تقرير مقابلة قسم سيات & فولكس بالأسكندرية

[Karim Ibiza]

السلام عليكم ورحمة الله

لأول مرة فى المنتدى يتعمل مقابلة لقسم سيات فى الأسكندرية + لأول مرة تكون المقابلة لسيات وفولكس مع بعض برده فى الأسكندرية

كنا نتمنى حضور أعضاء القسم اللى من القاهرة بس الموضوع ده محتاج ترتيب وتنسيق لأن مقابلة فى اسكندرية يعنى بحر وسمك ومصيف وان شاء الله نرتب الموضوع فى مقابلتنا بتاعت الجمعة اللى جاية فى القاهرة

بما أن المقابلة الرسمية للقسم هتكون الجمعة اللى جاية فى 6 أكتوبر القاهرة http://www.nilemotors.net/Nile/356424-2013.html فكان الهدف من المقابلة دى كذا حاجة:
أولا: مش معقول نكون فى مدينة واحدة ومساحتها مش كبيرة زى القاهرة وبنكلم بعض على المنتدى ومنعرفش بعض لو اتقابلنا صدفة فى الطريق
ثانيا: التنسيق مع بعض عشان نشوف مين هيطلع مقابلة القاهرة وهنطلع ازاى
ثالثا: الناس اللى مش هتقدر تحضر مقابلات القاهرة حبينا نجيبلهم المقابلة لحد عندهم

أسماء الحضور وأنواع سياراتهم: (حسب أسبقية الحضور)

Mstfun محمد سمير - سيات ابيزا فرانى 2001 1.6SR
Karim Ibiza كريم ابيزا - سيات ابيزا سوداء 98 1.6AFT
hamada_elzayat محمد الزيات - فولكس بولو فوكس زرقاء 95 1.3ADX
bogyman123 أحمد مصطفى - سيات ابيزا فيرانى 94 1.3AAV
mido_antouhh محمد حسن - فولكس بولو فضى 2001 1.4 16V AUA

اليوم بدأ بأتصال من مصطفى شعلان dodgecharger بعد صلاة الجمعة بيعتذر عن حضوره من القاهرة لأنه كان مواعدنى انه جاى المقابلة بس ظروف شغل جدت وان شاء الله تتعوض

بعديها قابلت محمد سمير على الفيس بوك وبيأكد انه جاى
وبعدها استلمت مكالمة من حمادة الزيات وميدو بيأكدوا على المقابلة والميعاد والمكان

بصراحة الواحد مبسوط انه اتعرف على ناس محترمة وقضى وقت لطيف

وكعادة مقابلات قسم سيات اللى بتنفرد بيها عن باقى الأقسام وهى اننا لازم نشحم ايدينا
بصراحة حاولت أخلى ايدى تفضل نضيفة لأطول فترة ممكنة بس للأسف هى نص ساعة وكانت لون القميص

أسيبكم مع الصور:

المنظر من مكان المقابلة (احنا كنا واقفين فى حتة أعلى من مستوى الطريق وده يخليك تكشف معظم طريق الكورنيش من فوق + منظر البحر + منظر الغروب) يعنى كان فاضلنا شجرة و 2 عصير ليمون



الأسماء بالترتيب من اليسار:
أحمد مصطفى
حماده الزيات
كريم ابيزا
محمد سمير
ميدو



لقطة من الجهة المعاكسة بعكس الترتيب السابق



صورة عن قرب لأن الوشوش مكانتش باينة فى الصور اللى فاتت (بنفس الترتيب الأول)



أحب أشكر حماده الزيات على دور الحاجة الساقعة (بصراحة جت فى وقتها لأن الجو فظيع) وأقوله مش كنت تجيب معاهم سندوتشين

فى النهاية أحب أقول انى اتبسط بمعرفة الناس دى ولو شفتهم على طريق البحر مش هسيبهم

وكل مقابلة وأنتم بخير

[Mstfun]

بصراحه كانوا ساعتين جامدين جدا....

انا مبسوط اني اتعرفت على رجاله محترمه زيكم وربنا يديم الود والمعروف بينا \

وللاسف ماحدش جالنا من القاهره مع اننا كنا هانظبطووه

وتكرر كل فتره ان شاء الله

[warfighter2114]

كنت اتمنى اكون معاكم ولكن الظروف وبأذن الله المره القادمه

[S O P H O S]

ربنا يديم الود والمقابلات تزيد ..

[SYD]

الله علي اسكندرية ورجالة نايل موتورز في اسكندرية
بس معقولة 3 صور بس ؟؟؟
فين الفضايح ؟؟!!!

منتظريكم كلكم في مقابلة القاهرة ان شاء الله الأسبوع الجاي

http://www.nilemotors.net/Nile/356424-2013.html

شكراً يا كريم علي المبادرة الحلوة دي منك - وعلي التقرير
والله كنت هتصل بيكم النهاردة الساعة 6 عشان اسلم عليكم واحد واحد بس للأسف كان عندي شغل النهاردة جامد جداً جالي فجأة ومكنتش عامل حسابي خالص عليه - ولما خلصت كانت الساعة 11:00 بليل :-(

منتظرين الشباب كلها يا كيمو الجمعة الجاية - دي مهمتك
ان شالله تخطفهم من بيوتهم

تحياتي للجميع

[bogyman123]

الله كان يوم جامد جدا وياريت المرة اللى جاية نكون اكتر

[hossamalsadik]

ايه الجمال ده ربنا يديم الود و المحبه
موضوع رائع وراه تنسيق ومجهود
أنتا كدا ليك الأسبقيه التاريخيه فى منتدى نيل موتورز وفى القسم فى تنسيق المقابله ديه
بمدينة الأسكندريه
ربنا يكرمك ياكريم باشا ومشكور على التقرير الرائع والمبادره الطيبه

تحياتى لك ولكل الى معاك

[ehab_mansour]

ما شاء الله يا كيمو ربنا يباركلك علي التنسيق و منتظرين نشوف الجميع في المقابلة القادمة ان شاء الله

[hamada_elzayat]

بصراحه كان وقت جميل مع ناس حلوه وان شاء الله يتكرر تانى كتير قريب

والمره الجايه بقى نتقابل ونطلع سوا مارينا

[abaza2107]

ما شاء الله يا رجاله اسكندريه ومنتظرينكوا في القاهره بأذن الله في المقابله
الله ينور عليك يا كريم ودائما في تقدم وبعدين فين باقي الصور عايزين نشوف الشحم والزيت الى قولت عليه ومتنساش تجيب معاك عفريته وانت جاي ولا اوصيلك على وحده معايا

[Karim Ibiza]

ما شاء الله يا رجاله اسكندريه ومنتظرينكوا في القاهره بأذن الله في المقابله
الله ينور عليك يا كريم ودائما في تقدم وبعدين فين باقي الصور عايزين نشوف الشحم والزيت الى قولت عليه ومتنساش تجيب معاك عفريته وانت جاي ولا اوصيلك على وحده معايا

انت فين ياراجل مختفى ليه!!!!
انا معيش رقمك والله عشان اطمن عليك

بالنسبة لموضوع الشحم مهما كان مش هيكون زى الاصابات اللى حصلت فى القابلة اللى فاتت عندكم

وعوما ان شاء الله الجمعة اللى جاية هعمل حسابى

[mahmoud ghanem]

مشاء الله والله حاجة تفرح يا كريم .. ومجهود وتنسيق رائع وربنا يديم الود والمحبة والألفة بين الجميع .

فين الشحم والذى منه ؟؟؟ فى انتظار باقى التقرير

وربنا يديم المحبة بينا يارب وفى انتظاركم فى القاهرة ان شاء الله

[egman]

الله عليك يا كيمو وعلى اهل اسكندرية وعلى جو اسكندرية بس برده مش هى ده الصور الى احنا عايزنها هههههههههه فين باقى الصور يا باشا زي ما ابو السييد قالك ...................

[dodgecharger]

منتهي الروعة ياكيمو كان نفسي ابقي معاكوا

[love increaser]

وربنا مليش دعوه

وربنا مليش دعوه انا لازم أحضر مقابلة القاهره دى
كيمو انا عبراشق فى الليله دى :d
بس عرفونى إمتى وفين ونظام تسليم البضاعه إيه ؟ هههههههه
لأ بجد عرفونى فين فى 6 أكتوبر وإمتى
انا كده كده المفروض أستلم العربيه خلاص بكره أو بعده بالكتير :)