مشكلة الصوت العالى للماتور بيظهر على السلانسيه

[mahmoud ghanem]

السلام عليكم

اصدقائى عندى مشكلة من اول ما جبت العربية فى الاول كنت فاكره طبيعى الصوت الماتور بيبقى عالى قوى فى الهدوء وبيبان اكتر على السلانسية يعنى من غير تزويد بنزين بتحس بصوت ورررررررر كدة على طول ...
طول ما انا ماشى عادى ببقى سامع الصوت الطبيعى للماتور بس على السلانسية او لما بكون بركن او بتحرك بهدوء لما الدنيا بتبقى واقفة بيبقى صوت مش طبيعى بحس انى راكب توتك

وبصراحة كنت متوقع انها بليه الدينمو لن الصوت جاى من الجزء اللى فيه الدينمو وكان فى كهربائى على حاله وانا بشحن التكييف قالى اه الصوت من الدينمو المهم قلت اشوف الدكتور اللى عندى فى المعادى كهربائى دكتور برحله فى الحجات العادية اللى مش محتاجة مع انه بيفهم والله ..

وقلت اغير بليه الدينمو او على الاقل يفك سير الدينمو ونشوف الصوت هيختفى ولا اية !!!

رحت وكان الكهربائى شغال فى عربية كيا وركنت وراء العربية اللى شغال فيها ونزلت

الحوار :
ــــــــــــــ

انا : السلام عليكم

الكهربائى : وعليكم السلام

انا : الله ينور يا عم عصام

الكهربائى : وعليك يا بشمهندس

بعد 3 دقائق

الكهربائى : خير يا باشمهندس

انا : مفيش بس عاوزك تبص على الدينمو علشان صوته عالى شوية

الكهربائى : يا بيه دة صوت طرمبه الباور

انا : !!!!!! ايه ؟؟؟

الكهربائى : يابيه دة باين قوى وانت بتركن الصوت دة مش الدينمو ... صوت الدينمو عاوز تركيز او فى الهدوء علشان تلاحظ ان صوته عالى لكن احنا فى شارع عربيات رايحة وعربيات جايه وانا سامعه وانا شغال فى العربية التانية

انا : مش فاهم يعنى ايه ؟؟؟

الكهربائى : دور ياباشا العربية ... لف الدركسيون على الاخر يمين او شمال وخليك كاسر الدركسيون جامد

الصوت يوطى لثانيه والعربية ترعش والصوت يعلى تانى ارخى الدركسيون شوية الصوت يهدى ويعلى على طول
ارجع اكسر الردسيون على الاخر يهدى الصوت والعربية ترعش كهرباء ويعلى تانى الصوت

قالى عليك وعلى الميكانيكى علشان دى مشكلة طرمبة الباور

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

يا اصدقائى كدة الطرمبه ماتت والله يرحمها ولا اية الموضوع ؟؟؟

اللى مستغربلة الصوت تحس انه صوت ماتور صوت حاجة ميكانيكية مش موضوع طرمبه
وهل طرمبة الباور دى مكانها عند الدينمو ؟؟؟؟ علشان الصوت جاى من الجزء اللى فيه الدينمو

فى انتظار ارئكم قبل الذهاب الى الميكانيكى

تحياتى

[SYD]

ماحنا لازم نسمع الصوت
مش هينفع علي الوصف

بس عموما هو متوقع يكون صوت الباور - لأن من اسرع الحاجات اللي بتبوز هي طرمبة الباور

وفعلا طرمبة الباور تحت الدينمو علي طول وبتدور معاه كمان علي نفس السير

كلنا هذا الرجل

والله المستعان
،
،

[zika99_eg]

نفس اللي حاصل معي اول ما جبت العربية
بس نفضت
هو لحد دلوقت لما اجي اكسر الدركسيون علي الاخر العربية ترعش كهرباء وتسمع صوت زي صرخه السير
انا منفض لحد ما اظبط الكهرباء بتاعت العربية وبعدين ربتا يسهل

[ehab_mansour]

السلام عليكم
الصوت انا سمعته لما اتقابلت مع استاذ محمود و هو مش صوت طلمبة الباور اللي بسمعه عند ابو السيد ولا كل الناس اللي طلمبات الباور بتاعتها بايظة

ده صوت خشونة بلي او بمعني اصح صوت نحرة بلية خلاص جابت اخرها و هتفرط قريبا .... و الله اعلم
توقعي الشخصي بلية شداد سير المجموعه او بلي الدينامو

[soledad]

نفس اللي حاصل معي اول ما جبت العربية
بس نفضت
هو لحد دلوقت لما اجي اكسر الدركسيون علي الاخر العربية ترعش كهرباء وتسمع صوت زي صرخه السير
انا منفض لحد ما اظبط الكهرباء بتاعت العربية وبعدين ربتا يسهل

انا برده لما بكسر الدريكسيون على الاخر بسمع نفس الصوت الى عندك بس لما بمشى شويه بالعربيه الصوت بيروح انا منفض زيك بس عايز اعرف عيب ايه

[mahmoud ghanem]

ماحنا لازم نسمع الصوت
مش هينفع علي الوصف

بس عموما هو متوقع يكون صوت الباور - لأن من اسرع الحاجات اللي بتبوز هي طرمبة الباور

وفعلا طرمبة الباور تحت الدينمو علي طول وبتدور معاه كمان علي نفس السير

كلنا هذا الرجل

والله المستعان
،
،

هحاول ارفع صوت العربية
وجهز نفسك كدة علشان شكلى هروح لعصام الميكانيكى قريب
قدرك يا ابو محمود معايا

نفس اللي حاصل معي اول ما جبت العربية
بس نفضت
هو لحد دلوقت لما اجي اكسر الدركسيون علي الاخر العربية ترعش كهرباء وتسمع صوت زي صرخه السير
انا منفض لحد ما اظبط الكهرباء بتاعت العربية وبعدين ربتا يسهل

انا بردوا منفض للصوت هو مش مزعج على قد ما هو ملفت للنظر يعنى خنيق .. بس انا معنديش صوت صرخه هو بس الصوت النحره
ربنا يسهل وتبقى حاجة بسيطة

السلام عليكم
الصوت انا سمعته لما اتقابلت مع استاذ محمود و هو مش صوت طلمبة الباور اللي بسمعه عند ابو السيد ولا كل الناس اللي طلمبات الباور بتاعتها بايظة

ده صوت خشونة بلي او بمعني اصح صوت نحرة بلية خلاص جابت اخرها و هتفرط قريبا .... و الله اعلم
توقعي الشخصي بلية شداد سير المجموعه او بلي الدينامو

الله ينور عليك يا هندسة انا نسيت انك سمعت الصوت فى المقابلة الاخيرة وتكلمنا فى الموضوع دة وهو دة الى خلانى اروح للكهربائى قلت اخلص من حاجة
حتى الكهربائى مفتحش كابوت العربية علشان يتأكد يعنى الراجل واثق واثق وهو دة اللى خلانى اشك ... لكن احساسى انها بليه يعنى متفق معاك بليه (دينمو - كاتينة )

وان شاء الله ابو السيد هيتعب معايا شوية لو فاضى نروح لعصام علشان نرسى على حل للمشكلة

[Superbadr]

ربنا يعينك ويوفقك
بس احلى حاجه ان الناس كلها عندها نفس الصوت ومنفضه
حتى انا
ههههههههههههههههههه

[SYD]

يا حودة انا عينيا ليك
انا النهاردة رايح لعصام - جاي؟
هروحله علي الساعه ٥ المغرب ان شاء الله
استناك ونروح سوا ؟

[mahmoud ghanem]

يا حودة انا عينيا ليك
انا النهاردة رايح لعصام - جاي؟
هروحله علي الساعه ٥ المغرب ان شاء الله
استناك ونروح سوا ؟

انا بخلص شغل على الساعة 6 هينفع اعدى عليك ؟؟

[soledad]

ربنا يعينك ويوفقك
بس احلى حاجه ان الناس كلها عندها نفس الصوت ومنفضه
حتى انا
ههههههههههههههههههه

ممكن تطلع حاجه بسيطه فى الاخر تنتهى بتغير سير المجموعه او بتغير زيت الباور والله اعلم

[mahmoud ghanem]

الحمد الله تم التنسيق مع المهندس محمد سيد ورحنا للميكانيكى امس وبصراحة مقابلة المهندس سيد دى لوحدها محتاجة موضوع مستقل ميتقلش فى سطرين

والميكانيكى بصراحة راسيى ومرتب خطواته .. المهم طلع فعلا صوت ماكينه الباور زى الكهربائى بتاعى ما قااال
وصوت الباور عندى مختلف كتير عن الصوت اللى موجود عند م محمد مع انه عندة بردوا ماكينة الباور رايحه
الحمد الله على كل شئ ..
وكان فى تسريب زيت على الماتور كتير من الخلف والزيت كان بينقص معايا خفيف كشف عليه بردوا قالى هنشوف جوان الكرتيرة لو العيب فيه هنغيرة او هتبقى المشكلة فى الطبه واجلنا الشغل فيها حتى اول جمعة فى الشهر القادم علشان الزيت عندى لسه فاضل فيه حوالى 1200 ك والميكانيكى قالى خسارة علشان الزيت مايضعش على الارض و هتجيب جركن زيت والفلتر بتاعها ابو صامولة وهرحلوه ان شاء الله
ونعمل السرفيس كمان بالمرة ( سيور + بوجيهات + كاوتشه الكوبلين الخارجى )

وغيرت فلتر البنزين انا والمهندس محمد سيد وبصراحة انا الفلتر نازل من عندى مكتوم
والفرق بعد التغير فى السحب وااااضح جداً .. العربيه كانت شبه مكتومه ومخنوقة مع الفلتر القديم ( الفلتر بـ 40 جنيه وعصام الميكانيكى اخد 10 تركيب )
الحمد الله

[mohammad isdf]

أهم حاجه ان الواحد يعرف المشكلة بدل ما تقعد تاكل فى دماغه .. ألف مبروك يا باشا مقدماً

[zika99_eg]

أهم حاجه ان الواحد يعرف المشكلة بدل ما تقعد تاكل فى دماغه .. ألف مبروك يا باشا مقدماً

فعلاً
والاهم انك تلاقي صنايعي بيفهم ويكون ابن حلال

[mahmoud ghanem]

أهم حاجه ان الواحد يعرف المشكلة بدل ما تقعد تاكل فى دماغه .. ألف مبروك يا باشا مقدماً

كلك زوق ... انا بصراحة المشاكل دى بتعمل خرم فى دماغى لو معرفتهاش
الحمد الله

فعلاً
والاهم انك تلاقي صنايعي بيفهم ويكون ابن حلال

مظبوط .. انا ربنا كرمنى بالمهندس محمد سيد ورحت لعصام الميكانيكى راجل تمام التمام
فاهم ومنسق شغلة وابن حلال
الحمد الله