سيات ابيزا 2002

[hassanhassan56]

السلام عليكم
بصوا يا جماعة انا معروض عليا ابيزا2002 ب 46 الف ماشية 140 الف فبريكا برة وجوا 1000 سى سى بس الفرش بتاع الابواب و الصالون تعبان شوية و فيها اوكرة باب مكسورة و اوكرة مكان تخزين الصالون مكسورة بس لسه فيها جنوط و كاوتشات جديدة, هل السعر ده كويس عليها؟ يا ترى ممكن اكشف عليها فين عشان اطمن ؟ يا ريت لو مكان قريب من تريومف مصر الجديدةز برجاء سرعة الرد

[Karim Ibiza]

اهلا بيك فى قسم سيات

مبدأيا السعر عالى حتى لو مفيهاش حاجة ناقصة
العربية دى لو مفيهاش الهوا ومكيفة وباور وزجاج كهرباء وسنتر هيكون اخرها 43

[hassanhassan56]

هى فيها كل حاجة مكيفة و باور و سنتر و زجاج كهرباء , طب حضرتك تعرف حد عايز يبيع عربيته؟

[SYD]

في البداية أحب أرحب بيك في قسم سيات نايل موتورز
هي فعلا السعر عالي شوية - لو دي اول كلمة - وتقتدر تنزلها لحد مثلا 44 او 43 يبقي تمام اوي
انا معاك انها ممكن كمان توصل ل50 - بس دة في الحالات الشاذة
الحالة اهم حاجة وهي اللي هتحدد السعر

وموضوع فبريكة في عربية 2002 مش ميزة اوي - الا لو كانت سليمة ومش مخبطة
ماهو ممكن تكون مخبطة من كل حتة والأسم فبريكة - وتاني يوم ما تشتريها تبقي عايز ترشها - يبقي انت دفعت ثمن اوبشن مش هتستفاد بيه
فلو اللي مغليها انها فبريكة برة - يبقي حالة الدهان هو الفيصل
لأنها بردو عاملة كم كتير (100+)

ولو عايز تكشف عليها
شارع ال40 خلف حديقة بدر - جسر السويس
في هناك ناس كتير اوي شغالة في الفولكس - بس بصراحة مش فاكر اسمائهم

واعتقد في ميكانيكية في صلاح الدين بتوع فولكس - ومش عارف في فـ شارع دمشق ولا لاء

اهم حاجة الحالة
حالة البوية (لو غالية عشان فبريكة)
حالة الموتور (لأنها معدية ال100)
حالة الفرش (لأنك هتدفع كتير عشان تظبط فرش الأبواب والصالون)
حالة الكهرباء والحساسات والضفيرة

تحياتي

[hassanhassan56]

شكرا للردود و المعلومات المفيدة

[kyrillos]

نصيحة شخصية وبدون ما حد يزعل منى
بلاش ال 1000 سى سى, قليل قوى قوى ال 60 حصان, لو ركب معاك 3 فى العربية بتبقى بطة
ده غير التكييف طبعا
الميزه الوحيده للحوار ده انه الماتور الفبريكه, والعربيه ماتلعبش فيها لسه, وانه موفر جدا فى البنزين

والسعر مبالغ فيه فعلا, يعنى هى فعلا لو 100 100 وموديل 2002 1000 سى سى تعمل 42 - 44 ألف
وانت لسه هاتصلح وبتاع
أكشف عليها ورا حديقة بدر, وربنا يكرمك

[MEAMY1980]

الحمد لله انا اشتريت ابيزا 2002 16v cc 1400 من اسبوع بمبلغ 40 الف حالة الموتور ماشاء الله وهو احسن ما فى العربية التكيف لما يشتغل بيرج التابلوه وضعيف وعايزة تظبيط السنتر وفرش الابواب عايز تظبيط وعايزة اربع فرد كاوتش جديد مع العلم بها جنوط اسبور مقاس 15 ومؤشر البنزين بيهيس ورشه حزام والزجاج الامامى به شروخ ارجو الافادة فى السعر وعيب التكيف المذكور واسف على الاطالة

[hossamalsadik]

السعر عالى
ممكن تخلصها 43
وتظبط الفرش 1000
اما أكره درج التبلوه فكنت سمعت أنها موجوده 90 عند محلات فتح الباب
وأكرة الباب أما تجبها جديده ب45ج من فتح الباب او المحل الى جنبه اسمه البطل أو تخلع الأكره الى فى نفس اتجاه الباب سواء ورا أو قدام وتصبها فى أى مسبك ألمونيوم وتنكلها كمان ب20ج وهتبقى نفس شكل الأصليه وامتن كمان وأستحاله تتكسر تانى لأن الأصليه بلستيك متنكل