سائل للردايتير ؟؟؟

[المجرى]

السلام عليكم
اخوانى انا لسة مسقط ماتور جديد لعربيتى
الماتور ابيزا 99 1.4 cc
المهم انا مسقطة من يجى 3 اسابيع كدا
امبارح بالصدفة وانا بفتح قربة الماية عشان اشوف مستوى الماية لقيتها خير الله مااجعلة خير
مش عارف اقول مصدية لان اللى شوفتة معدى مرحلة الصدى بكتيييييييييييييييييييييييييييييير

الماية لونها بنى غااااااااامق جدا


المهم قلت بسرعة لا انا هجيب ماية خضرا واغسل دورة التبريد وبعد كدا احط الماية دى

المهم رحت لواحد بتاع زيت محل كبير عندنا
لقيت عندة ماية خضرا وحمرا وجميع الالوان

بس الراجل قالى سيبك من كل دول فية ماية بس اية المانى المانى ممتازة
الازازة لترة ونص بي 75 جنية
قلتلة غالية جدا انا هحتاج 4 ازايز على كدا

قالى لا انت هتزودها بماء مقطر من البنزينة ودى ماية بزيت

صناعة المانى وحرام تحط الحاجات التانية فى عربيتك

الازازة عاملة زى ازازى الكلور كدا
ومكتوب عليها made in German

حد عارف عنها حاجة ؟؟؟؟ واية تنصحونى اخلينى فى الخضرا وخلاص

[grandfox]

السلام عليكم يا اخى
كل ديه اشتغالات نصيحة اغسل دورة التبريد فى اى بنزينة محترمة وبعد كده حط مياه مقطرة الازازة بجنيه ونص هتخدلك تلاتة اربعة عشان تشيل اى صدا متراكم بعد الغسل وبعد اسبوع كده نزلها وحط مياه خضرا ولا حمرا على نضافة
ووفر فلوسك انت اولا بيهم
والله المستعان

[SYD]

دة اسمه هيبو Hepo

دة فعلا الماني وموصي بيه من شركة فولكس لأنه متوافق مع سائل التبريد الخاص بفولكس
هتلاقي مكتوب عليه G12+
ودة الموصي بيه من شركة فولكس
ولون السائل احمر
وفعلا فيه مادة تزيتية لتزيت طرمبة المياة ومانع للصدأ ولو مسكت العبوة ورجيتها هتلاقي درجة حرارتها انخفضت

تحياتي

[grandfox]

صديقى العزيز محمد سيد بك
يا فندم كلنا بنتعلم من خبرتك بس عايز اسأل سؤال لائيم شوية
حضرتك بتستخدمه لعربيتك لو قولتلى لا يبقى مش هستخدمه والعكس صحيح

[SYD]

هههههههههه

طبعاً بستخدمه
امال هقول للرجال حاجة وانا بعمل عكسها ؟؟؟

http://www.nilemotors.net/Nile/318225-a.html#post3874626995

تحياتي

[grandfox]

يا باشا منكم نستفيد بس ده بيتحط على المياه المقطرة ولا الخضرا والاقيه فين وبيتحط منه كميه اد ايه ولا بيتحط كله مره واحده مع سائل التبريد
وشكرا" لسعة صدركم

[aw2100]

فية الميه التوتال تركيز 33% لونها برتقالى انا حاطتها فى عربيتى 10/10 وب 65 جنية 4 لتر واللتر للتزويد ب 18 جنية اهم حاجة بعد الغسيل تحط ميه عادية الأول وتتاكد ان مفيش تسريب او صداء قبل ماتحط المية الحمراء !!

[SYD]

يا باشا منكم نستفيد بس ده بيتحط على المياه المقطرة ولا الخضرا والاقيه فين وبيتحط منه كميه اد ايه ولا بيتحط كله مره واحده مع سائل التبريد
وشكرا" لسعة صدركم

يا باشا دة بيتحط وبيتخف بمياة مقطرة

[المجرى]

الله عليكم
هوا دا الكلام ومعنى الاستفادة من الشباب بجد

[mahmoud ghanem]

الهيبو من شهر كانت عاملة 65 جنيه المانى حمراء
gt 12 من شهر انا جبتها فى عربيتى 85 جنيه المانى لونها مش احمر قوى بنفسجى شوية

الاسعار دى بعد وصول الدولار 8 جنيه ( الاسعار قبل ذيادة الدولار : الهيبو 55 جنيه -- gt 12 بــ 65 جنيه )

وفعلا فيها مادة تزيتيه علشان الصداء والطرمبة وبتلاحظها

[Karim Ibiza]

الـ g11 لونها أخضر مزرق
الـ g12 لونها أحمر
الـ g12+ لونها بنفسجى
الـ g12++ لونها بنفسجى

[bogyman123]

فى نوع لونة ابيض تقريبا الهيبو كان فى موضوع هنا بس مش عارف اجيبة تانى

[windofchange]

علبة الهيبو g12 لون العلبة ابيض ولون المياه بداخلها احمر وردي وعموما قربة المياه بيتكتب عليها تحط ايه بالظبط g11 or g12 or g12+ والكتالوج بتاع العربية اكيد

[bogyman123]

[QUOTE]علبة الهيبو g12 لون العلبة ابيض ولون المياه بداخلها احمر وردي[/QUOTE]
يعنى مش المياة اللى لونها ابيض؟؟

[Karim Ibiza]

فى نوع لونة ابيض تقريبا الهيبو كان فى موضوع هنا بس مش عارف اجيبة تانى

[QUOTE=bogyman123;3874970640]

علبة الهيبو g12 لون العلبة ابيض ولون المياه بداخلها احمر وردي[/QUOTE]
يعنى مش المياة اللى لونها ابيض؟؟

يا باشا الالوان اللى انا كاتبها دى الوان المياه مش الوان العلبة