هزه غريبه فى الدريكسيون

[warfighter2114]

السلام عليكم
انا عربيتى قرطبه 1994 مركب لها عفشه كونى سبورت والحمد لله العفشه كويسه بأراء العفشجيه وبتاع الزوايا بس بلاحظ حاجه غريبه

وانا ماشى على ارض فيها عالى وواطى بحس :-

1- بهزه نسبيه فى الدريكسيون مكنتش بحس بيها قبل كده !!!!!!!!!!!!!!

2- الدريكسيون بيروح وبيجى مش ثابت !!!!!!!!!!!!!!!!!!!!!

3- حاله الكوتش والجنوط ممكن يكون عليها عامل (الجنوط سيئه) !!!!!!!!!!!!!!

4- هل الترصيص ممكن يعمل الهزه ديه!!!!!!!!!!!!!!!!!!

[Land_Cruiser]

اعتقد الترصيص هو اللي يعمل الرجه خاصه علي السرعات و طبعا لو الجنوط تعبانه هتزود الإحساس بالمشكله

[SYD]

كشفت علي جلب المقصات ؟
الدريكسيون لو فيه رعشة علي البطئ يبقي حالة كاوتش
الدريكسيون لو فيه رعشة علي السريع يبقي حالة جنوط وعايزة ترصيص

والله المستعان
،
،

[hossamalsadik]

المفروض لما تيجى تظبط زوايه تعرف من المركز كل الظبط الى المفروض تظبطه
يعنى لو فيه جلب يقلك غيرها
ولو جنوط يعلجهالك بالترصيص
وهاكذا ومتمشيش غير كله تمام
لو كنت فى القاهره كنت وصفتلك مركز ضبط محترم


بالتوفيق
تحياتى

[Mstfun]

بص يا باشا هو انا كان عندي لما بجري جامد واجي ادوس فرامل... بحس بهزه ف الدريكسيون ف ايدي...

المهم عملت 3 حجات ف يوم واحد وراحت الهزه دي بناء على نصايح اهل الخبره....

غيرت تيل فرامل امامي ورصصت وعملت رينجات للجنوط

بس مش قادر احدد للاسف ايه كان سبب الهزه لاني عملت كل دا ف يوم واحد

[warfighter2114]

بص يا باشا هو انا كان عندي لما بجري جامد واجي ادوس فرامل... بحس بهزه ف الدريكسيون ف ايدي...

المهم عملت 3 حجات ف يوم واحد وراحت الهزه دي بناء على نصايح اهل الخبره....

غيرت تيل فرامل امامي ورصصت وعملت رينجات للجنوط

بس مش قادر احدد للاسف ايه كان سبب الهزه لاني عملت كل دا ف يوم واحد

شكرا اخى Mstfun بس يعنى ايه رينجات للجنوط وبتركب فين وايه وظيفتها

[Mstfun]

بس يعنى ايه رينجات للجنوط وبتركب فين وايه وظيفتها

دي عباره عن حلقات كده بتتعمل من ماده التفلو وهي بلاستيك مقوي جدا

ودي بتتحط على الصره اللي ف طنبور الفرامل وصره الجنط بتركب فيها

وظيفتها انها تمنع اي دندره او رعشه ف العربيه وتمنع الجنوط انها تترج مع السرعات العاليه

[warfighter2114]

دي عباره عن حلقات كده بتتعمل من ماده التفلو وهي بلاستيك مقوي جدا

ودي بتتحط على الصره اللي ف طنبور الفرامل وصره الجنط بتركب فيها

وظيفتها انها تمنع اي دندره او رعشه ف العربيه وتمنع الجنوط انها تترج مع السرعات العاليه

الله ينور بس بتبقي متوفره فين!!!!!!!

[Mstfun]

الله ينور بس بتبقي متوفره فين!!!!!!!

ناس قالتلي عند محلات الجنوط الكبيره...

بس انا عملتهم عند الخراط عشان يعملهالي بالمللي واضمن انها ترشق ف صره الطنبور

وكلفوني الاربعه 80 جنيه

[Karim Ibiza]

الرينجات دى للجنوط الاسبور اللى الصرة بتاعتها مختلفة عن صرة الطانبور
لو مركب جنط الفبريكة الحديد او جنط اسبور نازل لعربيتك يبقى مش هتحتاج رينجات
الجنوط بتاعتى الـ 16 راكبة من غير رينجات لأنها بتاعت العربية
عموما هتلاقيها بتتباع عند صادق بتاع الكاوتش فى محمد نجيب

[warfighter2114]

[QUOTE=Karim Ibiza;3874983667]الرينجات دى للجنوط الاسبور اللى الصرة بتاعتها مختلفة عن صرة الطانبور
لو مركب جنط الفبريكة الحديد او جنط اسبور نازل لعربيتك يبقى مش هتحتاج رينجات
الجنوط بتاعتى الـ 16 راكبة من غير رينجات لأنها بتاعت العربية
عموما هتلاقيها بتتباع عند صادق بتاع الكاوتش فى محمد نجيب

الف شكر باشمهندس كريم وهل ترشحلى واحد بيبيع جنوط يكون محترم وعنده ضمير عندنا فى الاسكندريه

[warfighter2114]

الرينجات دى للجنوط الاسبور اللى الصرة بتاعتها مختلفة عن صرة الطانبور
لو مركب جنط الفبريكة الحديد او جنط اسبور نازل لعربيتك يبقى مش هتحتاج رينجات
الجنوط بتاعتى الـ 16 راكبة من غير رينجات لأنها بتاعت العربية
عموما هتلاقيها بتتباع عند صادق بتاع الكاوتش فى محمد نجيب

الف شكر باشمهندس كريم هل ترشحلى واحد بيبيع جنوط ويكون عنده ضمير وممكن الاقى عنده جنوط bbs وانا حكتب كل المواصفات الى على الجنط والكاوتش واقولك هل مناسبه عندى ولا لأ

[Karim Ibiza]

الف شكر باشمهندس كريم هل ترشحلى واحد بيبيع جنوط ويكون عنده ضمير وممكن الاقى عنده جنوط bbs وانا حكتب كل المواصفات الى على الجنط والكاوتش واقولك هل مناسبه عندى ولا لأ

المشكلة ان الجنط الـ BBS مش هتلاقيه هنا جديد
هتجيبه استعمال من عند بتوع الكماليات زى Tuning Zone فى ش العيسوى و Pro Tuner فى ش جمال الدين الغتورى فى سموحة و Mines فى ش 45
والجنط نفسه مش رخيص وبيبدأ من 3000 الى ما شاء الله
واحد صاحبى معاه طقم وعايز يبيعه بـ 10,000 بس ده مقاس 18

عموما الماركات التانية من الجنوط الجديدة هاتها من عند صادق فى ش محمد نجيب انا كنت جايب منه طقم للادا من حوالى 6 سنين وكان طقم تركى وكان حاجة نضيفة وممكن يشترى منك القديم
وفيه كمان اللى جامد قوى فى كليوباترا ش بورسعيد اسمه GNN الراجل اللى هناك اسمه أحمد هتلاقيه أصلع كده وقصير ومفيش جنط معداش عليه وفاهم كويس قوى فى الانواع والمقاسات وانصحك بيه

بالتوفيق ان شاء الله