عربيتى الابيزا 94 للبيع يا رجاله

[Ahmed_Gallant]

السلام عليكم

انا عارف ان العشره متهونش بس معروض عليا عربيه كويسه وخايف تروح منى وعلى ذلك قررت انى اتخلى عن عربيتى حبيبتى بس طبعا مش هتخلى عنكم وهفضل زى مانا فى المنتدى لان بصراحه القسم التانى اللى تبع العربيه استحاله يبقى زيكم واعملو نصيبى فى المقابلات عادى جدا :)
فى ناس كتير عارفين العربيه بتاعتى وعارفين تاريخها وهى بصراحه من افضل العربيات اللى ركبتها فى حياتى من حيث الاعتماديه فى المقام الاول وبعدها الثبات على الطرق والعمل بلا كلل
وبرضه هكتب مواصفتها فى نموذج العرض عشان اللى ميعرفهاش
بالنسبه للى هايشترى هديلو اى حاجه عندى تخص العربيه لانى مش هركب ابيزا تانى :(
والله المستعان

1-ماركة السيارة سيات ابيزا
2-الموديل/السنة موديل 1994
3-عدد الكيلومترات مسقط مكنه
4- نوع ناقل الحركة ( مانيوال - أوتوماتيك - ستيبترونيك ) مانيوال 5 غيارات اماميه
5-لون السيارة احمر
6-الكماليات (كاسيت-تكييف-زجاج كهرباء-باور) لا يوجد كماليات مجرد جنوط سيات اورجينال اللى جايه معاها وسبويلر اورجينال
7-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) رشه خارج
8-حالة الدواخل (رشة مناطق كذاوكذا او فابريكة) فبريكه دواخل
9-حالة الصالون (معقول-جيد-جيد جدا - ممتاز- حالة نادرة) جيد فرش جلد جديد امريكى كرسى السواق محتاج يتظبط
10-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) موتور وعفشه جيد جدا حاله الصالون جيد
11-حالة البطارية 55 امبير سائله بقالها سنه تعمل بكفاءه
12-حالة الكاوتش (جديد او مستعمل كام كم؟) معقول تيوبلس واستبن صغير غير مستخدم
13-السعر المبد ئي كام (هل قابل للتفاوض او نهائي) 30000 قابل للتفاوص البسيط
14-اسم صاحب الاعلان ورقم هاتفة احمد عبد السلام 01110079163
15-تاريخ انتهاء الرخصة؟ 12-2013 فحص 2015
16-اول يد او ثاني او ثالث الخ الخ ثانى يد تقريبا مرفوعه 4 سنوات
17-امكانية البيع بتوكيل او اشتراط التسجيل شرط التسجيل
18-حالة الموتور ممتاز متسقط من سنه ومثبت على الرخصه بيبخر من الشكمان ميه
19-مكان المعاينة الهرم وممكن السوق يوم الجمعه
20- سعة المحرك اللترية و عدد السلندرات 4 سلندر 1400 سىسى انجكشن
21- سبب البيع التجديث لاعلى

ملاحظات:
العربيه ابيزا 94 متسقطلها مكنه 1.4 apq 60 حصان انجكشن ممتازه ما شاء الله لا يوجد تسريب او دخنه مثبته على الرخصه جنوط اسبور ابيزا اصلى واسبويلر اصلى تحتاج بعض المصاريف البسيطه جدا فى الشكل لكن بحمد الله لا يوجد مشاكل فى الاداء راكبلها الطاره ال99 الايرباج والايموبليزر (نظام حمايه جوه المفتاح) شغال تمام مركبه بايدى جميع الانوار تعمل ما عدا نور الابواب محتاجه زراير للابواب ومحتاجه تنضيف الضفيره من الاسلاك اللى ملهاش لازمه
متغيرلها جوز كبالن استيراد قطمه كامله ايرباج كارتيره يمين درج غطا الفيوزات طلمبه ميه جديده وعفشه كامله ما عدا المساعدين لسه حاطط زيت كاسترول نصف تخليقى 10 الاف كم من شهرين تقريبا
المرايه الشمال اتكسرت وانا لحمتها بس مبتقفلشى ويوجد خرابيش على كبوت العربيه وتقشيره بويه فى الرفرف الشمال وعداد البنزين والكيلومتر والاربى ام لا تعمل محتاجه تظبيط كهربا باقى العداد شغال زيت حراره انوار وتنبيهات العربيه معاها جى ام سونى اكسبلود يمكن بيع العربيه به او بدونه على حسب الحاجه
افضل ميعاد للمعاينه يوم الجمعه فى السوق هكون هناك الساعه 10 ان شاء الله
الصور

[SYD]

وجالك قلب كمان تحط صور المقابلة ؛-)
ربنا يوفقك يا ابو حميد رغم ان بيع عزيزة يعز علينا
بس انت فرد اصيل في اسرة سيات ومش ممكن تخرج منها ابداً
دة انت من اوائل موؤسسيها يا حاج احمد

ربنا ييسرلك الحال ويباركلك في عربيتك الجديدة


والله المستعان
،
،

[warfighter2114]

بالتوفيق بأذن الله

[Mody_Benz]

هتوحشنا والله العظيم انا من الناس اللى كنت نفسى اجى معاكوا اى مقابلة واقابل الناس المحترمين دول لكن
للاسف لظروف مبقدرش اجى وان شاء الله ربنا يكرمك
ويكفيك شرها ويديك خيرها

[mahmoud ghanem]

ربنا يكرمك بأحسن منها ويوفقك فى بيعها ان شاء الله

بس اوعى تغيب عن اسره السيات اوعى

[sam_eh420]

ربنا يوفقك الي ما هو فيه خير لك ان شاء الله.

[mohammad isdf]

ربنا يوفقك يا رب وتستريح دايما بالحاجه الكويسه

[matrix012]

انا هعتبر انك هتوفى بكلامك وهتفضل فى قسم سيات علشان بجد رغم انى قابلتك مره واحده الا انى فعلا حسيت انى اعرفك من فتره كبيره وانا عن نفسى بعتبر كل الى فى القسم هنا اخواتى وبالاخص الناس الى شوفتها فى المقابله الجامده بتاع 6 اكتوبر
ربنا يوفق الجميع وربنا يكرمك بعربيه تريحك وربنا يكفيك شرها
وان شاء الله اشوفك على خير يا عم احمد

[Ahmed_Gallant]

وجالك قلب كمان تحط صور المقابلة ؛-)
ربنا يوفقك يا ابو حميد رغم ان بيع عزيزة يعز علينا
بس انت فرد اصيل في اسرة سيات ومش ممكن تخرج منها ابداً
دة انت من اوائل موؤسسيها يا حاج احمد

ربنا ييسرلك الحال ويباركلك في عربيتك الجديدة


والله المستعان
،
،

والله كمان انا ظبطت حبه حاجات فيها عشان ابيعها وهى رايقه لقيت دماغى بتلعب وبدات افكر اخليها بس انا واخد قرار بصراحه انى ابيع وان شاء الله هعمل موضوع فى السريع عن التظبيطات اللى عملتها ومكلفتنيش اكتر من 400 جنيه وفرقت جدا جدا فى الشكل العام
وزى مانت قلت من المؤسسين ايام ما كان الموضوع بيبقى جديد لو اخر رد فيه من يومين دلوقتى القسم بقى حاجه تفرح وتشرف بجد وعشان كده اكيد مش هسيب القسم هنا واروح الصحرا التانيه ولما تعرفوا نوع العربيه هتتاكدوا انها صحرا فعلا

بالتوفيق بأذن الله

شكرا لمرورك الطيب

هتوحشنا والله العظيم انا من الناس اللى كنت نفسى اجى معاكوا اى مقابلة واقابل الناس المحترمين دول لكن
للاسف لظروف مبقدرش اجى وان شاء الله ربنا يكرمك
ويكفيك شرها ويديك خيرها

ياباشا العربيه هى اللى هتوحشنا ان شاء الله لكن انا قاعد على قلبكو لو حتى جبت توكتوك

ربنا يكرمك بأحسن منها ويوفقك فى بيعها ان شاء الله

بس اوعى تغيب عن اسره السيات اوعى

ربنا يخليك وشكرا للدعوه الجميله دى وزى مقولت قاعد مش هتحرك بس مواضيعى هتبقى بناء على خبرات و ليست تجارب :)

ربنا يوفقك الي ما هو فيه خير لك ان شاء الله.

شكرا ربنا يباركلى فيك يا رب

ربنا يوفقك يا رب وتستريح دايما بالحاجه الكويسه

جميعا ان شاء الله

انا هعتبر انك هتوفى بكلامك وهتفضل فى قسم سيات علشان بجد رغم انى قابلتك مره واحده الا انى فعلا حسيت انى اعرفك من فتره كبيره وانا عن نفسى بعتبر كل الى فى القسم هنا اخواتى وبالاخص الناس الى شوفتها فى المقابله الجامده بتاع 6 اكتوبر
ربنا يوفق الجميع وربنا يكرمك بعربيه تريحك وربنا يكفيك شرها
وان شاء الله اشوفك على خير يا عم احمد

حبيبى والله يا ماتريكس ووعد هتحاسب عليه انى حضر معاكو المقابلات ولو حتى فين بما يناسب ظروف شغلى

محدش سالنى هجيب ايه ولا اخليها مفاجأه :)

[egman]

أحمد باشا انا من الناس الى كان ليهم حظ وقابلت حضرتك فى المقابلة الاخيرة واتعرفت على ناس محترمة زي حضرتك ، موفق ان شاء الله فى البيع يا باشا ، وانا احب ان يكون ليا السبق والرخامه هو حضرتك ناوى تجيب اية يا باشا ههههههه .

ملوحظة : انا ملاحظ ان فى راس بعيده كده زيرو ده راسي تقريبا يا باشا ههههههههههههههههه اكيد انت اقصد الصورة ده لانها كانت عاكسة الضوء كويس على العربية .

تمنياتى لحضرتك بالتوفيق في كل ما تتمناه .

[S O P H O S]

ربنا يوفقك فالبيع وفعلا يعز علينا
لكن ان شاء الله تجيب سيات وتفضل فالاسرة ..

[Ahmed_Gallant]

أحمد باشا انا من الناس الى كان ليهم حظ وقابلت حضرتك فى المقابلة الاخيرة واتعرفت على ناس محترمة زي حضرتك ، موفق ان شاء الله فى البيع يا باشا ، وانا احب ان يكون ليا السبق والرخامه هو حضرتك ناوى تجيب اية يا باشا ههههههه .

ملوحظة : انا ملاحظ ان فى راس بعيده كده زيرو ده راسي تقريبا يا باشا ههههههههههههههههه اكيد انت اقصد الصورة ده لانها كانت عاكسة الضوء كويس على العربية .

تمنياتى لحضرتك بالتوفيق في كل ما تتمناه .

انا اللى اتشرفت والله بمعرفتك الواحد معاكو حاسس انه وسط اخواته مظنش ان كميه التعاون دى موجوده فى اى قسم تانى فى نايل موتورز وربنا يديم المحبه
باشا انا واخدك بتاع 10 صور وانت بتتكلم فى التليفون وعمال تمشى هنا وهناك واخيرا نيتى بانت وهو انى كنت بستخدم الاضاءه ههههههههههه الصيف داخل وهحصلك ونبقى لما نتقابل ننور سوا
بالنسبه للعربيه اللى كنت هجيبها هى كرايسلر نيون موديل 1997 كامله اوتوماتيك بدون ايه بى اس من العربيات المحترمه جدا بتواجهها بس غلو قطع الغيار وامتناع الناس عن شراها فسعرها واقع جدا مع انها فى تقييمى الخاص افضل من السيفيك 92 وسعرها اقل منها مع موتور مجرم 130 حصان للكامه الواحده و150 حصان لل2 كامه بمعدل 9 لتر فى ال100 كم جوه البلد مكنه 2000 سى سى ابواب فريم ليس تحسسك انك راكب عربيه سبور
وللاسف
انا صرفت نظر عن شرا العربيه مع انها حالتها ممتازه دواخل فبريكه وحاله الخوارج رشه بس نضافه ومجرد خدوش وماشيه 158000 كم فقط وكاوتش جديد ولسه معروضه عليا برضه بسعر كويس وده لعده اسباب
1- سعر العربيتين هيكون فيه فرق فلوس وانا ظروفى لا تسمح انى ااتزم باى مبالغ على بعضها
2- العربيه نادره جدا ولقيت واحده بس فى سوق السيارات وكانت كمان اسماعليه وروح بيها من غير ما يبيعها مع ان حالتها ممتازه بشكل لا يصدق وكان طالب 37 الف وفيها اى بى اس
3- قطع الغيار سعرها مرتفع جدا بشكل مبالغ فيه يعنى ضعف الابيزا المساعدين بيوصلوا ل 1200 جنيه وتظبيط العفشه كالمه يوصل ل4500 جنيه جديد كله
4- العربيه 2000 سى سى ضريبتها اغلى شويه من الابيزا ومعدل الاستهلاك برضه وموضوع الدعم بتاع البنزين مخوفنى جدا
5- العربيه اوطى من الابيزا ولازم تحايلها فى المطبات بعكس عربيتى بعد ما عليتها بقت ممتازه ولما بكون لوحدى باخد المطبات كلها عدل
6- الابيزا عربيه سهله وصريحه وتحت الكبوت الدنيا واضحه جدا وانا تقريبا فهمت 80% من الابيزا وطرق عمل كل حاجه فيها ولله الحمد بعمل معظم الصيانات بنفسى وكمان قطع الغيار موجوده جنبى لكن العربيه التانيه معقده شويه يعنى الحوض مليان زى الميجان كده يعنى تفك مثلا حساس الردياتير تفك 100 حاجه عشان توصله
7- انا بحبكم جدا جدا جدا
8- قبل ما ابيع علمت لسته كتبت كل الحاجات اللى تعيب العربيه و بدات اظبط فيها مره واحده بمبلغ لا يتجاوز 300 جنيه وعلمت الحاجات اللى كانت ناقصه فيها زى الكرتيره ودرج علبه الفيوزات وكده بدات العربيه تحلو فى عينى وحسيت بطعم الفلوس اللى صرفتها فيها رحت عامل لسته تانيه ودخلت فيها التكييف والباور كمان بمعنى اصح هشوف حد هيشترى موتور واخليه يجيب نص كامل ياخد هو الموتور فاضى وانا اخد باقى الحاجه احطها فى عربيتى

واخيرا يا ريت الاداره تحذف الموضوع ده لانى صرفت نظر نهائيا عن البيع فى خلال السنتين دول ان شاء الله

[matrix012]

بص انا فرحت انك هتفضل ابيزاوى
وزعلت انك مجبتش العربيه الى انتا عاوزها
بس ربنا يوفقك

[Karim Ibiza]

حمد لله على السلامة

[SYD]

قدر الله وما شاء فعل
والحمدلله انك رجعت عن قرارك - لأنك أخ عزيز اوي علينا ويصعب علينا انك تخرج من الأسرة

بالنسبة لحذف الموضوع انا رأيي انك تخليه عشان الناس تشوف تجربة حية للمقارنة بين الأبيزا وغيرها

تحياتي