سيات 133

[thebast]

السلام عليكم ورحمة الله وبركاتة

لو سمحت انا فى حيرة كبيرة ومحتاج رائيكم واستشاراتكم
دلوقتى انا قولت عاوز اشترى سيات 133 لاقيت ناس بتقول انك هتصرف عليها كل يوم وسخونة ووو وهتلعن اليوم الى اشتريتها فية والكلام دة وناس تقول دى معانا وزى الفل وجميلة وبنحبها ومش بتعطل طيب الواحد يصدق مين ؟

ولو عملنا مقارنة بينها وبين مثلا شراء موتوسيكل حلاوة مين فيهم الى هيكسب ؟
من حيث كل حاجة فى الاتنين من سرعة وتصليح واعطال
واية الحاجات المهمة جدا فى ال 133 الى لازم الواحد يخلى بالة منها قبل الشراء
شكرا ليكم

[ابو لؤى]

مبدئيا السخونه مالهاش حل سيبك من الاختراعات اللى فى ناس بتعملها ثانيا مش هتجيب سعر وانت بتبيعها يعنى هتشترى مثلا 3500 بقول مثلا انما فى الواقع بيطلبو اسعار هبله اوى 5 او 6000 عن نفسى افضل تجيب 127 توب 2 باب عربيه جميله جدااا وبتجرى وسعرها 6000 الى 7500

[ابو لؤى]

موضوع الموتوسيكل انا مابحبهمش بصراحه انما افضل من سيااااات من وجه نظرى

[SYD]

اهلا بحضرتك في قسم سيات
والله ال133 للأسف عايزة حد فاهمها - دة 1
نمرة 2 - لازم تكون حالتها كويسة ومش ملعوب فيها

ليها تعديلات كتير بتتعمل
بس هي للأسف مش عربية شغل وشقي
عايزة مشاوير خفافي - وياريت لو في الهواء الطلق

اما عن المقارنة بالموتوسيكل - فلا طبعا
هي اكبر من انها تقارن بموتوسيكل

تحياتي

[thebast]

شكرا جدا لرد حضرتك دى مواصفات العربية المعروضة عليا
معدله كبالن +بطاريه جديده+علبة شكمان جديده+عصاية فتيس جديده+4كاوتش تيوبلس +الاستبن+كوريك+صليبه........ جميع الانوار تعمل+كاتينه جديده+رخصه ساريه لشهر 9//2013
ودى صورتها



والسعر 3750

[SYD]

الأخسن تخلي ميكانيكي يبص عليها
ممكن يكون فيها بارومة وانت مش شايفها
اكتر الأماكن بتجمع بارومة فيها (تحت كرسي السائق والعتب)
لازم تدور وتشوف دورة التبريد شغاله ولا لاء وهل طرمبة المياة شغالة كويس
بص علي الفتيس وجربه وتأكد ان جميع الغيارات مافيهاش مشاكل
تأكد ان جميع ادوات التغذية تعمل بكفاءة - لأن للأسف العربية دي قطع غيارها غالية حبتين
ادوات التغذية تشمل (موبينة - دينمو - مارش - طرمبة مياة - طرمبة بنزين)

أكشف عليها كويس وربنا يوفقك ان شاء الله

تحياتي

[thebast]

شكرا لحضرتك جدا بس دة اول تعامل ليا فى العربيات والمسافة بعيدة يعنى لو اخدت معايا ميكانيكى ممكن ياخد قد تمن العربية اصلا
ودائما اجد الخلاف فيها
ناس كتير بتقول مش بتسخن ابدااااااا وماشين بيها عادى وناس بتقول مش بتبطل سخونة ناس تقول قطع غياراها رخيصة جدا وناس تقول غالية
طيب اعمل اية المفروض انا فعلا فى حيرة وهل المواصفات المعروضة كويسة ولالا بالنسبة للسعر

وحضرتك دة صورة الماتور كويس ولالا لانى مش بفهم فيهم

[hossamalsadik]

حضرتك بتقول ان ديه اول عربيه والسيات 133 عيزه حد فهمها خبره يعنى
طيب الميكانيكى الى تعرفه بيفهم فيها ؟
الغرض من سؤالى ان لما يحصل فيها حاجه يكون سهل حد يعملك صيانتها ويفهمك

[thebast]

والله انا حضرتك معرفش ميكانيكيا اصلا
وبعدين هو الافضل ان العربية تكون بماتورها الاصلى ولا متعدلة بماتور 127 ؟

[hossamalsadik]

مافيش مشكله من موضوع التعديل بماتور 127
بس لازم متخصص مكانيكى يبص عليها عشان تعرف تقيم الماتور محتاج حاجه أو فيه شغل غلط مثلاً كده يعنى وبالمره يبص على اى بارومه عشان تعرف أنتا بتشترى أيه ولو عاوزه حاجه تعمل حسابك عليها .
فى نقطه تانيه لما تاخد ميكانيكى ليها هتعرف أو تتعرف على حد بيشتغل فيها أمال يعنى تروح لميكانيكى القرب ليك وتقله عاوزك تبصلى على سيات 133 لأما هيقلك ماشى وفى الحاله ديه هتسأله أنتا بتشتغل فيها الجواب طبعا نعم (ايوه) وبكده تبقى أتعرفت على حد بيفهم فيها زى ماسبق وشرحت أو هيدلك على ميكانيكى بيفهم فى السيات النوع ده ومع الأيام أنتا هتبقى خبره
أتمنى اكون أفدتك
بالتوفيق

[thebast]

ايوة حضرتك يعنى الافضل يكون متعدلة 127 ولالا وحضرتك دول اكتر اتنين شوفتهم وناوى عليهم بس مش بفهم فيهم ومكان المعاينة بعيد عنى لو اخدت ميكانيكى هياخد مش اقل من 200 جنية حتى لو البيعة مش تمت
سياره سيات موديل 80 وبها موتور 127ويوجد بها سنتر لوك وجهاز نذار - سيات سيارات في المعادي | دوبيزل مصر

علما بان الاولى دى عاوزة طقم شنبر ودى التانية
سيات موديل 1981 برتقالى لون اليوسفى - سيات سيارات في الهرم | دوبيزل مصر



اتمنى رائيكم

[hossamalsadik]

مافيش حاجه أسمها المتعدله أفضل وده راى شخصى جداا
انا افضل كل حاجه زى ماقال الصانع بتعها لأن ديه ابحاث ودراسات تجارب كتير خرجت العربيه ديه وغيرها للنور
لاكن فيه عربيات صانعها بيديك خيارات للتعديل مثال هى أستوك فبريكه يعنى كوتش مقاس 13 وممكن تركب لحد 15 وممكن ماتور كذا وكذا يصلح ليها او بتكون بتنزل بمواتير مختلفه استوك .

الخلاص لابد من ان يشفها ميكانيكى لأنك معندكش خبره نوهائى أو اشترى على البركه وأمرك لله
وعلى فكره أنا عجبتنى العربيه التانيه عشان ريقه مفيهاش لعب كتير .

ده الكتالوج بتعها

prueba133-seat - Download - 4shared