باركولي و ساعدوني....:)

[Superbadr]

أولاً اعرفكم بنفسي
انا محمد بدر
دي أول مشاركه ليه في المنتدى
انا الحمد لله اشتريت عربيه
ابيزا 2001 كامله
وفرحان جداً جداً الحمد لله اني بقيت سيتاوي
الحمد لله العربيه مش محتاجه مصاريف كتير زي ما اصحابي قالولي لأني معنديش خبرة في العربيات
ولا اعرف مين بيروح فين ولا اي حاجه....:)
المهم انا كنت عايز اسألكم كام سؤال
1- انا ساكن في المريوطيه فيصل وكنت عايز اعرف اقرب واحد ميكانيكي وقطع غيار في المنطقه او المناطق القريبه وميكونش طبعاً حرامي
2- انا شوفت في بعض الموديلات مكان كاست العربيه في شاشه كده مش عارف بتاعة ايه في ناس بتقول بتاعة الحرارة وفي ناس بتقول انها بتاعة كل حاجه المهم اجيبها منين وبكام وهي بتاعة ايه أصلاً ؟؟؟ ولا انفض واجيب كاسيت نضيف احسن
3-العربيه مفيهاش اي وسائل الترويش من بره ومن جوه (فرش وسماعات والحركات من دي)وهي لونها نبيتي ياترى بخبراتكوا الواسعه اجيب ايه وانواع ايه ومنين وهل في حاجات مميزة للأبيزا ولا الأكسسورات كلها بتمشي لأي عربيه
4-أكره درج التابلوه مش موجوده ياترى بتتباع ولا لأ
انا أسف اني طولت عليكما في اول مشاركه بس مليش حد غيركوا يفيدني
وانا دورت في المواضيع القديمه على اجابات للأسئله دي وملقتش
تحياتي ليكوا وللأدارة....
;) ;) ;)

[SYD]

اهلا بيك في قسم سيات عضو جديد في المنتدي وفرد جديد في أسرة سيات
انا كمان ساكن في فيصل والميكانيكي بتاعي في اخر الهرم في مشعل
بتوع قطع الغيار جديد واستيراد كتير عندنا في فيصل
بالنسبة للكاسيت اللي بتتكلم عليه فهو بتاع القرطبة 2002 والشاشة لعرض بيانات التكييف والكاسيت ودرجة الحرارة الخارجية
اما لدرج التابلوه فأما هتشتريه جديد - او هتجيب تابلوه كامل او هتعمل حلول بلدي عند حد بتاع ابواب

وقصة ترويش العربية وترويقها 0 فدة ليا في وجهة نظر وهو انك تصبر لحد لما تعرف العربية فيها ايه وتطمن وبعدها اعمل اللي انت عايزه فيها

اهلا بيك مرة تانية
ولو احتاجت اي حاجة - احنا كلنا هنا معاك ان شاء الله

تحياتي ليك
والله المستعان
،ـ
،

[Karim Ibiza]

1000 مبروك على العربية وربنا يكفيك شرها

ان شاء الله هتتبسط منها قوى ويوم ما هتفكر تغيرها هتجيب بردو ابيزا بس موديل اعلى

بالنسبة لموضوع التابلوه اللى هيفيدك فيه المهندس ايهاب منصور او أ\ حسام لأنهم معاهم نفس الموديل بتاعك

[mahmoud ghanem]

الف مبروك

[hossamalsadik]

ألف مبروك وأهلا بيك معنا فى قسم السيات
1- انا ساكن في المريوطيه فيصل وكنت عايز اعرف اقرب واحد ميكانيكي وقطع غيار في المنطقه او المناطق القريبه وميكونش طبعاً حرامي
بالنسبه للميكانيكى والكهربائى وقطع الغيار .... وبالقى الصنيعيه طلما أنتا من سكان فيصل يبقى الى هيدلك على أقربهم لمحل سكنك البشمهندس محمد سيد لانه من سكان فيصل
علاوة على أن قطع الغيار متوفرة بالحرافيين وأخر جسر السويس بكثره والحمد لله وجديد بمحلات فتح الباب الخ وفى هناموضوع مثبت بالكلام ده وأيضا هناك موضوع ورشة الزعيم لأخونا حسين بك بس ديه فى صقر قريش
2- انا شوفت في بعض الموديلات مكان كاست العربيه في شاشه كده مش عارف بتاعة ايه في ناس بتقول بتاعة الحرارة وفي ناس بتقول انها بتاعة كل حاجه المهم اجيبها منين وبكام وهي بتاعة ايه أصلاً ؟؟؟ ولا انفض واجيب كاسيت نضيف احسن
لو تقصد عندك مكان لشاشه كده فديه بتاعة القرطبة مو2002 والشاشة لعرض بيانات التكييف والكاسيت ودرجة الحرارة الداخلية زى مقال البشمهندس سيد فعلاً وفى الحاله ديه تكون عربيتك استيراد الخارج لانهم نزل فى عربيتهم التبلوه ده فى الأبيزا أو متغيرلها تبلوه وده عادى يعنى ويباع فى الحرافيين ب1500ج لو هياخد منك القديم أو2000أو 2500ج من غير
أما لو معندكش مكان للشاشه ديه فده الطبيعى لان موديل السيات ألى نزل مصر التكييف اوكر وفوقيه مكان علبه فاضيه ( درج) ثم مكان الكاسيت فجيب كاسيت جديد أذا كان مفيهاش كاسيت
3-العربيه مفيهاش اي وسائل الترويش من بره ومن جوه (فرش وسماعات والحركات من دي)وهي لونها نبيتي ياترى بخبراتكوا الواسعه اجيب ايه وانواع ايه ومنين وهل في حاجات مميزة للأبيزا ولا الأكسسورات كلها بتمشي لأي عربيه
نفس لون عربيتى هههه الترويش ده ازواق هقولك على سبل المثال جنوط 15 طقم سماعات كينود300 او 400 زى ماتحب - فرش للعربيه أنا عندى جلد اسود متفصل وافضل مكان تعمل فيه جنز كار بمدينة نصر فيه علامة سيات تباع بالتوفيقيه تركبها على الجنط فى المنتصف مثلا ليصبح زى الجنط الأصلى جنط أبيزا كوبرا وفى كشافات زينون كشاف كامل وكشافات خلفيه ليدات يوووووه حجات كتير ,أعمل بحث فى جوجل عشان تعرف شكل الأكسسوارات الأصليه ليها وبعدين أنزل التوفيقيه ومصر الجديده هتلاقى أو هتلاقى الأقرب ليها - موضوع الترويش ده ازواق والميزانيه مفتوحه أوبن بوفيه بس الأهم أنك تطمن على أداء العربيه وعمل السرفس بتعها وبعدين أعمل أى أنتا عوزه .
4-أكره درج التابلوه مش موجوده ياترى بتتباع ولا لأ
نفس كلام البشمهندس سيد

تحياتي

،

[hossamalsadik]

SEAT LOGO Car LED Emblem Welcome Light Door Step Ground Projecting Lamp For Exeo lhambra Leon Ibiza Altea etc-in Lights & Indicators from Automobiles & Motorcycles on Aliexpress.com

http://burgos.evisos.es/fotos-del-anuncio/seat-ibiza-19-tdi-tuning-sport-modelo-2001-id-367479

http://www.avb-sports.be/seat/ibiza/2000-2002/lighting/taillights/1691

[url=http://www.google.com.eg/search?lr=lang_ar&biw=1366&bih=650&tbs=lr%3Alang_1 ar&tbm=isch&sa=1&q=tuning+ibiza+2001&oq=tuning+ibi za+2001&gs_l=img.12...71131.74588.0.75877.2.2.0.0. 0.0.381.571.0j1j0j1.2.0...0.0...1c.1.9.img.fja9Edf TZnY]tuning ibiza 2001 -

[S O P H O S]

الف مبـــروك ,,

[ehab_mansour]

الف مبروك يا محمد بيك انضمامك للعائلة الكريمة و اقتنائك لعربية محترمه و ربنا يباركلك فيها

انا هرد فقط علي موضوع الشاشه :-
الشاشة دي نزلت مصر فقط في الكوردوبا من 2000 الي 2002 و منزلتش في الابيزا و دي مش شاشة فقط دي
شاشة عرض + كاسيت + كنترول التكييف كاملا لأنها بتنزل فقط في التكييف التاتش
بتعرض كل بيانات التكييف من درجة حرارة خارجية و داخلية و سرعة مراوح و نظام تشغيل التكييف و حالة الجو الخارجي و .... الخ
بتعرض كل بيانات تشغيل الكاسيت + الراديو+ cd changer لو موجود
مربوطة كهرباء و كنترول بأزرار تشغيل الكاسيت و بيه هو نفسه و بأزار تشغيل التكييف التاش و بكل مكونات التكييف

دي مينفعش تركب علي الابيزا غير بتغيير التابلوه كاملا و الضفيرة لأن ضفيرتها و مكوناتها تختلف تماما عن اللي راكبه عندك ولو حابب تشوفها في المقابلة القادمه نشوفك و نتفرج براحتنا كلنا

و بالتوفيق للجميع ان شاء الله

[eemmoo]

مع كامل احترامى للباشمهندس ايهاب بس انا شوفت الشاشه دى فى كذا عربيه ابيزا ايام ما كنت بدور على عربيه اشتريها ولما سألت اصحابها قالولى ان العربيه تقفيل المانى وفعلا مكتوب على العربيه made in Germany وموجود فيها نفس الشاشه بتاعه القرطبه لكن مش موجوده فى الابيزا الاسبانى

[Superbadr]

اهلا بيك في قسم سيات عضو جديد في المنتدي وفرد جديد في أسرة سيات
انا كمان ساكن في فيصل والميكانيكي بتاعي في اخر الهرم في مشعل
بتوع قطع الغيار جديد واستيراد كتير عندنا في فيصل
بالنسبة للكاسيت اللي بتتكلم عليه فهو بتاع القرطبة 2002 والشاشة لعرض بيانات التكييف والكاسيت ودرجة الحرارة الخارجية
اما لدرج التابلوه فأما هتشتريه جديد - او هتجيب تابلوه كامل او هتعمل حلول بلدي عند حد بتاع ابواب

وقصة ترويش العربية وترويقها 0 فدة ليا في وجهة نظر وهو انك تصبر لحد لما تعرف العربية فيها ايه وتطمن وبعدها اعمل اللي انت عايزه فيها

اهلا بيك مرة تانية
ولو احتاجت اي حاجة - احنا كلنا هنا معاك ان شاء الله

تحياتي ليك
والله المستعان
،ـ
،

أولاً : بشكرك وبشكر كل الي ردوا عليا وبصراحة مكنتش متوقع كميه الترحاب الي لقيتها في الصفحة دي
ما شاء الله
ثانياً : مشعل بالنسبة لي قريبه جداً ...واقدر استنتج انه ميكانيكي شاطر مدام حضرتك بنفسك بتتعامل معاه..ياترى بقه تقدر تكتب اسمه وعنوانه ولا قوانين المنتدى تمنع
وبالنسبه لقطع الغيار انا شوفت كذا واحد كده وبالأخص في ش اللبيني...بس خايف اتعامل معاهم لأن في واحد قالي على محل فيهم انه حرامي فخايف الباقي يكون زيه
وشكرأ على موضوع الشاشه كده انا فهمت القصه
ودرج التابلوه شكله كده هيتحل بلدي
وشكراً تاني عالرد...:)

[Superbadr]

1000 مبروك على العربية وربنا يكفيك شرها

ان شاء الله هتتبسط منها قوى ويوم ما هتفكر تغيرها هتجيب بردو ابيزا بس موديل اعلى

بالنسبة لموضوع التابلوه اللى هيفيدك فيه المهندس ايهاب منصور او أ\ حسام لأنهم معاهم نفس الموديل بتاعك

انا فعباً الحمد لله مبسوط منها جداً
وبالذات لما واحد صاحبي ساقئها عشان يجربها _أكمني معنديش خبرة جامده بالعربيات_ وهو معاه فيرنا وقالي بصراحه في فرق بين الألماني والكوري بكتيير وان هو ان شاء الله هيغيير هو كمان لأبيزا

[Superbadr]

seat logo car led emblem welcome light door step ground projecting lamp for exeo lhambra leon ibiza altea etc-in lights & indicators from automobiles & motorcycles on aliexpress.com

Fotos de seat ibiza 1.9 tdi tuning sport modelo 2001 - Burgos - Coches

Sonar Taillights for Seat Ibiza (2000 - 2002) › AVB Sports car tuning & spare parts

[url=http://www.google.com.eg/search?lr=lang_ar&biw=1366&bih=650&tbs=lr%3alang_1 ar&tbm=isch&sa=1&q=tuning+ibiza+2001&oq=tuning+ibi za+2001&gs_l=img.12...71131.74588.0.75877.2.2.0.0. 0.0.381.571.0j1j0j1.2.0...0.0...1c.1.9.img.fja9edf tzny]tuning ibiza 2001 -

متشكر متشكر متشكر
بجد صور جامده وأفكار أجمد وربنا يسهل واردلكوا الجمايل دي...:)

[Superbadr]

الف مبروك يا محمد بيك انضمامك للعائلة الكريمة و اقتنائك لعربية محترمه و ربنا يباركلك فيها

انا هرد فقط علي موضوع الشاشه :-
الشاشة دي نزلت مصر فقط في الكوردوبا من 2000 الي 2002 و منزلتش في الابيزا و دي مش شاشة فقط دي
شاشة عرض + كاسيت + كنترول التكييف كاملا لأنها بتنزل فقط في التكييف التاتش
بتعرض كل بيانات التكييف من درجة حرارة خارجية و داخلية و سرعة مراوح و نظام تشغيل التكييف و حالة الجو الخارجي و .... الخ
بتعرض كل بيانات تشغيل الكاسيت + الراديو+ cd changer لو موجود
مربوطة كهرباء و كنترول بأزرار تشغيل الكاسيت و بيه هو نفسه و بأزار تشغيل التكييف التاش و بكل مكونات التكييف

دي مينفعش تركب علي الابيزا غير بتغيير التابلوه كاملا و الضفيرة لأن ضفيرتها و مكوناتها تختلف تماما عن اللي راكبه عندك ولو حابب تشوفها في المقابلة القادمه نشوفك و نتفرج براحتنا كلنا

و بالتوفيق للجميع ان شاء الله

اشكراً عالرد
والظاهر ان فعلاً كلامك مظبوط
وانا أفضل اني اسيب التابلوه الأصلي
ولا اغير ضفيرة بقه ولا بتنجان انا هخليني زي مانا والي عايزني يجيلي...ههههههههههههه
وياريت يبقه في تنويهه جامد عن ميعاد المقابله الي جايه ان شاء الله

[Superbadr]

مع كامل احترامى للباشمهندس ايهاب بس انا شوفت الشاشه دى فى كذا عربيه ابيزا ايام ما كنت بدور على عربيه اشتريها ولما سألت اصحابها قالولى ان العربيه تقفيل المانى وفعلا مكتوب على العربيه made in germany وموجود فيها نفس الشاشه بتاعه القرطبه لكن مش موجوده فى الابيزا الاسبانى

انا زيك كدهشوفتها في كذا عربيه ابيزا بس معرفش الماني ولا اسباني
وممكن كون كلامك صح
والأراء كلها تحترم

[SYD]

أولاً : بشكرك وبشكر كل الي ردوا عليا وبصراحة مكنتش متوقع كميه الترحاب الي لقيتها في الصفحة دي
ما شاء الله
ثانياً : مشعل بالنسبة لي قريبه جداً ...واقدر استنتج انه ميكانيكي شاطر مدام حضرتك بنفسك بتتعامل معاه..ياترى بقه تقدر تكتب اسمه وعنوانه ولا قوانين المنتدى تمنع
وبالنسبه لقطع الغيار انا شوفت كذا واحد كده وبالأخص في ش اللبيني...بس خايف اتعامل معاهم لأن في واحد قالي على محل فيهم انه حرامي فخايف الباقي يكون زيه
وشكرأ على موضوع الشاشه كده انا فهمت القصه
ودرج التابلوه شكله كده هيتحل بلدي
وشكراً تاني عالرد...:)

جمبك؟؟؟؟؟
معقولة انا ماعرفكش ؟ وانت جاري ؟؟
انت فين بالظبط ؟؟

بص يا سيدي
قوانين المكان وكمان قوانين القسم بتمنع الأعلان التجاري - لكن المنتدي قائم علي مساعدة الأعضاء
طالما انت سألت - انا بجاوبك
انا هقولك اسمه والوصفة - لكن مش هكتب تليفونه
عايز تليفونه هراسلك علي الخاص
الميكانيكي اسمه عصام
شارع الأشول - مشعل - لو انت داخل من الهرم فهو تاني ميكانيكي علي الشمال = تاني ميكانيكي = عشان في ميكانيكي قبله وبيدعي انه شغال في الفولكس وهتلاقي عنده عربيات فولكس كتير
عصام ورشته معلق عليها علامة فولكس ومش كاتب اي يفط او اسم للورشة
وقصاد الورشة حضانة أطفال - وجمب الورشة محل اكسسوارات حريمي :b4_007:

قوله بس انا من طرف م/ محمد سيد - الأبيزا الزيتي
او كلمني ونروح سوا

بالنسبة لشارع اللبيني - هناك 2
واحد دمه تقيل - والتاني ليا معاه مواقف مش كويسة ومعظم الناس واخده منه موقف
لكن احيانا بنلجألهم لما نكون مزنوقين 0 غير كدة يبقي الحرفيين
وفي حد تاني في شارع العشرين (المساكن) بس حاجته مبهدله ولازم تكون بتفهم عشان تنقي لنفسك حاجة حلوة - ميزته انه مش بيمانع انه يفك حتت من الحاجة (يعني علي سبيل المثال ممكن يفكلك درج التابلوه وماعندوش مشكلة ان التابلوه كله يقعد في ارابيزه)

بالنسبة للشاشة - انا كنت كتبتلك رد بس للأسف الكمبيوتر هنج وعملت ريستارت وزهقت اكتب الرد تاني فكتبت رد مختصر
الشاشة دي زي ما قال المهندس ايهاب بالظبط
عايزة شغل في الضفيرة عشان تعرض محتوياتها بالكامل
وبالتالي اما تغير ضفيرة او انك تكبر دماغك - والحل التاني اسهل

ولو حابب تصلح الدرج بلدي - قولي واوصفلك حد بتاع ابواب عبقري وقريب
هيظبطلك الأداء بابسط الحلول
انا عملت عنده الدرج بتاع التابلوه عندي والحمد لله شغال تمام وكمان بمفتاح الكونتاكت

تحياتي