استفسار عن عفشة ابيزا 94 كاملة

[nos502000]

السلام عليكم

انا كنت عايز اخد رأيكم فى حوار العفشة

انا معايا ابيزا 94 والعفشة كلها بتخبط ورا وقدام وقررت انى اغيرها بس فى شوية مشاكل كده فالطريق
اولا انا من المنيا وبالنسبة لقطع الغيار والحمد لله الابيزا ملهاش مسمار هنا ولا جديد ولا استيراد
فبالتالى هتجه للقاهرة فأنا مش عارف ايه بالظبط اللى فالعفشة بايظ علشان ابعت اجيبه واغيره لان سفرى للقاهرة اليومين دول صعب بسبب شغلى هنا فقررت انى اجيب الحاجة هنا واركبها هنا

فانا علشان اعرف ايه اللى بايظ لازم افك العفشة كلها ورا وقدام واشوف اللى بايظ وابعت اجيبو بس فالحالة دى لازم هسيب العربية مفكوكة لحد مالحاجة تيجى من مصر يعنى الامور معقدة اوى معايا وربنا يسهلها من عنده

انا قررت انى اجيب العفشة استيراد فكلمت واحد اعرفه كنت بتعامل معاه فى جسر السويس بتاع قطع غيار وحكيتله الحوار وقولتله كمان اانا عايز اقلبها بور
قالى كل حاجة موجودة قالى انا عندى نص امامى نمرة واحد هفكلك العفشة بتعته كلها بدون اسكاتر لان انا قولت هقلبها بور فطبعا حوار البور على كلامه قالى هيكلفك 1200 جنيه فهل ده كويس كده ولا كتير علما ان ناس بتقولى تكلفة البور 800 جنيه وياريت اللى يقولى تكلفة كام يقولى المكونات اللى هجيبها ومكانها فين

نرجع لحوار العفشة الامامية قالى هفكلك ( المساعدين-سوست- بطاحات-الطنابير-الكبالن جوة برة-المقصات-القنطرة-كل مايتعلق بالعفشة بدون اسكاترا)
قالى كلو ده نمرة واحد ب850 جنيه فهل ده سعر مناسب ولا ايه رايكم واعرف ازاى ان الحاجات دى اللى هيبعتها كويسة ونمرة واحدفعلا

وقالى بالنسبة لمساعدين ورا مساعدين بالسوست بالجلب اللى فوق ب250 نمرة واحد برضو على كلامه
قالى بس تقولى قبلها علشان الحق افكلك الحاجات دى واجهزهالك لو هتيجى تاخدها او ابعتهالك المنيا لو مش هتيجى

وكنت كمان عايز شوية حاجات كده تانى للعربية سألته عليها
1- مكنة ازاز يمين قدام كهربا قالى ب200 جنيه
2-الكساحة بتاعت الكوبرا قالى ب250
3-مساعد الشنطة قالى ب50
فهل الاسعار دى كويسة ولا ايه وبالنسبة لحوار البور ايه رايكم واسعار العفشة اللى قولتلكم عليها ايه رايكم برضو
ياريت تشاركونى فالموضوع ده واعرف ارائكم وتعليقاتك

[SYD]

بص يا استاذ أحمد
احنا زي ما اتكلمنا قبل كدة - الأسعار كلها كويسة ماعدا سعر الباور
انت ممكن تبقي تحولها فأي وقت بعد كدة
وقف دلوقتي عربيتك علي حيلها وبعد كدة ربنا يسهل في اي حاجة تانية

وبردو نسمع رأي باقي الناس

تحياتي والله المستعان
،
،

[hossamalsadik]

أنا شايف أن الأسعار كويسه ولو نمره واحد يبقى تمام هوا يفضل جلب المقصات يكونو جداد بس ليه من غير اسكاترا؟ وكويس انهم مفكوكين من نص ومش ممكن تركبهم فى القاهره عشان لو أحتجت أى حاجه تكون جنبك

[nos502000]

بص يا استاذ أحمد
احنا زي ما اتكلمنا قبل كدة - الأسعار كلها كويسة ماعدا سعر الباور
انت ممكن تبقي تحولها فأي وقت بعد كدة
وقف دلوقتي عربيتك علي حيلها وبعد كدة ربنا يسهل في اي حاجة تانية

وبردو نسمع رأي باقي الناس

تحياتي والله المستعان
،
،

اخبارك ايه ياباشا
احولها فى اى وقت بعد كده؟ يعنى تقصد اجيب اسكاترا عادية دلوقتى ولا اسيب اللى فيها بس اللى فيها متنفعش غير لعبة للعيال الصغيرة من كتر الخبط اللى فيها هههههههه
الاسكاترا اللى فيها دلوقتى جابت اخرها خالص لو عرفت طريق قسم الشرطة تروح تشتكينى ههههههههههه
فأنا كنت عايز اقفل صح من الاول واركب الباور بالمرة علشان مكلفش نفسى تمن اسكاترا عادية وانا كده كده هغيرها
وبجد الف شكر ياباشمهندس على اهتمامك وردك عليا هنا وفالتليفون

[nos502000]

أنا شايف أن الأسعار كويسه ولو نمره واحد يبقى تمام هوا يفضل جلب المقصات يكونو جداد بس ليه من غير اسكاترا؟ وكويس انهم مفكوكين من نص ومش ممكن تركبهم فى القاهره عشان لو أحتجت أى حاجه تكون جنبك

من غير اسكاترا دا طلبى انا علشان هركبلها بور فقولت ان الاسكاترا ملهاش لزمة عندى علشان كده قولتلو مش عايز اسكاترة اوفر تمنها اكمل عليه واركب بور

والله انا نفسى اركبهم فالقاهرة بس المشكلة شغلى هنا مش قادر اريح يوم واحد والله
انا هجيب الحاجة وهركب هنا وربنا يسترها انشاء الله

ومتشكر جدا على ردك واهتمامك

[SYD]

اخبارك ايه ياباشا
احولها فى اى وقت بعد كده؟ يعنى تقصد اجيب اسكاترا عادية دلوقتى ولا اسيب اللى فيها بس اللى فيها متنفعش غير لعبة للعيال الصغيرة من كتر الخبط اللى فيها هههههههه
الاسكاترا اللى فيها دلوقتى جابت اخرها خالص لو عرفت طريق قسم الشرطة تروح تشتكينى ههههههههههه
فأنا كنت عايز اقفل صح من الاول واركب الباور بالمرة علشان مكلفش نفسى تمن اسكاترا عادية وانا كده كده هغيرها
وبجد الف شكر ياباشمهندس على اهتمامك وردك عليا هنا وفالتليفون

لا انا مكنتش اعرف ان الاسكاترا عندك تعبانة
لو كدة / يبقي فعلا تعملها بالمرة
بس حاول تجيبها بأقل من كدة
واسأل بردو عند غيره

والله المستعان
،
،

[Karim Ibiza]

يا باشا الاسعار معقولة وتكلفة الباور فعلا حوالى 1200
250 - 300 طرمبة باور
300 خراطيم
75 - 100 خزنة زيت
300 - 350 اسكاترا باور
وطبعا هتجيب سير مجموعة اطول عشان الدينامو والباور هيعمل فى حدود 60 جنيه

بس انت فى كل الاحوال هتجيب اسكاترا وطالما هتجيب اسكاترا يبقى كمل باقى سيستم الباور وهات الاسكترا باور وهات باقى الحاجات بالمرة
وطالما هيفكلك العفشة من النص يبقى خليه يفك الاسكترا كمان ويديك الخراطيم والطرمبة والخازنة من النص لأنه اكيد هيكون باور
بس متنساش تقوله يجيبلك العفشة الكبيرة اللى هى بالطنابير الكبيرة احسن فى الفرامل وغالبا نفس السعر لأنها بتفرق بس فى الفرامل والطنابير الامامية

وبالنسبة للعفشة الخلفية مش فاضل عندك غير الدنجل والطنابير ودوول يعملو فى حدود 400 - 500 جنيه لكن لو طنابيرك حلوة يبقى ملهمش لازمة

وطالما انك هتغير كل حاجة يبقى ملوش لازمة تفك عربيتك قبل ما الحاجة توصل من القاهرة

بالنسبة لسعر الكساحة انا شايفه مبالغ فيه شوية, ده مديهالك بنص سعر الاكصدام كامل, يعنى لو 100 - 150 يبقى معقول

الموضوع ده طبعا فيه مخاطرة شوية لأنه هيبعتلك الحاجات وانت مشوفتش حالتها ايه, هل لو فيه حاجة طلعت مش سليمة هينفع ترجعهاله تانى؟ وتكلفة النقل هتبقى على مين فى حالة الرجوع؟ لكن لو واثق فيه يبقى خلاص

وبالتوفيق ان شاء الله

كده انت هتحس انك راكب عربية جديدة

[egyptiandiver]

بالتوفيق ان شاء الله...

[nos502000]

يا باشا الاسعار معقولة وتكلفة الباور فعلا حوالى 1200
250 - 300 طرمبة باور
300 خراطيم
75 - 100 خزنة زيت
300 - 350 اسكاترا باور
وطبعا هتجيب سير مجموعة اطول عشان الدينامو والباور هيعمل فى حدود 60 جنيه

بس انت فى كل الاحوال هتجيب اسكاترا وطالما هتجيب اسكاترا يبقى كمل باقى سيستم الباور وهات الاسكترا باور وهات باقى الحاجات بالمرة
وطالما هيفكلك العفشة من النص يبقى خليه يفك الاسكترا كمان ويديك الخراطيم والطرمبة والخازنة من النص لأنه اكيد هيكون باور
بس متنساش تقوله يجيبلك العفشة الكبيرة اللى هى بالطنابير الكبيرة احسن فى الفرامل وغالبا نفس السعر لأنها بتفرق بس فى الفرامل والطنابير الامامية

وبالنسبة للعفشة الخلفية مش فاضل عندك غير الدنجل والطنابير ودوول يعملو فى حدود 400 - 500 جنيه لكن لو طنابيرك حلوة يبقى ملهمش لازمة

وطالما انك هتغير كل حاجة يبقى ملوش لازمة تفك عربيتك قبل ما الحاجة توصل من القاهرة

بالنسبة لسعر الكساحة انا شايفه مبالغ فيه شوية, ده مديهالك بنص سعر الاكصدام كامل, يعنى لو 100 - 150 يبقى معقول

الموضوع ده طبعا فيه مخاطرة شوية لأنه هيبعتلك الحاجات وانت مشوفتش حالتها ايه, هل لو فيه حاجة طلعت مش سليمة هينفع ترجعهاله تانى؟ وتكلفة النقل هتبقى على مين فى حالة الرجوع؟ لكن لو واثق فيه يبقى خلاص

وبالتوفيق ان شاء الله

كده انت هتحس انك راكب عربية جديدة

والله انا كنت مستنى ردك على الموضوع لان بصراحة بتفائل بيك انت والباشمهندس سيد

يعنى كده اتوكل على الله واجيب من عنده البور بالمرة لانى انا بصراحة استغليته فالاول ب1200
بس كلامك انت ان 1200 دا فعلا سعره يبقى على البركة
هيبقى كده الحوار كله 850 عفشة امامى+1200بور+250 عفشة خلفى=2300+500نقل وتركيب هنا ولوكان زيت بور اوكلام من ده يبقى حوار العفشة كده دخل فى 2800 بس متهيالى انى هاخد عربية ناعمة فالمطبات وراحة فالسفر

بالنسبة لحوار انى العفشة يطلع فيها حاجة بعد متيجى هنا هو دا اللى مخلينى حاطط ايدى على قلبى ومقلق
هو انا جربته قبل كده فى بلوكين موتور وبعتهملى المنيا وبصراحة بسم الله ماشاء الله كويسين
بس بالنسبة للعفشة مش عارف
هو بيقولى تعالى هنا جسر السويس وهو يركبى العفشة والبور وتبقى على تجربة قدامى
بس للاسف أم الشغل اللى هنا دا كرهنى فعيشتى مش قادر اتحرك كده ولا كده
وبالنسبة بقى لو طلعت حاجة مش كويسه هيطلع عينى انا فترجيعها لان الحوار هيبقى اخويا الصغير قاعد فالهرم
هبعته جسر السويس يجبيب الحاجة ويبعتهالى من المنيب فى اى ميكروباص جاى المنيا فهيبقى حوار صعب لو حبيت ابدل حاجة
وربنا يسترها انشاء الله
ومتشكر جدا على اهتمامك

[Karim Ibiza]

والله انا كنت مستنى ردك على الموضوع لان بصراحة بتفائل بيك انت والباشمهندس سيد

يعنى كده اتوكل على الله واجيب من عنده البور بالمرة لانى انا بصراحة استغليته فالاول ب1200
بس كلامك انت ان 1200 دا فعلا سعره يبقى على البركة
هيبقى كده الحوار كله 850 عفشة امامى+1200بور+250 عفشة خلفى=2300+500نقل وتركيب هنا ولوكان زيت بور اوكلام من ده يبقى حوار العفشة كده دخل فى 2800 بس متهيالى انى هاخد عربية ناعمة فالمطبات وراحة فالسفر

بالنسبة لحوار انى العفشة يطلع فيها حاجة بعد متيجى هنا هو دا اللى مخلينى حاطط ايدى على قلبى ومقلق
هو انا جربته قبل كده فى بلوكين موتور وبعتهملى المنيا وبصراحة بسم الله ماشاء الله كويسين
بس بالنسبة للعفشة مش عارف
هو بيقولى تعالى هنا جسر السويس وهو يركبى العفشة والبور وتبقى على تجربة قدامى
بس للاسف أم الشغل اللى هنا دا كرهنى فعيشتى مش قادر اتحرك كده ولا كده
وبالنسبة بقى لو طلعت حاجة مش كويسه هيطلع عينى انا فترجيعها لان الحوار هيبقى اخويا الصغير قاعد فالهرم
هبعته جسر السويس يجبيب الحاجة ويبعتهالى من المنيب فى اى ميكروباص جاى المنيا فهيبقى حوار صعب لو حبيت ابدل حاجة
وربنا يسترها إن شاء الله
ومتشكر جدا على اهتمامك

بص يا ريس
اسكاترا باور 350
خراطيم 300
خزنة زيت 100
طرمبة باور 300
350+300+100+300= 1050 جنيه للباور + حوالى 60 جنيه سير مجموعة جديد

العفشة الامامية الجنبين (مساعدين + يايات + بطاحات + طنابير + فرامل) حوالى 500 جنيه
جوز كبالن كاملين حوالى 300 جنيه
جوز مقصات حوالى 200 جنيه
500+300+200 = 1000 جنيه (وهو بيقولك 850 جنيه يبقى كده كويس)
جوز مساعدين خلفى باليايات 250 جنيه
1050+850+250= 2150 جنيه بضاعة بس
وطبعا هتحس زى ما قولتلك انك راكب عربية جديدة بس بشرط ان البضاعة تكون نضيفة

وطالما اخوك الصغير قاعد فى الهرم يبقى حضرتك تكلم الباشمهندس سيد لأنه ساكن فى الهرم وهو هيوصفلك واحد فى الهرم بتاع استيراد اسمه عباد الرحمن و ممكن يكلمهم يوصيهم او يبعت مع اخوك ميكانيكى ينقى البضاعة النضيفة عشان متضطرش ترجعهم تانى ويبقى على التركيب على طول وتبقى مطمئن

[ehab_mansour]

شوف كل حاجه الناس هنا ردو عليك بما فيه الكفاية

نصيحتي الوحيدة لك انك تحاول تعمل العربية هنا لأنك ممكن تقف علي حاجه ضغيرة او قطع مش نافعه تركب و حوارات ربنا الأعلم بيها ..... مهما كنت مشغول لازم تعملها هنا حتي لو هتجيبها تسيبها لأخوك يعملها و بعدين تيجي تاخدها لكن متعملهاش عندك ... نصيحة اتمني تعمل بيها

و ربنا ويوفقك لما فيه الخير