مساعده في شراء Ibiza 94

[AmirCode]

السلام عليكم
يا جماعه انا قررت بعد عزاب انى اجيب سيت ابيزا

و اتفرجت على اكتر من 30 عربيه
وفى الاخر لقيت واحده تمام احسن حال من الاى انا شفتهم كلهم فانا هقولكوا المواصفات وارجو الافائده لانى هشتريها النهرده ان شاء الله

العربيه Seat Ibiza 1994
متور جولف 1600 سى سى مثبوت بالرخصه
تكيف تلاجه
العربيه ماشيه 375 الف كيلوا بس تقريبا ماشيه كتير قبل ما يغير المتور
حاله المتور جيده و الحمد لله
الفرش بحاله جيده
فبريكا جو
رشه بره بس فيه حتتين الدهان بتعهم طق طق حته فى السقف و حته فى الباب بتاع القياده
جنوط اسبور 14
ديفيل
كاست كينود و 4 سمعات كينود و شاشه عرض
المشكله الاى انا شفتها لما الراجل شغل التكيف كان تمام وهو على المروحه
اول مداس على الزرار بتاع الفريون عمل صوت صفاره قويه جدا وهو راح بص على السير و قلى السير ده عايز تقريبا يتشد
ونزلتها معاه من 33 الف لحد 30 الف جنيه بعد عزاب
رخصه 9 شهور لحد شهر 2 القادم
وحده مرور القوات المسلحه و هو معاه توكيل من صاحبها

السعر النهائى 30.0000 جنيه

ملحوظه عايز اعرف ايه مشكله التكيف ديه وهل السعر مناسب على وصف العربيه ولا لا

مستنى ردودكوا وجزاكم الله خير

[ahmedalaahosny]

متابع انا برده كنت بفكر ف ابيزا 94 ومبروك عليك يابرنس

[Karim Ibiza]

اهلا بيك فى قسم سيات

مبدأيا الكلام ده جميل بس لسه فاضل حاجتين
1- لازم تكشف كمبيوتر عشان تتأكد ان الموتور حساساته سليمة وانه راكب صح عشان ميقرفكش بعد كده وتضطر تشيله وتجيب واحد تانى
2- سمكرى او بتاع دوكو لازم يبص عليها عشان الدواخل والقوايم والعتب

السعر مش قليل ومش كتير بس خلى بالك من النواقص زى أكرة باب - هوايات طابلوه - فرش ابواب - مرايات
لأن الحاجات دى بتصرف معاك

موضوع التكييف فى الغالب هيكون السير فعلا عايز يتشد لأن مفيش حاجة تانية ممكن تعمل الصوت ده والاحسن برضه انك تروح عند بتاع تكييف يكشفلك عليها

وبالتوفيق ان شاء الله

[AmirCode]

اهلا بيك فى قسم سيات

مبدأيا الكلام ده جميل بس لسه فاضل حاجتين
............................

وبالتوفيق ان شاء الله

شكرا جدا جدا على الافائده

الراجل بيقولى بخصوص انى اكشف على المتور بيقولى انه ظاهر دفعه او حاجه زى قوده دفعه 82 %

اما بخصوص السمكرى و بتاع الدوكوا علشان الاعتاب و القواوايم انا شفتها كويس هى مرشتش جو انا متاكد بنفسى 100%

وفعلا هو فيه مخرج واحد من مخارج التكيف مش موكود يعنى تقريبا الوش الاى بيركب الاى فيه ريش ده مش موجود هل هو غالى اوى كده ؟

[Karim Ibiza]

شكرا جدا جدا على الافائده

الراجل بيقولى بخصوص انى اكشف على المتور بيقولى انه ظاهر دفعه او حاجه زى قوده دفعه 82 %

اما بخصوص السمكرى و بتاع الدوكوا علشان الاعتاب و القواوايم انا شفتها كويس هى مرشتش جو انا متاكد بنفسى 100%

وفعلا هو فيه مخرج واحد من مخارج التكيف مش موكود يعنى تقريبا الوش الاى بيركب الاى فيه ريش ده مش موجود هل هو غالى اوى كده ؟

انا مش قصدى على كبس الموتور
انا قصدى على الحساسات والكونترول

الهواية مش غالية تقريبا بـ50 جنيه بس قصدى ان النواقص دى بتلاقيها بتصرف معاك
يعنى مثلا لو الفريم البلاستيك اللى فى نص الطابلوه مكسور وحبيت تشتريه هتبص هتلاقى نفسك قربت من ثمن الطابلوه كامل لأنه بتوع الاستيراد فاهمين كويس قوى ان دى حتة بتكون مكسورة فى اغلب العربيات ولو باعها لوحدها يبقى كده لبس باقى الطابلوه فبالتالى بيخليلك سعرها قريب من سعر الطابلوه كامل
ونفس الكلام على عاكس باب الشنطة

[SYD]

السلام عليكم

وعليكم السلام ورحمة الله وبركاته

يا جماعه انا قررت بعد عزاب انى اجيب سيت ابيزا

في البداية أحب أرحب بيك في قسم سيات نايل موتورز

و اتفرجت على اكتر من 30 عربيه
وفى الاخر لقيت واحده تمام احسن حال من الاى انا شفتهم كلهم فانا هقولكوا المواصفات وارجو الافائده لانى هشتريها النهرده ان شاء الله

العربيه Seat Ibiza 1994
متور جولف 1600 سى سى مثبوت بالرخصه

اهم حاجة عرفت الموتور انجيكشن ولا كارب

تكيف تلاجه
العربيه ماشيه 375 الف كيلوا بس تقريبا ماشيه كتير قبل ما يغير المتور
حاله المتور جيده و الحمد لله
الفرش بحاله جيده
فبريكا جو
رشه بره بس فيه حتتين الدهان بتعهم طق طق حته فى السقف و حته فى الباب بتاع القياده
جنوط اسبور 14
ديفيل
كاست كينود و 4 سمعات كينود و شاشه عرض

كل دي حاجات مالهاش علاقة بثمن العربية - ولو عرض عليك يشيلهم مقابل خصم مبلغ it's ok

المشكله الاى انا شفتها لما الراجل شغل التكيف كان تمام وهو على المروحه
اول مداس على الزرار بتاع الفريون عمل صوت صفاره قويه جدا وهو راح بص على السير و قلى السير ده عايز تقريبا يتشد

ممكن سير
ممكن بلية الكباس
ممكن بلية شداد الدينمو
ممكن بلية الدينمو
حتي لو التكييف علي سير لوحده - بردو حمل الكباس علي الدينمو ممكن يخلي الدينمو يصفر لو في مشكلة في بلية الدينمو
وعموماً دي مش big deal
امرها سهل

ونزلتها معاه من 33 الف لحد 30 الف جنيه بعد عزاب
رخصه 9 شهور لحد شهر 2 القادم
وحده مرور القوات المسلحه و هو معاه توكيل من صاحبها

يبقي تاجر
اهم حاجة التسجيل ونقل الملكية
ماتدفعش ولا مليم غير لما تبقي العربية بأسمك

السعر النهائى 30.0000 جنيه

ملحوظه عايز اعرف ايه مشكله التكيف ديه وهل السعر مناسب على وصف العربيه ولا لا

مستنى ردودكوا وجزاكم الله خير

ربنا يوفقك فيها ان شاء الله
العربيات دي اهم حاجة فيها الحالة
اسهل حاجة فيها الموتور
أقصد : حالة العربية كدواخل واساسيات وصالون اهم من الموتور والبوية
سعر 30 كويس لو مافيهاش مصروف - يعني تاخدها تركبها
يعني لو العجل مش حلو اخصم
البطارية اخصم
حالة الموتور اخصم
حالة البوية اخصم
حالة الفرش والتابلوه اخصم
اوعي تصدق لما يقولك كذا يتعمل بكذا

انا أكدت علي انه تاجر - عشان اقولك ان مصاريف عربية من تاجر - تختلف عن مصاريف عربية من صاحبها
انت كدة لازم هتعمل كل كل سيرفيسها من a to z
سيرفيسها مش غالي وبردو مش رخيص
لكن انت لازم تتدقق معاه في كل كبيرة وصغيرة

ربنا يوفقك ولو عندك اي اسئلة احنا معاك النهاردة طول اليوم ان شاء الله
اهلا بيك مرة تانية

والله المستعان
،
،

[windofchange]

انت حابب الايبيزا كحجم اصل ممكن تدفع زيادة شويه وتجيب اختها الكوردوبا اكبر واوسع مع العلم ان الايبيزا تعتبر عربية super mini مش صغيرة يعني والوسع الداخلي بتاعها حلو مش صغيرة ..

[nesr6060]

انا شايف سعرها روعه انا جايب بتاعتى 94 فاضيه من غير تكيف ولا باور ب 31 الف
وكانت 1300 سىسى بس كانت معاقين وحالتها حلوه
انا راى اكشف عليها عند سمكرى ولو طلعت سليمه متستناش العربيه معتقدشى هتلاقيها بالسعر ده تانى

[AmirCode]

شكرا جدا جدا جدا على ارائكوا الصائبه يا جماعه و فعلا استفدت كتير جدا من كلامكوا ده و ربنا يقدم الاى فيه الخير انا هخدها تقريبا النهرده باليل و ربنا يكرم ان شاء الله

[bogyman123]

مبروك مقدما ياباشا ربنا يديك خيرها ويكفيك شرها

[أحمد عبدالله]

مبارك