عاوز اغير زيت ينضف الموتور

[nesr6060]

يا رجاله انا عاوز اغير زيت بس مش همشى بيه مشاوير كويله يعنى عاوز اغير زيت يكون 1000 كيلو وهغيره على 500
عاوز اعمل كدا علشان ينضف الموتور من الزيت القديم فياريت حد يقولى احط زيت ايه ويكون رخيص علشان اما مستخسر احط زيت شيل الاصفر الصراحه انضف بيه لان انا انا حاسس ان الموتور عاوز يتنضف من جوا فقولولى احط زيت ايه ميبقاش غالى علشان لو ملاقتشى هحط شيل الاصفر وهكبر دماغى

[mado83]

حط اى زيت رخيص مش مستاهله حيره يعنى
تعاون او مصر للبترول
اى حاجه رخيصه

[amdd]

كبر دماغك

[ehab_mansour]

للعلم .. اي زيت بتستخدمه من احد وظائفه انه ينضف المحرك من الداخل من الترسيبات الكربونية فمافيش داعي لمواضيع التنظيف بالزيت دي لأنها فلوس بتخسرها علي الفاضي
لو مصمم علي كده يبقي وقت ما هتغير الزيت تجيب engine flush و تتبع تعليمات و طريقة استخدامه اللي مكتوبه عليه و بعديها تنتزله مع الزيت و تحط زيت جديد و رغم اني مبحبش اي اضافات زي دي لأنها اوقات بتبقي خطر في استخدامها لكنك انت اللي عايز تنضف

نصيحتي الشخصية ... غير زيت عربيتك بالزيت المعتاد لك استخدامه و بس ولو حابب تنضف اكتر استخدم نوع زيت بدرجات اعلي هتحس بفرق كبير
انت بتنزل زيت عربيتك علي كام الف ؟

[Ahmed Amin]

صح حط engine flush عال زيت القديم قبل ما تنزلة وهتدور ر العريية شوية دقايق وتسييها واقفة هينضف هوا وهيا بياخد الوساخة معاه وهوا نازل. وقت غيار الزيت. ومتستعملوش كتير.
بعدين حط زيتك الجديد.

[Thebutcherr]

Engine flush و سعره مش هيعدى ال20 جندى

[ehabahmed0]

خد بالك ال engine flush محتاج يكون الموتور حالته كويسه لكن لو حالته لا الماده دي هاتشيل الكربون اللي حوالين البساتم وهتلاقي بعد كده دخان ازرق طالع من العربيه
خد بااااالك

[hossamalsadik]

أعمل الى قلك عليه LietoSR
,ونا عن نفسى جربته

[nesr6060]

انا كنت حاطت زيت شيل الاحمر 3000 من شهر تقريبا ومكملتش ال 2000 وحاسس ان الزيت عاوز يتغير لان العربيه حوالين الموتور طالع زيت خاصه من عند العمه من تحتها ولما جريت بالعربيه وقرصت عليها لمبه الزيت نورت واضطريت انى انزل منها علشان تبرد شويه علما بان اليوم ده العربيه كانت ماشيه من اصبح من الساعه 11 الصبح لغايه 6 بليل فى وسط البلد والدينا كانت حر والساعه 6 سافرنا على طول ومريحناش غير حوالى نص ساعه وكنا 4 اشخاص ولما قرصت على الموتور لمبه الزيت نورت وانا ماشى فاضطريت انى اقف وابرد الموتور غير كدا انا حاسس ان سحب العربيه بقى ضعيف علشان كدا قولت لو حطيت زيت تانى هيبوظ بسرعه زى ده مكملتش بيه ال 2000 كيلو وهو اصلا 3000 علشان كدا كنت عاوز انضف مكان الزيت ومعتقدشى ان الموتور حالته كويسه اوى يعنى علشان كدا مش عاوز احط اضافات