الكبالن وقعت

[matrix012]

الحمد لله على كل شيئ
انا انهاردا وانا رايح على الشغل الساعه 8 فجأه سمعت دربكه جامده قوى روحت ممور ومشغل الانتظار وركنت العربيه فتحت الكبوت لقيت الكوبلن الشمال على الارض وزيت الفتيس مغرق الارض قولت الحمد لله انها طلعت اصيله وعملتها وانا لواحدى وقريب من الشغل والحمد لله قوى ان مكنتش على اى سرعه
المهم انا اول مره اغير الكبالن علشان كده انا هرفع شويه صور وده لخوفى ليكون حاجه فى الفتيس مش فى الكبالن واطلب من اخوانى الى غيرو الكبالن قبل كده يدلونى اعمل ايه والتكلفه كام
وربنا يستر طريقى وطريقكم
ديه اول صوره والكوبلن على الارض

وديه صورة من جسم الموتور

وديه الصوره المهمه الى هتقولولى ده كوبلن وبس ولا فى مشكله فى الفتيس

افيدونى افادكم الله

[warfighter2114]

الحمد لله انك بخير

[matrix012]

الحمد لله انك بخير

قدر الله وماشاء فعل

[SYD]

قدر الله وماشاء فعل
والف حمدلله علي سلامتك
بس للأسف يا صاحبي دي مش كبالن
دي البلية الخارجية بتاعة الكوبلن
وكدة البلية فرطت
الف حمدلله علي السلامة
انت فعلا لو علي سرعة كان حصل مالا يحمد عقباه

ربنا يارب يسلم طريقك وطريقنا جميعاً

[mhf_77]

اول حاجه تسجد لله شكرا انها معملتش كده وانت على سرعه ( مصيبه مؤكده)
ثانى حاجه متقلقش على الفتيس او على الموتور ( لو عداد الار بى ام منحرش) لان لما الكوبلن بيفك طبيعى ان العربيه هتقف (اجبارى)لانه اللى بيوصل حركة الموتور للعجل يعنى مش زى الحراره مثلا هتمشى عليها ومتخدش بالك
ثالث حاجه انت اكيد بقالك فتره محرقتش على مسامير الكوبلن ومربطهمش من فتره او بتربطهم بس هما خلاص نعمو هات طقم مسامير جديد يكون اخشن شويه وشيك على الكوبلن وعلى كوتشته وعلى شحمه
وربنا ينجينا من كل شر ومتنساش صلاة شكر لله واى خدمه احنا تحت امرك

[matrix012]

قدر الله وماشاء فعل
والف حمدلله علي سلامتك
بس للأسف يا صاحبي دي مش كبالن
دي البلية الخارجية بتاعة الكوبلن
وكدة البلية فرطت
الف حمدلله علي السلامة
انت فعلا لو علي سرعة كان حصل مالا يحمد عقباه

ربنا يارب يسلم طريقك وطريقنا جميعاً

فهمنى اكتر يا محمد يعنى ايه البليه فرطت يعنى كده كوبلن ولا حاجه اكبر ؟؟؟؟؟؟؟؟؟

[ehab_mansour]

الحمد لله علي سلامتك يا مصطفي و قدر الله و ما شاء فعل

اعتقد دي الكوبلن الداخلي فرط و الحمد لله انه جه علي سرعه بطيئة و داخل القاهرة
نصيحتي لك تشتري طقم كامل للناحيتين داخلي و خارجي حته واحده استيراد عشان تشتري دماغك تماما من قصة التكتكه و الطقطقة و الكبالن نهائيا و اعتقد لن يتعدي ال 300 جنيه كله
و ان شاء الله نرتب و ننزل مع بعض نشتريهم و ربك المستعان

[Karim Ibiza]

ايه ياعم مصطفى مش هتبطل بقى التهور والشقاوة دى؟؟!!!

حمدا لله على سلامتك وكويس انها جت على قد كده

هو انت مكنتش غيرت الكبالن من ساعة الموضوع ده http://www.nilemotors.net/Nile/303497-a.html

[ehab_mansour]

قدر الله وماشاء فعل
والف حمدلله علي سلامتك
بس للأسف يا صاحبي دي مش كبالن
دي البلية الخارجية بتاعة الكوبلن
وكدة البلية فرطت
الف حمدلله علي السلامة
انت فعلا لو علي سرعة كان حصل مالا يحمد عقباه

ربنا يارب يسلم طريقك وطريقنا جميعاً

بلية او كوبلن اعتقد احنا نغير الطقم كامل لأنه عنده طقطقة و قصص كتير فيهم من فترة و مبنصحش نشتغل في جنب و نسيب التاني المفروض كده معناه ان الجنبين جه اخرهم و محتاجين يتغيروا الاتنين

[matrix012]

اول حاجه تسجد لله شكرا انها معملتش كده وانت على سرعه ( مصيبه مؤكده)
ثانى حاجه متقلقش على الفتيس او على الموتور ( لو عداد الار بى ام منحرش) لان لما الكوبلن بيفك طبيعى ان العربيه هتقف (اجبارى)لانه اللى بيوصل حركة الموتور للعجل يعنى مش زى الحراره مثلا هتمشى عليها ومتخدش بالك
ثالث حاجه انت اكيد بقالك فتره محرقتش على مسامير الكوبلن ومربطهمش من فتره او بتربطهم بس هما خلاص نعمو هات طقم مسامير جديد يكون اخشن شويه وشيك على الكوبلن وعلى كوتشته وعلى شحمه
وربنا ينجينا من كل شر ومتنساش صلاة شكر لله واى خدمه احنا تحت امرك

ونعم بالله
وتسلم يا باشا على الرد
وفعلا انا بقالى فتره مجتش جمب الكبالن ولا العفشه عموما رغم ان كان فيه صوت طقطه الحمد لله على كل شيئ

[zika99_eg]

قدر الله وماشاء فعل
والف حمدلله علي سلامتك

[SYD]

فهمنى اكتر يا محمد يعنى ايه البليه فرطت يعنى كده كوبلن ولا حاجه اكبر ؟؟؟؟؟؟؟؟؟

ياعم الكوبلن زي الفل
دة كمان انا شاكك من الصور ان البلية سليمة والمسامير بس هي اللي طالعة من مكانها
المسامير دوول الانكيه مقاس 6 - عددهم حوالي 8
اما هتجيب مسامير جديدة (لو السن محلقش) او هتروح لخراط يظبطلك كراسي ليهم (وانا مش بفضل الحل دة في حاجة حساسة زي كدة)

اهم حاجة ميكانيكي يبص عليها
ويقرر
اما بلية جديدة (الأحسن استيراد لأن الموجود كله صيني حاليا)
او لا قدر الله فتيس

اكشف الأول وربنا المستعان
،
،

[SYD]

بلية او كوبلن اعتقد احنا نغير الطقم كامل لأنه عنده طقطقة و قصص كتير فيهم من فترة و مبنصحش نشتغل في جنب و نسيب التاني المفروض كده معناه ان الجنبين جه اخرهم و محتاجين يتغيروا الاتنين

فاكر الأصوات اللي كانت عندي ؟؟؟
كانت من نفس البلية دي
ولما فكتها 0 كانت خشنة ومش حلوة
للأسف جبت طقم صيني
ربنا يستر

[matrix012]

ايه ياعم مصطفى مش هتبطل بقى التهور والشقاوة دى؟؟!!!

حمدا لله على سلامتك وكويس انها جت على قد كده

هو انت مكنتش غيرت الكبالن من ساعة الموضوع ده http://www.nilemotors.net/nile/303497-a.html

والله يا كريم ياخويا انا روحت للعفشجى مرتين مره لما غيرت الاسكاتره ومره قبلها مش فاكر ليه بس فى المرتين العفشجى بيسئلنى بطقطق على الطوالى اقوله لا يقولى كمل بيها انتا مش حمل مصاريف ( تحس انه شافنى اكتر من مره بالقميص المقطوع ) وهوا كان بيقرط على المسامير وكانت بتمشى وبينى وبينك انا الفتره الى فاتت نظرا لظروف ملخبطه كتير اهملت فى صيانه العربيه والحمد لله
والله يسلمك يا كريم ياخويا

[المجرى]

الحمد لله
انا حصل معايا كدا من فترة
كنت جايب 2 كوبلن استيراد والواد العفشجى مقرطش على المسامير انا معرفش
فحصل مشكلة كدا وغيرت العفشجى لواحد تانى
الواد الجديد قالى ياباشا الكوبلن الشمال مش متقرط عية وقلتلة قرط ياباشا
بعدها بكام يوم اليمين فرط بس على مطب قلت الحمد لله

بس اهم حاجة شوف الراس والجلدة الداخلية لانهم مليون فى المية باظوا
والطقطقة دى للراس الخارجية يستحسن تغيرها لانها بردة خطر جدا