فرامل الأبيزا بتحجر

[Karim Ibiza]

رجالة سيات

كنت من حوالى 3 أسابيع مغير تيل وطنابير أمامى فى عربيتى وطبعا الأداء أختلف تماما فيما عدا حاجتين:
1- صفارة خفيفية مع الفرملة فى العجلة اليمين
انا عارف ان الصفارة دى بتكون سوء خامة التيل او تراب بين التيل والطنبور وبصراحة مكسل أفك وأنضف التيل

2- لما أحب أتشاقه شوية على طريق البحر سواء مع نفسى او بشد مع حد وأكون بجيب أخر كل نقلة واجى أكبس فرامل Lock ألاقى العربية بتهدى والبدال محجر والعجل مش عايز يكلبش
معنى كده ان فيه حاجة غلط فى دورة زيت الفرامل
هل السبب ممكن يكون من السيرفو انه بيسرب هواء؟؟؟

نراكم بعد الفاصل

[د.محمدعبدالعال]

معلشي مش فاهم المشكلة بالظبط ...يعني لما تيجي تدوس فرامل فجأة تلاقي الدواسة محجرة ومش راضية تدوس فرامل .. لكن لو دست بالراحة وبهدوء تفرمل عادي .. صح كده ولا ايه ؟؟

[Karim Ibiza]

معلشي مش فاهم المشكلة بالظبط ...يعني لما تيجي تدوس فرامل فجأة تلاقي الدواسة محجرة ومش راضية تدوس فرامل .. لكن لو دست بالراحة وبهدوء تفرمل عادي .. صح كده ولا ايه ؟؟

لما باجى ادوس فرامل فجأة عشان العجل يكلبش , بلاقى الدواسة محجرة وبتهدى بس لكن العجل مش بيكلبش

وده مش بيبان فى المشى العادى
لكن بيبان لما بكون بشد وبنقل كل نقلة على 6 rpm

الموضوع ده كان بيحصل معايا أيام ماكان معايا اللادا وتقريبا طلع المشكلة فى كاوتش المستر العمومى أو خرطوم فرامل مش فاكر الصراحة
وبرده كان بيبان مع الشد بس

[buddha]

Karim Ibiza
طبعا انا عارف انك فاهم المشاكل دي سببها اية بس انت عايز تشارك .... يا وحش انا متابعك

ماشى

صفارة الفرامل
---------------
بيكون التيل فىة شوائب نحاس هى ال تخلية يصفر

الفرامل مش بتكلبش
-----------------------
ممكن يكون نقص مستوى زيت الفرامل


بس فى حاجة كمان احترافية شوية
مع الاستخدام المستمر للفرامل طبعا بيكون فية مخلفات كربونية جزء منها يفضل يترسب ويتجمع على ال كاليبر
او بستم الفرامل


المفروض والصح عند تغيير تيل الفرامل يتفك ويتنضف كويس جدا بالجاز او بالبنزين وبعدين يشحم البستم
وبعدها يركب التيل ويركب الكاليبر

غير كدة منظومة الفرامل تبقى استجابة ضعيفة او ممكن انها تقفش من اقل لمسة فرامل او ممكن تحجر

وموضوع سحب الهواء من الفرامل لازم يكون على شكل حرف X يعنى خلفى فى امامى (يمين خلفى وشمال امامى)
وخلفى وامامى(شمال خلفى ويمين امامى)

[SYD]

مرحباً يا كريم والف حمدلله علي السلامة

بص يا صديقي
انت امتي اخر مرة غيرت زيت الفرامل بالكامل ؟؟؟ واخر مرة غسلت الدورة ؟؟
عيوب السيرفو معروفة - بس انا شاكك في حاجة تانية خالص
تشيك علي خراطيم الفاكيوم الجاية من المنافولد
واضح من كلامك ان مشكلتك مع الشد والجري !!
صح كدة ؟
فيبدو ان احد الخراطيم بيتسد ومش بيقدر ياخد كمية الهوا اللازمة لعمله
وبردو تشيك علي مساتر العجل الأمامية وفكها نظفها

والله المستعان
،
،

[aldesha989]

بتشد على البحر وانا اقول مين اللى بيجرى ورايا كل ما انزل اتمشى على البحر :D

انتا عندك abs ؟

[ehab_mansour]

انا مع كلام ابو السيد شوية و لكن الفكرة هنا ان الفاكيوم بيقل مع الشد لأن الموضوع لو موضوع خرطوم كان هيظهر باستمرار ومش هيروح و ييجي مع الشد

لكن ليه الفاكيوم بيقل رغم انه المفروض اساسا يزيد كلما زادت عدد اللفات و زادت سرعة الاحتراق ؟؟؟

مستنيين كريم باشا يقلنا التحجير بيحصل لحظيا بمعني انه حضرتك كنت بتشد و اول ما شيلت رجلك من علي البنزين و دوست فرامل تلاقيها محجرة ؟ طيب لو جربت في نفس اللحظة ترفع رجلك و تدوس تاني هتلاقيها برضه محجرة (علي ما يكون الار بي ام نزل للسلانسيه )؟

[Karim Ibiza]

Karim Ibiza
طبعا انا عارف انك فاهم المشاكل دي سببها اية بس انت عايز تشارك .... يا وحش انا متابعك

ماشى

صفارة الفرامل
---------------
بيكون التيل فىة شوائب نحاس هى ال تخلية يصفر

الفرامل مش بتكلبش
-----------------------
ممكن يكون نقص مستوى زيت الفرامل


بس فى حاجة كمان احترافية شوية
مع الاستخدام المستمر للفرامل طبعا بيكون فية مخلفات كربونية جزء منها يفضل يترسب ويتجمع على ال كاليبر
او بستم الفرامل


المفروض والصح عند تغيير تيل الفرامل يتفك ويتنضف كويس جدا بالجاز او بالبنزين وبعدين يشحم البستم
وبعدها يركب التيل ويركب الكاليبر

غير كدة منظومة الفرامل تبقى استجابة ضعيفة او ممكن انها تقفش من اقل لمسة فرامل او ممكن تحجر

وموضوع سحب الهواء من الفرامل لازم يكون على شكل حرف X يعنى خلفى فى امامى (يمين خلفى وشمال امامى)
وخلفى وامامى(شمال خلفى ويمين امامى)

هو انا دايما مفقوس كده

شكرًا لمرورك

[Karim Ibiza]

مرحباً يا كريم والف حمدلله علي السلامة

بص يا صديقي
انت امتي اخر مرة غيرت زيت الفرامل بالكامل ؟؟؟ واخر مرة غسلت الدورة ؟؟
عيوب السيرفو معروفة - بس انا شاكك في حاجة تانية خالص
تشيك علي خراطيم الفاكيوم الجاية من المنافولد
واضح من كلامك ان مشكلتك مع الشد والجري !!
صح كدة ؟
فيبدو ان احد الخراطيم بيتسد ومش بيقدر ياخد كمية الهوا اللازمة لعمله
وبردو تشيك علي مساتر العجل الأمامية وفكها نظفها

والله المستعان
،
،

مرحباً يا أخي

الزيت لسه جديد من ساعة ما عملت موضوع التسقيط يعني من 4 شهور

انا شاكك في حاجة وقولتلك عليها في التليفون بس مستني أتأكد

[Karim Ibiza]

بتشد على البحر وانا اقول مين اللى بيجرى ورايا كل ما انزل اتمشى على البحر :D

انتا عندك abs ؟

خلااااص كلها كام يوم ومش هنعرف نمشي عليه أصلا
الاحتلال قااااااادم

انا معنديش abs بس بفكر اركبه

بقولك ايه
ما تيجي http://www.nilemotors.net/Nile/35396...post3875011308

[Karim Ibiza]

انا مع كلام ابو السيد شوية و لكن الفكرة هنا ان الفاكيوم بيقل مع الشد لأن الموضوع لو موضوع خرطوم كان هيظهر باستمرار ومش هيروح و ييجي مع الشد

لكن ليه الفاكيوم بيقل رغم انه المفروض اساسا يزيد كلما زادت عدد اللفات و زادت سرعة الاحتراق ؟؟؟

مستنيين كريم باشا يقلنا التحجير بيحصل لحظيا بمعني انه حضرتك كنت بتشد و اول ما شيلت رجلك من علي البنزين و دوست فرامل تلاقيها محجرة ؟ طيب لو جربت في نفس اللحظة ترفع رجلك و تدوس تاني هتلاقيها برضه محجرة (علي ما يكون الار بي ام نزل للسلانسيه )؟

الموضوع بيبان مع ال rpm العالي
بس مجربتش أشيل رجلي واحطها تاني بس النتيجة معروفة أنها هتظبط بس المشكلة انك بتكون في موقف مينفعش تعمل فيه كده يعني مثلا مجمع 130 وطالع ومرة واحدة يظهر قدامك حاجة ولازم سرعتك تنزل 0 في ساعتها

فاكر خرطوم ال vacuum اللي كان مشقق اللي شوفته في المقابلة؟؟؟
انا شاكك فيه

[د.محمدعبدالعال]

الموضوع مش خراطيم مسدودة لأن لو خراطيم كانت هتحجر ويبقى كأنك دايس فرامل والعربية ماشية ولمبة الاستوب منورة على طول .. ده جلد ماستر عمومي وحش ومحتاج يتغير

[Karim Ibiza]

لما باجى ادوس فرامل فجأة عشان العجل يكلبش , بلاقى الدواسة محجرة وبتهدى بس لكن العجل مش بيكلبش

وده مش بيبان فى المشى العادى
لكن بيبان لما بكون بشد وبنقل كل نقلة على 6 rpm

الموضوع ده كان بيحصل معايا أيام ماكان معايا اللادا وتقريبا طلع المشكلة فى كاوتش المستر العمومى أو خرطوم فرامل مش فاكر الصراحة
وبرده كان بيبان مع الشد بس

الموضوع مش خراطيم مسدودة لأن لو خراطيم كانت هتحجر ويبقى كأنك دايس فرامل والعربية ماشية ولمبة الاستوب منورة على طول .. ده جلد ماستر عمومي وحش ومحتاج يتغير

ما أنا فعلا شاكك فيه وشاكك فى حاجة فى Vacuum Cycle بتسرب هواء

[hossamalsadik]

كيمو ازيك يا باشا

1- ممكن يكون خرطوم مش مسدود بس فيه عصره فقط بيخلى عند rbm العالى تدفق الزيت يتخنق فتحجر معاك الفرامل
2- او المستر عمومى زى مقال أ / buddha
ولوفى حاجه فى المساتر الفرعيه كانت سابت معاك بستمرار واطى وعالى وبقت خفيفه مش تحجر

والله أعلم

تحياتى