل 100 وتقف


رحت للميكانيكى لقيتة قافل اتصلت بية قال انة مشتغلش اليوم بس سهلة هيعلى الكهربا شوية
كهربة اية
العربية مبتجريش خااااااااااااااالص

[SYD]

اولا كدة يا باشا : كمية الزيت كبيرة جداً
ثانيا : موضوع السرعة فله اكتر من حاجة بس انا شاكك في حاجة معينة

لما بتجيب الدواسة في الأرض - الأر بي ام علي كام ؟؟؟؟؟؟

[nos502000]

سيد باشا قصدك ممكن يكون سلك الاكسرتير مش جايب للاخر

وانا احب اضيف حاجة تانية ممكن يكون سلك الدبرياج محمل على الاسطوانة والديسك
فهل الدبرياج بيفصل فوق ولا تحت

وشوف حوار الاسبراتير زود سنة كهربا وشوف الدنيا

وراجع فلتر البنزين والهوا

[hossamalsadik]

مجرى لازم يكون الماتور على مسمى

قصه السحب فى الأتى : أسباب أساسية
الاسطوانة والديسك : تديك صوت عالى فى أول الطلعه وتوقف سرعة الماتور الى حد معين
الاسبراتير : يكتم الماتور أو زى مابيقولوا يخنق الماتور فى السحب لو مش مظبوط
الماتور أنجكشن ممكن تنضف الرشاشات
اسباب فرعية :
نوعية الزيت ( زيت مناسب لنوعية الماتور )
نوعية البنزين ( رقم الأوكتان)
فلتر الهواء : حالة الفلتر
البوجيهات : نوعية البوجهات المناسبة للماتور حسب نسبة أنضغاطه ( حسب الكتالوج أو نوعية نضيفه يعنى )
كاوتش و الجنوط : نوعية الكاوتش ورسمته و مقاس الجنط
وجاوب على سؤال أ/ سيد عشان مهم وهيوضح حجات
لما بتجيب الدواسة في الأرض على سرعه 80كم - الأر بي ام بيكون علي كام ؟؟؟؟؟؟

وتخمين منى ظبط كهرباء ( اسبراتير ) وتنضيف رشاشات فقط

[المجرى]

شكرا يارجالة والله ماقصرتم

الميكانيكى رد عليا وردة انة بكرة اروحلة الورشة
هيغير البوجيهات لانة بيقول البوجيهات وحشة
قلتة ياعم انا معايا طقم لسة جديد مركبتوش لية قال كنت بجرب اللى فى الماتور
وقال هيعلى الكهربا شوية

بس ياترى لو دول اتعملوا الماتور هيبقى كويس


لما بجيب الدواسة على الارض ال rpm بيكون 30

اما المواضيع التانية من كاوتش فالكاوتش جديد مبقالوش شهر
واساسا انا مغير الماتور والماتور اللى قبلة كان زى الفل لسة جديد وكنت بجيب بية فوق 140

كل اللى اتغير انى شلت ماتور بولو موديل 99 1400 سي سي
وركبت ماتور ابيزا موديل 99 1400 سي سي

[hossamalsadik]

كده يبقى المشكله كهرباء ( الأسبراتير + البوجيهات )
بس تظبيط الحجات الى قلتها فوق ديه لو عاوز أفضل أداء للعربيه عمتاً كسحب وتسارع وثبات توفير فى البنزين ... ألخ أنتا هتلاقى اكبر خبير هنا مش بيطبق الكلام ده بحزفيره والأسباب كتير بس على الأقل بيعمل أغلبه أو الاساسى منه
متابع معاك وبقى طمنا عملت ايه عند الميكانيكى

[المجرى]

شكرا وان شاء الله الحوار دا يخلص بكرة
لانى بجد زهقت من العربية والجرى اللى جريتة عليها

بس ياترى البوجيهات والكهربا توصل الماتور لي 80
؟؟؟؟؟؟؟؟؟؟؟
معقول

[Karim Ibiza]

سؤال وعايز اجابة صريحة

هو انت عندك طرمبة بنزين فى التنك, يعنى بتسمع صوت الزنة بتاعتها من تحت الكنبة؟

[المجرى]

لا عندى الطرمبة فى الحوض

[Karim Ibiza]

لا عندى الطرمبة فى الحوض

شكرا
هو ده اللى انا كنت عامل حسابه

طرمبتك فى الحوض لأن عربيتك كانت كربراتير وده احنا بنسميه (رداغ)
دلوقتى عربيتك بقيت انجيكشن وبوابة وشغل اليكترونى كله فبالتالى الرداغ مش هيعرف يضخ للموتور كمية البنزين اللى محتاجها واللى انت بتقوله عليها لما بدوس على دواسة البنزين
الموضوع زى واحد بيكلمك هندى وانت مش بتعرف تتكلم هندى

[hossamalsadik]

شكرا وان شاء الله الحوار دا يخلص بكرة
لانى بجد زهقت من العربية والجرى اللى جريتة عليها

بس ياترى البوجيهات والكهربا توصل الماتور لي 80
؟؟؟؟؟؟؟؟؟؟؟
معقول

العفو أحنا كلنا بنساعد بعض بالمعلومات و إن شاء الله معنا مش هتزهق من العربيه لان خبرتك هتزيد وهتبقى فاهم اكتر وبالتالى هتحبها
أنا فاكر موضوعك فى الماتور الى قبل كده وورقه تقريبا والغلبه ديه
والواحد لما بيقع مع ميكانيكى شاطر أو ومتتخصص وزيه كهربائى شاطر ويدلوه يشتر ايه جديد وايه أستيراد افضل ومن عند مين بالظبط عشان ميلفش ويتعب نفسه ويهدر ماله وبيكون عنده خبره فى العموم وخبره فى عمل الصيانات مثل نوعية الزيت ونوعية بوجيهات ونوعية الفلتر .... ألخ بيحب العربيه جدا
والخبره ديه هتوصلها ماتقلقش بالمتابعه فى موضوعات قسم السيات وفى وقت قياسى كمان

[المجرى]

شكرا
هو ده اللى انا كنت عامل حسابه

طرمبتك فى الحوض لأن عربيتك كانت كربراتير وده احنا بنسميه (رداغ)
دلوقتى عربيتك بقيت انجيكشن وبوابة وشغل اليكترونى كله فبالتالى الرداغ مش هيعرف يضخ للموتور كمية البنزين اللى محتاجها واللى انت بتقوله عليها لما بدوس على دواسة البنزين
الموضوع زى واحد بيكلمك هندى وانت مش بتعرف تتكلم هندى

احم احم هقولك حاجة بس متضحكش عليا

الماتور القديم كان اساسا انجكشن والراجل ركب لة منفوا وحولة كربراتير


اما بقى الماتور الجديد اللى انا لسة مركبة
عملت فية كدا بالضبط لان التكلفة كانت هتزيد حوالى 2000 جنية

واخوك بيكح تراب الوقتى من اللى شوفتة

يعنى انا حولت الماتور لكربراتير كمان

[Karim Ibiza]

احم احم هقولك حاجة بس متضحكش عليا

الماتور القديم كان اساسا انجكشن والراجل ركب لة منفوا وحولة كربراتير


اما بقى الماتور الجديد اللى انا لسة مركبة
عملت فية كدا بالضبط لان التكلفة كانت هتزيد حوالى 2000 جنية

واخوك بيكح تراب الوقتى من اللى شوفتة

يعنى انا حولت الماتور لكربراتير كمان

طيب ياباشا ربنا يسهلك ويسهلنا الحال

بس رجاء بلاش الفوازير اللى انت بتعملهالنا عشان نقدر نساعدك ونديك الحل الصح
حضرتك فى اول الموضوع كاتب انك جبت موتور استيراد 1400 ابيزا موديل 99 وطبعا الموتور ده معروف انه انجيكشن, نعرف منين انك حولته كربراتير!!!!!!!!

وياترى حضرتك حطيت الكربراتير القديم؟؟؟

[المجرى]

أة حطيت الكربراتير القديم والمانفوا القديم

[SYD]

لا حول ولا قوة الا بالله
انت دخلت نفسك وهتدخلنا معاك في متاهة لا يعلم مداها الا الله
طب هل انت غيرت التانك - عشان استفسار كريم
وهل شيكت علي واير الاكسلاتير - عشان استفساري
وهل شيكت علي الاسبراتير - عشان استفسار حسام

وعلي كدة لغيت الكنترول والحساسات؟؟؟

الله المستعان
،
،