دهان الخرابيش يكلف كام

[nesr6060]

انا العربيه طبعا زى ما انتوا عارفين جيبها بقالى اسبوع ونص او اتنين والحمد الله كاول عربيه ليه فى حياتى طاير بيها السما بس العربيه علشان كنت بتعلم عليها السواقه بهدلت الدهان بتاعها فبقى الجزء اللمين اللى ورا الرفرف و الباب اليمين اللى ورا و الاكصدام من الجهه اليمين مليان خرابيش وبقى شكله وحشششششششششش اوىىىىىىى
ياترى انا لو حبيت الرش الخرابيش دى يكلف كام وياترى هل الراجل اللى بيرشها ولا انا بروحله اخليه يضربلى نفس الدرجه بتاعه اللون وانا اروشها بنفسى
وياترى مفيش علب الوان جاهزه بدرجاتها اشتريها على طول
انا لون عربيتى فيرانى ميتالك فاتح

[hossamalsadik]

الون ده بيكون مكتوب على سدر العربيه ورقم اللون
او وده الأرجح فى شنطة العربيه بجوار الأستبن هو أستيكر كده
بالنسبه للتكلفه مش عارف ده حسب كمية الخرابيش عندك وهل انتا محتج سمكره وكده
بالنسبه للدوكو والشغل عموما أحنا هنروح بعيد ليه
شوف للنك ده كده

http://www.nilemotors.net/Nile/305390-a.html

بالتوفيق

[el diesel]

نصيحة من اخ ليك
اتقل عليها شوية شهر أو شهرين بالكتير تكون لميت ابعاد العربية من كل الزوايا
ثانيا انت فى بلد العربية بتتخبط وهيا واقفة وتنام وتقوم تلاقى كان فيه ناس بتلعب xo على كبوت العربية :)
عموما هيا التكلفة مش هاتبقى كتير وممكن مش هاتبقى محتاجة غير بولش بس

[AlGazar2]

سيبها لغايه ما تتعلم عليها تماما و تحفظ ابعادها تمام بعد كده فكر ترشها او تسيبها زى ما هيه خصوصا ان درجات الفضى و الفيرانى مش بيبان فيهم الخرابيش اوى

و عموما درجه اللون مراكز الدهان المحترمه هاتعملهالك تمام زى عربيتك بالظبط

[abo-berry]

لازم اللوحه تترش كلها عشان ماتبقعش

[nesr6060]

لا هى العربيه مش محتاجه سمكره وان الخرابيش مش عامله مشكله غير خربوش واحد بس حيجننى كبير شويه واخد بعرض الباب من تحت وبالنسبه لكود اللون معتقدشى هيبقى هو هو علشان العربيه من جوا اسود ومن برده فيرانى فاتح ميتالك هى العربيه ابيزا 94

[hossamalsadik]

لا هى العربيه مش محتاجه سمكره وان الخرابيش مش عامله مشكله غير خربوش واحد بس حيجننى كبير شويه واخد بعرض الباب من تحت وبالنسبه لكود اللون معتقدشى هيبقى هو هو علشان العربيه من جوا اسود ومن برده فيرانى فاتح ميتالك هى العربيه ابيزا 94

أولا انا مع الى قالوا أصبر لحد ماتتقن السواقه كويس
ألا اذا كنت حاسس انك بقيت تمام
خربوش واحد يبقى التكلفة بسيطه جداا
كده العربيه مغيره لون لونها الأساسى أسود الى هوا لون الدواخل حوض وشنطه ..... ألخ
لو كان الخربوش ومانزلش بعمق كبير ممكن علبة كمبوند ويروح او تقلل من شكله كتير وتدى العربيه كلها بالبولش تلمعها وتحميها الموضوع ده سهل جداا ممكن اشرحهولك وانا بعملها بنفسى وتكلفة المصنعية بجيب بيها كمبوند وبولش خامات مستوردة عالية الجوده

[nesr6060]

طيب ازاى يعنى مع العلم انا عندى خربوش واحد بس هو اللى مجننى مخلى المعجون ظاهر وشكله وحش وعرض الخربوش ده حوالى 3 سم شوف بقى لما يكون عندك خدش فى العربيه عرضه 2 سم او 3سم ومخلى المعجون ظاهر هيبقى شكل العربيه ايه خاصه ان بااحظ ان لما باجى امسحه الدهات بيقشر من حواليه
وياترى هو البولش ده هو برده الاسبرى
وده اللون بتاع عربيتى او اغمق سنه بسيطه

https://www.facebook.com/photo.php?fbid=448136595270129&set=a.448136548603467.1073741826.100002213766633&type=3&theater

[hossamalsadik]

البولش ده معجون فى علبة صفراء ب7ج وفيدته تلميع العربيه وتغطيتها بطبقة من الشمع
اما الكمبوند ده عشان أزالة الدهان الملتصق على العربيه نتيجة أحتكاكها بسياره تانيه
وفى منهم أنواع كتير مستورده .
انتا كده مش هينفع معاك غير الرش تروح لواحد بتاع دوكو ويعلجلك الخربوش
او تسيبه لحد ماتتعلم كويس اوى وبرحتك فى جميع الأحوال
الموضوع بسيط الحمد الله ماتزعلش نفسك
الواحد بيبقى حريف سواقه ويحافظ على العربيه ويغطيها كمان وبردو تتجرح ههههه
بس الغطا بيقلل المشكه طبعا أنصحك بيه

بالتوفيق

[nesr6060]

معنى كدا ان الراجل لسه هيسنفر و يعجن ويرش يااه ده ياخد فيها اسبوع مينفعشى يرش على طول على المعجون اللى ظهر بعد الخربشه دى ولا لازم المعجون ده يتشال هو معجون لونه ابيض

[nesr6060]

وياريت لو حد يقولى البولش ده عباره عن ايه وياترى هو انا لو دهنته على الخربوش ده هيدى لون العربيه العادى ولا هيبقى شفاف ويدى لون المعجون اللى تحت

[hossamalsadik]

طلما الخربوش وصل للمعجون لازم يتمعجن عشان يبقى حتى وحده ومتساوى مع الى حوليه
وبخصوص الفتره الزمنيه
وده ال هيحدده فنى الدوكو

بالتوفيق

[hossamalsadik]

وياريت لو حد يقولى البولش ده عباره عن ايه وياترى هو انا لو دهنته على الخربوش ده هيدى لون العربيه العادى ولا هيبقى شفاف ويدى لون المعجون اللى تحت

ده مركب كيماوى الخلاصه
البولش للتلميع
الكمباوند لازالة اى بويه على البويه الأصليه وأيضا لازالة أى مواد دهنية وخلافه على بوية العربيه نتيجة ركنتها فى الشارع
لا طبعا مش هيدى لون العربيه - اللون ده بويه