مشاكل بعد تسقيط موتور - ابيزا 98

[mido_more]

السلام عليكم ..انا يا جماعه سقطت المكنه ال 1600 كودها alm شوفتها هنا تقريبا عند حد فى المنتدى..الكلام ده كان فى بورسعيد!! كان حصل مشكله وكهربائى حرقلى الكونترول ودوخت بالعربيه وصرفت كهرباء بس حوالى 1500 جنيه ..كان التابلوه مش عاجبنى جبت تابلوه تانى اللى هوا تقريبا بتاع البولو اللى فيه عداد الحراره موجود فيه ارقام ..علشان متعبكوش معرفش يركب التابلوه واخد منو الفريم بس وركب الهوايات...دارت العربيه الحمد لله..ايه ياعم ولا امبير شغال ..انا كنت موديها شغال فيها الاربى ام والسرعه وفاصل البنزين والحراره..قالى هاتلى طقم امبيرات زى اللى راكب عندك بالظبط علشان ينفع يركب علشان الفيشه...والمشكله قالى انها فى الامبيرات وبمجرد ما تغيره كله هيشتغل,,عرفت ان هوا اللى بيشتغلنى بس كان نفسى امشى من بورسعيد علشان تعبت والله..كنت بالمره مغير الكبالن للاسف باتنين استيرادعلشان الكبالن بتاعتى مكنتش تنفع تركب على المكنه دى لان اللى قابلها كانت ال 1800 الجولف ,,المهم لما اخدت العربيه وروحت ودى كانت اول مره اجرب المكنه الحمد لله اداؤها كان ممتاز ...المشكله انى تانى يوم بلف بالعربيه على مطلع لقيت الغيارت فصلت ..قولت الكوبلن عملها...على طول بعت جبت واحد تانى من نفس الراجل لان الكوبلن يعتبر لسه بتاعه...المشكله وانا بركب الكوبلن قالى يا باشا الكوبلن بتاع المكنه فعلا ,,بس قصير ...واللى كان مركبه كان الكوبلن مش مبيت كويس علشان كده لما كسرت جامد فلت ......الحل ...مؤقتا هيطول الكوبلن فى مخرطه الكام سنتى دول ...وقالى لازم تغير مقصات...اعمل ايه فى موضوع الامبيرات ده ,,وبرضو موضوع العفشه؟؟؟

[Karim Ibiza]

لا حول ولا قوة الا بالله
انا عندى كام استفسار:
طالما حضرتك جبت طابلوه كامل بعلبة الفيوز والضفيرة والعدادت يبقى ايه اللى خلاه مش عارف يركبه؟؟؟
ليه تغير مقصات لما ممكن تجيب الكبالن بتاعت عربيتك؟؟؟ لأن من الواضح ان الكبالن دى بتاعت بولو وعشان كده هى أقصر
بلاش موضوع الخراطة فى حاجات العفشة لأنها غلط
بلاش تجيب مقصات وهات كبالن ابيزا عادية
طالما انت جايب طابلوه كامل ومش هتركبه يبقى تقدر تبدل العدادات بتاعته من عند الراجل بعدادات ابيزا

احنا نصحناك فى الاول انك تعمل العربية فى القاهرة ومكنتش هتصرف المصاريف دى كلها

عموما قدر الله وما شاء فعل
الحمد لله

[mido_more]

والله عندك حق غلطتى فعلا انى معملتهاش فى القاهره..كان زمان وفرت كتير ..بس الحمد لله اهو الواحد بيتعلم ..وكان واضح اوى ان الكهربائى ده انا اتخميت فيه ..وشكلو كان بيتعلم على العربيه الشغل الجامد ده...انا ناوى قريب اروح لكهربائى متخصص يكشف على الضفيره من اولها لاخرها ,,وبالنسبهه لموضوع العداد اول ما انزل بورسعيد ان شاء الله هجيبه ..لانه مكنش موجود عند الراجل فى الوقت ده ...

[hossamalsadik]

الحمد لله على كل شيىء
أخطر حاجه فى عربيتنا الكهرباء لانها مليانه حساسات الميكانيكه مقدور عليها كبلن بتاع ابيزا ويبقى تمام
الميكانيكه ممكن تلاقى حد محترف اما الكهرباء فده قليل / وكل ماتعلى بالموديل كل مكان ايجاد كهربائى محترف اقل
فياريت تدور على حد كويس متخصص هيريحك فعلا