حد يعرف طريقه افصل بيها كهربة العربيه عشان السرقه ؟

[eemmoo]

انا بركن العربيه بعيد عن بيتى يعنى بكون مش شايفها
محدش يعرف طريقه سهله افصل بيها العربيه ومتدورش خالص لان سرقه العربيات انتشرت بطريقه فظيعه مع العلم انه عندى ايموبليزر والانذار الاصلى بتاع العربيه بس دلوقتى الحاجات دى بقت عاديه وبتتسرق برده .....

تانى حاجه بقيت بحس برجه فى الموتور والفتيس عند الطلعه بس بعد كده بتختفى مع المشى
مع العلم انى لسه مغير قاعده موتور اماميه
ممكن الاخوه يقولولى ايه ممكن يكون سبب الرجه اللى بتحصل فى الطلعه

العربيه ابيزا 2000 1000 سى سى

ومشكور مقدما

[AhMeD MeTwAlY]

يا باشا سعتك مغلب نفسك ليه انا كنت بعمل حركه حلوه في الفليشيا لما كنت بركنها في مكان مش امان في سلك في المارش راكب بكلبسه بسحبه لبره بيفصل المارش وابق قابلني لو عرف يوصله حاول تشوف حاجه تفصل المارش
او طرمبة البنزين العربيه هتشتغل معاه بس هتفصل في ساعتها

[bogyman123]

والله الموضوع دة شاغلنى بقالة فترة خصوصا ان موضوع السرقة انتشر جدا بس خلى بالكو ان اللى بيسرق برضو بيبقى فاهم فبضور على حاجة مستخبية ومش سهل ان حد ياخد بالة منها

[Ahmed_selmy]

ممكن تروح للكهربائى يعملك مفتاح فى حته مستخبيه فى العربيه تفصله بعد ما تركن وتشغله قبل ما تدور.

[ysamerlabib]

نصيحة روح لكخربائي واهم حاجة يكون كهربائي انت متعرفوش ويكون بعيد جدا عن بيتك بحيث انك مش حتروحله تاني ابدا
وملحوظة مهمة جدا : لما تروح للكهربائي ده (اللي بعيد جدا جدا عن بيتك) متسبش اي حاجة تدل عليك في العربية يعني مثلا الرخصة او البطاقة او كارت الشغل بتاعك .. حتى لو الكهربائي ضرب معاك صحوبية وكدة متقولش اسمك الحقيقي ولا شغلك ولا اي حاجة من دي
دي نصيحة ليك علشان حصلت مع واحد صاحبي وللاسف كان الكهربائي سبب في سرقة العربية ..
ربنا يسترها علينا كلنا

[elbaz45]

انا بركن العربيه بعيد عن بيتى يعنى بكون مش شايفها
محدش يعرف طريقه سهله افصل بيها العربيه ومتدورش خالص لان سرقه العربيات انتشرت بطريقه فظيعه مع العلم انه عندى ايموبليزر والانذار الاصلى بتاع العربيه بس دلوقتى الحاجات دى بقت عاديه وبتتسرق برده .....

فى الاول لازم اقولك ان كل شىء بأمر الله واحنا مجرد بناخد بالاسباب وانا شايف ان الايموبلايزر بتاع العربيات الالمانى هوا الافضل من بين جميع الحلول المتاحة لانه طبقا للكتالوج بتاعنا فيه solnoid valve داخل المحرك يقطع امداد الfuel عن المحرك الا اذا جاءته اشارة من الكمبيوتر بالفتح بعد التأكد من شفرة المفتاح
اما موضوع فصل طلمبة البنزين فبقى موضوع مفقوس اوى لدرج ان الحرامى اللى فاهم ممكن يجيب معاه بطارية صغيرة ويوصل بيها طلمبة البنزين فى خمس دقايق بدل ما يقعد يدور على المفتاح اللى الكهربائى مخبيه

تانى حاجه بقيت بحس برجه فى الموتور والفتيس عند الطلعه بس بعد كده بتختفى مع المشى
مع العلم انى لسه مغير قاعده موتور اماميه
ممكن الاخوه يقولولى ايه ممكن يكون سبب الرجه اللى بتحصل فى الطلعه
العربيه ابيزا 2000 1000 سى سى

الرجة اللى بتبقى على السلانسيه فى الغالب سببها الصفع اى احتراق الوقود قبل اشارة البوجيه وممكن يكون فيه بوجيه فاصل او معرق زيت وكل ده بيختفى مجرد ما تدوس بنزين

[ahmedk7]

انا كنت عملو و العربية اتسرقت كانت vitara 99 بس طبعا مكنش فيها اى حاجة تانية للتامين , كان زرار بيتشد حاول تحطه فى حتة بعيدة عن الدركسيون

[zika99_eg]

بص يا كبير كل حاجه قضاء وقدر بس احنا بناخد بالاسباب
انا عن نفسي بشيل الفيوز بتاع طلمبه البنزين لما بكون في مكان غريب

[Karim Ibiza]

والله عيب يارجالة
ياجدعان انتم معاكم عربيات محترمة بتنزل من موديل 98 ب ايموبلايزر وده الحرامي لو عمل قرد مش هيعرف يشغل العربية من غير مفتاحها
الحل الوحيد انه يشيل العربية كلها بالونش

[eemmoo]

والله عيب يارجالة
ياجدعان انتم معاكم عربيات محترمة بتنزل من موديل 98 ب ايموبلايزر وده الحرامي لو عمل قرد مش هيعرف يشغل العربية من غير مفتاحها
الحل الوحيد انه يشيل العربية كلها بالونش

يعنى انت من رأيك ان العربيه استحاله تدور طالما فيها ايموبلايزر مع العلم ان اللى بيسرقوا العربيات معظمهم كهربائيه
المشكله كمان انى اعرف عربيات سيراتو كان فيها ايموبلايزر وبرده اتسرقت

[Karim Ibiza]

يعنى انت من رأيك ان العربيه استحاله تدور طالما فيها ايموبلايزر مع العلم ان اللى بيسرقوا العربيات معظمهم كهربائيه
المشكله كمان انى اعرف عربيات سيراتو كان فيها ايموبلايزر وبرده اتسرقت

كل العربيات السيراتو اللي اتسرقت اتسرقت بمفتاحها واللي كان بيحصل أيام الثورة أن كان فيه واحد شغال في التوكيل هو اللي بيسرب الشفرات للحرامية بناء علي رقم الشاسيه اللي الحرامي بيجيبوا من علي البربريز الأمامي للعربية

العربية اللي فيها ايموبلايزر مش هتشتغل إلا بشفرتها ودي ممكن تحصل لو سبت مفاتيحك مع سايس مثلا أو روحت لبتاع مفاتيح يعرفك عشان يعملك نسخة ويعمل لنفسه واحدة بالمرة أو أن الحرامي يكون معاه جهاز كشف الاعطال ويكود موتورك علي مفتاحه

غطي عربيتك لان مفيش حرامي هيشيل الغطاء عشان يسرق إلا لو كان في حتة صحراء

[bogyman123]

طب لو العربية مفيهاش ايموبلايزر ينفع اركب فيها جهاز

[Karim Ibiza]

طب لو العربية مفيهاش ايموبلايزر ينفع اركب فيها جهاز

طبعا ينفع

http://www.nilemotors.net/Nile/309019-a.html#post3874528678

[elbaz45]

والله عيب يارجالة
ياجدعان انتم معاكم عربيات محترمة بتنزل من موديل 98 ب ايموبلايزر وده الحرامي لو عمل قرد مش هيعرف يشغل العربية من غير مفتاحها
الحل الوحيد انه يشيل العربية كلها بالونش

كريم باشا ,, انت عارف انا بعزك جدا انت وبشمهندس سيد ,,,
لازم تعمل وسيلة حماية تانية بجانب الايموبلايزر برده لان المفتاح مش دايما فى ايدك ومحدش عارف الظروف وممكن يضيع منك لا قدر الله ,,
انا واحد صاحبى مفتاح العربية اتسرق منه فى اولاد رجب من غير ما يحس ولما خرج ملقاش العربية فأنت لازم تعمل حساب اسوأ الظروف لان ظروف البلد بقت وحشة جدا فأنت امن نفسك بانك مثلا تشيل فيوز او تعمل مفتاح فصل طلمبة البنزين بجانب الايموبلايزر وربنا هوا الحافظ

[Karim Ibiza]

كريم باشا ,, انت عارف انا بعزك جدا انت وبشمهندس سيد ,,,
لازم تعمل وسيلة حماية تانية بجانب الايموبلايزر برده لان المفتاح مش دايما فى ايدك ومحدش عارف الظروف وممكن يضيع منك لا قدر الله ,,
انا واحد صاحبى مفتاح العربية اتسرق منه فى اولاد رجب من غير ما يحس ولما خرج ملقاش العربية فأنت لازم تعمل حساب اسوأ الظروف لان ظروف البلد بقت وحشة جدا فأنت امن نفسك بانك مثلا تشيل فيوز او تعمل مفتاح فصل طلمبة البنزين بجانب الايموبلايزر وربنا هوا الحافظ

كتر خيرك على شعورك الطيب

والله عندك حق محدش يضمن الظروف