فتيس الابيزا

[abdulrhman_m]

السلام عليكم
انا عندي ابيزا 94 1.4 بدات الحكاية بتعليقة وتقل في الدبرياج وخشونة في الغيارات
روحت للميكانيكي قالي هنغير سلك الدبرياج قولت ماشي بعد كدة الدبرياج بقي كويس بس الفتيس تقيل جدا خصوصا لما العربية تسخن وانا سايق بحط ايدي علي الفتيس الاقي فيه رعشة مش ثابت اوي علي الغيار بتاعه ..... جربت احرك الفتيس والعربية مبطلة من غير دبرياج نفس الحكاية تقيل جدا في واحد قالي ده زيت او بوش .... ده ايه بقي ؟؟؟ !!!

و حاجة كمان تيل الفرامل الكويس ماركت ايه ؟

شكرا

[abdulrhman_m]

واحيانا بسمع صوت التروس وانا باخد الغيارات كاني مش دايس دبرياج .... روحت للراجل علي الدبرياج اكتر من مرة ونفس الحكاية

[Karim Ibiza]

اهلا بيك معانا

بص يا باشا الموضوع ليه شقين
اولا: الزيت: انت حاطط زيت فتيس درجته ايه؟؟؟
ثانيا: ثانيا: العربية عاملة معاك ايه فى السحب؟؟ هل صوت العربية اعلى من سرعتها؟؟ لأن لو مطلعش زيت يبقى دى بوادر اسطوانة دبرياج

[abdulrhman_m]

لا انا معرفش الزيت الي فيها ايه لان انا مغيرتش الزيت الي فيها لما جبتها ... في السحب هي اول عربية ليا فا مش عارف اقيمها في السحب

[SYD]

وعليكم السلام ورحمة الله وبركاته

في البداية أحب أرحب بيك في قسم سيات نايل موتورز

هسأل حضرتك أسئلة وياريت ترد عليا فيها عشان نوصل سوا لحل لمشكلة حضرتك بمشيئة الله تعالي

1- هل الفتيس فيه بوش ؟؟؟؟
يعني اقصد هل العصاية مش ثابتة معاك وتحس انها رايحة جاية علي الفاضي ؟؟؟ طبعا طول ماهي علي الموور

2- امتي أخر مرة نزلت الزيت او زودته - وياتري ايه درجة لزوجة الزيت اللي استخدمته

3- اي نوع من انواع السلك اشتريته ؟؟؟؟ اقصد سلك الدبرياج

شكوكي تنحصر في النقاط الثلاثة دي وبردو هقولك انا بفكر في أيه

1- العصاية ممكن تكون عايزة حشو وظبط
لأنها لو مش مظبوطة هتقل معاك الغيارات وكمان هتحس ان العصاية مكلبشة ومش راضية تدي الغيار غير بعد عدة محاولات وبالزات في الثاني والأول والمرشدير دايما هتلاقيه بيعمل معاك صوت خشونة كأنه بياكل في التروس

2- الزيت المفروض لو وحش يبقي تقيل وهو بارد ويخف لما العربية تسخن - لكن انت بتقول العكس - هل انت تقصد اللي انا بقوله ولا انت فعلا بتحس بكدة ؟؟؟
عموماً الزيت لازم يكون درجة لزوجته كما هو موصي بيه والا هتحس بمشاكل كتير وهتجيب اجل الفتيس بدري بدري

3- احياناً نوع الواير او سلك الدبرياج لو وحش بيبوظ بسرعة ويحسسك بالكلام اللي انت بتقوله دة كله

فياريت تجاوبني علي اسئلتي عشان نوصل سوا لحل ان شاء الله

واهلا بيك مرة تانية في قسم سيات نايل موتورز

تحياتي

والله المستعان
،
،

[abdulrhman_m]

يا فندم متشكر جدا علي ردك

وعلي الاسئلة الي سئلتها

هي العصاية في وضع المور اه بيكون فيها هزة بس مش كبيرة اوي انا مش قادر احكم عليها اوي لان ديه اول عربية ليا فا مش عارف ديه هزة بوش ولا لأ مش زي واحد فاهم في الحاجة ديه

توع الزيت انا اشتريتها مستعملة من 6 شهور فامعرفش نوع الزيت الي كان فيها ايه ولا غيرته قبل كدة

سلك الدبرياج جبته نوع ايطالي ب 95 جنيه من محمد لادا

هو انا شاكك في الميكانيكي ... من كلامك في المواضيع السابقة عرفت انك ساكن في الهرم
لو تعرف ميكانيكي كويس في الهرم ... يا ريت والله :)

شكرا

[abdulrhman_m]

وفي اضافة كمان .... انا بسمع صوت الغيار لما العربية بتسخن في التالت والرابع لكن اول لما اتحرك بيها علي الاول والتاني مش بسمع حاجة

شكرا

[SYD]

يا فندم متشكر جدا علي ردك

وعلي الاسئلة الي سئلتها

هي العصاية في وضع المور اه بيكون فيها هزة بس مش كبيرة اوي انا مش قادر احكم عليها اوي لان ديه اول عربية ليا فا مش عارف ديه هزة بوش ولا لأ مش زي واحد فاهم في الحاجة ديه

طب وهي علي الموور
لو جربت تديها الأول وسيبت العصاية - بتحسها سوستة ؟؟؟ يعني بترجع تاني كأنها فيها سوستة ؟؟
ولا لو راحت مابترحعش ؟؟؟؟

توع الزيت انا اشتريتها مستعملة من 6 شهور فامعرفش نوع الزيت الي كان فيها ايه ولا غيرته قبل كدة

طب عموما قبل ما ترمي فلوسك في الأرض - عشان انا اصلا شاكك في الفتيس
جرب تنزل الزيت وحط زيت من شيل الكيلو بتاعة في حدود 18-20 جنيه
وشوف الدنيا فيها ايه بعد ماتغير الزيت

سلك الدبرياج جبته نوع ايطالي ب 95 جنيه من محمد لادا

معقول مش وحش

هو انا شاكك في الميكانيكي ... من كلامك في المواضيع السابقة عرفت انك ساكن في الهرم
لو تعرف ميكانيكي كويس في الهرم ... يا ريت والله :)

الميكانيكي بتاعي في اخر الهرم في شارع الأشول
لو حابب تروحله
هو اسمه عصام ومعلق علي ورشته علامة فولكس - ومش معلق يافطة - هه - مش معلق يافطة

شكرا

وفي اضافة كمان .... انا بسمع صوت الغيار لما العربية بتسخن في التالت والرابع لكن اول لما اتحرك بيها علي الاول والتاني مش بسمع حاجة

شكرا

تقصد صوت ايه ؟؟
تروس ؟؟
يا باشا انت العصاية كدة مش مظبوطة
عايزة تتظبط وعايزة حشو
لا اكثر ولا اقل
75 جنيه اول عن اخر

تحياتي

[abdulrhman_m]

لا هيا مش سوستى بتروح عادي و ما بترجعش بس بيكون فيها رعشة خفيفة وديه علي كل الغيارات.
.. انا هجرب تغير زيت شيل 80/90 النهاردة
.. الصوت الي بسمعه صوت كاني مش دايس دبرياج .
.. اتمني انها تكون محتاجة حشو بس .. انا هجرب اروح لعصام يشوفه بالمرة