عايز رايكم فى ترصيص العجل

[egman]

السلام عليكم ورحمة الله وبركاته

بقولكم يا رجالة القسم انا عايز رايكم فى حاجة لما اجى ارصص الكاوتش عندى هل ارصص الكاوتش والرنجات راكبه فيه ولا لازم اشيل الرنجات واركبها بعد ما ارصص العجل ؟

دمتم فى امان الله يا شباب .

[Karim Ibiza]

عامل ايه يا حج حسين

سؤال لولبى واجابتى فيه مش هكون متأكد منها 100% لأنى مركبتش رينجات قبل كده

بس منطقيا المفروض ترصص والرينجات راكبة عشان يبقى الترصيص واقعى

[SYD]

حسين باشا
مش انت قصدك الرينجات اللي بتخرج الجنط لبرة شوية ؟؟؟ ولا تقصد ايه بالرينجات ؟؟

[Karim Ibiza]

حسين باشا
مش انت قصدك الرينجات اللي بتخرج الجنط لبرة شوية ؟؟؟ ولا تقصد ايه بالرينجات ؟؟

لا يا ريس
الرينجات دى اللى بتبقى فى قلب صرة الجنط عشان تبات حوالين صرة الطنبور

التانية دى اسمها فلنشة او Spacer

[soledad]

لا يا ريس
الرينجات دى اللى بتبقى فى قلب صرة الجنط عشان تبات حوالين صرة الطنبور

التانية دى اسمها فلنشة او spacer

انت كنت معترض على موضوع الرينجات دا يا كريم السوال بقى اركب رينجات ولا مالهاش لازمه

[Karim Ibiza]

انت كنت معترض على موضوع الرينجات دا يا كريم السوال بقى اركب رينجات ولا مالهاش لازمه

انا اعتراضي أني اركب حاجة مش بتاعة العربية
الرينجات دي بتركب عشان تظبط صرة الجنط الاسبور مع صرة الطنبور
يعني معني كده أن الجنط مش بتاعها وعشان اخليه بتاعها يبقي لازم الرينجات

انا مركب جنطي مقاس 16 بدون أي إضافات وده لانه بتاعها
انا محتاج بس اطلع الفردتين اللي ورا بره شوية عشان يبقوا علي نفس خط العجلتين اللي قدام وبيخلي العربية شكلها عريض من ورا

[egman]

عامل ايه يا حج حسين

سؤال لولبى واجابتى فيه مش هكون متأكد منها 100% لأنى مركبتش رينجات قبل كده

بس منطقيا المفروض ترصص والرينجات راكبة عشان يبقى الترصيص واقعى

الحمد لله والله يا كيمو كله تمام .

انا كنت بقول لنفسي زي ما انت بتقول كده بالضبط وكنت عايز اخد رايكم فى الموضوع ده لانى اول مرة اركب رنجات وهى بالفعل فرقت معايا جدا لكنى دلوقتى محتاج ارصص .

[egman]

حسين باشا
مش انت قصدك الرينجات اللي بتخرج الجنط لبرة شوية ؟؟؟ ولا تقصد ايه بالرينجات ؟؟

صباح الفل يا ابو السييد

الرنجات الى اقصدها هى الى بتتشحط فى الفرغة بتاعه الجنط نفسه ، هى ده الى انا مركبها .

[egman]

شباب انا عايزكم تعذورنى لانى ردى بيكون تانى يوم من الموضوع مش فى نفس اليوم لان الانترنت فى البيت مقطوع وده بسبب ان كابلات التليفونات الارضيه مسروقة وربنا يسهل وينجزوا فى الموضوع ده لانه حاجة ممله جدا جدا ، علشان كده انا برد تانى يوم الصبح لما بروح الشغل ....

[hossamalsadik]

أزيك ياحسين باشا
والله انا لسى شايف الموضوع بتاعك دلوقتى منا زيك بردو النت عندى بايظ وداخل من USB modem وبطيىء وحاجه ممله جدا اا ده كان سرعتى الاول 8mb متخيل
رصص وكل حاجه ركبا
لو عاوز حد ممتاز للموضوع ده أتصل بيا وهقلك عليه وقريب منك مش بعيد

فى حفظ لله بالتوفيق أن شاء الله