lمساعده في بعض قطع غيار بيزا 1994 ..

[sammor_28]

السلام عليكم لو سمحتم ياشباب.. انا معايا ابيزا 1994 وكنت عاوز اجيب ليها سير كاتينه وبوجيهات وواير بنزين بتاع العربيه وفلتر هوا ....

ياريت لو حد منكم يساعدني ويقولي اجيبهم منين من الحرفيين واركبهم عند مين وايه افضل انواع ممكن اشتريها خصوصا سير الكاتينه والبوجيهات...

مستني ردكم وشكرا مقدما لكل من سيشارك

[sammor_28]

وياريت لو سعرهم كمان ابقى شاكر ليكم جدا

[iBiZa]

روح لفتح الباب فى شارع دمشق هاتهم من عندة الاول و بعدين اطلع ركبهم فى الحرفيين.

البوجيهات عندة الNGK اليابانى ب70 او 75

سير الكاتينة كان فى حدود 80 او 90 مش فاكر بس المانى.


فلتر هواء فى حدود 30 او 35

واير البنزين و انت عند الميكانيكى فكة و هات زية. هتلاقى فى اول شارع المرسيدس من عند الجامع واحد عندة حاجتها جديد. مش عارف تمنة كام بصراحة.

فية ميكانيكى اسمة حسن قدام اسلام مشهور. رحلة و قلة انا من طرف عماد بتاع ال205 و هو هيعمل معاك الواجب و لو فية حاجة تانية عايزة تتعمل هيقولك عشان تعمل حسابك فيها بعدين و مش بياخد فلوس كتير.

هو شغال Ibiza و Golf 2 من زمان فا حافظهم.

[sammor_28]

الف الف شكر ليك ابيزا :):) ....

شكرا على المساعده ربنا يكرمك ويقدرك على فعل الخير....

هي الحاجات دي طبعا بتفرق في عزم وسحب العربيه مش كده ياباشا ....

المشكله في واير البنزين انو تقريبا مش بتاعها لأن الواير طويل شويه ومش عاوز يبيت في مكانه اللي في صدر العربيه ... عالعموم ربنا يسهل هروح الحرفيين انهارده وربنا يسهلها من عنده ان شاء الله... شكرا ليك مره كمان ياباشا :)

[iBiZa]

ايوة با باشا بتفرق جدا و بردة يا ريت فلتر بنزين بالمرة, الالمانى هيعمل حوالى 10 او 12 جنية.

واير البنزين مش بيوصل لصدر العربية اللى بيوصل للصدر دة وير الكابوت.

[sammor_28]

وياريت يا ابيزا لو تعرف سعر البوجيهات الفلاج ال 3 شمعه اكون شاكر ليك جدا...

وبالنسبه للسير بجيبه عادي ولا لازم افكه واوديهلهم ولا هو هو معروف لأن حضرتك عارف طبعا انو بسنون ..

متأسف على كتر الأسئله بس معلش اعذرني

[sammor_28]

بجد والله انا عاجز عن الشكر لسرعه الرد والأستجابه ربنا يكرمك ياباشا :)

[iBiZa]

وياريت يا ابيزا لو تعرف سعر البوجيهات الفلاج ال 3 شمعه اكون شاكر ليك جدا...

لا يا باشا معرفش و مفتيش فيها.

وبالنسبه للسير بجيبه عادي ولا لازم افكه واوديهلهم ولا هو هو معروف لأن حضرتك عارف طبعا انو بسنون ..

لا مش لازم الفك لان دة مقاس واحد و معروف

متأسف على كتر الأسئله بس معلش اعذرني

يا باشا انت تأمر. احنا ياما اتلطمنا فى الشوارع عشان ماكناش لأين حد نسألة فا على اد ما الواحد يعرف هيساعد الناس عشان ميجربوش اللى جربة.

[saint]

انت فعلا انسان محترم يا ابيزا