غيرت الفتيس وحنقل تجربتى $$$$$$$$$

[warfighter2114]

السلام عليكم

من فتره دار نقاش على صوت ونه ووره رهيبه وبتزيد مع الغيارات العاليه المهم كان النقاش داير على ان بلى العجل فيه مشكله بس الميكانيكى اكدلى ان الفتيس زى الزفت المهم توكلت على الله ولفيت صلاح الدين والفراهده وعند عدس فى الاسكندريه لغايه لما لقيت واحد كويس من وجهه نظر الميكانيكى
ما هى مقايس اختيار الجير بوكس
1- الفارغه الالمونيوم outer aluminium casing يكون مفهوش تكسير او اى شى متنى او معوج زى ماسوره تغير السرعات(ودى ماسوره قصيره خارجه من اسفل الفتيس لانى لقيت جزء كبير منها متنى وجزء مبيطلعش او يدخل لجوه وده معناه ان الغيارات حتبقى زى الزفت وبتعض

2- صاموله عداد الكيلو لقيت معظمها متنى وسن بتاعه بايظ ومبوظ السن الداخلى الى فى الفتيس كانه داخل دق وده معناه ان عداد الكيلو مش حيشتغل ومكانها فوف وممكن نزود منها زيت

3- المكان الى بيبات فيه ترس الفلام لازم يكون نظيف ومفهوش كسر لانى لقيت فى بعض الحالات ماسوره الفرش الى بيبات فيها بلى الديسك بيلق وجايبه زيت لازم يكون ثابت فى مكانه لان الاكس ده بيلف عليه تروس الكورونا من الداخل وده معناه خروج الزيت وفتيس بايظ

5- الترس الى بيتربط فيه الكوبلن بخمس مسامير الين 5 لازم يكون حالته كويسه لانى لقيت الترس ده بيدقر لما بلفه بأيدى ولازم يكون جامد وانت بتلفه مش بيلف بسهوله

5- لما تتأكد ان كل الى فات تمام قول بسم الله الرحمن الرحيم وتعالى عند ماسوره الفرش ولفها لو سمعت صوت وره او ونه يبقى سيبه لو حسيت ان صوته ناعم يبقى اتكل على الله
لانى كنا لما بنلف فى بعض الحالات بنسمع دقره او عضه



الحمد لله ربنا وفقنى ولقيت جير حالته كويسه وركبته وغيرت بلى العجل الخلفى(skf( ومستر الفرامل فى العجل الخلفى مايلى
الفتيس ب 450 جنيه الحمد لله رب العالميين

حبيت انقل الى شوفته عشان تستفيدوا وحصور كل الى فات وحنزل الصور للفتيس القديم

[hossamalsadik]

مبرووووك الفتيس الجديد
ونقل ياباشا منتظريين

[SYD]

شكراً لنقل التجربة
والف مبروك عليك الفتيس الجديد

[ehab_mansour]

الف مبروك تغيير الفتيس و حل مشاكلك
و شكرا لك علي نقل معلومات كيفية اختيار فتيس جديد اللي انا استفدت منها كثيرا و نتمني من الجميع انه دائما يفيدنا باي شيء حصل معاه حتي نكمل معلومات بعضنا البعض و تزيد خبراتنا و كله لله و بفضل الله

[egman]

مبروك يا باشا الفتيس ربنا يباركلك فيه ومتشكر جدا لنقل تجربتك المفيدة فعلا فى اختيار الفتيس .

[mahmoud ghanem]

مبروك التغير .. ومعلومات تستحق التقدير

تسلم ايدك على نقل التجربة القيمة

[matrix012]

الف مبروك يا باشا
هيا تقريبا العدوى اشتغلت انا اول واحد غير الفتيس :d
استرها معانا يا رب

[warfighter2114]

انا تحت امر حضراتكم

[mr_shims_49]

الف مبروك علي الفتيس الجديد و بجد معلومات مهمة جدا جدا عن اختبار الفتيس

[S O P H O S]

مبروك الاصلاح ..

[bogyman123]

مبروك ياباشا
انا مش بفضل انزل صلاح الدين لان اعلى اسعار بسمعها منهم معرفش لية؟

[warfighter2114]

والله سعر انت الى بتحدده بشطارتك وشطاره الميكيانيكى الى معاك بس فى نقطه كل حاجه بقت غاليه وسعر فتيس من 450 جنيه الى 500 جنيه مش سعر ده اقل من سعر اسطوانه وديسك والبليه بتاعتهم