يا جدعان عاوز حد يقولى السير ده مقاسه ايه ولا اشتريه منين

[nesr6060]

انا معايا عربيه سيات ابيزا 94 كربراتير والسير بتاعى مفهوش بليه شداد ولما نزلت اشوفه لاقيت مكنتوب عليه
صنع فى كوريا وعليه الرموز دى
9.5*700 spzx * 27.5

ودى صور السير










مستنى الرد ضروررى يا رجاله

[Karim Ibiza]

الرقم اللي انت كاتبه هو ده مقاسه طول x عرض x ارتفاع

هتروح لبتاع قطع غيار فولكس وقوله عايز سير دينامو ابيزا 94 موتور 1300
هيقولك فيها تكييف أو باور؟
قوله لأ مفهاش

[dr.hazem]

السير ده سير الدينامو مبيبقاش بشداد
ومقاسه 700 في 9ونص
هتجيبه من اي حد
الكوري مش هيعدي سعره 15 جنيه...
ونصيحتي تفكه وتجيب نفس المقاس وتركب...


تحياتي

[nesr6060]

شكراا يعنى السير كقاسه 700 فى 9.5
طيب معلشى هو بيفرق ايه لو فى باور او تكيف ايه اللى هيفرق يعنى علشان السير يتغير
وبعدين هو فى سير تانى يخلى الدينمو اشد ويطلع كهربا والعربيه على السيلانسيه علشان الدينمو بتاععى مبيشحنشى على السيلانسه
ويارت لو حد يقولى افكه ازاى

[Karim Ibiza]

لو عربيتك باور او تكييف يبقى السير هيبقى اطول

مفيش سير بيزود شحن الدينامو

بس فيه سير الخامة بتاعته كويسة وعمره طويل وفيه سير بيقطع بسرعة

اشترى الحاجة النضيفة ولو انى شايف انك مش محتاج تشترى واحد لأن اللى عندك سليم

[dr.hazem]

بس السير ممكن يتشد من صامولة مجرى الدينامو...
تحياتي

Sent from my LT18i using Forum Runner

[bogyman123]

انت بتسمع صفارة مثلا مع الدوارة او على السلانسية

[nesr6060]

اصل المشكله اللى عندى ان العربيه على السلانسيه مبتشحنشى غير لما ازود بنزين وكل شويه البطاريه تنام
لما روحت للكهربائى قالى السير سليم وكل حاجه سليمه ومفيش حاجه بس برده الدينمو مبيشحنشى مش عارف ليه
سالت فى المنتدى قالولى سير نزلت اشوف وادور العربيه ولما دورتها دوست بنزين وانا بدوس بنزين سمعت صوت صفاره لمده حوالى 5 ثوانى وراحت ومش عارف هى منين يالظبط فقول اجى اسالكوا
طيب انا عاوز اعرف ازاى اعرف ان كان السير سليم ولا لا

[SYD]

مفيش حاجة اسمها سير بتاع ابيزا او غيرها
السير بالمقاس وعدد المجر (جمع مجري) فيه
ممكن بيصفر عشان عايز يتشد شوية (هتلاقي قاعدة الدينامو فيها الرجلاش بتاعه)
تغيير السيور يعتبر سيرفيس - عملته قبل معاده لا ضرر

تحياتي

[nesr6060]

شكرااا على المتابعه افهم من كلامكم ان االسير سليم زى ما الراجل قااال
امال الدينمو ليه مبيشحنشى غغير لما بدوس بنزين بس والعربيه فى الاول بحس ان سحبها ضعييففف جدااااااااا بسبب ان بحس ان كهربتها بتضعف جدااااا وعاوزه تفصل
كدا يبقى مفيش قدامى غير انى ارجع للكهربائى واقوله يعملى اللمبه ويشد السير ويارب تتعدل يارب وبالمره هقوله يعملى الولاعه ويبصلى على البوجيهات علشان انا مش عارف اوصلها
ادعولى يا رجاله العربيه تتعدل

[nesr6060]

انا روحت عملت اللمبه خلاص ب 30 جنيه والدينمو اشتغل يشحن لوحده الحمد الله

والراجل فكلى السير بتاع الدينمو لاقيته متاكل فيه حتت روحت ادور علي عندنا ملاقتهوش هو السير رقم 700*9.5

وهنزل التوفقيه اهو ادور عليه بس الحمد الله العربيه رجعت تشحن لوحدهاااا كل ده كان سببه اللمبه بتخلى الدينمو ميشحنشى لو اللمبه مش شغاله

[dr.hazem]

انا روحت عملت اللمبه خلاص ب 30 جنيه والدينمو اشتغل يشحن لوحده الحمد الله

والراجل فكلى السير بتاع الدينمو لاقيته متاكل فيه حتت روحت ادور علي عندنا ملاقتهوش هو السير رقم 700*9.5

وهنزل التوفقيه اهو ادور عليه بس الحمد الله العربيه رجعت تشحن لوحدهاااا كل ده كان سببه اللمبه بتخلى الدينمو ميشحنشى لو اللمبه مش شغاله

في حاجة غلط....
لمبة ايه اللي متخليض الدينامو يشحن؟!
مستحيل ده العيب ياغالي مينفعش...
في حاجة تانية هي المشكلة واتحلت وانت مش واخد بالك انما اللي بتحكيه ده مش صح نهائي....
تحياتي

Sent from my LT18i using Forum Runner

[nesr6060]

في حاجة غلط....
لمبة ايه اللي متخليض الدينامو يشحن؟!
مستحيل ده العيب ياغالي مينفعش...
في حاجة تانية هي المشكلة واتحلت وانت مش واخد بالك انما اللي بتحكيه ده مش صح نهائي....
تحياتي

sent from my lt18i using forum runner

معرفشى بقى بس اللمبه اشتغلت والربيه بقت بتشحن اول ما ادور عادى هو كل اللى عمله فك التابلو وشال العدادا وركب لمبه جديده
وبعدها جه ورا الموتور من تحت وبوصل سلكتين ببعض علشان اللمبه تشتغل واشتغلت وبقى كل حاجه كويسه الحمد الله
بس دلوقتى بقى فاضل حوار السير عاوزز انزل اجيبه