متوسط سعر ابيزا 94

[ayach4]

السلام عليكم ورحمة الله

انا انشأالله ناوي اجيب ابيزا 94 وكنت عايز اعرف سعرها كام دلوقتي
يعني لو فاضية بس نضيفة
ولو فيها تكييف

[Karim Ibiza]

اهلا بيك فى قسم سيات
طبعا حسب الحالة
بس عموما لو فاضية بتتكلم من 27 الى 29

[ayach4]

اهلا بيك فى قسم سيات
طبعا حسب الحالة
بس عموما لو فاضية بتتكلم من 27 الى 29

شكرا ليك
انا كنت عايز اعرف اجبها ولا هتتعبني مصارفها سعني قطع الغيار وكدة

[Karim Ibiza]

شكرا ليك
انا كنت عايز اعرف اجبها ولا هتتعبني مصارفها سعني قطع الغيار وكدة

اهم حاجة تكون عربية سليمة ومفيهاش نواقص ومفيهاش اختراعات لأنك ممكن تصرف كتير عشان ترجعها لأصلها تانى
وطالما عربية سليمة ومش ملعوب فيها يبقى ان شاء الله مش هتتعبك وده حال كل العربيات

بالنسبة لقطع الغيار ده موضوع نسبى بيختلف من واحد للتانى وحسب انت بتقارن مع مين
بس شوف الموضوع ده فيه شوية حاجات تعتبر من المستهلكات

http://www.nilemotors.net/Nile/341028-a.html

واى استفسار احنا تحت امرك

[hossamalsadik]

أهلا بيك معانا فى قسم السيات
ان شاء الله لما تجيب الأبيزا هتحبها جداا
أحنا هنا فى القسم فصصناها والناس هنا عرفت فيها كل حاجه
عربيه اعتماديه جدا جدا قطع الغيار مش رخيصه أوى ومش غاليه ومتوفره جديد وأستيراد
يعنى لما بتشترى قطعة الغيار بتعيش معاك بالمقارنه بمثيلتها فى الأنواع الأخرى خاصة لو اصليه
بتركبها وتنساها وكان معيا ابيزا 94 كسر زيرو وكانت تحفه الزيرو زيرو برده
أهم حاجه تجيب عربيه زى ما الأخ كريم ماقلك مش ملعوب فيها كلما أقتربت من الفبيركه كان أفضل
السعر من 30 ل34 حسب الحاله لو نضيفه ومكيفه وكماليات وكله
ولو بتفكر تجيب 2000-02 ماتتردتش بردو كويسه ومعايه وزى الفل ورده شمعه منوره
الموديل ده بيحسسك انك راكب جلف بنص التامن كركوبه وشكل وهوا افضل شكل للأبيزا فى رأي

واى استفسار اسأل

بالتوفيق

[إبراهيم المصرى]

31.5 وبالتوفيق والف مبروك مقدما ً وده حسب علمى والوحش فى القسم يعرفوا اكتر منى لانى عابر سبيل على القسم لكنى من المعجبين بهذه السيارة

[el diesel]

الحالات النوادر والنضيفة دى يوم ما هاتلاقيها تلاقى صاحبها بيقول اسعار فلكية ووقعت قصادى واحدة فى شبرا برة وجوة كان اول كلام 38 الف ومن غير عدة الصوت !!!!!
علشان معروف ان الموديل ده اغلب اللى راكبه شباب وهارى ام العربية وقليل منهم زى الناس المحترمة اللى هنا بتحافظ على العربية
انا قعدت بدور على واحدة 3 شهور لغاية ما زهقت وربنا كرمنى بالفا روميو اللى معايا

[fares_311]

السلام عليكم

ايبيزا 94 : لو فبريكه بره وجوه مانيوال تكيف سنتر زجاج كهربا سعر 40 الف وانت نازل(حاله نظيفه جدا)
ايبزيزا 94: حاله عاديه او متوسطه سعر حوالين ال32 الف +_5 الاف
ايبيزا 98: حاله ممتازه سعر 41 الف وانت نازل(حاله نظيفه جدا)
ايبيزا 00:السعر47 الف نازل لحد 40الف(برده بتكلم على الحاله النظيفه جدا وعارف ان السعر ده ممكن يكون عالي)

تقريبا دي متوسط الاسعار على قد ما اعرفها

[SYD]

اهلا بيك معانا في قسم سيات
زي ما الأخوة قالوا لحضرتك كدة علي اختيار عربية يكون ازاي
اهم معيار في الأختيار - الحالة ثم الحالة ثم الحالة

اما عن السعر فهو بيتراوح بين 25-30 بالنسبة لموديل 94
وانا ما انصحش تجيب حاجة فبريكة برة - الا لو مرفوعة وحالة الدهان نظيفة
لأن معني عربية من 94 لحد 2013 وفبريكة - يعني متبهدلة ومليانة خبطات وبرومة وصدأ
لكن اهم حاجة فبريكة جوة
لو لقيتها مسقطة مكنة - لو 1400 خير وبركة
لقيتها فبريكة - اكشف عليها وشوف حالة الموتور

اما عن قطع الغيار - فهي عادية مش مرهقة اوي
مقابل انك لو ركبت قطعة الغيار هتعيش معاك
ممكن التيل يكون غالي شوية - بس باقي قطع الغيار هتلاقيها عادية والأستيراد ماخلاش

وحتي لو قطعة الغيار اغلي من غيرها بحاجة بسيطة - مقابل اني راكب عربية بستمتع وانا سايقها

ربنا يوفقك ولو حابب تستفسر عن اي حاجة احنا تحت امرك
يشرفنا حضورك مقابلة القسم وتتعرف علي سيارات سيات والفروقات وازاي تشتري مستعمل

http://www.nilemotors.net/Nile/356424-2013.html

تحياتي

[ayach4]

شكرا لكل واحد رد عليا وانا فعلا استفدت من كلامكو وانشأالله انا بدور علي حاجة تكون نضيفة

[إبراهيم المصرى]

بالتوفيق ان شاء الله